一番日本料理

營業中

休息中

一番日本野餐廳係一個可以滿足日式美食愛好者既地方！呢次試左幾款招牌菜色，全部都係高水準。首先，三文魚刺身新鮮度十足，肉質細緻，油脂分布均勻，入口即化，令人回味無窮 🐟。壽司方面，包括腐皮壽司、三文魚壽司同燒鰻魚壽司，米飯同魚料比例恰到好處，口感豐富，每一口都帶來地道日式滋味 🍣。三文魚蟹籽沙律份量剛好，沙律醬調味清新，突出食材自然甜味 🥗。而脆炸蝦反卷同脆炸南瓜餅嘅炸粉輕盈，香脆不油膩 🦐，特別適合配搭其他菜式。甜品方面，日本甘栗紫薯餅香甜鬆軟 🍠，一口芝士更係濃郁滑溜，係完美嘅收尾 🧀。整體而言，呢度既菜式種類豐富，味道精緻，絕對係一個適合朋友或者家人聚餐嘅好去處 🥳。用餐環境亦舒適，值得一試！✨😊一番日本料理 (元朗)元朗教育路29號地下C號舖

元朗呢間日本餐廳好抵食，有多款刺身壽司揀之餘，仲有鍋物炸物，好多種類揀，一開頭見到menu價錢合理，嗌左啲壽司，一送到上枱，佢每一件壽司嘅大細同一個拳頭差唔多🤣🤣🤣超大件同埋佢哋仲有個晚市推介優惠，$11一隻珍寶赤蝦刺身，$78起一板海膽，本身勁想嗌一板海膽，但咁啱佢哋賣晒，最後嗌咗個$78海葡萄海膽杯，品質完全唔輸俾大品牌另外想特別推介忌廉芝士蟹籽壽司，一咬落去口感豐富，啲忌廉同蟹籽係個口度爆開晒，超creamy，好足料！最後佢哋送咗碗糖水俾我哋，香芋西米露，😋甜甜地，幾好食，員工都好nice，下次會再幫襯

元朗呢間出咗名大大件，大件夾抵食嘅壽司，唔黎都唔知原來真係可以整到拳頭咁大！佢哋啲壽司好多種類揀，試咗佢哋嘅加拿大海膽壽司、佐口魚裙邊壽司、忌廉芝士蟹籽壽司，特別要推介佢哋個忌廉芝士蟹籽壽司！由於佢大大份嘅關係，咬落去啲忌廉芝士蟹籽全部係個口度爆開，超juicy！另外試咗佢哋晚市優惠大推介嘅海膽杯，好有特色，除咗海膽同埋個蝦之外，佢哋嘅海葡萄好脆，加埋一齊食落口感好爽，又甜，值得一試👍🏻另外我哋嗌咗個鹿兒島豚肉蜆肉鍋，好足料，佢有幾款湯底選擇，我哋嗌咗泡菜湯底，滿滿一盤，唔係太辣，又食到牛肉嘅味道👅又飲到泡菜湯🤭值得一提！佢哋嘅紙茶杯好新奇🤣🤣紙杯最底有塵膜隔住啲茶葉，一倒水落去就即刻沖到茶，呢個設計好方便🤣👍🏻

壽司叫左鮮芒果、大甜蝦、味付螺肉、挪威三文鱼。呢幾款我比較鍾意鮮芒果，一開始見到餐單有呢個選項幾特別，但一啲都唔伏🤣🤣食完一堆肉食再試，煥然有種fresh嘅感覺！切粒好大舊。不過發現佢呢度嘅壽司都幾足料，好似味付螺肉，入口feel到包裹住嘅醬汁，充滿成個口🤣而甜蝦都唔錯，食落幾鮮甜，肉質嫩滑！不過三文魚壽司係刺身對比之下，我覺得刺身更勝一籌😼刺身叫左三文魚、象拔蚌。三文魚食落好新鮮🤣好讚！肉質幾厚身同鮮嫩，有機會我會想有試多次！而第一次初嘗象拔蚌，口感幾有趣，食落feel到個肉質薄切又不失佢本身肉嘅口感，食落幾爽滑，冇腥味！🦪蒜茸燒半殼蠔我第一次食過覺得連啲蒜都係咬粒感，燒嘅焦係表層啱啱好！我個人都幾鍾意蒜，我覺得可能表層燒得太好，搶左蠔本身嘅風味🤣如果挑剔地講，兩者兼顧埋就更上一層樓！🍜叉燒烏冬，下午茶$38就有大碗，我覺得幾抵食！🤣🤣叉燒係湯配合下，都好入味，肉質軟嫩，入口就斷😼

今次嗌咗個冬日限定泡菜鍋，百零蚊就有個火鍋同埋刺身拼盤，對於食材質素嚟講，真係物超所值。同埋原來每個客人去幫襯，除咗送飯後糖水或者雪糕，仲會送小禮物㗎，今次就係鎖匙扣同電子水樽，覺得老闆真係好用心做好呢盤生意，俾客人有種賓至而歸嘅感覺！服務方面，店員態度親切，經常主動幫助，又會好friendly咁同我哋傾偈。總括來講，元朗一番日本料理係一個非常值得推薦嘅地方，無論係食物、環境定係服務質素，都令人感到滿意。

#元朗食好西 元朗一番日本料理係我近期發現嘅一個隱藏版美食店鋪！一入到去，店舖嘅設計真係好有心思，牆上仲有日本風格嘅畫作，令人有種身處日本嘅感覺。環境整潔，座位間隔適中，非常適合聚會。慶祝情人節，所以我哋今餐兩個人都食豪少少，人均港幣$200。話說佢哋嘅時令生蠔同珍寶蝦，肉質鮮味肥美，味道簡直無敵，另外重點咗一下加拿大海膽，又係另一驚豔之作！另外，我哋今次都嗌咗一個$138嘅冬日限定泡菜鍋，兩個人share，包咗前菜、白飯、泡菜鍋同超豪華刺身拼盤，性價比超高，絕對唔可以錯過，湯底濃郁，真係好值得。最驚喜嘅係原來只要幫襯堂食，老闆除咗會送飯後糖水或者雪糕，仲會送啲自家小禮物，真係又食又拎，超體驗難忘，以後去到元朗唔知食咩，呢度都一定會係名單首選！#香港美食 #香港foodie #元朗美食 #一番日本料理

-📍一番日本料理 (元朗)地址：元朗教育路29號地下C號舖📞：35210387💎迷你什錦壽司配烏冬🍜 💸 HKD62什錦壽司🍣包括（三文魚、 吞拿魚、無頭甜蝦、量魚、蟹籽、立魚、 仿飽片、玉子）用料新鮮，可以一次過試晒唔同款既壽司加埋湯烏冬口感煙韌 份量岩岩好 性格比高💎軟殼蟹🦀唐揚 💸 HKD 56軟殼蟹🦀香脆可口，炸粉唔會太厚💎鹽燒雞🐥軟骨串(1串） 💸 HKD 15💎鹽燒牛舌🐮👅(1串） 💸 HKD 28雞軟骨串有口感，牛舌入味夠林，兩款都好正😍💎百香果汁 💸 HKD 9百香果汁🍹清甜又有蘆薈粒粒有，幾好飲—————————————————————-Overall Performance:味道😋：4/5環境🍀：4/5服務👯：4/5衛生👀：4/5抵食💵：5/5

收工在元朗晚飯，選擇了一番日本料理近來佢哋推出好多唔同嘅優惠但我覺得最正嘅係以下呢樣赤蝦刺身$11一隻，忍口只係叫咗四隻，大大隻又新鮮，抵到爛！加埋呢個餃子拉麵，湯底好鮮味，餃子炸得啱啱好，餡料好足夠，大大碗好滿足唉，又要減肥！

🍽 一番日本料理📍元朗教育路29號地下C號舖用得日文🇯🇵「一番（最好的）」做店名嘅鋪頭，一定有佢過人之處😎，臨近聖誕，雖然已經plan咗去日本做美食家😚，都係忍唔住要過住刺身癮先😈，號稱第一嘅日本料理究竟有幾勁，試過先知🏃🏻。～大盛刺身🥢🐟（60片）一番震撼🎊，齋望都覺得吸引，種類應有盡有，我心目中排第一🤤嘅應該係日本甲紋魷魚，上面鋪有三文魚籽，入口除咗有魷魚刺身嘅爽滑，仲有魚籽嘅海鹹味配搭，當然魚生都好多款，款款都好新鮮，樣樣都有6片，大滿足！唔單止過足口癮，質素都唔係隨便👏🏻。～巨型鰻魚丼一番巨型💯，條鰻魚仲長過手掌，肥美到不得了💪🏻，一切開啲鰻魚汁喺肉入邊滲出嚟，配埋粒粒分明嘅珍珠飯，咁巨型嘅鰻魚丼先88蚊😳，仲有碗面豉湯送，不過聽聞呢個優惠今個月最後啦😯！～喳喳仲有晚市堂食優惠，送嘢飲又送糖水，店員話夏天通常送雪糕，呢排有啲凍就轉咗暖粒粒嘅喳喳🤩，有啲椰香味，一番暖心💕！大家成日都話食刺身不如去日本食✈️，不過我都真心讚賞本地嘅鋪頭同佢哋啲師傅😊，一直堅持提供高質又抵食嘅直送食材，呢個先係「一番」心意🥰！真心推薦俾大家

下班與朋友在元朗晚餐，去了性價比高的一番日本料理。這裏不時推出時令菜式，介而且價錢很優惠。首先是珍寶赤蝦刺身$11/隻，大隻到不得了，十分新鮮！鮮嫩的蝦肉在口中瞬間融化，搭配一點醬油與芥辣，增添鮮味。接著是餃子拉麵$59，麵條彈牙，湯頭濃郁。煎餃子外皮薄而餡料豐富，咬下外皮脆脆的，特製餃子醋還有蒜蓉香，味道不錯。吉列豬扒飯定食$63，豬扒外脆內嫩，搭配沙律醬增添濕潤感。白飯是珍珠米，很煙靭。還有麵豉湯和中華沙律，這樣一個套餐非常划算。最後是串燒茄子$15，茄子燒至柔軟，淋上特製醬汁，既有甜味又帶有微微的煙燻香，十分開胃，我和朋友都覺得好味。這裏晚市堂食都會送飲品，我們點了一杯紅棗蜜和柚子蜜熱飲，在轉涼的天氣增添溫暖，很貼心，又實惠。海鮮的鮮美，麵食的溫暖，加上性價比高，還有職員有禮的招呼，都是令人滿意的用餐體驗。

一番日本料理地點：元朗教育路29號地下C號舖今次分享一間抵食日式料理🇯🇵聽元朗朋友講，呢間舖頭出曬名性價比高😏一於嚟試下大盛刺身菜單上食物款式非常多，有選擇困難症嘅我決定直接嗌一個大盛刺身先😎400幾蚊有60片刺身，份量非常足，款款都係經典！有三文魚、甜蝦、希靈魚、帶子、北寄貝等等，刺身控一定明有幾幸福🥹所有刺身都好新鮮，夠鮮甜。魚刺身夠曬厚，食落好滿足！巨型鰻魚丼睇相就知道份量有幾澎湃😝鰻魚足足有我兩隻手掌咁長呀！視覺上超震撼🤤鰻魚肉厚，刺少，皮薄煙靭，肉質鮮嫩。鰻魚汁嘅調味好惹味，配飯食一流，$88就食到呢個質素，真心推薦👍🏻店員話呢個優惠做埋今個月咋，鐘意食鰻魚嘅朋友仔唔好錯過！晚市堂食會送飲品同甜品，甜品根據季節而變化，冬天嘅甜品係暖笠笠嘅糖水😍超窩心💕今日嘅糖水係喳咋，香甜得嚟椰汁味好濃，係完美嘅收尾甜品✨

🍽️一番日本料理 (元朗)📍元朗教育路29號地下C舖食完下午茶去元朗遊車河同行吓，今日真係好胃口，5:30p.m.又有啲肚餓㖭，見到呢間日本料理好似唔錯，又去食少少🤣～叉燒湯烏冬湯底濃郁，好甜唔肥膩，麵條滑嫩，叉燒好瘦好好味，肉質鮮嫩多汁，搭配上新鮮的蔥花，食完感覺溫暖、美味及滿足🍜🥢～三文魚呢個一向我鍾意食，刺身色澤鮮紅，魚肉鮮美，口感細膩，入口即化，搭配少許醬油和山葵，更能凸顯三文魚的鮮甜🍣🐟～芝麻雞翼雞翼香脆調味佳，外皮酥脆，內裡鮮嫩多汁，芝麻的香氣濃郁，美味之選🍗🌿～鰻魚壽司應該形容係特長鰻魚壽司👍鰻魚鮮美多汁，醬汁甜而不膩，搭配上軟糯的米飯，口感豐富，一試難忘🍣🐟～甜蝦壽司甜蝦甜美的味道在口中回蕩，簡直係味蕾的享受，尖嘴嘅老公都讚好好食🍣🍤

珍寶赤蝦刺身原隻赤蝦啖啖肉，香甜新鮮，咬落去好彈牙，勁多汁，連蝦頭既蝦膏都唔好晒，食過返尋味！名不虛傳鎮店之寶No one!三文魚手卷三文魚十分肥美，食落有油脂香味，油脂分布平均，新鮮可口，令人回味！蝦天婦羅手卷😄😄炸蝦熱辣辣，外脆肉軟，味道香口！燒鰻魚手卷燒鰻魚超級推薦，鰻魚質地厚實，啖啖肉，食材新鰻，咬落有口感，配上特製既鰻魚醬，香氣撲鼻，實屬必點之選！其他壽司店不能婫美！星鰻手卷星鰻魚味濃郁，但沒有腥味，肉質細嫩，配上特製既醬料，唔會油膩！加州卷一份有六件的加州卷實屬大胃王之選，飯量十足，大大件，CP值高高高！最後一讚係餐廳為顧客送上免費餐飲及甜品，十分貼心，而且餐廳店員服務態度友善，細心解答顧客既問題，回頭之選！！👍🏻👍🏻

住元朗的朋友應該對一番日本料理不會陌生，出名性價比高而且份量十足。即使現在日本料理有好多不同的選擇，但一番日本料理依然是我選擇之一。晚市的優惠實在吸引人，除了送飲品和甜品外，刺身的特價更是讓人心動。特別是珍寶赤蝦，只需$11。生蠔也只是$15。珍寶赤蝦每隻赤蝦的尺寸都超過我的手掌，蝦身的色澤鮮亮，肉質鮮甜。加拿大冰山蚌肉質爽口鮮甜鮟鱇魚肝道菜並非所有日本餐廳都有供應。魚肝滑嫩，味道甘香，搭配一點柚子醋，可中和魚肝的膩。京蔥本鮪小卷小卷加了芝麻和京蔥，使得其香氣更為濃郁，鮪魚的鮮香得以充分展現。姜蜜食了刺身及壽司後點了一杯姜蜜暖暖胃。姜味十足不算太甜。小總結❤️❤️❤️❤️❤️📌高性價比📌珍寶赤蝦超大且新鮮

作為大西北半個地膽，都唔敢講完全了解元朗所有餐廳。而響呢個美食集中地，就有唔同既臥虎藏龍。今日路過見到呢間日本餐廳既下午茶餐相當親民，即刻入去試一試佢！超抵巨大吉列雞脾 $19一上枱就見到隻雞髀大過我塊面！熱辣辣！外表揸得相當香脆，但係炸粉又唔會好厚，一咬落去依然保持到肉質鮮嫩，肉汁豐沛！最重要係表面灑左少少孜然粉，更加惹味！奶醬多士 $15熱辣辣，簡單又香口！肥牛湯拉面 $38湯底唔會太濃，面條軟硬岩岩好，配埋啖啖肥牛係滋味既好選擇！凍檸蜜 +$6壽司 （$9-15一客）挪威三文魚、馬刀貝、赤貝、北寄貝、象拔蚌、特長鰻魚今次叫左不同類別既壽司，質素相當有驚喜。先講刺身，肉質彈牙，入口有鮮味，大小適中，入口岩岩好。而壽司飯亦唔會太硬，入口甜酸味道平衡！特別要講既係特長鰻魚，真係有差唔多一隻手咁長，係鰻魚迷必選！呢度食野環境舒服，裝潢光亮簡潔，坐落都好鬆動！最重要係性價比極高，食物水準絕不馬虎，甚至比其他更貴既餐廳做出更好既食物！