一杯鐵板燒居酒屋

營業中

休息中

#觀塘日式居酒屋好耐冇黎過觀塘 都係要等地膽帶我去覓食先得 咁啱黎觀塘開會 又撞正朋友放lunch 佢就帶左我黎APM食日本野雜錦壽司定食 $108六貫壽司加上四舊迷你卷物 前菜係魚皮漬物仲可以烏冬、蕎麥麵二揀一價錢以午市來講不算便宜 但係魚生質素甚佳 冇腥味 夾起亦冇散開 最推薦係帆立貝壽司一杯關西燒 $86二人份左右 入面有牛脷 芝士 雞蛋 同埋椰菜絲 粉漿唔會過多漿住個口 甜燒汁同沙律醬既配搭 好開胃 會一啖接一啖咁食午市要拎飛排隊入去 我地去到都要等5張枱 質素不錯 但係據朋友說 加價速度甚快

去開APM, 一早望定lunch食乜嘢。因為疫情嘅關係，都係唔敢堂食，所以決定外賣。之前都有食開一杯嘅set lunch, 見佢外賣有八折，就決定試吓啦！鐵板燒薄切沖繩豚肉便當 ($88) - 豚肉口感好好，一啲都唔鞋口，加埋菇落去炒，非常好食！外賣嚟講雖然價錢唔平，但係食材唔錯，都算係咁。但係如果好肚餓嘅話，或者食量比較大嘅男士，份量應該唔夠。鐵板燒明太子海老便當 ($88) - 呢個便當都幾好食，蝦嘅size 中等，一定唔係大蝦，都係加菇落去炒，仲有明太子，都幾惹味。味道比豚肉便當更加好食。但係都係嗰句，如果好肚餓嘅話，或者食量比較大嘅男士，份量應該唔夠。所有便當都跟一杯麵豉湯，味道冇乜特別正正常常咁。下次再試吓其他便當。不過希望到時可以放心堂食啦！

小編去過 「一杯」食Lunch好幾次，每次都要排好～耐隊，究竟有咩咁吸引D人排隊呢？！ 老實講，以依個價錢食個Lunch都唔平，今次就同大家Share下小編平時會叫咩食啦🥰！🍣 雜錦壽司定食 （價錢： $98）評分： 4/5依個午餐定食有6️⃣件壽司同4️⃣舊小卷物🍙，仲有一小碟前菜，壽司方面，每次食都keep到一定既水準，壽司飯味道適中，而且壽司唔會一夾就散，值得一讚👍🏻。不過食完壽司相信大家都唔會覺得飽，好彩個餐包左碗熱辣辣既烏冬，滿足曬一班烏冬控呀😋。🦐 刺身定食 （價錢： $128）評分： 3.8/5刺身定食係有一碟刺身、白飯🍚，同一碗麵豉湯🍲，但小編太肚餓既關係，唔記得左影低佢🤣，刺身質素同壽司定食一樣高質，有🦐，三文魚、吞拿魚、吞拿魚蓉、帶子、海膽... 海膽幾鮮甜無苦澀味，小編覺得可以一試🤩！🧇 豚平關西燒 （價錢： $76）評分； 4/5相信鐵板燒應該係「一杯」既招牌菜的之一，平時都係食個定食就算，今日就一於試埋關西燒啦😋！關西燒都有好幾個選擇，可以自己揀唔同Toppings做配料，小編就揀左豚平🐷關西燒，即係用雞蛋、豚肉片系鐵板上炒，用日式式燒汁同沙律醬淋面，雖然同朋友一齊食

今次午市叫咗兩個定食一個係和牛燒定食另外一個係豚肉鐵板燒🌼和牛燒定食一開頭就嚟咗個三款嘅刺身，呢個係值得稱讚👍🏻估唔到幾新鮮同埋幾好食，細細個容易入口。之後就嚟咗個主菜和牛燒，確實係燒得唔錯啲肉唔會太老，但可惜下面全部都係芽菜😂😂另外有前菜同麵豉湯，白飯。一個人食係真係足夠。但價錢就三百幾蚊。抵唔抵就真係另外一回事。🌼豚肉鐵板燒呢個就比較實惠一啲但係就冇刺身，同和牛一樣下便都係芽菜。但呢兩樣野確實都燒得幾好，唔會唔熟亦都唔會太過火。五市可以去試吓噢。另外叫多咗個八爪魚醋醃，比較普通。八爪魚加醋

朋友仔生日，就算工作多忙碌，都要抽時間食生日飯㗎，既然朋友喺觀塘工作，我們就選擇了位於創紀之城的一杯鐵板燒居酒屋。首先點了魚生、紅酒會牛尾、壽司和蕎麥麵。魚生非常新鮮甜美，無論是魚生或大蝦，都品嚐得出是新鮮的食材。至於壽司，飯和魚比例不錯，壽司飯也不會一夾就散開，可見師傅有一定的手勢和功力, 至於蕎麥麵，中規中矩，也夠飽肚的。疫情期間，食客也不太多，我們總算也能夠安安樂樂，舒舒服服的食一個生日飯，待疫情過後，我們再到日本好好的大吃一頓。

之前食過堂食幾好，見好耐冇食過，所以特登過去買外賣，仲有七折，以為同堂食應該差唔多，點知返到屋企打開和牛得三小片，銀雪魚得兩隻手指咁大塊，仲要勁唔新鮮落勁多調味料蓋過啲雪味，以後唔會再去

我同老婆各自叫左一個油甘魚西京燒定食。落單時話會等耐d。OK啦！無咩所謂。等左半個鐘左右終於都上菜了，但係望落都唔太理想，燒到有點兒黑，反轉背仲大驚喜！完全燒到黑哂，基本上係燒到變成乾果種，咬落仲要有陣燒到變成炭果浸燶味，d魚肉質感柴皮咁鞋，無哂水份油份。我叫個店員黎問話，佢話d西京醬係咁，有糖份既野一經火燒過會變黑，生先唔係黑喎！佢眼神仲話比我知我好似無食過西京燒咁。講真，我食過不下20間西京燒既魚，食左十幾年都未見過咁樣，請我黎食都唔會食d垃圾落肚丫！

嚟左apm咁多次都冇乜機會試，今次終於都食到！今次叫左大板燒(3個餸)豚肉、蝦仁、蟹肉大板燒幾好食，重點係個醬！不過個人不太食到蝦仁，唔知係咪太細睇唔到，唔多覺眼。不過因為太耐冇吃過大板燒，更加覺得好吃😋我地仲叫左胡麻火灸三文魚卷，不過個人覺得中規中矩，有少少貴，冇乜特別驚喜。下次可能會試過其他。至於串燒既部份，就叫左牛舌同雞肉京蔥串燒！牛舌係幾推薦再encore!!!!覺得幾好食😋雞肉同京蔥好夾！

離開觀塘呢個咁多人嘅地方之前，梗係要把握最後機會約一約朋友食飯啦。今次揀咗APM 4樓嘅一杯，傳聞係非常不錯嘅一間食店，所以今次就係試一試。叫咗一個lunch set，壽司加蕎麥麵。一上枱，個樣非常靚仔，分量亦覺得啱啱好。前菜係一啲類似羅伯斯牛蒡絲嘅食物，唔錯幾好食，甜甜地㗎。之後食咗個蕎麥麵，份量唔係好多，大約半個出前一丁，味道來講都唔錯。最後梗係品嚐一下個壽司啦，食材來講中規中矩，味道都幾好，最值得讚嘅係壽司唔係一夾就散，飯好實淨下，而且師傅手勢不錯，唔似係求其將舊魚生放喺飯上面，一夾就食材同飯分離果隻。總括而言，不論餐廳質素同食物質素，性價比都幾高，不妨一試。

之前試過喺度食夜晚，今次試lunch set。12點到唔算多人，餐廳有鐵板燒位，感覺油煙都幾大。Lunch 都算幾多選擇，每樣大約$100左右。因為想食刺身同熱野暖肚，所以叫左烏冬加壽司六件既餐。感覺比晚餐時好味，壽司新鮮，有我最愛既左口魚、三文魚、蝦同三款魚類壽司，仲有四件迷你青瓜三文魚壽司。蝦壽司非常鮮甜👍烏冬份量適中，有菜同菇，不過不失.成個餐飽肚，抵食，仲有前菜跟👍佢冇餐飲，比左杯水，我認為如果serve 熱既茶會加分啲☺️

「 一杯鐵板燒居酒屋 」喺觀塘apm都開咗好一段時間，不過一直無去試，次次路過都見到好多人喺度等位。今次我哋星期三夜晚7點咁上下去到，都等咗幾張枱先有得入座，不過有少少奇怪嘅係店內其實都有唔少吉枱，直至到我哋用完餐都無人坐，但都係要等位。餐廳係好地道嘅居酒屋裝修，環境寬闊，有食鐵板燒嘅吧枱位、有卡座、都有普通枱。枱與枱之間相隔較開，同朋友傾計唔會俾隔離枱聽到，私隱度高。menu做得幾有心思，雖然文字嘅排版有啲唔易睇，不過樣樣菜都有配圖！嘢食方面我覺得唔錯，一杯關西燒有芝士同牛筋，好多醬同好足餡，超多椰菜，好好食！蟹肉牛油果卷好fresh，細細件容易入口！鹽燒三文魚茶漬飯帶有淡淡嘅茶香同三文魚嘅香味，美味又飽肚！道湖淺蜊啲蜆好大隻，不過有兩三隻有沙！

味道okay, 個關西燒上桌個陣個人覺得幾靚，但個人吾太喜歡個服務員話幫你分，未比得切反應，相又未影，就切個井字係中間，佢切個陣已經話未影相，佢仲切僅，心唸算啦，個人食係three topings, 山芋，元貝同白身魚，中間有椰菜。口感算okay軟熟，沒煎黑

2人行，叫左2份特上刺身$280+10%。食物質量係ok👌，新鮮和衛生，可惜上菜失了分😓。下單後，最先上是沙律🥗和飲品。吃左2口，便是整碟刺身，拍照完仲未有飯和其他，於是招手問問🧐，被告知。。。來跟。。。等左一陣，冇影，咪開始吃，吃了三份一，才上飯🍚，味噌湯，前菜/漬物。味噌湯，除了咸味和幾片海帶外，零配料，不喝😑也罷。漬物，又係海帶🥴，厚切，條狀，正常，冇特別。特上刺身，七點😋:  鮭魚salmon 3片，鮪魚toro 2片， 章魚 2片，牡丹蝦1衹， 海膽uni 1片，帶子hotate 開半1粒 和 油金魚hamachi 2片。甜品係厥餅，每人一粒，平日2粒放同一衹碟，個人都覺得麻麻地，因為支叉仔好難篤得實件厥餅，更何況現在有疫情🙄!？

2/5除了套餐的炒飯和石頭鍋飯不錯，其他食物都不過不失。Except for the set meal fried rice and stone pot rice which are better, the other foods are just fine.#queenbeoly_middine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly

今日做節飯揀咗日本菜，一杯有鐵板燒加居酒屋食物。現場環境充滿日本氣氛，如果你想食鐵板燒，可以預訂鐵板燒前座位食物整體上係可以嘅！魚生壽司新鮮，燒餅一流！一杯燒餅係非常之好食encore左一個裏面有牛肉同芝士！海膽蟹肉壽司就有啲失望，因為海膽太少性價比差，但味道係好食！燒雞泡魚乾就冇得輸啦！本身都係一個美味，但係份量太少另外，主食方面有兩個係半價：鐵板燒鱸魚：略嫌太乾同唔夠鮮味洋蔥炆牛尾：極度鹹！牛尾炆得好太諗啦，似乎係已經炆咗好多日和牛玉子卷都可以，但係，和牛太薄，性價比差！建議都係可以叫一啲比較大路嘅食物，好似豆腐牛肉鍋，鹽燒魚頭，琵琶蝦鯛魚鍋都可以！