一番日本料理

營業中

休息中

琴日同朋友去元朗摘士多啤梨去之前緊係要醫好個肚我地見到呢間日本嘢12點多已經就黎坐滿價錢都好相宜 就決定食呢間.我地點左個牛肉鍋 係傳統既牛肉鍋好多料 有好多菜 同菇類 當然唔少得牛肉 都好多片啊仲配埋白飯 好大碗加埋嘢飲都係54蚊 平到呢雖然唔可以話係天仙美食但呢個價錢 呢個質素 呢個份量 仲想點？另外我地點左2個加拿大海膽手卷份量同樣大件海膽雖然望落唔多 但係食到底都仲有海膽 唔會得飯呢個值得讚！.服務都唔錯 雖然多人但係店員都好有禮

師傅發板壽司拼盤，交俾師傅決定用咩食材，如果無特別種類唔食，非常推介試一試，因為一定食到當時最新鮮食材同埋有神秘感。重點請下幾款壽司：赤身，魚味好濃但又唔會過份到接受唔到，咬落腍身無筋。中拖羅，個人最喜歡中拖羅，油脂比例平均，有油香得黎又有魚肉口感。大拖羅，超肥美，睇到幾乎整片都係白雪雪既油脂（脂肪），入口即溶，好濃魚油味，帶少少筋但口感無太大影響，非常合格的大拖羅。比起刺身更愛壽司，單食刺身有時會太單調，而壽司配上米飯同壽司醋，能中和口中過多魚油味，更加能突顯各食材之鮮味。另外叫左個基本野試試，咖哩豬扒飯。咖哩係日式咖哩，蘿蔔同薯仔都唔少，唔會淨得個汁跟豬排，而豬排都合格，肉質唔會唔柴。

係元朗食日本野， 大家都知道特色就係大大件， 新鮮，又抵食。 就算食量驚人 都敵唔過幾件既巨型壽司。位於元朗教育路，無人不知既 一番日本料理， 基本上平時經過都係排長龍要等位， 但今日終於有時間可以比機會我等下位。 門口一貫既裝飾 就係紅色日本燈籠，比你知道里到係食日式料理既剩係門口見到d 海報已經知有幾抵食， 生蚝，海膽， 赤蝦。 無得輸入到去 位置雖然唔闊落， 但以香港而家寸金尺土既準則， 已經相當唔錯。 店內裝飾簡單得黎 夠舒服， 樓底高 完全冇壓迫感。事不宜遲即刻叫咗啲嘢食， 好快就上菜。 果然全部都大大件呀濃郁嘅芝士蝦子軍艦，勁重芝士味 正仲有我最愛嘅油金魚壽司同埋帶子壽司油甘魚同埋帶子超新鮮呀， 必食仲有呢個蔥粒拖羅碎軍艦， 沙律腐皮軍艦海膽軍艦同埋螺肉軍艦超大隻嘅軟殼蟹手卷啊 十分香脆。超大條嘅鰻魚壽司點少得日式餃子同埋烏冬呢芒果蟹子沙律， 新鮮有水準咁既份量真係三個大漢都食唔晒， 果然名不虛傳新鮮大件又抵食呀。 入黎元朗一定會過黎再朝拜多次

今日收工，細佬話帶我去食大大件壽司。 點知就帶咗我嚟呢間一番日本料理， 呢間之前都聽聞過，不過太多人排隊所以未有機會食到 。 今次細佬一早訂咗位，所以好好彩終於可以食到了。呢間小店雖然唔係好大，但係都幾光猛，乾淨和整齊。 晚飯時段已經滿座，出面仲有好多人排隊。牆上嘅圖案好可愛，好有日本風情。首先叫咗個蟹子沙律， 它分別有兩人和四人份量揀。 圖中的是兩人份量，份量好足， 芒果和蟹柳絲都好多， 全蝦也有好幾隻， 看來老闆一啲都唔吝嗇。鰻魚壽司好少見到塊鰻魚有咁大片和咁長， 鰻魚軟熟 冇細少既骨， 送到嚟還是暖暖的。隨意再點咗幾款壽司， 壽司款式多和夠新鮮， 而且每件都大大件，非常足料。 一件壽司等於人哋出面兩件， 而且價錢非常經濟。帶子裙邊裙邊好有肉，非常有口感，當中帶點還帶點酸味和辣味，非常開胃和惹味。軟殼蟹手捲軟殼蟹即叫即炸，炸粉唔會太厚， 入口軟熟 而且紫菜仲好脆口， 非常美味。餐牌款式多，每個系列都分得好整齊，非常容易揀。當日仲有店舖推介， 價錢大眾化，真係好抵食。

元朗人一定識夜晚時間勁多人排隊~小店位置唔多~ 所以都要等等~ 拎完位就會俾張Order紙你~咁等緊位時可以都可以揀定心水食物入座就快D有得食 (不過都都等左10-15min到先有野食上)壽司 時令刺身 飯麵定食 鍋物 炸物 串燒 小食 真係咩都有!壽司出名大件唔洗講 鰻魚壽司真係又長又大件 每次必嗌嘅就係炒飯 今次無叫鰻魚壽司 因為想食鰻魚炒飯$76份量已經無以前甘大  不過都唔少架啦! (以前太大姐哈哈哈)飯係偏淋身多汁~ 好入味~而且鰻魚唔會得幾粒! 好食!當然點少得沙律有二人前同重量級揀~我點左三文魚碎沙律 (二人前 S Size) $46 但都絕對夠2個人食 不過以前嘅份量好似再多啲因為沙律醬都幾多下 成年事Fresh得黎又好好食份量就唔多唔少 可以接受~咁嘅份量同價錢 都叫抵食極上三文魚雪花腩$66 (5件)味道同三文魚腩無異你問我有無咩特別 我真係答唔出但的確入口feel到魚脂係多D~三文魚壽司  ($15/1件)大大件 份量足 比正常壽司大炸軟殼蟹反卷($58/6件)真係好抵食...因為大大份 淨係食啲飯都會飽軟殼蟹略為少左啲 不過食完真係會飽 所以呢個價真係抵食~日本

一番日本料理是我的兒時回憶。小時候，爸爸媽媽經常帶我來吃一番。無論大日子還是家庭聚會，我們都會選擇來這裏吃飯。還記得這裏的壽司大大件，是這裏的特色之一。好幾年沒來這裏了，原來餐廳礦建了，鋪面比以前大了很多。人氣還是和以前一樣不減。我們點了一份火焰親子卷。親子卷還是和以前一樣大大件，賣相十分吸引。加州卷上鋪了一塊半熟的三文魚和三文魚籽。沾了沙律醬後味道更加豐富。魚生碎蟹子沙律。本身想點重量級的蟹子沙律，但始終我們人不多，所以還是點了二人份就好。但二人份的分量也比預期多，而且材料豐富，很足料，魚生分量很多。青瓜絲清新又爽脆，十分開胃的前菜。鰻魚炒飯。又一碟分量驚人的炒飯。鰻魚分量慷慨，加了粟米粒和木魚，口感也很豐富。炒飯炒得乾身而不油膩。土佐豆腐。以前來一番必點的土佐豆腐，多年沒吃，水準依舊。豆腐炸得金黃，外脆内軟，十分過癮。

舖頭細細 但食物多元化多選擇👍全部壽司都大大件, 但係價錢十分便宜, 真係抵食夾大件👍👍👍特別喜愛鵝肝壽司!刺身方面亦都一樣, 大大件,又新鮮👍連海膽都大大份!真係十個讚👍👍👍

今日相約朋友在元朗午餐，路經這間日式料理做午餐優惠，就決定這間午市套餐相當低食，最平＄29都有交易入到餐廳店員很有禮貎地招呼我們座下，細看一下環境整潔午市套餐果然吸引，幾十元就有交易，還平過一些茶餐廳這個牛肉窩烏冬，材料豐富，賣相吸引，喝一口湯清甜，牛肉剛剛好嫩滑，真的不錯這個三文魚親子丼，食材新鮮，三文魚子食落甘香甜蝦也不錯壽司是即叫即做的，而且有很多款式選擇，以這個價錢有這種質素，是相當低食，性價比好高

新年間去了元朗同朋友拜年，之後就同朋友一齊去了這裡搵食，有驚喜之餘亦覺得好抵食，冬冬地店員推介了個冬日推介，一番至尊鍋$138，點了個番茄湯底，呢個鍋材料十足，個鍋一上當然要飲啖湯，番茄味濃郁，鍋內放滿了不同嘅海鮮材料，有青口、元貝、蝦、魚片、豚肉、豆腐、金菇、粉絲等，大大鍋，樣樣齊，新年食就係有撈得起嘅感覺！除此之外還點了個燒鰻魚定食$72，燒鰻魚肥美軟熟，邊吃邊夾埋個鍋內嘅食物真係十分滿足！而最愛嘅明太子雞翼$35有兩隻，外面香脆，入口啖啖肉十分美味，而最估不到這裡嘅酥炸意大利芝士飯球$28真係超正，咬開流心嘅芝士同埋啲飯混埋一齊入口個種煙韌彈牙嘅感覺，正！新年其間埋單還有自家利是封送，大家開心！當日都超多人排隊等候，好彩朋友提早排隊等位，如果唔係就要係出面等待了

元朗雞地 街坊人氣日本料理食堂 受歡迎 有誠意 適合一家大細 例牌要等位【一番日本料理】‼️‼️元朗雞地大把嘢食，多到合埋眼都隨時入到一間😂但有間人氣日本料理，路經幾次都見到幾多人排隊同爆場，就知佢應該幾受觀迎！入到去餐廳，乾乾淨淨，裝修好和風，木枱木櫈好有氣氛，牆上面仲有大大幅日本畫🤨餐廳裝咗幅鏡增加空間感，四圍都擺咗吾少擺設，無論環境定感覺都真係好夠和風喎😮食物種類繁多，由刺身到壽司，由拉麵到定食都一應俱全～重點係，全部都大大份，份量十足💯刺身好新鮮，全部都冰底上，夠冰凍！大大片上，口感十足，要講下水母刺身，吾係好多地方有得食，好爽口🤤又有咬口同幾鮮甜，推薦～仲有象拔蚌刺身同樣好正，新鮮無異味，厚厚的一塊咬都有少少彈牙👍🏻金菇肥牛拉麵🍜份量好大碟嘅金菇肥牛，好中意個燒汁，牛肉完全入味，帶有少少甜味好啱要嚟送拉麵😋拉麵好大好大碗，份量認真吾細，兩個人share都夠食！拉麵好滑又彈牙，湯底清甜惹味，抵食之選！配埋波子氣水成件事就完美曬😛😛新年其間，餐廳仲送咗小禮物比我地，咁貼心，吾怪得咁受歡迎啦

和幾位住在屯天元的朋友約會當然選擇在屯天元吃. 屯門平日我也經常吃. 天水圍早排又去了. 所以便選擇在出名多美食的元朗區約會. 朋友說很久沒吃日本菜. 我們一行三人便在元朗邊行邊聊天邊找食. 一路行行到來比較少來的教育路. 一眼便看見這間日本菜. 行了那麼久二話不說便走了入去. 店內很多食客. 侍應也做到沒停手. 心想應該很不錯. 打開了餐牌花多眼亂. 又想吃飯又想吃小食. 唯獨有點浪費的是我不吃生食. 即使侍應做到無停手, 也有侍應來向我們推薦食物. 值得一讚. 最後我們叫了幾款食物大家一起吃. 分甘同味. !!火炙親子丼--底下的醬汁配上三文魚卷很好吃. 醬汁我也用來點其他食物. 是很美味. 滑蛋鰻魚丼--鰻魚份量不少. 而滑蛋汁也很充足. 可撈滿整個飯. 份量很多. 很夠飽. 迷你什錦壽司配烏冬---不同款式的壽司, 因我不吃生食. 只吃了熟食. 熟食味道很好. 朋友吃了生食也說魚生很新鮮. 好吃. 配上烏冬也是很大碗. 非常夠飽. 俄羅斯牡丹蝦--這個是朋友吃的, 他說很新鮮也很甜. 明太子雞翼--新鮮炸起熱辣辣, 入面釀有很多明太子. 很特別. 值得一試. 總結我們三人吃了那

住得起元朗就一定知的壽司店----一番日本料理壽司以大件夾抵食而聞名正所謂，一個人的晚飯都要食得好架~~~自己一條友食壽司無難度怕壽司太大份食唔落仲有精選人氣推介淨係食刺身，啖啖肉仲正三文魚、油甘魚、帶子、北寄貝、北極翡翠螺由於自己比較愛好油甘魚的油脂度極高，所以揀左呢SET($48)價錢都OK既，以晚餐個價黎計~~~第一啖食落的帶子超鮮甜，不醮醬油，不太冰凍，岩岩好三文魚、油甘魚算厚身，大大塊北寄貝、北極翡翠螺偏向爽口，不錯~~~吞拿魚沙律大大件壽司邊個食~~~知道一番日本料理就必然聽過佢地出品既壽司係大件與爭鮮比較，就有種相撲手既感覺雜錦魚生碎份量十足，所以揀兩件過下口癮就算啦~~~不過眼見人地一家大細叫左成SET花之戀大口大口咁食，好令人羨慕芝士焗蠔芝士醬落左極多，仲燒到焦焦地~~~食落不苦，OK芥末醬焗帆立貝芥末醬極厲害，好過癮，個種攻上鼻的辣度十分滿足，好特別4隻蝦+2件冬菇天婦羅皮脆，落粉不厚，直接食到材料，冬菇一點都不乾，外脆內軟

農曆新年去咗元朗行大運，順便同姊妹團拜，夜晚佢仲帶咗我哋去附近人氣一番日本料理食飯。對面馬路都已經見到長長嘅人龍，姊妹老公排隊等位我哋齊人就差唔多入得啦！地方企理，裝修又充滿熱鬧氣氛，價錢實惠，唔怪得咁受街坊歡迎！而且仲好似出名分量夠晒大件夾抵食！天氣涼兩地我哋就叫咗個一番至尊鍋 $138。裏邊真係包羅萬有，材料豐富又多海鮮，青口、大蝦、松業蟹腳、大蜆；全部都鮮甜美味！湯底我就要左蕃茄湯底，清新又有田園風味。肉類方便又有豚肉、肥牛同埋三文魚；真係一次過滿足晒所有嘅慾望，大人細路都咁啱食！見唔到壽司好大件我都忍唔住要試吓佢嘅左口魚裙邊，油脂滿香，確實不錯！串燒又係另一個唔錯嘅選擇，我個人推介豚肉，外脆內嫩，肉汁鎖住勁好味！最後埋單嘅時候店員仲送咗小禮物俾我哋，感覺特別窩心！好快一定會再嚟幫襯！

是夜媽媽見只有我倆不想煮飯，便到久違的一番食晚飯！我們點了兩款刺身，三文魚雪花腩果然是很肥美的腩位,賣相已經很吸引，食下去更看魚油甘香，入口嫩滑，令人齒頰留香！而油甘魚也不錯，魚味很濃，很新鮮，而且算厚切，性價比高！我也點了芒果炸蝦卷，上碟時也很驚喜，足足有手臂長度，而且件件有份量，果然是「大件夾抵食」！炸蝦很香脆，又大隻，加上芒果酸酸甜甜，中和油膩，混合來食很好味！另外點得燒牛舌還可以，厚身得來也很焾身，用黑椒燒得很香。而另一串雞軟骨，媽媽大讚，說脆卜卜有咬口，又有雞油香味！而鰻魚炒飯份量也很大，鰻魚很多，而且炒得煙韌彈口，又令到炒飯香氣十足，很惹味！我們食了兩碗已覺很飽了，但還剩半碟！整體來說，一番真是性價比高，價錢合理，但質素和份量都不錯，真是我們元朗街坊的好選擇！

一番日本料理食在元朗，食盡元朗，發掘元朗。前幾日吃完西餐，今日吃個日本餐。門面大大隻字寫住一番日本料理。好吧就試他一試。入到去乾乾淨淨，店舖空間不大，但坐得還算舒服。特級肥牛拉麵，大大份肥牛，加上勁爽的金菇，肥牛有香味，加上金菇有燒汁味，只是味道略為重了小小，用來送飯簡直一流，好可惜我揀了拉麵。份量超大，好適合發育時期的學生哥。雖然說後悔揀了拉麵，但其實拉麵也不錯，麵質軟硬度適中，湯底濃香夠味。老闆可能客人不夠飽，麵的份量也是很多，小弟已經過了黑洞胃的年紀，戰鬥力不復當年勇。餐廳放了鏡，增加空間感。鏡上放了不同的日本清酒，令人很想飲返杯。