三小漁

營業中

休息中

老公同我在觀塘食飯，見到 呢度幾多人排隊， 尤以海鮮為主打， 工廠區都比較少見， 位置都算闊落。 因為我唔係好食得辣，所以好多出名菜式都冇叫到，但兩個人嚟食，唔食辣嘅選擇都有唔少。 口水西瓜 好彩係微辣，一口咬落去有齊三種味道（ 鹹甜辣）層次，中式fusion菜夠特色。 脆米煎焗日本元貝，我欣賞佢入面少少生外面八成熟，咬落淋身，感覺新鮮又鮮甜。 黑蒜蒸海斑件，味道掌握得幾平均，有肉有骨， 我鍾意食啖啖肉嘅海班件多啲，有骨嘅部份都畀老公食。 宮保蝦球，做法其實似咕嚕蝦球，啲蝦夠曬大隻夠新鮮， 肉質結實彈牙。 桃膠焦糖燉蛋， 我最鍾意食桃膠因為好補身， 佢哋桃膠嘅份量 都算幾多，燉蛋唔會太甜，加上脆皮焦糖， 又係另一個中西fusion菜。

好耐冇過嚟觀塘上堂，今日上完堂又可以喺呢度附近食吓飯，可能都好耐冇嚟電訊大廈，呢度好多餐廳原來都轉左手，你都未夠7:00到已經差唔多爆滿，我哋算係早一步攞位，坐低之後睇到其他人都要等少少時間先至有位。佢哋最清名嘅其實係辣菜式，因為老婆唔食得太辣嘅食物，所以都有好多有特色嘅菜都冇嗌到，最後嗌咗幾個只有少少辣嘅菜。口水西瓜，食完發現原來辣同甜的食物都幾夾。脆米煎焗日本元貝王，隻元貝足足有一個匙羹嘅尺寸，亦10分厚身，煎焗嘅時間掌握得好準確，中間仍然保持少許生，滑溜。宮保蝦球，差唔多有八隻蝦，隻隻都好大隻，外表炸得好脆，味道唔會太酸亦唔會太甜。黑蒜蒸海斑件，海斑肉質鮮甜肥美，見到好多肥膏，味道唔會太濃烈又唔會太鹹，保留到海濱嘅原汁原味。桃膠焦糖燉蛋，桃膠份量好多，整體味道都有西式餐廳水平。

觀塘好多好嘢食，成日都食西餐cafe, 今次搵到呢間有辣嘢食嘅🥳煙薰糖心蛋 $18聞落有好香嘅煙薰味，食落去蛋黃係流心😍 話梅淮山 $48好特別嘅前菜，食落去酸酸甜甜好好味，好醒胃沸騰魚 $168上菜嘅時候啲湯好熱，真係好似煲滾咗水沸騰咁🤣 啲湯好辣好惹味，同埋啲魚好嫩好滑，食到停唔到口脆皮乳鴨 $72最鍾意乳鴨皮脆卜卜，燒得好靚，而且佢地嘅乳鴨唔會太肥膩，肉質好結實胡椒魚肚芥菜煲 $128啲湯飲落去有好香嘅胡椒味，但係又唔會太過重味或者太過辣，啲調味恰到好處，魚肚吸晒啲胡椒湯味，好正桃膠焦糖燉蛋 $58焦糖好脆啲蛋都好嫩滑，估唔到同啲桃膠嘅味都幾夾，唔錯唔錯👍🏻

朋友喺觀塘返工，話有間中菜餐廳唔錯就去試吓啦👍🏻🔺話梅淮山本身好少食淮山，話梅淮山真係第一次食，用話梅去調味都幾特別，食落去又酸又甜好開胃🥰🔺煙薰糖心蛋雖然佢嘅賣相唔算係好精美，但係聞落去同食落去有濃嘅煙薰味，重點係流心蛋黃😍 🔺脆皮乳鴨其實自己好鍾意食乳鴨，佢哋燒得好靚，啲皮真係好脆，肉質都唔錯🔺沸騰魚見到啲辣椒多到咁就知佢咩料啦🤪 入面仲有好多魚好足料同埋啲魚都算幾滑，最搞笑係上菜嘅時候真係好似水滾咁"咋咋聲"🤣 🔺胡椒魚肚芥菜煲個煲一拎上枱已經聞到好香嘅胡椒味，欣賞佢調味唔會淨係一味得個辣字，微微帶啲辣但又唔會太搶🔺桃膠焦糖燉蛋本身唔太鍾意甜品，不過佢啲桃膠算處理得幾好，同啲燉蛋都算幾夾放工去食餐好嘢真係好緊要，今晚真係大滿足😌

今晚同朋友飯聚，揀咗觀塘一間幾多好評嘅中菜，水準幾高～六點黎到可以任揀枱，遲多半個鐘就full喇呢間餐廳嘅酸菜魚係用原條龍䠢，賣相吸引，魚肉幾嫰滑，湯底都易入口，薯粉好煙韌份量好多，食極都仲有。前菜叫咗蒜泥白肉同埋兩件竹炭豆腐，豆腐外皮好脆，蒜泥係打成蓉，唔會有生蒜嘅刺激感，食完唔會成口蒜味，好貼心🤣我地最鍾意係菠蘿芥末醬蝦球，蝦球好大粒，菠蘿好juicy，成碟餸好開胃。最後叫咗個啫啫生菜煲，以呢個小菜黎講唔算太油既，用料新鮮。

今日同朋友仔去試食呢間餐廳，無論係環境味道服務態度同衛生都十分令人滿意。真係要特燈出篇文來讚一讚！環境方面，地方十分闊落，靠牆有梳化位，一啲都唔會逼逼夾，牆上有黑板，並且寫上各色菜餚，又可以做裝飾又可以比客人見到招牌食物！另外一面牆就擺住好多裝住藥材既罐罐同魚翅，好得意🤣食物方面，我地雖然2個女仔但係都叫得幾多野食，冇諗過佢每份野都好大份，而且味道都好好添！魚湯鮮辣大龍躉🐟 $238呢個係招牌菜，魚湯鮮甜，有少少辣同酸，好開胃。最特別係佢同其他酸菜魚唔同，係一整條魚咁上，唔係切到一片片咁，所以賣相相當吸引。魚肉就好嫩滑，同埋完全唔會腥，雖然我地叫左細份但係條魚都好大條。另外配菜方面仲有芫荽、炸蒜等等，個底仲有粉皮，超級足料，我地覺得剩係呢個菜都已經夠2個人食！蒜泥白肉🥓 $68出面食既蒜泥白肉上面啲蒜都會係一粒粒，但係呢個蒜泥就磨到好幼細，更好咁包裹住每一片肉，最重要係呢個蒜泥食完完全唔會口臭，連我呢個平時少食肥肉既人都忍唔住食多左兩塊，讚讚！黑磚豆腐🧈 $18/1呢個賣相似長沙臭豆腐，但係一啲都唔臭，外皮脆卜卜，裡面卻係滑溜溜既白豆腐，不過食呢個既時候一定要小心燙傷，因為裡面豆腐仲係

今日同男朋友去食中餐估唔到中餐都可以食到頭盤主菜加甜品嘅組合店內有好多大型lego 裝飾似乎店家童心未泯呢～頭盤係三小漁拼盤共有三款小食有燻蛋，沙律蝦球，同黑磚豆腐燻蛋有流心效果蝦球爽口彈牙黑磚豆腐超好味！個外皮超薄但又做到好脆豆腐心好嫩滑顏色一黑一白好有對比～川味脆牛腩牛腩係偏條狀比較容易炸起脆粉薄牛腩肥瘦剛好唔會鞋個川味惹味得黎唔辣送飯好正！蓮藕蜜椒骨蜜椒骨伴有炸香嘅蓮藕片好似薯片咁乾爽脆口蜜椒骨香甜入味輕鬆能將骨肉分離魚肚芥菜煲湯底清甜，帶淡淡胡椒香味魚肚滑嫩芥菜甘口，清熱下火甜品我地揀左棗蓉糕糕身透明清澈口感煙韌味道香甜不造作中式甜品中最得我心！

今日同屋企人一齊去食晚飯去左間中式小菜呢度仲有廂房可以private啲咁食飯呢度嘅小菜都幾特別而且仲要無味精嘅我地揀左兩款肉同一個菜煲川味脆牛腩雖然叫川味但唔會好辣反而係惹味嘅微辣牛腩用薄薄嘅脆粉包住肥瘦均勻唔痴牙好食到令人食到唔停得口！另一款係蓮藕蜜椒骨蓮藕皮炸到脆卜卜沾上蜜味醬好似薯片一樣排骨肉多骨少食落爽口唔痴骨甜甜地中和返川味牛腩嘅辣味胡椒魚肚芥菜煲呢個菜煲好處係連湯都可以飲埋微微胡椒味令人有溫暖嘅感覺芥菜甘而唔苦消暑一流呀！不得不提呢度嘅白飯用砵仔蒸煮而成飯粒粒粒分明愛飯嘅爸爸勁滿意！眼仔靈精嘅白飯～食飽飽加個中式棗蓉糕口感煙韌紅棗味濃，有天然香甜味唔錯唔錯

今日約左朋友放工後，係觀塘覓食，上網搵到呢間中菜館，食物質素都幾好，一於去試下。今日雖然落雨關係，呢間餐廳人流都算多，不過職員好快就安排左我地座位。雖然食小菜，但絕對唔係大排檔格局，主打環境舒適，可以放工後一班朋友，放鬆食飯。藍色嘅皮sofa，入內好relax感覺，好似一間西餐廳裝修咁。我地叫左壺，桂花烏龍茶，好有茶嘅清香，茶聞起上黎有桂花清香，嚐起烏龍茶就滋潤咁甘香。估唔到茶都咁講究，絕對唔係普通餐廳茶葉可以比美。職員介紹左我地：香醋汁煎鵝肝拼蒜泥白肉 $78職員話呢道菜係要預約，因為有客人預約左食，預留多左份量，所以推薦我地食，今次我地有口福啦。鵝肝入口即可溶化，配合埋香醋汁，就中和曬鵝肝嘅腥味。鵝肝肥美而不油膩，值得一試。宮保蝦球 $148單睇賣相已經好開胃吸引，令人流曬口水。蝦球🦐大大隻，食落一啲雪藏味道都無，醬汁甜甜地少少酸，味道恰到好處，唔會太甜唔會太酸，十分之開胃，絕對係要配一碗白飯去食。酥炸特色香脆蠔餅 $88呢個好抵食，一大碟，份量十足，炸到好香口。炸到啱啱好，唔會太燶，保持住麵粉蛋皮嘅香脆可口。蛋香中和了🦪的腥味，食落好滋味。PS. 佢個白飯都幾唔錯，獨立一個碗去蒸

每道菜都有驚喜，且份量比我相像中多。4個女仔叫左以下既菜，差點都食唔喵，如果多D人就可試埋其他菜式。1.黑磚豆腐（$18/件）外脆內軟，炸到剛剛好，雖然唔知黑色部分係用咩整，但加埋炸蒜味道一流。十分推介！2.原盅烏雞炖花膠（$88/位）用料足，有一粒大瑤柱，花膠，雞腳，螺肉，瘦肉，飲落有清甜的瑤柱雞味，沒有落味精。3.冰鎮新鮮菠蘿咕嚕肉（$148）好味道，十分推介，夏天食十分一流。菠蘿並唔係用罐頭菠蘿，係用新鮮菠蘿，食落清甜。咕嚕肉內脆外軟，即使食完其他菜再食佢，都仍然內脆外軟，唔會用太多粉去炸，食落唔會有油膩既感覺。中間的裝飾係糖可以食，但較為黏牙。4.金銀蛋浸時蔬（$88）簡簡單單叫碟菜，呢個就正正常常，不太特別5.酥炸特色脆蠔餅（$88）蠔餅的分布剛剛好，唔會有部分只食到粉團或蠔仔集中在某一部分。另勞到剛剛好，但可能4個女仔食會太多，因為食到最後有點油膩。6.冬瓜薏米水（$18）清甜解暑，不太甜，非常好。

🔻黑蒜蟶子皇 時價 (8.5/10)蟶子皇確實夠曬大隻肥美鮮嫩黑蒜亦比普通蒜味 香氣更突出❤️ 好食👍🏻🔻古法吉品鮑 時價 (8/10)鮑魚幾有咬口 醬汁入味 不錯👍🏻🔻冰鎮咕嚕肉 $148 (7/10)味道正正常常但冰鎮後咕嚕肉既冰糖外層 更脆了口感不錯🔻話梅骨 $98 (8/10)排骨肥瘦均勻 一啲都唔韌 酸酸甜甜 幾開胃🔻黑磚豆腐 $18件 (7/10)真正嘅外脆內軟🤣豆腐似奶凍咁超滑——————————————————

🌌煙燻糖心蛋 $18 + 黑磚豆腐 $18🌌煙燻味道幾香，蛋黃軟熟，蛋白入味黑磚豆腐加上脆炸蒜，皮香脆豆腐嫩滑🎆冰鎮新鮮菠蘿咕嚕肉 $148🎆咕嚕肉盛放在冰粒上，令肉的外皮焦糖化，食起嚟脆脆地，口感唔錯，新鮮菠蘿夠甜🌠豬油渣野菜粉絲煲 $88🌠以豬油渣煮過的粉絲煲特別香口🌄桃膠燉菊花豆腐 $48🌄桃膠晶凝通透，豆腐被切成菊花映在糖水中，潤喉清潤總括而言，這間似酒樓的餐館食物都唔錯，難怪晚市咁多顧客

提早食父親節飯，揀左呢間黎試下提早一日book仲有95折我地一行6人。望到人地枱全部都好大碟。所以剩係叫左4個餸全部都好似好好味咁😍賣相十分精緻。而且價錢好親民。一啲都唔貴叫左冰鎮咕嚕肉。芥末蝦球。炸蠔餅同埋通啫啫通菜冰鎮咕嚕肉第一次見。好新鮮呀😂 出面凍入面熱。表皮脆卜卜。好正芥末蝦球啲蝦大大隻。仲係新鮮蝦。唔係雪藏蝦。有蝦味又爽口彈口。加埋芥末汁仲有新鮮菠蘿。好開口呀炸蠔餅一流呀👍🏻👍🏻必食。我勁鐘諗呀 下次一定會再叫最後個通菜都好入味。送飯一流整體好滿意。下次一定再黎。好多野想試 😋

第一次去食呢間，十二點十五分到，唔洗等。(註：我平時食開辣，以下只以嗜辣者角度，如果平時你只係三小辣嘅可能有辣味嘅）見到餐牌上有辣椒🌶️嘅餐就叫，於是食咗酸菜魚米線餐。一共七十幾蚊，唔係話平。明明餐牌上有一隻辣椒🌶️，可惜一d都唔辣，不過味道算幾好。d魚新鮮，算幾多舊。幾大塊算厚。又夠蔥又有芫荽，正！👍🏻由於一d都唔辣，所以叫佢比我辣椒油，d辣椒油幾有heart，大大粒花椒八角，可是放入嘴𡁻都無特別，無味。雖然d辣椒油未夠辣，但隻油幾好味，而且感覺到佢係新鮮嘅。加兩蚊有罐裝汽水，又幾好喎。總括來說，食材新鮮幾靚，侍應們都幾好人，會再嚟，

這一日朋友介紹觀塘有一間比較隱蔽但係好食嘅中餐廳，所以一於試吓，我哋嗰日平日去大約七點幾到，唔使等位，進店後環境都幾舒服。之後睇餐牌，原來餐廳都有做私房菜，亦都有唔少海鮮的選擇，由於我哋只不過係普通食飯聚舊，所以都係點小菜同湯。我們叫左果原盅烏雞燉花膠，用料好足，有一粒大瑤柱，花膠亦都有一大片，味道好好，無落味精。之後點左一個小食，黑磚豆腐，一上枱賣相都吸引，食落口外脆內軟，加埋炸蒜味道好香口，推介食呢一款。我哋叫咗兩個小菜，第一個係金沙鮮魷王，鮮魷好大隻，鹹蛋及炸粉唔會好厚，鹹蛋黃味好香，味道偏鹹咗少少，但送飯好好。之後叫咗個係黑板寫嘅南瓜牛腩煲，呢個煲上菜時仍然沸騰，南瓜非常入味好淋，牛腩都唔會好韌，都係好入味，送飯一流。我們見到隔離枱食龍蝦賣相都相當吸引，希望下次有機會可以試吓。