一番日本料理

營業中

休息中

閒日同好朋友黎一番食晏～以前中學嘅時候，都好鍾意黎一番因為佢地既壽司同反卷都好大嚿！每次都見到都心心眼😍😍今次我地咩都試下～叫咗一個lunch set >> 蒲燒鰻魚飯加$5可以有兩舊壽司🍣揀左玉子壽司 🤤🤤鰻魚飯好好味好大碗，男仔食都一定夠喉～有五六舊鰻魚～好厚肉 好肥美 而且鰻魚汁嘅份量啱啱好，唔會太過咸， 正飯上面仲有大量雜菜， 真係好加分！ 有椰菜 甘筍 洋蔥 金菇等等，讚另外叫左一口芝士（$32） & 新品：芝士吉烈牛卷（$58）芝士迷一定要食雖然好邪惡， 但粒粒芝士咁食，好溫暖～～而且又唔會好膩至於個芝士牛卷口感一流！有脆脆既外層啦～咬落去有軟軟既芝士同彈牙既肥牛食落都幾有驚喜～～ 賣相又靚～ 其他食客見到我地食得咁開心～都叫左一份～我哋都好鍾意食軟殼蟹一番都幾多軟殼蟹選擇～叫左軟殼蟹天婦羅配兩件蔬菜一隻蟹都幾大，一分為二 一人一舊夠晒滿足～ 好脆，粉漿剛好另外配兩隻天婦羅鮮冬菇，我地都一致比like清清地～又厚肉～黎一番就當然唔少得刺身我地叫左新出既花之戀拼盤一份 4 件鍾意花之戀既人真係可以大快朵頤～朋友話幾正，三文魚厚切，又足料，值得一試～兩個人叫自己

意想不到的元朗有間抵食sushi ，一入到去餐廳已經叫野食，平時呢碟鰻魚sushi 邊有咁大條，相對呢間有隻碟咁長，之後點叫一碗豬軟骨湯底拉麵，非常大碗，又足料，重點係湯底鮮甜，豬軟骨好夠冧，我地重點叫牛肉豆腐煱，湯底有得揀，我地呢個係牛肉以安格斯牛，煱物加滑蛋令到湯底更鮮味，而煱物好多料，有甜娃娃菜係底部，燒物更加點叫鎮店出名的比目魚，一般比目魚非常少，呢碟香煎比目魚，非常鮮甜，肉吾散，而且吾會有腥味，賣相吸引

朋友相聚，首選日式料理🤓平日路過門外總是很多人在等候，於是提早訂座才過去～《牛油果🥑反卷》性價比高，一客8件，配上千島醬，味道十級提升～《芝士脆炸豬扒卷》直徑超過5cm的卷物，極度吸引，芝士味濃，豬扒香脆，好味到不能停口～《鵝肝肥牛炒飯》份量算多，大大片鵝肝竟然有2片，比想像中抵～ 而且味道也不錯，飯粒夠乾，而且十分入味😍《雜錦天婦羅》炸物質量高，蝦🦐炸到剛剛好，夠熟又不會太乾，高質🥳還有蕃薯及鮮冬菇味道也不錯～《蒜片一口和牛粒》醬汁夠濃，牛肉粒夠juicy，好味到食唔停口

好耐冇去元朗食tea，今日係我朋友推介抵食的一間sushi, 原來平日的下午茶時段係多麼寫意，往往呢間餐廳的午飯，夜晚都大排長龍， 當然食sushi, 呢度出名鰻魚sushi,鰻魚同隻碟的長度真係差不多長味道非常好，鰻魚汁浸入鰻魚，Sushi 拼盤當然有得揀，但同時有廚師發板有希靈魚，中華沙律，三文魚，蟹膏蟹柳等 鵝肝sushi 呢碟係鎮店推介，熱辣辣的香煎鵝肝外脆，。 芝麻餃子雞翼，雞翼一般都是普通，但呢碟的雞翼入面有餃子。 最後有吞拿魚刺身，口感新鮮，入口即溶

同男朋友黎到元朗緊係要食出名大大件又抵食ge一番壽司! 小小店舖店內裝修都幾日本風，又有手寫餐牌同食物相之外，又有日本酒放晒出黎(好似幾有氣勢下)。我地兩個人飢荒甘餓係一番叫左好多野食。最吸引我係見到有生蠔食?! 仲要只係13蚊一隻，緊係要叫少少試下佢!就先講生蠔，係法國蠔，蠔身肉唔係好厚，好重海水味，食到最後有dd銹味。整體都幾好唔錯! 冇沙，感覺都新鮮。 最重要係只係13蚊咋。之後黎左一大盆壽司，好彩冇叫好多，因為真係好大件! 上面魚生都係相應份量，冇偷工減料! 吞拿魚切得超厚的! 八件內面最正係帶子，肉厚之餘仲要好甜。💕💕正正子總結：食物又大件價錢又平，質素又唔錯，抵! 會再來喔!

一番日本料理，聽就聽得多，今次有機會去嘗試下佢哋嘅傳統日本美食。入到去地方算好闊落，已經好多人系出邊排緊隊，但係都唔算等得好耐。大蝦芒果沙律蝦夠爽，有蝦味，沙律醬夠多，芒果亦都非常之甜，連埋青瓜絲一齊食非常清新。帶子裙邊：基本食日本餐一定要叫，因為我鍾意佢夠爽口，鮮甜，辣辣地，做前菜一流。鰻魚壽司：傳統元朗大鰻魚壽司，食落去非常夠霸氣，鰻魚汁好味，唔會有腥味。海膽壽司：新鮮海膽，夠鮮甜，正。其他壽司好多選擇，我今次冇機會食哂，唯有等下次，建議可以四個一齊去，可以share，食多啲嘢食。餃子湯烏冬：餃子外脆內軟，餡亦都非常多，烏冬選擇稻庭烏冬，係我自愛，豬骨湯亦都非常鮮甜。

今日做完瑜珈🧘‍♀️就去左一番日本料理，食返餐好d嘅lunch獎勵吓自己嘛😻去到中午12點，岩岩開門已經好多人，不過人手都好足，叫左野食好快就立即送上，同埋有d套餐優惠唔係好明白，店員都好好丫，好有耐心咁講解同推介👍🏻👍🏻滑蛋吉列豬扒丼 $36嫩滑嘅蛋配上鬆脆嘅吉列豬扒,啖啖肉唔會話好厚粉滑蛋鰻魚丼 $48鰻魚我的最愛❤️佢會配埋啲金菇撈埋啲蛋一齊食好好再加左$5叫左鰻魚壽司一客好抵食丫😙

在元朗附近經過，又想吃日本菜，便嘗嘗這家價錢看上去都很親民的日本料理。門口放滿餐牌，一目了然：以下是餐牌：因為很喜歡吃鰻魚飯，所以便點了午市套餐的鰻魚飯，還加了＄１０，升級至多了小食、甜品和沙律。鰻魚飯是半份的鰻魚，以其價錢來說都很便宜和合理！鰻魚飯的鰻魚汁多，但是配上飯吃是中和到的。之後還點了鮮帶子刺身，這個要讚呀，是新鮮的帶子，而且還很大顆很厚身，這個８塊都只是＄４８，刺身很值得一試。而且下午茶的刺身還有特價，更化算呢～整體來說這店是很家庭式的日本餐廳，價錢都很合理，質素算不錯，想便宜地吃日本料理也可以試試看。

近排肥咗小小,唔想再放題同打邊爐喇兩個人拍拖食飯,揀番間日本料理應該都唔錯,起碼我博大霧食少咗我隔離嗰個都唔覺XDDD但見到張食物劃單紙已經忍唔住手咁揀咗好多款食物喇,因為種類實在太多,價錢亦都非常貼地呀!!!大拖羅刺身*3片($128蚊)：男朋友最喜歡食拖羅,見到已經即點唔洗諗,佢話夠哂肥美又有油香咁,我就唔啱口味喇。火炙親子卷($62蚊)：呢度啲親子卷份量都算多,一碟有六件,件件都算大舊呀,材料面頭有炙燒過嘅三文魚,另外卷入面有蛋啦青瓜啦同蟹柳,碟上面仲配有惹味千島醬,幾抵食呀。魚生碎蟹籽沙律*二人前($42蚊)：食日本嘢最開心就係有開胃沙律食,呢一碟二人份量啱啱好,唔止係蟹籽沙律咁簡單,仲有埋魚生切粒真係正呀~三色刺身*牡丹蝦原隻+帶子四片+三文魚三片*($68蚊)：喺油尖旺區食一個三色刺身都好大機會要過百蚊,呢度$68蚊就有交易真係好抵食呀,刺身仲要冇渣流灘,新鮮嘢嚟㗎啵廣島蠔肉鍋($80蚊)：我哋最鍾意食辣嘢,所以叫咗地獄湯底,都幾惹味,加廿蚊就可以轉埋稻庭烏冬,爽口啲又比較彈牙,鍋入面除咗肥蠔係主角之外,仲有金菇+日式魚旦+冬菇同小棠菜做配料,又一抵食之菜食完都開始飽飽哋喇

教育路兩邊都好多食肆，今晚試左呢間日式餐廳見門口已經有班人等緊位，就試一試有幾吸引等位時，店員已經俾左餐單我地揀，原來呢度價錢都幾平，款式種類仲好多添先來個魚生碎蟹籽沙律(二人前)喜歡呢度會有二人份量，因為有時只有兩個人時，叫既款式又唔可以太多，如果有得揀二人份量，就可以試多D其他款式，之後見隔離枱叫左個重量級既😱😱真係好西利，好大碗，我唸可以6-8人一齊食唔係間間日本餐廳都會有大拖羅買，朋友見到呢度有，非常興奮，而且價錢只係$128(3片)，實在太抵，最喜歡個種濃濃既油香另外三式刺身 $68平時一隻牡丹蝦都差不多價錢，而且仲好新鮮火炙親子卷 $62親子卷岩小朋友食，三文魚燒到半熟，入面包住蛋+青瓜+蟹柳，底下仲配左個千島醬，大舊到唔可以一淡放落口廣島蠔肉鍋(細鍋)點左地獄湯底(中辣)，另加$20要稻庭烏冬廣島蠔好重蠔味，脹卜卜的，個地獄湯底都好正加左烏冬，就算細鍋都好夠飽串燒點左牛舌同翠肉瓜翠肉瓜燒完，都好多水份，一d都唔會乾身

係呢頭食嘢咁耐都未有机會黎到一番，weekend經過次次見門口都好多人。今日放假，即刻把握机會黎食個lunch! 嘩! 真係覺得呢到食嘢好抵，平價至少少高價都有，食得好開心😋😍我揀咗個午餐: 迷你雜錦壽司配烏冬…其實壽司一啲都唔迷你，係正常size黎😄，個烏冬亦大碗，感覺同實際都極豐富🍜🍣🍥! 壽司款式大路，有我愛的三寶，肉質嫩滑，三文魚、甜蝦、魷魚、𩶘魚都鮮味😚真係估唔到52蚊可以咁大份，而且都好美味㗎! 我仲貪心到再叫咗個青清酒煮蜆，因為實在太抵食，係呢到食嘢真係唔洗擔心份量🤣另外店員同客人都好friend, 見客人行住入黎都未坐定就叫嘢食，熟客都不少，今日真係揀食揀得啱! 其實相信店主都好細心，我望望吓個餐牌，竟然發現有素食，真心surprise, 另外有唔同時段既menu, 保證你咩時間黎到都揀到心水又抵食既嘢，真係good(順帶一提，個薑茶好飲，辛辣又唔過甜)

餐廳位置就腳，喺教育路嘉城附近，十分易搵。油甘魚刺身，油甘魚刺身相當新鮮，肉質厚實滑嫩，魚肉細緻甘甜，入口即融。馬刀貝壽司，馬刀貝外表酷似一截竹子，肉質豐厚，入口爽甜飽滿，越嚼越能品味海洋嘅滋味。冷蕎麥麵，蕎麥麵嘅旁邊係得意可愛嘅鵪鶉蛋，將鵪鶉蛋連埋啲蔥花同蘿蔔蓉一齊倒落個豉油度，簡單嘅美味就咁完成。汁燒茄子，呢度嘅汁燒茄子做得相當之出色，醬汁味道豐富，又燒得夠腍身，上枱夠熱得嚟唔會話太油，激讚。汁燒豬頸肉，特別鍾意佢啲豬頸肉旁邊有即炒嘅日式炒雜菜，咁食油脂豐富嘅豬頸肉嘅同時亦都減低咗個罪惡感。滑蛋雞扒鍋飯，雞扒鍋飯好大堆頭，除咗塊雞扒鋪滿哂個飯面之外，仲有埋麵豉湯同中華沙律，如果滑蛋個比例再多少少相信會更加好。綜觀呢間餐廳嘅出品都有不俗嘅性價比，唔怪之得咁有人氣啦。

成日行返屋企經過都見到呢間日本餐廳門口鬼死咁多人，今日卒之有機會嚟試番一次。三文魚碎蟹子沙律，呢度嗌沙律嘅叫法首先係揀配料，配料有粟米，煙鴨胸，三文魚，雜錦魚生同芒果大蝦等等嘅選擇，跟住再揀選份量，份量有二人前又或者重量級，最後先揀個沙律底；我哋揀咗個二人前嘅三文魚碎蟹籽沙律，雖然只係42蚊，但係三文魚嘅份量都唔少，如果再多少少沙律醬相信會更加Juicy。赤貝壽司，呢度嘅壽司貫徹元朗壽司店一貫嘅抵食夾大件，大件之餘赤貝亦都相當新鮮，口感爽脆清甜。辛辣三文魚碎壽司，辛辣三文魚辣得過癮，個辣味有少少似韓國辛辣麵嗰隻味道。炭燒雞肉，雞肉燒得嫩滑，明顯無醃得太耐，配埋惹味嘅照燒汁，好味。肥牛野菜葛絲鍋，將粉紅色嘅肥牛中間個生蛋攪勻，再沉喺鍋底，好快就形成滑劣劣嘅半生熟蛋，葛絲即係粉絲同埋薯粉啲friend，口感滑溜，配襯住個醬油湯底一齊食就最好不過喇。海膽蛋白帶子炒飯，炒飯上面有一大堆海膽，海膽入口甘香，帶子都有成六隻，係性價比相當高嘅一個炒飯。

If you’re wanting to eat Japanese cuisine at a cheap price this is the place to go!Just a fair warning though that the portions of their rice dishes and sushi rolls are huge! The roll we had was nearly this size of my arm! So maybe order these to share as it’s quite hard to finish by one person.Sashimis are super fresh and delicious. Salmon belly has the right of portion of fatty and lean.There’s a lot to choose from their menu, and the staff is really kind and will explain the items to you.

相信喺元朗生活過嘅朋友都一定會食過元朗出名嘅大大件壽司猶記得細個嘅時候 初嚐大大件壽司嘅感覺感覺係夠飽肚 超級抵食呢一間位於教育路嘅《一番日本料理》秉承元朗日本餐廳嘅傳統大件抵食又好味而且餐牌嘅種類亦相當廣闊刺身 壽司 串燒 炸物 鍋物 拉麵 都一應俱全保證搵到你想食嘅今晚同屋企人一齊食餐好先叫咗個三文魚碎蟹子沙律（細）估唔到細嘅蟹子沙律分量都有一大碗青瓜夠新鮮爽脆 蟹子脆卜卜加埋三文魚碎 蟹柳 同bb沙律醬非常之開胃黎到我最期待嘅大大件壽司白色嘅馬刀貝壽司橙色嘅赤貝壽司以及蟹籽沙律腐皮船馬刀貝口感非常爽口赤貝夠鮮甜而蟹籽沙律腐皮船甜絲絲壽司飯方面 大大嚿由於加入咗壽司醋 就算大舊嘅壽司飯亦唔會覺得飽滯串燒方面我最欣賞呢個燒汁茄子茄子方面燒得非常柔潤上面搽上日式照燒汁 唔會乾爭爭茄子仍能保持鮮豔嘅紫色睇落已經覺得相當美味熱辣辣嘅肥牛野菜葛絲鍋湯底方面清清地 唔會過於濃味啱曬追求健康嘅父母肥牛分量相當多牛味不過不失 但肉質亦算嫩滑上面仲有隻滑蛋 令肥牛食落更加嫩滑最後嘅冷蕎麥麵比較特別 加入咗天婦羅碎混合埋蕎麥麵一齊食 增加咗香脆嘅口感冷麵汁配埋 鵪鶉蛋 同埋香蔥令蕎麥冷麵更加掛汁汁燒豬