一番日本料理

營業中

休息中

元旦假期與友到戶外露營倒數。中午時份離營，大伙兒到元朗市中心享用午餐才離開。 在營友介紹下，試了一間日本料理店「一番日本料理」。餐廳沒有奢華的和式裝潢，餐桌擺位亦密，主打街坊年輕人的生意。 餐廳的餐牌是一張雙面填滿的 A3 紙，選擇雖多，但同時令人眼花撩亂。 因出營時吃過早餐，小編只點了六件壽司享用。這些壽司予人的首個印象是十分大件，份量十足，目測比正常壽司大 1.5 至 2 倍左右。雖然這不是正宗的手握壽司做法，但勝在抵食夾大件，尤其能滿足年輕人的胃納。論鮮度，各刺身片的賣相普普通通，造功不夠細膩。送口享用，質素可以接受，至少食溫對辦，亦沒有予人不悦的腥味。多款壽司之中，小編推介帶子及象拔蚌壽司，前者有不俗的鮮甜度，後者則有不錯的脆爽口感。 淺嚐了數口「鱈場蟹豆腐葛絲鍋」，湯鍋以北海道牛奶泡製，味道既富奶香，亦帶微微滑感。一枝枝鱈場蟹腳不及餐牌相片所示的豐盛飽滿，出品只合預期。其餘配料如冬菇等仍舊使用厚肉大隻的選材，貫徹餐廳抵食夾大件的定位。 整體而言，「一番日本料理」以份量取勝，容易做出先聲奪人之勢。食品水準合理，難怪午後二時仍然客滿。

依間餐廳係朋友帶我去既 舖頭唔係好大都要等一陣位先入到去~但係每一樣野都係好大份既~ 就連沙律都好大碗而且啲野全部都好新鮮~我地仲有另外嗌生蠔 都一樣好鮮甜~另外其實依邊唔只得生野 仲有好多熟食岩曬一班朋友一齊黎~

好耐之前已經食過幾次 因為呢到出名好長身一塊三文魚蓋住壽司飯🍣 (其實好似唔止三文魚係長身)今日又經開元朗 又再黎到試一試lunch😛前菜有沙律同春卷選擇我地全部都選擇左春卷 (每人3條😍)好香口 如果有埋沙律醬點呢就正<叉燒烏冬><迷你什錦壽司(圖一)+湯烏冬>平時出面食定食多數烏冬都係細碗上但呢到都係大烏冬+8款壽司 真心抵<日式鍋燒鳥冬>岩岩煮好仲鐵兜熱上 食要小心有天婦羅等炸物 記得預先夾起哂😛湯底係燒汁 而且配料都多 所以好好味啊

呢度嘅壽司出名大件夾抵食！仲要佢係唔收加一服務費㗎👍🏻基本上每一台都一定會有個*蟹子沙律，我每次嚟都（必叫）嘅☺️沙律份量多得嚟味道係唔錯㗎，有青瓜蟹籽蟹柳等配料，食到最底都仲會有沙律醬～然後佢最出名嘅大大件壽司都係（推介），飯唔算太大嚿，但係條三文魚仲長過我手板啊！😍另外仲叫咗：三文魚刺身、炸軟殼蟹、清酒煮蜆、海膽手卷、松葉蟹膏手卷、滑蛋豬扒飯等⋯呢餐好滿足，日本餐嚟講，價錢親民，味道唔錯，刺身夠新鮮👍🏻

今天早了下班，可以去元朗找食的東西，剛好有朋友一起去，可以有個伴，叫了東西一起分享到了元朗，我們去了一番，大概5點45分，不用排隊，直接就可以進去。太開心了，剛好可以叫下午茶時段的雞扒烏冬，才28元，我自己就覺得便宜的。我朋友就叫了迷你海膽甜蝦丼，這個就要48元。迷你海膽甜蝦丼，這個就要48元。有三隻蝦，海膽少許，下面都是飯，一小碗的，味道鮮甜。雞扒烏冬，才28元，這個就一般，雞扒的肉質不太嫩，烏冬普通，沒什麼特別。不過，才28元，自己良心也覺得：也不能要求太多，哈哈，所以算了，整碗雞扒烏冬都食完。最後，因為我們都想食他們的壽司，所以都分別叫了不同的壽司品嚐一下。我自己覺得帶子壽司鮮而甜，海膽新鮮，三文魚肥瘦剛好，滿意，下次會再叫這幾款。(>^ω^<)

下午4點肚餓, 又想食日本菜, 可惜大部分的壽司都落場喇, 行左幾條街終於搵到呢間店, 全日營業而且下午茶仲有優惠極級肚餓, 好多餐牌但眼花撩亂一口氣點左好多款食品, 包括壽司、刺身和烏東刺身套餐$48 (有吞拿魚, 立魚, 大甜蝦, 海膽和翡翠螺) 但這個我不太推介, 因為吞拿魚唔好食活赤貝(2隻$78) 爽脆超新鮮, 強烈推介多款壽司, 特別推介右上角的白玉豚(每件$18)和珍寶帶子皇(每件$28)但所有壽司的飯量都很多, 超飽肚鵝肝壽司(每件$19) 鵝肝大件抵食但略嫌鵝肝過熟深海池魚皇壽司(每件$21) 這個池魚皇很讚魚切得很厚有質感巨型花之戀壽司, 很搶眼的每個壽司有個碗咁大個😂可見這碟壽司有成碗飯喺度但食落三文魚有點腥味鮮茄牛肉烏東(下午茶套餐$29碗) 味道不錯

元朗一番壽司店唔收+1服務費。。。通常夜晚食餐飯啲鋪頭都要收+1服務費。。。一番壽司店就唔收，所以我覺得幾好。。。叫咗個焗帆立貝。。。但係唔知點解面頭上面係綠色嘅食落口都OK嘅。。。入邊仲有啲類似沙律醬嘅嘢。。。炸天婦羅一定會叫啦。。。有炸蝦。。。炸冬菇。。。炸南瓜。。。面頭上面嘅炸漿唔算話好薄，都唔算好厚。。同一般壽司店嘅炸天婦羅差唔多為咗夠飽肚。。。一定會叫一碟卷物壽司係一番壽司店叫既卷物壽司。。。通常啲飯都係好多 。。所以成件好大件。。。好有視覺效果如果超級好味，又稱唔上。。。但係好在價錢夠平。。。仲叫咗個牛肉鍋。。。上面有隻半生熟嘅雞蛋。。。鍋中勁熱。。所以將隻雞蛋撈埋一齊。。。味道好夾因為牛肉鍋送到黎嘅時候。。。上面啲牛肉都未熟。。。當我將半生熟嘅雞蛋同埋未熟嘅牛肉。。。全部撈埋一齊嘅時候。。。因為鍋夠熱。。。所有食物都變得啱啱好熟 。。食落去唔會好「鞋」啲牛肉都幾滑最後仲叫咗一碟刺身。。。普普通通啦。。。又唔係話超級好味。。。但係都算新鮮嘅。。可能呢間鋪嘅價錢都好平，所以好多人去。。因為好多人去嘅原因。。。所以刺身都去得好快，刺身唔會話擺太耐都未賣得出去。。。但係因為好多人

元朗尼間一番係我食過嘅最抵食壽司店一番壽司件件都超級大件。。。俾你睇吓我叫嘅卷物壽司🍣淨係食佢啲飯都已經飽晒。。。中間仲有啲青瓜絲。。。面頭有少少芝麻，食落去有少少香口。。。中間嘅餸就略為少左啲不過，其實一碟有咁多件，仲有咁多飯，如果肚餓，真係食完會飽，所以我先至話抵食。。。另外我仲叫咗我最鍾意食嘅沙律。。。個個都話食沙律唔會肥。。所以我一定叫佢。。。我今次叫咗個最簡單嘅蟹子青瓜沙律。。佢有細size嘅份量同埋大size嘅份量。。。我就叫咗個大size嘅份量比自己食。。。係成碟自己食晒呀。。。佢嘅沙律醬十分之充足。。。食到見底都仲有好多沙律醬。。。蟹柳同埋蟹子份量都OK。。。不過記得之前嘅青瓜絲好似份量多啲，而家就少咗啲。。。但係以咁嘅價錢，都有咁大碟既沙律來講，都好抵食啦。。。我個朋友就叫咗餃子烏冬。。。餃子烏冬冇咩特別。。。勝在價錢都抵食。。。一碗烏冬有五件餃子。。。餃子炸到好脆口。。。如果鍾意香口嘅人都鍾意食。。。但係我就覺得個皮有少少厚。。。我嘅朋友就反而覺得有口感。。。所以口感呢啲嘢真係見仁見智。。。。去日本壽司店食嘢，點都會叫刺身。。三文魚刺身一定係必備。。。所以我同朋友都

呢間D壽司出名大件夾抵食，今日同朋友一齊去試，去到見枱枱都有叫蟹籽沙律，當然要跟住叫啦，個沙律除咗沙律醬少咗D味道都ok，壽司就真係好大件啦，鰻魚又長又大件，仲試咗中拖羅同大拖羅壽司，個人就中意大拖羅多D，因為夠肥美，入口即溶，一定要試，燒三文魚頭燒得夠香又唔會乾食落仲有嫩滑，鰻魚炒飯，份量大，真心覺得抵食，仲要9點後有糖水同飲品送架，如果大家想食日本野的話，可能試下呢間，溫馨提示，晏咗就可能要等位等耐少少啦。

平時見好多人排隊，今日就排下隊試下，見門口有特價海膽，生蠔同珍寶蝦，當然要叫黎試啦，本身中意食海膽試咗68蚊味道ok都鮮甜就追加2板，生蠔13蚊一隻不過唔算大隻但好新鮮，珍寶蝦就一定要叫9蚊一隻蝦仲要長過筷子，食完刺身當然都叫D熟食先得，牛仔骨味道唔錯，芝麻雞翼夠香口，炒飯都唔錯，而家呢個價錢，邊度搵到平得黎又好食的日本野，我見壽司全部都好大件，份量又大，下次真係要叫多D人一齊食先可以叫多D野試。

呢間壽司店出名大件壽司，平時都成日要排長龍，喺門口已經要落定單👍入到去就可以唔洗等 接待員姐姐見到有小朋友都會送份小禮物比佢哋，小朋友有禮物收都好高興芒果鮮蝦蟹子沙律-芒果清甜。鮮蝦就麻麻啦，因為見到啲蝦腸有啲嘔心👎青瓜都夠凍👍沙律醬就比較少燒三文魚頭-外皮燒竉晒，但三文魚肉仲有汁。唔會乾晒👍👍👍可以試試 雞排拉麵-雞排都好大碟。醬汁有少少鹹味👎拉麵湯就剛剛好。好飲👍仲有半隻雞蛋同日式魚蛋芝士年糕- 炸得太耐😭好硬身。難食👎玉子壽司/腐皮壽司-舊飯好大舊😆食幾舊會好飽肚軟殼蟹反卷-真係好足料。軟殼蟹大大條。蟹子同飯都係滿滿。不過沙律醬唔夠

行見叫到間野好平，平時夜晚都有d人排隊，就一心諗住試下。 Lunch set好平4x -5x已經有個飯/麵+沙律/春卷（+$5兩件三文魚壽司）。叫左個個雞排烏冬，雞排好大塊望落好靚，但食落咩味都冇，唔好食！烏冬冇咬口又唔QQ，似係supermarket室溫最普通個d。唔推介 炸蝦反卷好大碟好足料，每舊都有兩條炸蝦，但唔夠醬唔夠惹味... 炸蕃薯條係唯一推介既，廿幾蚊咁大碟，仲要有紫菜碎伴碟，岩岩炸起好香蕃薯味，正！如果你你重量不重質既就岩哂。

兩年前黎食過 印象好模糊記得唔錯又抵食經過就再次光顧點知令我同朋友都十分失望！今次叫左炸雞軟骨散件壽司海膽手卷三文魚腩刺身甜蝦刺身$417埋單三文魚根本唔係俾腩位問佢「呢碟係三文魚定三文魚腩？」答我：「近三文魚腩位既部分」！！！！！三文魚同三文魚腩都唔同價位好似俾人呃錢禁甜蝦刺身咩味都無全部壽司的壽司飯都過大唔係食評講既 大件抵食係大件難食！沙律醬完全無味左口群邊無味三文魚壽司大大條但係薄過紙巾唯一不過不失係炸雞軟骨成餐飯都好失望最好味係我記憶中只有杯餐茶正常吐得落其他都太難食

只能講，最值得讚係冷氣好夠，而家d食店好多時食到你出晒汗。格局以為佢走平民路線，但坐落睇價錢又一d唔係喎，壽司嘅飯係好大舊飯 ( 最憎 )，飯較乾身，就係得個大舊，食幾件相等食碗飯😰 我個仔都話每樣叫一件試吓點先，部分我都要咗一件試，叫埋個芒果青瓜蟹子沙律，都話芒果啦，芒果加埋可能有一湯匙份量😨太太太呃秤，太太太核突！d沙律醬都係調節過，但一d味都無，怪怪哋，整晚係件鰻魚壽司較滿意，埋單 $250 ，同個抵字聯唔上關係，好食就更唔在講，點解都見佢有時門口咁多人🤔 我就一定唔會食第二次

平靚正 大大舊 元朗必食相信元朗人對呢間餐廳唔會陌生😍 一番一直黎都係我食日本嘢嘅首選！事源其實我本身唔太好日本嘢，但係一番係唯一一間我食完會好想再去嘅日本餐廳！講番今次食一番平時慣左要等位，今次帶成班市區fd黎食竟然即刻入得！佢地見到menu都呆左因為覺得真係好平，刺身50蚊樓下已經有好多，泰式生蝦成10隻都係$68！而我自己每次必嗌嘅就係大份量嘅沙律同埋芝士吉列豬扒反卷❤️❤️ 真係好好味，一舊反卷都大過個拳頭今次仲試埋軟殼蟹反卷！完全冇失望！！嗌到成檯野食最後埋單都係一人$120，9點後入座原來仲有甜品食。今次係芝麻糊，我麻麻地，但係依然改變唔到我對一番嘅愛！大家睇相！唔記得幾多錢，但係一番絕對係值得專登入元朗食嘅鋪頭❤️