三小漁

營業中

休息中

新搬屋過來觀塘區。限聚令開放，夜晚用餐，在APM附近兜兜轉轉覺得都系落街食。見到三小漁以海鮮為主題，可能食螃蟹，可能食龍蝦，到見到菜單，才發現其實想食無咁多刺噶魚，因此叫龍躉，除了清蒸還可以選擇黑蒜。黑蒜一直是最愛。肉質厚實，連皮帶肉，嫩滑有口感，脆爽。龍躉一件件半透明魚皮口感賣相靚。蠔仔肉碎時蔬，湯汁水都可以飲。蠔仔都不算太細，一口一個口感清爽。兩個人兩個餸外加一碗白飯，買單大概三百幾元，呢餐廳好似系剛剛搬過來呢兩年，所以裝修都算新，還可以訂臺。

家人生日來到三小漁食飯，這間餐廳的小菜做得特別的好食，今次點了龍躉酸菜魚、薑蔥龍蝦、金沙魷魚及咕嚕肉，所有食物都好好食，大家都食得津津有味。餐廳環境唔算好大，唯冷氣開得唔夠，有少少熱同焗促。

上年男友媽咪生日，男友細佬請我哋一齊嚟呢度食晚飯，果陣已經覺得呢間中菜好impressive，絕對會再encore😍 事隔差唔多一年終於再黎食🤣今次係食set lunch，野食即點即整熱辣辣，性價比非常高👏🏻我哋仲要兩點先嚟到過左午市繁忙時間，冇乜客人食得好安靜😎餐廳採用自助落單，scan完個code會引導你去openrice ’堂食落單‘而唔係一個獨立網站落單，第一次見😯❤️黑蒜蒸海斑件💰7️⃣0️⃣上次都有食呢樣，水準keep得到！👍👍海斑蒸得剛剛好，肉厚而且肉質勁嫩滑😍 黑蒜香口，唔會過鹹，配埋底下既粉絲送飯一流🤤❤️菠蘿糖醋魚柳轉豬油飯 💰5️⃣5️⃣+💰5️⃣魚柳新鮮炸起，粉薄勁香脆😋糖醋汁甜酸味適中而且上色均勻，濃稠度完美，食到最後都無黏埋一pat 野😁菠蘿多汁但個人認為有少少酸，但食得出絕對唔係罐頭貨色👍豬油雖然邪惡但撈白飯真係零舍香🙊值得一提嘅係呢度既白飯粒粒分明有飯香，用料唔錯👍同男友都覺得午市價錢食到咁高質既即叫即整中菜真係好抵，一定會再黎的！😎

友人推介我試呢間觀塘嘅中式餐廳 今日咁啱經過就入咗去試 不過如果大家想試嘅話 早一日book位係會有九五折優惠嘅😮餐廳唔算好大 二人檯都比較細張 嚟咗兩個餸已經好逼😣脆皮風沙雞 半隻賣相好吸引 食落雞皮炸到脆卜卜 雞肉都幾嫩滑 佢有配到一個泰式酸辣醬 不過點唔點都好夠味🤤南瓜秘製牛腩煲呢個真係好feel到佢好熱 上到檯都仲係滾緊 牛腩好腍 吸晒醬汁嘅柱侯醬味 南瓜就好快溶晒 變咗南瓜蓉咁喺個汁入面🤓自家制南瓜汁菠菜豆腐煲南瓜味就冇乜 豆腐嘅賣相好似發咗霉咁 其實係因為溝咗菠菜😅啫啫爽肉白菜花呢碟好夠份量 有少少辣味 白菜花又冇乜草青味 爽肉都幾好口感😌呢間餐廳每個餸都好夠味 見到其他檯叫好多海鮮嘅菜式 下次嚟要試吓海鮮😉

朋友請食飯，喺網上搵到呢間評語唔錯，搵左放假既lunch去食。Lunch時間場內冇乜人，我哋三個人可以坐左一張好大嘅六人枱，好舒服。D 枱椅都好新淨, 衛生程度都唔錯!星期六都有lunch set可以揀，叫咗兩個lunch set ($198一份)，再散叫咗一份炸子雞$128。兩個LUNCH SET 原本佢話當係4個餐, 跟4碗飯, 不過我地要3碗夠啦!首先嚟到嘅係菠蘿糖醋魚柳，佢個皮新鮮夠脆，唔會太厚，入邊嘅魚肉都幾嫩，呢樣有啲驚喜！菠蘿幾多舊, 不過切得太大嚿，如果切細啲就更好, 哈哈！跟住就係一個三式拼盤，顏色好豐富, 外貌十分之吸引: 黑磚豆腐+芥末香煎元貝+油茶樹菇煙燻糖心蛋。聽講黑磚豆腐係招牌之一，一咬落去個皮係好脆唔厚，跟住入邊嘅豆腐係非常之嫩滑，好好食！芥末香煎元貝，個帶子好大舊，佢煎得唔太熟，有輕微嘅刺身口感，所以元貝唔會縮細左亦都唔會難咬，好好食! 而且拌有少少芥茉醬, 有少少辣再加甜嘅口感, 喜歡!油茶樹菇煙燻糖心蛋，上面放咗啲醃製咗嘅茶樹菇，我覺得感覺唔係好襯。其實冇咗茶樹菇都OK。個糖心蛋味道幾好食，口感好「粉」！我哋再散叫咗一個話梅淮山小食$48，個淮山有少

原本見前面啲Post都有啲擔心服務會出事 驚食到一肚火 不過成餐飯都無遇到任何態度惡劣嘅員工所以想平反一下首先book枱(經OpenRice)清晰唔混亂餐具已預先幫你淥過 姐姐願意幫手影合照 最後仲有姐姐走嚟問啲嘢好唔好食所以我係覺得比正常嘅還好利申 唔係打手🤣 真心驚去工廈中伏 而搵咗呢間中菜試另一個想要平反原因係覺得 啲嘢食係ok 好食 抵食 可以打卡 無伏三個人咩都想試所以叫咗五個菜 無叫飯-黑磚豆腐幾得意 入面係嫩滑豆腐 可打卡 可試 但亦可試其他-陳醋黑琥珀木耳正常涼拌前菜 -冰鎮新鮮菠蘿咕嚕肉新鮮菠蘿好食 正常咕嚕肉 可打卡 -蓮藕蜜椒骨最有印象！ 因為個蓮藕片好薄 沾滿蜜汁 覺得蓮藕片好味 有驚喜-啫啫爽肉白菜花上菜熱辣辣 好香 正常Btw 個茶係菊花烏龍幾好飲 小細節有加分 三個人埋單都係四百六 抵食 嘢食其實都正常 好食 又可以打卡😌 喺觀塘想食中菜可以try try

看食評見到味道可以，但服務態度比較差，心諗味道先行，服務態度也不會太離譜吧，決定試一試。怎料到，不聽老人言、吃虧在眼前，踩雷會在我身上出現呢。晚上7時，一行5人去到門口，負責接待的諮客已態度不友善，坐下先點幾個小菜試味時，已隱約聽見另一個侍應和剛才的咨客竊竊細語，細聽下原來是說另外的客人是非，心諗我哋會不會是他們下一個說是非的對象呢？之後菜餚陸續上卓，擺盤精緻，味道可以，決定多叫幾個小菜，掃走剛才的悶氣，怎料到再叫諮客把菜牌遞上時，她竟然拋落桌面呢!看來之前網友說的態度差是真有其事。吃飽後本來想再點甜品，但大家決定都係不必了。想說一下感受，不管是什麼國籍和操什麼語言的打工仔都是值得尊重的，廚師的手藝可以，傳菜的南亞裔女士態度都可以，其他的服務員真是不敢恭維了。如閣下仲係諗緊去唔去試下哩，我就覺得唔好去喇，唔好以為味道先行就可以，原來服務態度都好緊要呢，唔好好似我咁……不聽老人言。

你老板 唔識customer service skills 就唔好做樓面啦 做廚房啦如果唔係冬至其他餐廳難搵位 我已經轉場la食物質素平心而論係好食 但你激到我食肚氣我點食啊 啊姐🤡💩

呢日提早做冬， 我哋提早一日網上訂枱，見食物質素评语好，服務评语差，因為想食好野，就試一试，見網上顯示六點還有位，所以即刻訂位，亦已確認，我哋一行五人入去時， 餐廳職员說沒有收到訂位通知， 還說所有客人都提前幾日預訂， 我同職員講網上顯示六點還有位，仲自動確認咗， 店員即刻說有一張台可給我們，但要7：45還枱，入座後，店員不如網上說服務太差， 服務基本要求都合格達到，有改善。 点了酸菜魚，唔錯幾好味， 小炒王太油太鹹， 燻蛋、黑豆腐好味， 冰鎮生炒骨都幾好味， 啲餸菜擺設賣相值得一讚，可以再來!

垃圾 一條酸菜魚 ＄498 🤣 食而無味。仲有個粉絲煲…又乾又硬。 叫加水 都冇人理 明明兩個丫姐有睇到都當睇吾到。 大佬 你地明明吾係忙。成間店 得幾台客。 仲有燥底夥計落單⋯⋯ 自己又耳龍 仲想發火。仲以為只有我們受害。 🤣 食到一半 仲見到其他客拍台走人。

1.入門口冇人招呼2.舉手想要Menu 侍應一埋黎就話埋單？想再落單 被誤以為要埋單3.茶壺加水無人加 因為坐得太入4.埋單只以俾現金同八達通 $1000後先可以碌卡因為帶唔夠現金 所以俾八達通侍應：前面收銀俾錢 我企係收銀前等付八達通收銀阿姐禁 禁 禁 禁極都冇反應由於店內人手不足 feel到收銀阿姐開始亂急躁一直禁住公司收錢電話部機話無反應 壞左然後我望住屏幕 其實係要對方輸入銀碼所以我都忍唔住禁佢部電話屏幕顯示要輸入銀碼輸入左銀碼後 由於屏幕有顯示QR Code 所以我scan Code 收銀阿姐好大反應咁喝住我：「唔係scan呢個code」我當堂嚇左一嚇 心諗洗唔洗咁既態度之後佢黎個44方方既八達通機出黎話scan呢個code跟足佢指示我scan果個code 我手機要我禁passcode俾錢 完成交易後 我顯示俾收銀阿姐睇完成交易收銀阿姐又好大反應燥底話話：「我都話要有嘟一聲先得，依家我收唔到錢。」我就拎起我電話俾佢睇 我八達通嗰度已經扣咗數收銀阿姐又好大反應好大聲話：「我真係無收到你錢 我都話要有嘟一聲。」然後忍唔住我就無名火起同佢講 首先你既態度好有問題 二黎你收唔到錢洗唔

今日去左觀塘行街搵食，行左去工廠區東廣場對面。點左出名既酸菜魚米線$62，仲有水煮肥牛$68。跟餐凍奶茶加$3。坐位就唔係我鐘意個種，不過今日星期六，十二點半都算無咩人，可以舒舒服服搵食。酸菜魚睇落份量都幾大份，少少辣，職員話係生魚片，魚片好食都滑，不過有少少骨，要小心食。水煮肥牛都幾好食，但個飯對我黎講細左啲細左啲，女仕黎講應該就岩岩好。配上香菜金菇，蒜子都好好味，不過如果是 水煮牛肉我會更喜歡。整體黎講都食得過，可以再幫親，下次叫佢裝多啲飯先得，哈哈。

意料之外既味道 點左桂花烏龍 茶係有誠意 桂花香一陣陣飄出黎 原來係獨立茶包包裝 比平時茶樓 佢既茶更香更好入口 兩個人食點左三個餸 加個白飯 好滿足 成餐總數$357 味道好價錢合理👍🏾👍🏾👍🏾先上左個蠔餅 份量好大份 食落脆卜卜 炸得非常好 而且蠔既size 比平時食既大料有蠔汁 好juice 同新鮮👍🏾👍🏾👍🏾 個餅啖啖都好似食緊薯片咁 又夠香口 跟住有冰鎮咕嚕肉 同椰菜花炒豬爽肉（小辣）咕嚕肉係冇骨的 啖啖肉 適合懶人族 佢個擺盤好架勢 中間放左個大既糖山 望落好似一座水墨山既風境 當然佢亦可以食 睇出廚師都有心思 豬爽肉帶辣口 食落惹味 成餐都覺得吾錯 有機會會想帶屋企人試試👍🏾👍🏾❤️

黑色衫高級dd 服務人員態度超差，我打電話訂三人枱，等廿十分鐘，佢只入二人枱，我問有末？叫我坐二人枱？點坐有冇腦架，重大大聲話係我地拒絕，你去坐黎睇下吖？不知所謂！以後不去

早前見網上介紹觀塘有間中餐不錯，今日見同另一半係呢頭收工，就一早 BOOK左位食中餐，叫左:-(1) 冰鎮菠蘿咕嚕肉 ($148)這是必點的鮮菠蘿咕嚕肉，賣相精緻，鮮豔搶，眼見枱枱都有一碟，咕嚕肉啖啖肉，煮得岩岩好，冰底雪住糖面好脆皮，新鮮菠蘿食落清清甜甜，好大碟，食極都有。(2) 魚湯鮮辣龍躉 (小) ($238)所謂的魚湯其實就酸菜魚，用上一整條龍躉，已起上一件件大大塊既肉，大滿足，魚湯鮮甜，比起四川菜的少好多油，湯清清的，有少少辣同酸，好開胃，另外仲有唔少其他配菜方如薯粉、芫荽、菇類、炸蒜等等，好足料。(3) 黑磚豆腐 ($18/件)其實就係金磚豆腐既黑色版，外脆內滑，有少少辣，幾野味，作為小食實是不錯。(4) 砵仔蒸絲苗白飯 ($12元)食中菜要有飯下肚，飯粒粒分明，有飯香。兩個人食唔曬D野，其實魚湯鮮辣龍躉有薯粉，下次可以叫少個白飯。人均: $200 - $300抵食: 💰💰💰💰味道: 😋😋😋😋😋服務: 💁🏻‍♀️💁🏻‍♀️💁🏻‍♀️💁🏻‍♀️💁🏻‍♀️環境: 😉😉😉😉😉