一番日本料理

營業中

休息中

師傅發板壽司拼盤，交俾師傅決定用咩食材，如果無特別種類唔食，非常推介試一試，因為一定食到當時最新鮮食材同埋有神秘感。重點請下幾款壽司：赤身，魚味好濃但又唔會過份到接受唔到，咬落腍身無筋。中拖羅，個人最喜歡中拖羅，油脂比例平均，有油香得黎又有魚肉口感。大拖羅，超肥美，睇到幾乎整片都係白雪雪既油脂（脂肪），入口即溶，好濃魚油味，帶少少筋但口感無太大影響，非常合格的大拖羅。比起刺身更愛壽司，單食刺身有時會太單調，而壽司配上米飯同壽司醋，能中和口中過多魚油味，更加能突顯各食材之鮮味。另外叫左個基本野試試，咖哩豬扒飯。咖哩係日式咖哩，蘿蔔同薯仔都唔少，唔會淨得個汁跟豬排，而豬排都合格，肉質唔會唔柴。