一食鍾情

營業中

休息中

今日到FD屋企玩，地膽推薦咗哩間白鹵水出名嘅小店，咁試試啦。鋪頭唔算好大，兩人都可以安排沙發位，坐得好闊落。晚市提供套餐，百幾已經包埋湯，主食同飲品，好抵食。凍檸茶同凍蜂蜜奶茶，兩款飲品用咗同一款茶底，入口茶味唔會好濃，有少少回甘，成杯唔會覺得好甜。例湯，湯底清澈透亮，飲得出落足料煲制，好飲。再三回復鵝掌翼，包埋一掌同一翼，分量都幾大下。鵝掌同鵝翼全部斬細件，鵝翼肉較厚身細膩，鵝掌肉質較彈牙，兩款鹵水味道都好香。白鹵水凍魚四寶飯，有半條鹵水凍魚同埋3款小食，魚肉雪白軟嫩，刺唔多入口即化。可以點埋潮州豆醬，食落豆香濃郁味道更加豐富。搭配嘅三款小食都係偏爽口口感，睇落好似好清淡，食落鹵水味重好鹹香，還有好香啲麻油味。白鹵水海南雞例牌，海南雞用白鹵水做係第一次見。食落雞皮嫩滑，雞肉緊實，醬汁酸辣惹味，食到停唔落口。

今晚和好友出來見面食晚飯。愛吃日本菜的好友，今次竟然出奇地選擇了太子界限街的「一食鍾情」。正好筆者很少食到白滷水的滷味，一於借這個機會試一試！晚飯套餐非常抵食！$98有湯有飯有餸，當中更是原條白滷水馬友。馬友劏開，方便筷子夾起進食。由於馬友本身骨剌不同，所以入口啖啖肉。魚肉雪白，帶有微微滷水鹹香，蘸點附送的醬汁後，味道會更加香。其餘二寶分別是墨魚片、生腸腸，前者煙韌，後面則爽脆。另外也了一隻滷水鵝下莊。滷水鵝肥瘦適中，因為用白滷水熬煮，外皮顏色較淺色。下莊的肉質偏軟嫩，還帶少許彈牙感。整體味道都頗為香濃，未有死鹹情況出現。豬肚小食$22有3両份量。豬肚切條，口感彈牙有𡁻勁。入口充滿滷水香味，而且沒有腥味，證明餐廳的準備功夫做得不錯。朋友太愛吃生腸，晚飯套餐的份量未能滿足，所以再額外多點一碟。生腸脆身，又帶些許煙韌感。邊嚼邊滲出鹹香滷水味，令人回味無窮，不自覺越吃越多。飯後甜品紅豆沙一碗，紅豆棉密大大粒，非常足料，甜度適中。

位於太子界限街的「一食鍾情」，係一間新開的餐廳，主打白滷水鹵味：金錢𦟌、墨魚、生腸、鵝掌翼、豬肚、鳳爪及燻蹄等等，應有盡有餐牌定價適中親民，份量十足，性價比高👍🏻晚市時段更設有窩心晚餐A-F，多款精美客飯及白滷水可供選擇，奉送老火豬骨雞湯、薑湯番薯糖水及熱飲老火豬骨雞湯晚餐奉送的老火豬骨雞湯白滷水凍魚四寶飯必點餐廳招牌白滷水！四寶包括凍魚開邊半條、生腸、豬肚及墨魚(由於唔食燻蹄，所以轉咗墨魚)。白滷水比較注重食材原有的味道，保留鮮味，凍魚口感鮮嫩，魚肉甜美；豬肚、生腸同墨魚都好爽口入味，正呀胡椒豬肚雞煲配米線湯底清甜美味，帶陣陣胡椒香，微微辣，有唔少雞件同豬肚，好足料！米線係另上的，吸收晒胡椒豬肚湯的精華上等豬骨雞湯浸小白菜豬骨雞湯滿有鮮味，浸住新鮮翠綠的白菜，健康美味薑湯番薯糖水番薯口感粉軟，薑湯唔會太甜，薑味適中，好暖身熱阿華田&凍檸茶

😋嚟到依間白滷水專門當然必定一試佢嘅白滷水菜式😋🍲白滷水馬友三寶飯套餐 $108呢個套餐包括咗白滷水馬友、生腸以及燻蹄，第一次食白滷水賣油，肉質非常嫩滑，點上調校好的麵豉醬，都食到白滷水嘅味道，十分之正🍛精彩白滷水六拼 $188當中包括墨魚、燻蹄、金錢展、豬生腸、鵝掌翼、水晶鳳爪材料童叟無欺，下便唔會用好多其他材料墊到好多，而係真係勁大碟，我哋兩個人食都食唔晒，當中我比較鍾意朱生長，食落去除咗有白滷水嘅味道，而且很爽脆，其他白滷水材料都非常出色！整體嚟講，依間白滷水店除咗環境乾淨，而且食物質素高，每樣份量都好多，完全係性價比極高嘅餐廳，值得一試👍🏻👍🏻

今日陪朋友系旺角行裝修公司，到晚飯時間佢話帶我去食白鹵水，我以為自己聽錯，原來系真架全日特色超抵食雙人套餐 $198頭盤(3選1)：星級白鹵水鵝1/4隻主菜(7選1)：上湯白滷水煮魚(馬友)，配生菜一碟。跟米線，薄餅4塊(加$6), 凍飲加$3▪️白鹵水鵝1/4隻好夠份量，鵝肉腍滑，無平時食嘅鹵水鵝甘濃味，食到鵝肉嘅鮮味▪️上湯白滷水煮馬友魚，原條斬件上，肥大肉厚，好新鮮，食落重好香魚油味。▪️小食：馳名滷水薰蹄 (6片)，馳名鴨舌 (2兩)，老闆好誠實，寫明份量，絕無欺騙▪️南洋咖哩配薄餅，咖哩味好濃郁，配薄餅一齊食味道好夾。食甘多野，埋單都吾使3佰，好抵食

食開滷水三併，腩叉必食，肉質鬆化入味，少少焦糖味，滷水魷魚係新鮮嘅，唔係擺得耐啊唔難嗰隻，反而爽脆，油雞正常普通，滷水類別嘅食物好食好多，另外有跟雞湯，應該冇味精，加錢轉左飲鹹檸七，成張單都係唔夠$70.鹹檸七事前幫你篤咗幾下，抵讚。環境乾淨企理，寬敞，燈光光猛，唔似舊式滷水或者茶餐廳咁逼夾同黐立立。QR code 落單，i 人首選，員工有禮貌，效率高，感覺舒服午餐bucket list 頭三位，希望長做長有

太子界限街小店一食鍾情，主打白滷水食品，香港比較罕見。清明節假期前夕，幸好是夜比較早點到達，否則大排長龍，要等第二輪才可入座。白滷水與黑滷水，除了顏色分別外，味道亦較清淡，比較適合配海鮮或家禽類。白滷水馬友滷水魚可以揀烏頭或馬友，個人比較喜愛馬友，貪其肉質比較細膩。是夜馬友油脂豐富、少刺，加上普寧豆醬佐食，可以當作魚飯。白滷水鵝下莊鵝脾皮薄，肉嫩多汁，滷水色澤適中。 豬骨湯浸菜心簡單以上湯浸菜心，爽脆清甜。

一食鍾情．潮州老饕必試太子滷水店！作為一個日日覓食嘅美食博主，此店出品如其名令人「一食鍾情」而且「食過返尋味」此家潮州菜館，係一間將傳統潮州白滷水工藝發揮到極致嘅隱世小店！白滷水鵝：一試難忘嘅靈魂之作佢哋嘅「星級白滷水鵝」絕對係鎮店之寶！我同朋友點咗個超抵食嘅雙人套餐，一上枱就聞到陣陣滷水香鵝肉切得厚薄適中，片片都靚仔！皮爽肉嫩，最驚喜係個肉質——唔會過鹹，反而帶住淡淡嘅滷水香同鵝肉本身嘅鮮甜鵝肉鮮美，鵝皮完全冇油膩感細節決定成功！要嚴格控制火候，先至能夠做到咁清澈又入味嘅效果！柱候牛腩蘿蔔煲：暖胃又暖心套餐入面嘅「柱候牛腩蘿蔔煲」同樣令人驚喜！明火熱住的大煲柱候牛腩蘿蔔煲牛腩炆得軟淋入味，一啲都唔韌仲有滑滑的牛筋！柱候醬嘅香氣完全滲入晒味蘿蔔更加係精華所在，吸盡牛腩香與柱候醬的精華，入口即化。用個汁撈飯食簡直一流！ 追加驚喜：腎火雙傳太中意潮州野食我哋忍唔住追加咗個「腎火雙傳」。原隻大鵝腎切片處理得乾淨俐落，完全冇異味咬落爽脆得嚟又帶啲韌勁，滷得相當入味叉燒屬肥叉，蜜汁掛晒上身肉質鬆化有油香！呢個組合真係創意十足，值得一試！飲品同甜品：完美句點套餐跟嘅「熱茶走」同「熱田走」都好有心思

星期日出太子行街順便食個lunch見這店坐滿人再望望門口餐牌有好多選擇於是就入去試試，今日凍咗好多見又有半隻胡椒豬肚雞當然要試一試順便暖一暖個胃二人套餐真係好抵食還有好多款選擇原條白鹵水烏頭魚再加些黃豆醬來食魚肉肉質嫩滑好味都一個點胡椒豬肚雞~個鍋底一上台已經好香胡椒味入面有唐芹,杞子,龍眼肉,雲耳另外有半隻雞再加一碟菜套餐可以選擇兩碗白飯/粥/米線/米粉再加兩杯飲品價錢先係$198咖哩薯仔拼薄餅~咖哩汁香濃再配熱辣辣脆卜卜薄餅真係好好食鹵水掌翼牛展~軟硬剛剛好

餐廳門面好簡單，整體幾光猛企理，卡位都幾多，晚市去到坐滿晒人，超受街坊歡迎！菜式選擇好多，主打各款款潮汕打冷，仲有啲小菜可以叫，滷水鵝片、白滷水凍魚呢啲$100唔使就叫到，連加一都唔使🫨，大份夾抵食！一大班人可以食多幾款，晚市套餐都係$68起，而且款式味道一啲都唔遜色👍！-——————————————🐏◖古法羊腩煲雙人套餐◗ $248佢有好多款雙人套餐，包咗一個頭盤同一份超大份嘅主菜，加兩碗主食（飯、米粉、米線）同兩杯飲品。頭盤揀咗白滷水烏頭+大脷，烏頭好大條，有淡淡白滷水香料味；羊腩煲都好大份，羊腩件煮得入味軟腍，羊羶味啱啱好，再用佢嘅汁烚埋生菜，超入味好食🤤！🥘◖咖喱鴛鴦扒飯◗ $68少人嘅話可以散嗌佢嘅晚市套餐，份量都一定夠飽！佢個咖喱同白飯分開上，好大碗，有唔少豬扒同雞扒件喺裏面，撈埋咖喱汁超好送飯！🧋◖茶走◗ 跟餐🍋◖凍檸茶◗ +$3🥛◖支裝豆漿◗ +$6🌟Encore指數：9/10

近排食左一間新餐廳，係太子新開，佢哋主打白滷水，滷水就食得多，但係白滷水真係第一次食😝餐廳仲有個二人餐超級抵食，只係百幾蚊就可以食到兩樣嘢，我叫咗一個$198嘅套餐，已經包咗¼嘅鵝，同埋一個胡椒豬肚雞煲😍星級白滷水鵝：呢個鵝肉肥瘦均勻，食落肉質好彈，味道啱啱好，唔會過咸，好好味👅胡椒豬肚雞煲：呢個雞煲竟然包咗半隻雞同埋一大碟生菜，湯底好濃郁，飲完好暖身，同埋入邊有好多豬肚，雞肉嫩滑🤩秘製九香牛展：呢個小食只係$28/碟，已經有六大片，牛展好入味，而且有濃濃嘅牛味！南洋咖喱拼薄餅：呢個雖然係小食，但係佢嘅咖喱入邊都包咗幾粒薯仔，咖喱味香濃，而且佢嘅薄餅仲要係即整，熱辣辣好正😚

招牌名初時好似好吸引，以為帶來這邊什麼特色食店，點知真係永世難忘，難吃。一次外賣，金錢展米線，一食橡根米線，金錢展咸，個㕑師非常不專業，將個外賣碗夾在手臂旁，簡直想嘔，又見佢開工時門外抽煙。早上試過食早餐，價錢本來適中，地方尚算乾淨，如果正在食早餐時，旁邊這度鐵門彭彭聲，係咪覺得好煩，加上吃這塊難嘶開牛扒，半邊黑色脆豬包，難飲咖啡阿華田，早上這些义燒，（分蹄）都是隔離姊妹店賣淨的拎過嚟賣，早上未加熱水膠水壺，員工埋單時服務態度等。到了中午嘗試特色（咸）海南雞飯，（咸）豬肚，總之一食便知

最近見到呢間新開嘅潮式餐廳主打白滷水🤍黎試下佢既午餐款式唔少而且招牌滷水真係幾有特色👍🏻 潮式嘅滷水果然夠地道之外仲有燒味等其他選擇🫶🏻 早餐選擇一樣好豐富值得一試呢❤️⭐️ 潮式白滷水凍烏頭 🐟烏頭啖啖肉肉質夠新鮮🌊夠晒細緻配上滷水好有層次🧂⭐️ 滷水豉油乳鴿 🦆滷水好入味充滿鹹香🥹乳鴿好嫩滑係好懷舊經典嘅滋味😜⭐️ 海南雞飯 🐔雞肉Juicy又唔會過肥充滿油香🍗 雞湯用咗新鮮雞去煲特別清澈唔會太過肥膩🍲⭐️ 輕盈叉燒 🥓估唔到叉燒都幾有水準🩷肥瘦相間特別在充滿蜜味🍯啖啖都有焦香嘅感覺🔥⭐️ 豬骨上湯菜心 🥬食返條菜夠晒新鮮配上豬骨湯好濃郁💚

太子超抵食白滷水煮魚‼️$198包曬頭盤+主菜+主食+生菜+甜品🔻全日特色超抵食雙人套餐 💰198講返個雙人套餐，$198包埋有頭盤+主菜+主食+生菜+甜品，超抵食😍 主菜有上湯白滷水煮魚/豬肚雞煲/羊腩煲/海南雞等等我試左上湯白滷水煮魚，可以揀紅鮋/馬友/倉魚，白滷水煮馬友真心有驚喜，魚皮滑嘟嘟似食緊啫喱，魚肉嫩到用筷子一夾就離😱湯底加咗少少胡椒吊味，飲落暖胃又唔會搶咗魚鮮，主食我揀左米粉，浸入魚湯內，超索湯入味☺️頭盤可以選擇一款星級白滷水鵝1/4隻/白滷水凍烏頭1條＋大脷一條或四式滷水拼盆（牛𦟌/薰蹄/生腸/鳳爪），我就試左最豐富嘅滷水拼盤😬滷水拼盤絕對係誠意之作‼️牛𦟌切得厚身又唔韌，薰蹄晶瑩剔透好似琥珀咁，生腸處理得乾淨冇異味，最正係鳳爪連骨都滷到入味，蘸埋佢哋自家製嘅蒜蓉醋，酸香醒胃食極唔滯！🤤最後店家送上一人一碗紅豆沙，煲左好耐，唔輸糖水店，好正啊👍🏻🔻馳名鴨舌（2兩）💰28 呢碟鴨舌絕對係送酒神器！滷得夠晒入味，咬落去啲肉爽脆彈牙，舌根位仲有少少膠質黏嘴，白滷水嘅清香中和咗油膩感，食完真係會忍唔住啜手指！ 🔻再三回味鵝掌翼（1掌1翼）💰28 掌翼滷到啱啱好，唔會過淋有咬

晚上🌃同友人到了太子搵食，發現呢間#一食鍾情餐廳，以食潮州菜為主，環境光猛整潔。套餐送白飯&飲品。晚飯套餐-咖哩羊腩飯，羊腩炆得剛好，入口有咀嚼感，咖喱香濃帶點辣，汁伴飯好快就食晒成碗了。晚飯套餐-烏頭一條配燻蹄加腸，烏頭沒有泥腥味，入口咸鮮香有魚味，點埋豆醬伴飯就很好吃。白滷水鵝下莊，白鹵水夠味且不會太咸，鵝皮光澤且肥瘦適中，肉汁多有咀嚼感，再點些醋令味道更豐富。餐廳不用加一，價錢親民抵食，份量亦足夠，好讚啊。