一食鍾情

今夜與好友共聚，品嚐的不只是料理，更是一場傳統與創意的味覺饗宴。🌟先點招牌「胡椒豬肚雞煲」，湯底翻滾著白胡椒的辛香，放半隻走地雞與軟滑豬肚在砂鍋烹煮, 舀起半碗熱湯輕嚐，濃郁膠質伴隨胡椒暖流從喉嚨，雞肉香滑又不太肥，豬肚彈牙無腥，佐以整碟翠綠生菜, 菜葉吸飽精華後仍保有脆度，竟吃出多一種層次感。🦢「白滷水鵝」甫上桌便引來驚嘆，琥珀色鵝肉泛著晶亮油光。不同於常見的深色滷水，竟能將鵝肉滷得如此透徹入味。四分之一的鵝件刀工精準，夾起連皮帶肉的部位，嚐微甜滷香，接著是鵝肉質纖維的細緻軟淋，讓人忍不住回味。🐟「半邊烏頭魚三拼」堪稱視覺與味覺的雙重享受：半邊烏頭魚魚肉細嫩一梳梳的；生腸嘅脆爽與爽口嘅豬耳絕妙；最驚喜的是燻蹄膠質滿滿, 入口不肥膩感，三款小食佐冰鎮啤酒，定必暑氣全消。🍨壓軸的「腐竹蛋糖水」是免費送架~ 甜度拿捏精準，打入蛋花即令雞蛋香與豆香的交融，即刻想起兒時外婆那碗暖心滋味。專注料理本質的老店，或許正是香港飲食文化所需。…查看更多

今日來到界限街試吓這間潮菜小館 一見鐘情 座下店家便介紹這兩個午餐給我們 招牌烏頭四寶飯 另一個滷水鵝飯 . 先講滷水鵝飯它不同其它的鋪頭煑法 其它的鋪是用鹵水汁浸熟 但這個是用秘方白鹵法煑熟 這就值得試吓喇 果然新鮮如味道 快來試試喇 。 另壹碟是烏頭四寶飯 有烏頭生腸豬肚 薰蹄等 件烏頭魚好似魚飯咁凍食 非常肥美新鮮 另送例湯 好然好味 壹間不錯的小店 . 他們還有蒸魚飯蒸雞飯 海南雞飯 胡椒豬肚雞煲 香茅白滷水 B B鴿柱候牛腩煲他日也逐壹試試…查看更多

#顛覆人類對食物嘅認知當阿姐上呢碗「老火豬骨鷄粉葛湯」嘅時候，我唯一嘅反應就係：「阿姐，我唔係叫撈麵喎。」當阿姐堅持呢碗嘢就係「老火豬骨鷄粉葛湯」嘅時候，我努力打開自己嘅五感，尋求我同呢碗嘢嘅結連。我嘅認知話我聽，呢碗嘢嘅顏色、香氣、味道、濃度、溫度、內涵，都同「老火豬骨鷄粉葛湯」一啲關係都冇 。湯面浮沉嘅幾星綠色嘅物質，我問阿姐，「老火豬骨鷄粉葛湯」點解會落唐芹 ？「香菜嚟㗎！」阿姐丟低一句，頭也不回咁，走咗。佢眼尾果一絲不屑嘅餘光，卻仍在我心糾纏不休⋯⋯當我正在迷惑：「唔通我呢五十幾年食撈麵時果碗湯，都係「老火豬骨鷄粉葛湯」？嘅時候」，喺電光火石嘅一剎那，我，見到「光」了！「老火［豬骨鷄粉］葛湯」！！！我大澈大悟了。阿彌陀佛。阿門。🙏🏼🙏🏼🙏🏼🙏🏼🙏🏼🙏🏼…查看更多

用餐體驗可以說是非常惡劣，首先是比大排檔還要嘈，明明只有一檯客特別大聲，但係唔知點解，成間店都嘈到自己講嘢都聽唔到咁滯。食物點了晚餐D，金針雲耳蒸乳鴿，既然是晚餐，應該是整定的吧？結果等了廿多分鐘，忍無可忍情況下追問店員，店員才由蒸櫃拿出來，既然是就咁由蒸櫃拎出嚟，點解要等廿多分鐘？金針沒見到一條，經典的還是冬菇，一咬落去同棉花質感一樣，可想而知係蒸咗幾耐，蒸到冬菇都溶埋。乳鴿又咸又鞋。成碟餸冇一可取。是一間非常不推介的食店。…查看更多

今日在此餐廳點了一個六寶滷水飯$68,材料如下:豬耳 2塊豬肚 2槐豬脷 2片分蹄 2 片鹵牛展 2小薄片豬生腸 2小塊白飯是用小碗裝平，反轉在碟上老實講，這個份量，午餐來說一定吃不飽，雖然是有6種滷水料，但師傅工刀工一流，切得很細及好薄。對不起，沒有影相，如果唔信，可以去點個餐試吓！…查看更多

整體進餐體驗相常失望所有鹵水、燒味甚至魚飯-馬友奇怪地過甜。前幾次外賣覺得還唔錯、但堂食完全顛覆晚飯概念 見住落左d味粉加熱湯 話係粉葛湯有誤導之嫌。其實燒味送高湯都好常見冇需硬叫粉葛湯。以主力鹵水及燒味茶記式餐廳 刀功之差令人咋舌 上道燒味以為係廚餘…… 可能單人碟頭飯係尚可以之選 湯米粉 上得快 但有「梅」米味單獨每個菜要價並不平宜誠如其牆上口號 真真令人－食難忘。…查看更多

週末無聊去試伏～😅原本係食車仔麵可惜太多人，上網搵下有咩唔錯有係附近就你la~🌟馳名白滷水鵝～見地方都乾淨企理Lunch唔算抵～要簡白滷水鵝另加$15其實唔緊～明白材料係貴啲～🥲🪿得第一件鵝肉靚啲～後面碎散散唔同位後面個D係頭頭尾尾唔值加錢又肥又肉都唔多，唔夠香🤔🥲如果主打食品咁既質量，真心唔唔會返兜🐷燻蹄大件～但有啲嚡😮‍💨👍🏻反而生腸無內臟味～爽口又有夠香料～高質🍜米線份量唔多，而且湯底無味如果正常成年男人去食未必夠飽😑…查看更多

第一次食，食佢嘅碟頭飯，見到週圍啲人都食雞煲，所以去咗第二次食。原來佢嘅二人套餐仲抵食，唔使200蚊，有雞煲、有鹵水，好多選擇又好味，仲有腐竹雞蛋糖水送。呢兩日帶咗朋友去食，佢哋都讚不絕口，有個食完糖水話飽到上心口，四個人都係食咗450蚊。推介食佢哋嘅胡椒豬肚雞，佢啲白鹵水(生腸、牛展、掌翼、墨魚、燻蹄、乳鴨)都好好食，我係未食過佢嘅鹵水鵝，下次一定要食。由於佢未攞到酒牌，所以冇啤酒賣，但係佢又畀我哋喺出面帶酒入嚟，咁仲平啲添…查看更多

今次試咗呢間主打白滷水嘅「一食鍾情」，有d驚喜而且價錢十分親民。必試招牌白滷水凍烏頭，魚肉鮮嫩得嚟完全冇腥味，白滷水嘅清香滲入晒魚肉度，蘸少少秘製醬油更提鮮！條魚好肥美，出哂黃油，正👍🏻馳名鴨舌同滷水燻蹄都做得好好，鴨舌爽脆入味，燥蹄炆到淋滑又唔膩，滷水香得嚟唔會太鹹。 古法羊腩煲，羊肉炆得夠淋又冇羶味，醬汁濃郁，加埋生菜索晒啲精華，正！ 整體滷水功夫到家，白滷水尤其出色，想食正宗潮式滷味絕對要試！…查看更多

老媽子今晚有飯局 「煮」婦小休 我同老豆本住要「經濟又好食」嘅大前提底下 去咗一間唔收加一嘅街坊食堂 食滷水晚餐 -👅滷水鴨舌小店主打白滷水鹵味 滷汁味道清新啲 香料味冇咁嗆 鴨舌油光亮滑 越嚼越香潤-🥠滷水低脂鵝肝慢煮後嘅潮州大鵝公鵝肝 粉嫩口感依然🤩 比起用來老貨 中式滷鵝肝嘅油脂低好多 -🐤滷水BB鴿BB鴿用白滷水醃製 顏色淺 其實好入味 有花雕香又有魚露鹹鮮 晚餐送湯送糖水 跟餐再配個湯米粉 足料又飽肚-🦆滷水鵝片飯鵝片有適量脂肪 鵝肉超級軟嫩 如果唔連皮食 實在太嘥料🤓…查看更多

得個咸字老友中意食海南雞，我地系香港出名雞店都食得差不多，今次搵間冷門d,試下新野。哩間睇食評非常好，雖然吾系海南雞專門店，咪試下嘍。但好失望，難怪食飯時間無人。今日1145去到附近，旁邊的華記未開門都排長龍，哩間得3,4個客，睇埋午餐餐牌，哩個位置咁嘅價錢，除非好好食至得。叫左佢拿手的鹵水和海南雞，等左起碼12,3分鐘至有，好似太耐香茅BB鴿四寶飯($68)1分-所有鹵水得個咸字，無傳統鹵水味- BB鴿1/2隻，肉都算幾嫩- 生腸得3,4碎粒，吾算好爽- 熏蹄無肉味- 海南雞飯($74)1分- 第一次海南雞餐湯系一d渣都無比，話系老火豬骨雞湯，稀到好似水，無豬或雞味- 特別加$6轉髀，肉質都幾好，但無雞味，只有咸味，失敗,叫咸雞會摟高分 - 油飯得顏色，無香味。個waitress問一個離開的老太太食物味道點樣，老太太擰擰頭，大家明白。…查看更多

《白滷水潮州菜店🤍》———————————————-#一食鍾情 🥰-早排經過太子發現呢間人世潮州菜店，非常正宗傳統嘅白滷水鵝好少見，而且性價比十足☺️-😍 全日特色超抵食雙人套餐雙人餐都幾抵食，頭盤可3選1，我哋揀咗白鹵水鵝，1/4隻都已經份量十足😚 鵝肉切得厚薄適中，片片都靚仔！鵝肉皮爽肉嫩，透出淡淡白滷水香，完全唔會有油膩感🦆-主菜就食咗即煮南洋咖喱牛腩，十分惹味，咖喱味濃郁～ 加配咗薄餅咁樣煎嚟食，非常之正😙-佢嘅冷盤都好有特色，我哋嗌咗馳名滷水燻蹄同秘製九香牛展，口感爽口彈牙，食落一啲都唔韌🥰-💰 參考價錢：即煮南洋咖喱牛腩併白滷水鵝：$188馳名滷水燻蹄：$22秘製九香牛展：$28🍌抵deal 指數：7/10…查看更多

$198的快樂點咗個胡椒豬肚雞煲配白滷水鵝餐呢個餐超抵食跟生菜、飲品主食仲可以配米粉/米線/飯胡椒豬肚雞煲個湯底有紅棗好暖胃 雞件係生上 冇調味 直接吸收湯嘅精華 一份仲有半隻雞添另外白滷水係呢度嘅招牌套餐跟¼隻滷水鵝超抵食鵝肉好入味 鵝片啖啖肉最開心係跟咗一大碟生菜 用嚟吸湯食一流清湯米線同米粉都大大碗最後仲送咗腐竹糖水俾我哋食添另外再點咗又燒例牌叉燒燒到有微微焦香味 沾上滿滿嘅蜜糖香甜又惹味 而且用上梅頭 好腍餐廳環境光猛 有好多卡位 坐得好舒服…查看更多

香港地除咗三送飯平靚正之外，其實都仲有好多唔同類型又平價嘅選擇㗎！例如呢一間提供潮州菜 同 粵菜嘅餐廳，一次過可以滿足到唔同人嘅口味～白滷水馬友三寶飯 🐟 $108佢哋嘅三寶分別係馬友一條、燻蹄、生腸，勁大碟餸，超豐富！馳名海南雞飯🐔$68想食得健康啲，不妨試吓佢哋嘅海南雞飯，跟餐仲送埋老火豬骨雞湯，健康有益又好味！即煮南洋咖喱 🍛$62呢一個咖喱飯可以簡單拼或者雙拼，貪心嘅我就梗係揀雙拼啦！西冷牛扒🐮 同 豬扒🐷 缺一不可，另外可以配飯、意粉或者薄餅（+$6）！呢間餐廳嘅咖喱偏酸少少，口感同味道都好特別，個人覺得配薄餅食就最啱啦！龍鳳檸樂（跟餐加$8）支裝豆漿（跟餐加$6）…查看更多

😋嚟到依間白滷水專門當然必定一試佢嘅白滷水菜式😋🍲白滷水馬友三寶飯套餐 $108呢個套餐包括咗白滷水馬友、生腸以及燻蹄，第一次食白滷水賣油，肉質非常嫩滑，點上調校好的麵豉醬，都食到白滷水嘅味道，十分之正🍛精彩白滷水六拼 $188當中包括墨魚、燻蹄、金錢展、豬生腸、鵝掌翼、水晶鳳爪材料童叟無欺，下便唔會用好多其他材料墊到好多，而係真係勁大碟，我哋兩個人食都食唔晒，當中我比較鍾意朱生長，食落去除咗有白滷水嘅味道，而且很爽脆，其他白滷水材料都非常出色！整體嚟講，依間白滷水店除咗環境乾淨，而且食物質素高，每樣份量都好多，完全係性價比極高嘅餐廳，值得一試👍🏻👍🏻…查看更多