一番日本料理

營業中

休息中

每日晚飯時段嘅元朗街頭，總係見到一番日本料理門外坐滿等待嘅食客，所以一直都冇想要去試下嘅念頭。今日機緣巧合之下，發覺午市有好多抵食套餐，而且唔需要等位，於是就入左去試下喇。無論係定食，刺身，壽司，定係沙律，種類都好齊全。一定會揀到你啱嗰樣。最平嘅套餐中，只係需要29蚊。而且加五蚊就可以加配兩件指定壽司，而且係即叫即做，性價比真係好高。加十蚊的話，仲有埋沙律同埋甜品，當然我一個人食唔曬啦。等我下次同男朋友嚟一齊share多d唔同款式先。

新年假期輕輕鬆鬆，朋友入左黎元朗，同佢去食下小店先，連鎖店無驚喜嘛，揀左黎長時間都排隊等位嘅一番食日本野。下午三點左右黎到，店內半滿不用等位，lucky呀店內雖小，但高樓底，都幾有空間感呀。新春期間無左特價嘅下午茶餐牌，但散點價位同平常差不多，都無離地喎。吉列豬扒定食（$46）朋友點左吉列豬扒定食，份量都幾大，大大碗珍珠米飯。即炸豬扒熱辣辣。雖不算好厚切，但鬆脆香口幾正呀。蒜香牛油三文魚骨腩（$32）朋友鍾意香口野，叫個蒜香骨先。一碟有六塊，骨腩位只有中間幾條骨，好易食，炸得有點乾但勝在夠香口。啲蒜勁多勁正～蟹籽沙律（$36）好似點太多炸野又點返個沙律，青瓜絲好新鮮，爽脆多汁，仲有勁多蟹柳絲蟹籽同粟米，配埋蛋黃醬好好味呀。比較像港式的日本菜，勝在份量大價錢貼地，食物款式也多，小店加油～

今日和朋友在元朗食午餐，元朗這個地方有很多好食的東西，我們去了一番日本料理，中午時段不用排隊剛巧他們午市做優惠，十分開心入到餐廳店員很有禮貌地招呼我們坐低，這裏環境整潔乾淨，裝修很別緻細看餐牌有很多東西選擇，最抵食的一定是這個午市優惠套餐這個套餐有很多款式選擇，最平的套餐只需$29，已其他套餐的價錢亦相當吸引他們的壽司是即叫即做的，真材實料，蟹子壽司一放入口，蟹子卜卜趣在口內三文魚壽司一放入口魚肉甘香，而鰻魚壽司亦很好味三文魚刺身很厚身，墨魚刺身亦不錯牛肉鍋很好味，湯底清甜，烏冬爽滑這個三文魚親子飯，我很喜歡食，三文魚子，蟹子和三文魚都是我很喜歡食的這個甜蝦這個價錢有這個份量，性價比很高

每次經過都見到好多人排隊琴日同男朋友去見冇人排就即刻入去食menu好多選擇 壽司刺身手卷反卷定食麵食小食U name it and they have it!!!最後係久經掙扎後揀咗鰻魚烏冬😗我覺得鰻魚就不過不失 平平無奇不過無諗過佢條鰻魚係咁大條😌呢個扺讚上餐速度有d慢 同埋落漏單 服務態度幾好所以不用擔心 不是串串貢的🤫眼見其他客人order既壽司 我真係嚇咗嚇😨我平生都冇見過一件壽司係可以大件到咁真係一舊等於一拳頭😦嗌碟反卷 有5件我諗兩個人些牙食應該都夠飽

早排有朋友介紹呢間日本料理，話價錢平民味道唔錯喎。果日六點幾到，之後門口好多人排隊，大家嚟要提早攞飛仔呀，由於第一次嚟食，所以同女友問侍應有咩特別推介，侍應強調佢哋份量好大，比咗一啲建議我哋參考，由於我真係好肚餓同時又係大飯筒，深信自己食量最後叫咗一個丼飯及一個小鍋做主菜，之後叫咗壽司及炸物。丼飯率先上枱，刺身係飯上面立立令好新鮮好好味(最少兩至三人份量) ; 之後立魚鍋上枱，第一眼見立魚係炸係我預期之外，可能廚師怕魚肉散開所以咁做，另外個鍋有粉絲及菜，湯底仲有選擇唔太差; 接住壽司同炸物，壽司好誇張體積大到同湯匙好接近，好新鮮但個人對蟹膏壽司失望少少，蟹膏唔夠多又有蟹柳係面，我選擇咗蟹柳先食之後再成件食🤣享受蟹膏，至於軟殼蟹係必食推介，好想加單叫多次，但由於飽到上心口再加上附送糖水，所以留返下次對付佢😏。

每次經過一番總是大排長龍，我個人唔係咁鍾意排隊，所以同朋友約12:00早啲黎食，咁就唔使排隊✌🏻一番出名大件，我同朋友兩個女仔唔識死，叫到成台都係🤣🙈先黎刺身一碟，有甜蝦、帶子、三文魚、希靈魚，每件刺身都大件，我係帶子同甜蝦控，啲帶子同甜蝦都好鮮甜大愛💗再黎有鐵板一口牛柳粒，個汁味道唔錯，不過牛肉略嫌有啲韌。然後有明太子雞翼，炸得外脆內軟，好味叫左兩款燒物，燒茄子同一口甜薯，茄子應該炸完再燒，所以有點油，但個皮都燒得幾脆，幾鍾意佢個燒汁，帶點甜味，而甜薯都燒得啱啱好～最後有鰻魚炸蝦反卷，每一舊都好大舊，炸蝦炸得好脆，好味！食完真係好飽。

以前耐唔耐都會黎呢到食晏就，但夜晚就真係好少，因為每晚都排長龍要等位，今日就避過左繁忙時間，晚上10點先黎食宵夜，但都等左一陣先有位。餐廳內外餐廳唔算大間，而且長期多人幫襯，座位編排都比較密，舒適度較低。食物選擇真係花多眼亂，選擇多到填滿兩面A3 size既餐紙，價錢全部都好親民，店員仲告知9:00pm後原來每人送飲品同糖水，真係十分抵食。沙律 ----魚生碎配蟹籽沙律 $65次次黎都會點，一定要點重量級！因為超超超級大碗，應該用大煲黎形容至岩，直情用好似整蛋糕打蛋果啲大器皿裝住，一定係2個人share。有大量青瓜絲、蟹柳絲、蟹籽，沙律醬份量適中，最怕太多沙律會好膩同每啖只食到沙律味，呢到唔會，青瓜絲佔最多，魚生碎唔算太少，整體味道正常，以份量取勝！鮮帶子壽司 $13件件壽司都係Mega Size！又係超大件，鮮帶子食落都嫩喉冇渣。三文魚壽司 $13唔止飯係Mega Size，魚生都大大一片，食落都唔會霉口，質素正常。油甘魚壽司 $15望落就比較冇咁新鮮，魚油香欠奉，較失色。燒鰻魚壽司 $21見到人地既鰻魚壽司十分吸引，所以又嗌黎試下，長到掂哂碟，同一隻手掌咁大件，燒得好靚，食落有油甘

元朗名物 --> 特大手卷！相信即使區外朋友仔都聽過（笑）一番日本料理就有這炸軟殼蟹三文魚手卷，一件的直徑有豉油碟這麼大，一客有六件之多！！差不多有兩碗飯的份量，三至四人用都夠食，一反「日本菜食精緻不是食份量」的概念。手卷size回復正常（笑）角切三文魚量算多。略嫌紫菜不夠新鮮脆口。老公點了一份照燒雞扒定食，雞扒燒至皮脆肉嫩，醬汁亦對胃。這裡的食物份量不吝嗇，大食的朋友一定很高興（笑）個人推介這一鍋關東煮，材料豐富，甜豉油好味沒有過甜，水準不錯！當中我最喜歡的是這個福袋，一窩只有一件唷，豆腐皮吸收了甜豉油特別好味～蘿蔔亦特別入味無渣！蒟蒻，煙韌彈牙的口感很特別。窩內大部分配料都有兩份，二至三人用都夠！店子比較小，座位不算寬，說到食物，味道屬於正常，不能說很有特色，但絕對是以份量取勝，性價比高。

黎到元朗，有好多嘢食選擇，正值中午時段，每間餐廳都很多人，經過這間日本料理，他做緊優惠，細看一下正門的餐牌，價錢很吸引很超值，就決定這間對於精打細算的我，午市優惠我絕不放過，入到店舖店員很有禮貌招呼我們座底，這裏還境整潔乾淨午市優惠套餐有很多款可供選擇，最平＄29都有午餐食，真的很優惠，有乜可能食日本菜午餐會出現$29壽司套餐件件壽司每款都不一樣，適合花心的我一食落囗壽司刺身也不錯，份量也相當多以這個價錢食到這種質素和這個份量，真的十分超值也相當抵食海鮮丼帶子鮮甜份量十足

阿叔話元朗有間賣寵物食品用品既舖頭好平，特登搭車入去，點知冇開咁唯有周圍行下啦，行到咁上下搵食，見到呢間日本料理七點零鐘已經坐到滿哂，仲有人係出面等緊位同埋嗌外賣，我地又諗住攞左飛睇下會唔會好快有位，結果等左大概十分鐘就入得睇張menu好多選擇，價錢仲好平民化！嗌左個丼飯，啲刺身夠新鮮肥美，啲芥辣我覺得好好味，令個丼鮮味大大提升！仲有碗麵豉湯，不過味道我覺得好一般呢個係立魚鍋，好足料，食極都有，不過其實有少少失望，開頭諗住係新鮮魚塊，但出到黎係炸既壽司，嗌左幾款，件件都好大件兼抵食，整體黎講係好食，不過呢款八爪魚就咬口太強勁喇呢個，必食推介！好好味，軟殼蟹天婦籮炸得十分香脆可口，而且價錢仲唔貴添$39咋，超抵食呀！一定要嗌！最後埋單，估唔到有個中式糖水，木瓜雪耳，真係意想不到，我覺得好好食總括黎講，呢間日式料理細細間，但啲野食一啲都唔細！我地兩個人嗌幾樣野都食唔哂，真係好平民化呀！

有朋友住元朗，不其然就成日去元朗搵食😋今次去左呢間日本料理，喺教育路，即係大坑渠，b仔附近。Menu係一張雙面A4紙，超密密麻麻，勁多野食點！如果有選擇困難既朋友，應該都會幾難揀，因為真係好多野食😆😆仲要好多都好似好吸引～新年流流，大家都食滯，所以叫左個日式炒什菜，主要係有啲木魚，有少少調味，淡淡的，清淡啲都幾好！而且份量都好多！好抵食😆😆如果想食得濃味啲都仲有黑松露醬炒或者蒜蓉牛油炒。有機會我都想試下黑松露醬炒什菜🤤小嚐叫左兩個串燒，汁燒茄子同埋日式甜薯，因為面積問題，感覺見唔到甜薯咁🤣🤣茄子好味呀😋😋燒得剛好，唔會太乾，而醬汁加落去好惹味！！甜薯就咁燒都好好食，冇得輸架～～叫左幾款刺身，三文魚、大甜蝦、帶子同希靈魚，好新鮮！好正！！特別係帶子，好鮮甜🤤仲叫左個鰻魚炸蝦反卷，好足料好大件😋！每一舊都清晰可見鰻魚同炸蝦。蒜片一口和牛粒，上菜時見到仲出緊煙，啲汁係see see 聲，剩係呢樣都好加分，熱辣辣！加埋蒜片食，係一個好好既配搭（諗起去神戶食牛都係加蒜片😋😋）明太子雞翼，寫明要等二十分鐘，應該係即叫即煮，可惜我地係咁食野，攤涼左少少！係我地錯🙈不過都唔差，i like明太子！！而

幾日新年假期，日日都想要食，今日諗起日本菜，細佬住係元朗，約埋一齊吹吓水，佢介紹嚟這間一番日本料理。個舖名都幾得意，店舖雖然細咗D，但係好企理、乾淨，感覺幾舒服。 坐低就有個友善靚女介紹我哋要個招牌一番海鮮鍋。個鍋份量真係好足，好多靚海鮮。我哋加上燒羊架，燒得 啱啱好 ，幾款壽司、天婦羅蕃薯、南瓜，炸得外脆內軟，真係好師傅。菜單的食物真是包羅萬有，刺身都好新鮮，樣樣我想試，可惜個肚唔爭氣， 唯有留番下次再嚟試吓其他，可能要多D嚟， 至可以試 勻。

昨天年初五，我同老公去元朗家姐家拜年，昨天剛巧是我老公的生日，我家姐知道我老公鍾愛日本美食，就帶我們到她家附近的 "一番日本料理"慶祝他的生日，到達餐廳，餐廳職員很細心為我們介紹各種美食，我們就點了多款美食，最特色的 "一番至尊鍋 "鍋的材料非常豐富，主要是不同的海鮮，鹽燒牛舌也非常不錯，還有香草煎羊架，羊架配的芥末醬非常特別，跟羊架是绝配，我們還點了銀雪魚，燒鰻魚壽司，鰻魚很有份量，南瓜，番薯天婦羅也非常有水準，餐廳廚師真的很用心去烹調食物，選材亦很講究，餐廳還有很多美食要待下次再去嘗試。因價錢也非常合理抵食。

尋晚經過教育路 一 番日本料理 ，內裏 地方唔係好大 ，但 佈置非常 雅緻 ，舒服 。侍應都非常殷勤招呼。 仲介紹咗幾款 料理 。包括一番 至尊 鍋 ，香草 燒羊架 ，照燒銀鱈魚 ，南瓜番薯天婦羅 ，燒鰻魚壽司 等等 。羊架燒就啱啱好，香嫩 可口 加埋嗰 個 醬汁 味道 配合得 啱啱好 。銀雪魚 就 處理得 非常嫩滑 。鰻魚壽司就大大件 。 鰻魚 足足有 有手掌 般咁長。番薯天婦羅炸得外脆內軟非常好吃。 而最令人驚喜就係嗰個 一番 至尊鍋， 以呢個價錢享受到呢個至尊喎真係超值呀 ！好多海鮮都有 。而最回味就係嗰個蕃薯天婦羅 ，想叫多兩件但係可惜個肚唔爭氣。 已經 飽飽啦 ，今晚晚飯食得非常開心 ，下次到元朗都要再幫襯。

大時大節多數人都會出外食飯居多，可以輕輕鬆鬆傾住食當休息一下，是日又來左呢區探親拜年順便去埋食飯，而且係附近確實有好多不同特色食肆，正想諗下食乜之際就見到呢間日本料理係門口已見有人排隊等候入去，就知道有番咁上下人氣，係等緊位同時又可以係order張上揀啱心水食物，方便一陣間一坐低就可以即時品嚐人氣美食，係餐單上已有一系列菜式，由時令刺身、壽司、定食、鍋物、炸物、串燒同小食真係包羅萬有，我都點左幾款，先來梗係食至愛美食壽司，分別有蟹籽壽司同燒蠔壽司前者食到啖啖鮮甜蟹籽份量十足，後者蠔肉肉質飽滿多汁食得夠滿足再來有本店推介特色美食之一酥炸意大利芝士飯球估唔到係日本料理店都會有得吃有驚喜，上枱已見炸得好香口，外脆內軟熱辣辣食番粒，入口已食到軟綿濃郁飯粒配上芝士香味特別滋味再來有定食套餐滑蛋吉列朱扒鍋飯，仲附送埋前菜同麵豉湯，平時係日本料理好少食到有鍋飯底面層已鋪滿滑蛋又估唔到咁足料，配上吉列朱扒入口香脆之餘，肉質豐厚又嫩滑啖啖肉再食番啖飯口感好似食緊煲仔飯咁仲有飯焦添，最後埋單仲有精美利是封贈送，又品嚐一餐超值滿足美食。