三小漁

『三個死黨去試三小漁』，兄弟生日飯，其中一位兄弟特意推介，要到觀塘吃好東西，果然好介紹🤭 工廠區落戶，大排檔價錢，私房菜質素。門口有隻巨型招財加菲貓歡迎你。店內裝修雖不是金碧輝煌哪一種，但裝潢寬敞企理，再帶點性格。訂了位，安排坐位前於中庭Bar枱等，還有《自家製薏米水》招待， 男士可去濕女士燒水腫，味道清甜得來不會太膩，後來問問經理， 原來定期都會換不同的特飲，全部自家煲制。《川味脆牛腩》 上枱已經聞到辣椒香味，牛腩被薄薄的粉漿包圍，外香脆惹味，內牛腩非常冧，牛肉味亦夠濃，但個人來說牛腩用碎腩太瘦，我喜歡肥一點或用牛展可能效果會更佳。《十年陳皮魚蓉羹》 「十年人事就幾翻身，原來十年陳皮可以煲魚蓉羹」， 獻頭控制剛好，十年陳皮香味 直情畫龍點睛，既不會蓋過魚蓉羹的香味並可掩蓋魚腥， 這個出品簡直係［酒店級數］。《脆皮風沙雞》外皮脆肉質嫩， 師傅斬雞並把正胸肉起出切出羽毛花紋，炸香風沙蒜蓉伴碟旁並跟酸甜燒雞醬， 一些你在家裏就算懂怎麼煮，都不會煮的餸菜。(花太多油太多功夫）《冰鎮鮮菠蘿咕嚕肉》 外冰內火、酸甜平均、 咕嚕肉炸得香脆、鮮菠蘿多汁、矛盾的飲食體驗，加上有如藝術品一樣嘅視覺衝擊， 另外一提冰鎮底加了梳架，不會因冰融化的水影響咕嚕肉的味道。［必吃之選］《啫啫爽肉白菜花》 啫啫煲夠熱夠乾身，豬頸肉爽口😋😋😋《邪惡豬油撈飯》 調教過的豉油加豬油，其實就咁送白飯已經很好味，但膽固醇高嘅朋友，就唔好食太多了🤭本來三兄弟share一個， 最後都唔夠要叫多碗。《口水西瓜》 朋友係常客， 疑似老細嘅經理請試食，上碟時用青瓜挑上龍頭龍尾，視覺已經令你震撼，吃落去口水汁非常好味，但又不失西瓜裏面清甜嘅汁，估唔到咁夾。《桃膠燉菊花豆腐》 一個甜品就證明了廚房師傅嘅刀工厲害之處，把豆腐切成幼絲，只要稍有差池豆腐就報銷。👍🏼👍🏼PS. 好食的中式小菜，是要形、式、香、味俱全， 已很久沒有一些菜館，可以給你感受到他們對食物的誠意，並非一些只用上好奢華食材，很誇張之配搭或煮法，令到你覺得好高貴，反而是…『簡單的事用心做』～～～～～～～～～～～～～～～～～～～～～～～食物賣相＝(滿分20) 19食物味道＝(滿分20) 18服務質素＝(滿分20) 18裝修整潔＝(滿分20) 16性價比率＝(滿分10) 7回頭指數＝(滿分10) 9總評分 ＝(滿分100) 87分…查看更多

再次到訪觀塘的朋友，再去同一間餐館，餐館佈置簡約舒適，設有卡座及大堂座位，還有貴賓房。已經是到訪過多次，新張期內電話訂位的八八折優惠已經完結，不過仍有九五折，而且沒有其他雜項及加一服務費等「下欄」，所以相當抵食，值得一再到來。因為在朋友公司附近，所以訂了位置後，我們六時半已經來到，趁人客還未算多，可以先點菜。雖然來過多次，差不多每次到來我們都會點不同的菜色試試。茶方面我們之前已經試過陳皮普洱及桂花烏龍都不錯，今次我們就來過瑰麗堂煌 ($12)，就是飲到再加了水，仍然飄逸著玫瑰花的清香。小食就點了陳醋黑琥珀木耳 ($48)，之前都未試過這種黑琥珀木耳，與一般的雲耳、木耳不同，它是呈繡球狀的，而且可能經過冷泡關係，黑琥珀木耳十分爽脆，口感一流，以陳醋及略帶點微辣相襯，非常醒胃。砵仔蒸絲苗白飯 ($12)，份量很多，一般已經足可供二人食量。其中一樣主食是山葯蝦球雪裏紅 ($168)，山葯切成椎形，有點像竹筍的形狀；雪裏紅經過走油，有些像潮式的川椒葉，不鹹而香脆可口。主角的蝦球大隻鮮美，肉質爽口，加上配料如紅椒及香芹等，略帶微辣，鑊氣十足，有水準之作。另一主食是椒鹽骨 ($98)，排骨炸得通透，以很多的蒜蓉來爆得十分之香，但內裏仍鎖住肉汁，做到皮香肉滑。之前都試過話梅骨，不過椒鹽骨比想像中辣得多。朋友還點了個甜品桃膠燉菊花豆腐 ($48)，非常特別。糖水內有菊花帶來清香，而桃膠已經燉得很腍，很有口感，豆腐上面則放了一粒杞子作點綴。最特別的在於那豆腐，豆腐裁成圓柱形，下半截保持圓滑，但上半截卻切開成很多很幼的條狀，刀功細膩，果然厲害。糖水不會太甜，但那豆腐卻使我不期然多拍了幾張照片。試過不同的菜色，覺得大廚的廚藝甚具水準。…查看更多

又到星期五放lunch 夠鐘拉我阿姐去食好西 今次呢度舒服😌得黎 又有麻甩小炒食 仲有甜品🍮 抵食得黎 又擺得上大枱••😋桃膠燉菊花🌼豆腐（$48）第☝🏻位介紹 唔係因為佢最和味 係因為呢款甜品好特別 一上菜就俾佢舊雕曬花🔪嘅豆腐吸精 呢碗切到髮絲咁幼嘅豆腐叫文思豆腐 係乾隆御用名菜 呢個價錢 講功夫 兼打卡 已經值曬✨✨••😋菠蘿🍍咕嚕肉（$55 - 連白飯+養生飲品）本身見佢有個冰鎮鮮菠蘿咕嚕肉 但lunch set咁平唔好揀 照殺！不過佢無令我失望🔥🔥佢啲菠蘿🍍好鮮甜 但絕對唔係罐頭糖水個種甜 係靚菠蘿黎 粒肉個水晶🔮皮唔太厚 唔痴牙 但係好脆🤤🤤再咬落去 啲豬肉無骨 實淨得黎又唔韌完美☺️☺️••😋椒鹽豬扒🐽（$50 - 連白飯+養生飲品）可惜小妹好唔食得辣 如果唔係都會幾鐘意呢道小炒 個豬扒幾香脆 我阿姐好怕食生洋蔥🧅但佢啲洋蔥🧅炒得唔辣得黎又爽脆 睇黎師傅個火喉控制得唔錯…查看更多

都有好一段時間冇食中菜喇，呢一日突然心血來潮，諗起如果可以同朋友食番餐中菜就好喇，話曬都系不嬲同長輩食多，同朋友食就真系少之有少。最近聽聞有間叫三小漁嘅食店，開喺電訊一代廣場嗰度，之前去過嗰個商場嘅一間食店食嘢，感覺都唔錯，咁啱三小漁就開係呢間食店隔離，而且又近地鐵站，位置方便，決定去試試。餐牌嘅分類未算十分仔細，有分為小食、主食類，不過再仔細啲嘅可以分為海鮮類、雞肉類等等，咁樣客人會更易睇。裡面嘅環境比我想像中靚，深藍色嘅枱同埋櫈比人感覺都好華麗，仲有地板嘅圖案、成個佈局比我感覺都好舒服。卡位比起一般嘅枱同櫈靚，戈日撞吾啱坐吾到靚靚嘅卡位所以希望食物可以彌補番我小小嘅遺憾。估吾到首先黎嘅會系蠔餅，蠔餅嘅份量真系嚇親我了，真系好大份！炸粉嘅數量固然多，而且脆卜卜。去到入面嘅精粹，系蠔仔呀，試過食出面戈啲蠔餅，蠔嘅份量真系吾多，反而炸粉仲多，感覺被騙反而呢度啲蠔仔真系好多，而且冇腥味，好新鮮呀。然後前菜系話梅淮山，外型都幾得意，砌到好似層層疊咁，令我諗起以前玩層層疊戈層好動魄驚心🤣講番味道先，開頭都冇預計到淮山會好好食，不過食落又覺得幾脆身，帶點爽口嘅感覺好不錯平時多數都系飲湯先食到淮山，就咁食真系好少。跟住叫咗款話梅骨，叫呢道菜式系因為平時真系好少機會可以食到呢道菜，話梅骨呢道菜就咁聽落好似好怪，實際上又吾會喎。首先講講外型，個人認為佢嘅外型好似金沙骨。食落去同樣系甜甜哋，不過比人感覺吾會太甜，食得出有好濃嘅話梅味，話系骨，但系又吾會得好少肉，豬肉質感實在。感覺上好似每次食中菜都一定會有雞食咁🤣今次都吾例外，系脆皮風沙雞。個樣整得非常靚仔，表皮上可以睇得出好明顯嘅光澤，用呢種器皿盛載比人感覺都高級啲，不過都有一個缺點就系未能好好咁盛載整份食物。金沙雞嘅外皮果然系好脆，油膩嘅程度還好，中菜多數都好難做到吾油膩，雞肉非常嫩滑。最後嘅菜式系甜品，桃膠燉菊花豆腐，呢度嘅豆腐就好似吾知邊度嘅菜式咁，可以切成一條條切絲咁，真系非常治癮桃膠都系時下好多女性好中意嘅糖水配料，好味得黎又有養顏作用。成個糖水吾會話好甜，反而淡淡哋嘅清甜喺糖水黎講其實系最好架。…查看更多

三小漁係觀塘一間新開嘅新派中菜廳，朋友食過話佢好食我黎荐式亦特別，而且環境闊落坐得舒服，所以母親節就黎哩度慶祝。三小漁走定價中檔路線，小食、小菜、海鮮同飯麵都有，款式幾特別。自家製紅棗桂圓茶($18)天氣熱想飲凍野又唔想飲汽水，就叫左杯紅棗桂圓茶，好大杯，係成杯放落雪櫃雪凍冇加冰，所以飲落去唔會過太冰凍，唔會太甜，紅棗補血啱晒女仔飲。陳醋黑琥珀木耳($48)哩度嘅木耳比平時食倒嘅厚身厚身同爽口，加埋陳醋嘅醋酸味，非常開胃。脆皮風沙雞半隻($128)風沙雞雞皮又薄又脆，雞肉唔會煮得太熟，近骨位仲有少少血水，肉質特別滑。雖然風沙雞上枱有跟甜酸醬，但本身鹹鹹地已經好夠味，個人覺得唔蘸甜酸醬仲好食。蠔仔肉碎浸時蔬($88)莧菜上面有好多肉碎、豆卜同蠔仔，莧菜唔會太老，蠔仔有睇頭夠嫩滑，上湯清清地已經好好味。桃膠燉菊花豆腐($48)桃膠養顏，可以話係平民燕窩，加埋切成狀嘅豆腐，睇得又食得。總結，食物水準高，菜式特別，價錢亦合理，限聚令放寬左可以同家人朋友黎食返餐。…查看更多

政府採取抗肺炎措施, 禁止多於4人既聚會, 但長輩生日, 佢又困係屋企多月, 今晚就同佢兩口子外出食餐飯, 速去速回。從同事口中得知觀塘開左一間新粵菜小店, 好奇之下就去一試。餐廳座位闊落, 主要以卡位為主, 坐得舒服。裝修環境對比一般傳統粵菜酒樓大大不同, 粵菜款式唔多, 大部分為手工菜, 而部份款式為預訂菜式, 【冰鎮新鮮菠蘿咕嚕肉】HK$148賣相吸引, 以冰粒墊底, 中心位為可食用既硬糖膠, 無骨咕嚕肉炸皮好薄, 外皮平均沾上甜酸汁, 肉質爽嫩, 配上冰涼菠蘿肉, 美味又開胃!【艇家醬香炒大蜆】HK$128每隻蜆都很大隻, size有如湯匙一樣大, 每隻蜆都洗得乾淨冇沙, 蒜頭、豆豉、辣椒一齊炒起, 有穫氣, 食落更加惹味。【桃膠燉菊花豆腐】HK$48粵菜中既甜品, 就是看出師傅的刀工。豆腐被削得幼細, 躺著有如菊花般盛放, 清甜糖水暖暖地, 唔會太甜, 夠清潤餐廳新開業, 不設茶芥、前菜、加一, 更加抵食!  …查看更多