三小漁

營業中

休息中

公司附近有間中菜館三小漁, 平時lunch 見都好多人, 好想試下, 所以今晚同朋友來食晚飯,可以慢慢品嚐,叫了一壺桂花烏龍 - $12, 甘甜甘香, 頭盤叫了黑磚豆腐件拼鴛鴦雞凍 - $60, 黑磚豆腐外脆內軟,脆漿都有味，外形獨特, 面也灑了炸蒜,好香脆, 中間豆腐好滑, 另外還有兩磚雞凍, 雞味好鮮甜, 下層雞肉嫩滑, 上層係雞湯味, 製法好新穎, 另一道是話梅骨$98, 望到已垂涎欲滴, 因面有柚子皮絲, 加埋幾粒話梅, 望到都感到酸味撲鼻, 食落一字骨, 味道酸甜, 好開胃, 肉質有嚼口, 醬汁夠多好餸飯, 即叫了個飯, 估唔到用了砵仔上的,係蒸絲苗白飯 $12主菜, 叫了沸騰魚 $168, 成盤充滿辣椒, 望落好似好辣咁, 我平時食到微辣, 但其實都食到, 又可接受, 因好惹味, 魚片好嫩好滑, 有濃濃的花椒香味。最後叫埋甜品, 桃膠焦糖燉蛋 $58/個, 桃膠滋潤養顏, 焦糖脆口, 燉蛋都好滑, 有蛋香, 唔會好稀, 好味呀。

觀塘特色中菜，響東廣場對面叫三小漁，見餐牌有好多菜色選擇，飲品都有好多選擇, 熱的可叫一壺茶, 凍的又可叫滋潤養生飲品，見有洛神酸梅茶，我地叫了桂花烏龍，飲落潤喉，頭盤叫了黑磚豆腐件拼鴛鴦雞凍,賣相好靚, 似西餐, 未試過雞肉可變成一粒骰子,味道又鮮甜, 黑磚豆腐, 香脆外皮, 中間嫩滑, 菜叫了一煲啫啫生菜, 用砂煲上, 有鑊氣, 味道惹味。肉類方面, 叫了話梅骨$98, 平時多食咕嚕肉,沙拉骨, 估唔到有話梅骨咁特別,而且好醒胃。主菜, 叫了沸騰魚 $168, 好像水煮魚, 佈滿辣椒, 魚片都多, 口感好滑,我喜愛食麻辣，辣得來，有好香的花椒油味。叫左兩個砵仔白飯餸。

同朋友一齊到觀塘食飯搵咗好耐終於搵到一間大家都有興趣既餐廳鴛鴦雞凍拼豆腐💰60雞肉細滑 有種唔係食緊雞既感覺豆腐炸的外層酥脆內裏嫩滑，好有驚喜魚湯大龍躉💰238龍躉肉就唔使講啦，啖啖魚肉加上個魚湯，好膠質送飯一流！！！蓮藕蜜椒骨💰108蓮藕片炸到酥脆，外層的糖衣好味再加埋白芝麻密椒骨內裏juicy，外層糖衣！讚啫啫通菜💰78呢個菜炒得好有鑊氣食左咁多肉，一定要點個菜可以一試成餐飯落黎朋友都好滿意

話說訂左枱19號同屋企人食飯，Whatsapp訂座好方便，但因為家庭聚餐有老有嫩，唔想食圍餐問佢拎Main menu想訂定野食，可能涉及商業機密，所以佢答我「來到就有」，我知道，來到餐廳就有，最後我要上openrice先睇到呢間餐廳既menu，咁我訂左野食之後有人confirm收到訂野，之後我驚點得太多，減左幾道菜，WhatsApp 無人理我，直到打俾我confirm 18號booking, 留意返，我係訂19號，好彩有WhatsApp記錄，之後Whatsapp再confirm booking 我再同佢講減左菜，唔理我，繼續唔理，ok。用餐當日，前所未有既用餐體驗，12個人分2張枱，我知道既，政府規定無辦法，枱好逼我明白，因為個個都做節，我都好明白，但你要我屋企人坐圓櫈，你可唔可以同我講聲？老實講，出街食就係想舒舒服服，但呢個突然既安排，在情在理你係唔係要同我講聲？咁好啦，叫極都冇人理你，咁我地自己換返正常櫈，個侍應好好，印左張上菜紙俾我睇我Order左d咩，但我當日減菜既要求係無人理，要落左咁多既野食，算啦，真係算啦，果刻我淨係想快食快走，因為安排真係差到形容唔到，叫起菜，頭盤黑磚豆

今日第一去尼度食，兩個人食左三款1.冰火咕嚕肉，第一次食又冷又熱既咕嚕肉，口感好新奇，份量足，賣相都好得意，仲令我想起食神既一幕⋯⋯哈哈。2.風沙脆皮雞，香口皮夠脆，肉嫩有肉汁。3.水煮小龍躉，魚夠新鮮大小剛好，骨少肉大大塊，魚肉夠大塊關係，個人覺得口感比淡水魚更好。兩杯自家制飲品，唔會太甜，Ok正常味有水煮魚，所以加左一個白飯，份量夠曬我地兩個人。兩個人500蚊多D，食到飽曬，性價比好，味道水準以上，賣相都有驚喜

第一次去食，整體食物質素很高，海鮮好新鮮，水平拍得住其他富豪飯堂，食完今次已經好想再搵日食多次。眼見當日餐廳有間包廂房有好多人食，其他枱普遍會開酒飲，似乎幾多有錢人嘅熟客。首先想講下服務，其實啲侍應都幾有禮貌，但漏單情況頗嚴重，叫個炒飯同甜品都漏咗兩次單，等得耐咗。特別推介冰鎮咕嚕肉同黑磚豆腐，不愧為該店名菜，鮑魚好惹味，呑拿魚炒飯都好夠鑊氣（炒飯無影相）👍🏻✅但係個脆米煎日本帶子就一般般，個日式芥末醬好濃化學味，掩蓋晒帶子鮮味，可以唔洗叫🥲

見有咁多好評，喺附近做完嘢就去試吓。叫咗三個餸，其餘兩個其實都OK，不過個牛腩片炸完就有啲乾…但一見到個蠔餅真心失望,因為全部都係炸粉漿同埋炸蔥碎。搵咗勁耐，成疊野數埋唔夠10粒手指尾指甲咁細嘅蠔仔，覺得個師傅好勁，冇餡嘅嘢都可以整到咁大碟🙈真係食到嬲！未食前個樣:食完後個樣都仲係咁大碟， 因為根本全部都係炸蔥同炸粉漿，根本超級極度勁少蠔肉最好食係個菜牛腩片味都OK但係乾

之前經過見到門口有大大隻加菲貓，🤣🤣🤣覺得超級可愛，所以今次為咗隻貓，決定入去試一試啲嘢食❣️❣️❣️❣️❣️❣️酸菜魚，啲酸菜好夠味，超級濃郁，但係又唔會太酸，食落去啱啱好🤤🤤🤤啲魚好新鮮，冇咩魚骨，而且啲肉質好嫩一啲都唔老，啲湯煮完之後超級鮮甜，完全冇腥味，一開頭都驚個湯有腥味，點知食落去勁清甜，淨係個湯都可以送一碗飯😘😘😘桂花豆腐，佢嘅豆腐全部都係人手雕花出嚟，😚😚仲要食落去有淡淡清甜嘅桂花味，唔會過甜，作為飯後甜品真係一流🤪🤪🤪

咁啱喺觀塘收工，之前聽同事介紹過呢間餐廳，所以就同朋友入去試吓陳醋木耳，佢個味超特別，陳醋帶點甜，食落去勁開胃，木耳好新鮮，估唔到咁好食😋😋😋😋自己一個都差唔多食咗半碟蒜泥白肉，佢上面鋪勁多蒜，佢個蒜有少少甜味，啲肉食落去一啲都唔油膩，🤩🤩🤩🤩勁好味一口牛，佢嘅肉好淋，熟嘅程度啱啱好🥰🥰🥰完全冇雪味，🤩🤩配嘅醬汁好特別，食落勁香油脂味，正！！！焦糖燉蛋，重蛋味，上面嘅焦糖脆卜卜😛😛😛唔會過甜，好味

搵到間雖然係隱藏左係工業區, 不過都好多人既中菜, 最好BOOK左位先就唔駛等啦!!十年陳皮魚羹 ($68/ 碗, 一人份量)❤️❤️❤️❤️魚羹裡面所有配料都切到好細, 味道清淡之餘其實飲到好鮮既味, 每樣材料味道口感都有配搭過, 好耐冇食過咁細緻既湯羹~~青麻牛柳粒 ($168)❤️❤️❤️❤️❤️就咁睇冇乜特別, 不過個汁真係好好食!!!唔辣既, 不過做到好麻個種感覺, 牛柳粒本身都好嫩。有個同事同我地講, 師傅本身對飲食好講究, 本來要用和牛做呢個餸, 不過又有其他人覺得, 和牛食好食, 不過價錢冇咁平民, 最終就有我依家食緊呢個版本啦~~知道餐廳背後既小故事都好得意~~桃膠燉菊花豆腐 ($48)❤️❤️❤️❤️呢個係電視見過, 估唔到呢到都食到, 好靚呀, 其實個豆腐冇味, 不過見到都賞心悅目, 桃膠底既糖水食完皮膚動L動L~~!

估唔到想隨意揀間中菜食下, 都揀中一間咁精緻既~店裡面所有人都好樂意同我地介紹MENU睇下我地有咩需要~~好體貼!烟燻糖心蛋 ($18/ 半隻)依家好多餐廳既糖心蛋都做得好出色, 所以配料做法就變得好關鍵, 呢個有微微烟燻香都幾夾重要可以按人頭叫, 一人一粒唔駛爭!!黑磚豆腐 ($18/ 件)呢個必食呀!!  其實面頭黑色係冇味道既, 不過一D都唔粉, 非常脆好香口,配埋裡面超滑既豆腐, 口感好特別, 好想再食!!自家制南瓜汁菠菜豆腐煲 ($88)素食, 裡面既豆腐係有D似魚肉豆腐同玉子豆腐中間。一開始覺我淨係個豆腐都好好食, 南瓜汁反而唔太出, 冇乜需要後來我發現….我錯了!!  個南瓜汁撈飯超級好食!!, 點解可以有個小菜由個汁到裡面主角都咁好食, 重點係食晒成煲都好健康唔怕肥! 好正呀~~

我係3個禮拜內去左3次，好抵食！🤪店員安排左個大卡位比我地3個，坐得好舒服。餐牌有好多餸都好吸引，所以3個人嗌左6個餸😳【冰鎮新鮮菠蘿咕嚕肉 • $148】(8.5/10)呢個咕嚕肉我諗係餐廳既主打，每次黎我都會叫😎顏色夠晒鮮豔搶眼，冰鎮令到d肉更加香脆爽口！【金銀蒜粉絲蒸聖子皇 • 時價 - $68/位】(8.5/10)聖子王唔係次次都有貨，有貨我一定叫！可以揀黑蒜/金銀蒜蒸，兩個都好食，但黑蒜會更加香🤔隻聖子好大，粉絲同蒜都好多，完全覆蓋成隻聖子，性價比好高！【脆米煎日本元貝王 • $68/位】(7.5/10)本身諗住叫蒸元貝，但點知無晒，見店員推薦，就試下呢個脆米煎日本元貝王。隻元貝有拳頭咁大，煎到金黃香口，配埋脆米好爽口，個配搭比起想像中好。【黑磚豆腐 • $18/件】(8/10)呢個黑磚豆腐係金磚豆腐d friend，不過都係我食過咁多間金磚豆腐個皮最脆舊豆腐最滑既一間，每次黎都一定要嗌！另外仲叫左【青麻牛柳粒 • $168】同埋【脆皮乳鴿 • $72/隻】，乳鴿好出色呀喂👍🏻青麻牛柳粒就今次失色過第1次食，但都好好食，外面煎到香脆可口，入面就仲有好多肉汁唔會乾，不過呢個就o

覓食團隊今個星期四來到觀塘。拜訪了三小漁。前菜先每人一件黑磚豆腐， $18 一件。我和另一半都很喜歡這個脆皮，口感好特別！但友人不喜歡，覺得一啲都唔脆。調味響個脆皮度，豆腐就冇乜味，要一齊食。試咗兩款湯，分別係十年陳皮魚茸羹，同埋烏雞燉花膠（後者冇影相）。魚羹胡椒過多，變得太辣，烏雞湯仲搞笑，話明係烏雞，係咪覺得應該只用烏雞煲呢？點知只見到普通雞，叫侍應嚟問個究竟，佢畢左幾下，搵到一件好細嘅黑皮嘅雞骨，佢話呢個係烏雞啊！算係㗎啦！佢見我哋四對眼望住佢，俾咗個：「咁都得！」嘅眼神佢之後，話換過份俾我哋。但再出嚟只係加多一件大一些的烏雞。原來係佢哋嘅字典裏面，「烏雞湯」，等於有用烏雞，唔係只用烏雞😒😒⋯⋯叫了一條細龍躉，個湯好好飲！仲好飲過個魚羹！加埋啲米通脆脆更香口！都幾抵食，魚好新鮮，肉質嫩滑。話梅骨肉質都幾好，雖然味道酸微微，唔講都唔知用咗話梅…..呢份棗茸糕不太甜👍🏻，可惜欠缺紅棗香味，有待改善。之前唔知原來有呢個優惠，大家可以留意番！

朋友說他公司附近有間酸菜魚挺特別的，叫我可以試一下，感覺很久沒吃酸菜魚了，就馬上找朋友來吃一下！蓮藕片拼鴛鴦雞凍（７２元）這個挺特別的一款前菜！蓮藕片炸得非常香脆，再以有點像拔絲的手法來裹上糖漿，吃起來甜甜脆脆的，非常開胃！而鴛鴦雞凍吃起來入口即化，雞肉嫩滑，雞味濃郁，再配以辣醬增添了麻辣的味道！魚湯鮮辣大龍躉（細）（２３８元）這個跟你平常吃到的酸菜魚的味道有很大差別，應該算是這裡的特色吧！這裡的吃起來魚味會重很多，酸味較少，可以慢慢吃出魚的鮮味！而魚肉方面，吃起來非常嫩滑，鮮味十足！而其他配料還有薯粉，菇類等，挺豐富的！話梅骨（９８元）這個吃起來酸甜可口，不會甜得發膩，酸度也剛好中和了金沙骨的油膩感，而金沙骨吃起來肉汁也挺多的，整個拿來拌飯就一流了！胡椒魚肚芥菜煲（１２８元）魚肚經過油炸後會變得非常鬆軟，而且也會變得非常吸湯，所以魚肚吸飽了胡椒上湯後，吃起來特別多汁，而且挺嫩滑的！而芥菜吃起來也帶有上湯的甜，但也會吃出本身的苦味，看個人喜好！自家製棗茸糕４件（４８元）一開始我還以為這個是冷吃的，但來到才發現原來是熱的，還是剛蒸好的，真的非常意外！這個吃起來紅棗味非常濃，而且軟軟糯糯的

跟同事下班於觀塘工業區附近用餐，這裡非常鄰近駱駝漆和觀塘中心，價錢划算，且不用等那長長人龍的升降機。蓮藕片拼鴛鴦雞凍 - $72一片片薄薄的蓮藕片被糖包著，加上少許白芝麻，口感酥脆。雞凍柔軟細嫩，有點四川麻辣醬好惹味。魚湯鮮辣大龍躉 - $238真材實料的魚湯好鮮甜，龍躉肉質特別軟中帶爽，魚皮的膠質也特別豐富，切成一片片略帶少許魚刺。還有不少酸菜等其他配菜，味道酸酸甜甜，麻麻辣辣。話梅骨 - $98一字骨鬆化香口，不會太韌。充滿話梅那種天然的甜中帶酸和果香味，再加上少許柚子皮絲，增添清香感。胡椒魚肚芥菜煲 - $128一片片厚身的魚肚吸汁能力極高，爽口之餘，又有彈性，那胡椒湯濃郁而鮮。完全不覺芥菜那天然苦味，入口變得柔軟。自家制棗茸糕 - $48即叫即蒸，連碟也是熱的。棗茸糕的感覺好柔韌，入口煙韌不黏牙，充滿濃烈紅棗香甜味。砵仔蒸絲苗白飯 - $12桂花烏龍 - $12有烏龍的獨特甘潤，又有桂花的濃烈，頗特別，香氣持久悠揚。