一食鍾情

營業中

休息中

今日到FD屋企玩，地膽推薦咗哩間白鹵水出名嘅小店，咁試試啦。鋪頭唔算好大，兩人都可以安排沙發位，坐得好闊落。晚市提供套餐，百幾已經包埋湯，主食同飲品，好抵食。凍檸茶同凍蜂蜜奶茶，兩款飲品用咗同一款茶底，入口茶味唔會好濃，有少少回甘，成杯唔會覺得好甜。例湯，湯底清澈透亮，飲得出落足料煲制，好飲。再三回復鵝掌翼，包埋一掌同一翼，分量都幾大下。鵝掌同鵝翼全部斬細件，鵝翼肉較厚身細膩，鵝掌肉質較彈牙，兩款鹵水味道都好香。白鹵水凍魚四寶飯，有半條鹵水凍魚同埋3款小食，魚肉雪白軟嫩，刺唔多入口即化。可以點埋潮州豆醬，食落豆香濃郁味道更加豐富。搭配嘅三款小食都係偏爽口口感，睇落好似好清淡，食落鹵水味重好鹹香，還有好香啲麻油味。白鹵水海南雞例牌，海南雞用白鹵水做係第一次見。食落雞皮嫩滑，雞肉緊實，醬汁酸辣惹味，食到停唔落口。