影片
更多
2019-03-19
26 瀏覽
成日行返屋企經過都見到呢間日本餐廳門口鬼死咁多人，今日卒之有機會嚟試番一次。三文魚碎蟹子沙律，呢度嗌沙律嘅叫法首先係揀配料，配料有粟米，煙鴨胸，三文魚，雜錦魚生同芒果大蝦等等嘅選擇，跟住再揀選份量，份量有二人前又或者重量級，最後先揀個沙律底；我哋揀咗個二人前嘅三文魚碎蟹籽沙律，雖然只係42蚊，但係三文魚嘅份量都唔少，如果再多少少沙律醬相信會更加Juicy。赤貝壽司，呢度嘅壽司貫徹元朗壽司店一貫嘅抵食夾大件，大件之餘赤貝亦都相當新鮮，口感爽脆清甜。辛辣三文魚碎壽司，辛辣三文魚辣得過癮，個辣味有少少似韓國辛辣麵嗰隻味道。炭燒雞肉，雞肉燒得嫩滑，明顯無醃得太耐，配埋惹味嘅照燒汁，好味。肥牛野菜葛絲鍋，將粉紅色嘅肥牛中間個生蛋攪勻，再沉喺鍋底，好快就形成滑劣劣嘅半生熟蛋，葛絲即係粉絲同埋薯粉啲friend，口感滑溜，配襯住個醬油湯底一齊食就最好不過喇。海膽蛋白帶子炒飯，炒飯上面有一大堆海膽，海膽入口甘香，帶子都有成六隻，係性價比相當高嘅一個炒飯。
成日行返屋企經過都見到呢間日本餐廳門口鬼死咁多人，今日卒之有機會嚟試番一次。
三文魚碎蟹子沙律，呢度嗌沙律嘅叫法首先係揀配料，配料有粟米，煙鴨胸，三文魚，雜錦魚生同芒果大蝦等等嘅選擇，跟住再揀選份量，份量有二人前又或者重量級，最後先揀個沙律底；我哋揀咗個二人前嘅三文魚碎蟹籽沙律，雖然只係42蚊，但係三文魚嘅份量都唔少，如果再多少少沙律醬相信會更加Juicy。
赤貝壽司，呢度嘅壽司貫徹元朗壽司店一貫嘅抵食夾大件，大件之餘赤貝亦都相當新鮮，口感爽脆清甜。
辛辣三文魚碎壽司，辛辣三文魚辣得過癮，個辣味有少少似韓國辛辣麵嗰隻味道。
炭燒雞肉，雞肉燒得嫩滑，明顯無醃得太耐，配埋惹味嘅照燒汁，好味。
肥牛野菜葛絲鍋，將粉紅色嘅肥牛中間個生蛋攪勻，再沉喺鍋底，好快就形成滑劣劣嘅半生熟蛋，葛絲即係粉絲同埋薯粉啲friend，口感滑溜，配襯住個醬油湯底一齊食就最好不過喇。
海膽蛋白帶子炒飯，炒飯上面有一大堆海膽，海膽入口甘香，帶子都有成六隻，係性價比相當高嘅一個炒飯。
張貼
