一杯鐵板燒居酒屋

營業中

休息中

因為好耐冇食個鐵板燒，今日一場嚟到觀塘睇吓有冇好選擇朋友介紹嚟一杯，食物都幾多選擇，燒雞翼幾香幾大隻，鍋物都唔錯，份量好足夠不過上嚟之前見到OpenRice話佢哋服務態度唔好，都有啲驚，好彩我哋有遇唔到呢個問題，只係佢哋嘅服務生年紀比較大，我哋又冇乜所謂

今日放工要趕返屋企,雖然約咗朋友,但係我都揀咗喺附近食,lee間居酒屋係喺APM裏面,之前已經同朋友食過,覺得唔錯所以翻兜,每次都要等一陣但唔耐,但如果要坐得耐就唔好揀佢,因為佢限食個半鐘裝修都幾有日本風味我同朋友嗌左好多小食雞軟骨🐔: 幾好食,冇乜油溢味關西燒: 粉漿唔算太多燒雞翼唔太鹹,好正免治雞肉:平時其他日本居酒屋會有一隻蛋跟返,點黎食,咁樣會比較好食同冇咁乾唔記得咗呢一個明太子唔知咩,朋友話好食,但我覺得個味怪怪的,似芝士多d呢個吞拿魚海膽roll,都幾正,仲好多舊

陌生的地方變得更陌生很多店舖都變了 人面也當然全非但依舊不小餐廳穏穩的存活著就像是這家 一杯上一次來訪 大概也是七八年前吧服務生的服務變好很多食物水準仍然不變南瓜牛肉沙拉沒想到味道是很搭的但同時不知道何解吃久了南瓜和牛肉的味道就無法結合那天衣無逢的結合只贠在頭幾口燒蕃薯可能放久了有點乾這裡有點不太好的地方就是會一口氣把菜上完早知道一個一個點鐵版南部雞雞味沒很重而肌是結實的伴碟是紅菜頭絲加半粒超可愛迷你青橘加了兩滴後才能讓雞肉的精隨發輝不過小青橘太小就真的只有兩滴汁（笑）省點用辣味噌炸豆腐由於在下吃得比較慢在放進嘴裡時豆腐都不香脆啦辣味噌不辣，味噌味也不突出跟淡淡的豆腐在一起他們便能做好朋友 不怕各自搶風頭最後才吃的一道菜東洋卷其實是好奇想知道是什麼才點的班載皮包著鰻魚還有牛油果🥑和蟹子加入沙律醬嗯..原檪在飽了時吃沙律醬的味道刺激會有反胃感好吧就再點壹藍莓茶消消..

原本6人高高興興食生日飯，可惜令我地好失望同好嬲！入去個陣被通知90分鐘，ok無問題我地Keep住食下叫下野食直到有次想叫野食，點知要我地埋單 我地話想叫多啲野食 待應話 等等 我幫你問問之後無左影 無同我地交代究竟可唔可以繼續叫 好啦 算啦 諗住都轉場所以埋單 點知佢俾張無銀碼既單我地 我地問翻佢 點解無銀碼既，佢答我 下 你地想埋單呀？心諗乜唔係你地要我地埋單走？ 想點？俾左張有銀碼既單我地埋之後，諗住食埋枱上既食物，飲埋半支酒先走啦，之後有個呀叔行過黎叫我地要即刻起身走！有人book左位，再唔走話會俾老世鬧，佢聲稱老世會用cctv mon住佢地！又話驚下枱會寫衰佢！ 我地就上黎寫衰佢，走個陣仲有位剩先最嬲！啲野食又未食曬，食左千幾蚊成肚氣！食物好一般！又唔係收得人地平！有好多店好過佢！啲食物又上得耐！ 態度非常差！冇下次！！

服務態度勁差，d服務員勁無禮貌。食物唔值呢個價錢。入坐時話用餐時間90分鐘，限時唔係問題。但夠鐘之前沒有事先提醒，一夠鐘就同我地講你地要宜家起身有下台客等緊，再唔起身佢地會得罪下檯客。佢驚下檯客寫衰佢，我宜家就驚下檯客唔寫衰佢我寫衰佢先。但我地當時有半支梅酒未飲完，仲有野未食完。完全無時間飲埋d野食埋d野就要比錢埋單。仲要埋單時多謝都無聲。同埋走既時候發現仲有吉檯。呢間餐廳唔會再有下次！！！！！！

本人不只一次食這間店，覺得食物質素是可以的，雖然一直都知道這間店嘅店員態度極不友善甚至惡劣黎形容，今次點解會忍唔住出佢地食評，因為我同老公住觀塘，全家人為左就我地腳，特登入觀塘就我地，結果由入門口開始，店員就無一句好說話，我地入到位，問任何餐牌問題，年紀大果班店員，個個態度奇差，一直黑口黑面，連小朋友都比佢地嚇親！攪到我地一家人餐飯食得好唔開心！我建議如果大家黎lee間野食飯，要揀佢地班店員心情好，而你地又要好有禮貌去就住佢地情緒，盡量唔好咁多要求，又食得貴野，佢地推介嘅，你盡量叫曬，唔好有自己意見！還是可以去試的！同區事實選擇有質素嘅日本料理唔多，但就做就左lee d要賺人錢又極衰格嘅食肆！鍾意受氣嘅朋友可以一試！

有晚係觀塘食🍣食唔飽去左居酒屋再覓食😂 除左普通燒野仲出名關西燒，可以揀preset 或自選材料等師傅幫你燒!朋友推介招牌一杯關西燒(HK$62)係正嘅仲要爆多餡🤤份量算大一個人應該食唔哂，入面主要有牛筋、黑蒟弱同cheese，粉漿唔會太厚，淋上日式燒汁醬同邪惡mayo 食食下都覺得有啲漏🤭 呢個價錢好抵食! 另外仲叫左個燒牛舌也很不錯👌

今晚諗住去食個飯點知飯都未食就一肚氣！等地我地張飛時行到去門口有位白頭髮黑衫嘅男人帶位，一見到我地就話: 吧枱坐唔坐？唔坐就再等！我問:咁大概要等幾耐？佢就特然跳制勁惡咁答: 答你唔到喎！我點知要等幾耐？！！我即刻呆咗，諗唔明一個咁簡單嘅問題點解要換嚟咁差嘅對待？我地係門口等多咗一陣諗住入到去再投訴啦⋯⋯點知過咗幾分鐘有另一位女職員就帶我地入坐，入去先發現起碼有3張吉枱冇客坐㗎！咁到底個男人惡我嘅原因係咩呢？！我再問下其他職員發現原來個黑衫男人係“經理”，全舖最大係佢！而且係我地向另一位職員了解緊嘅同時，就見到有位戴眼鏡面圓圓嘅女職員已經走去同呢位經理同仲有另一位著黑色制服嘅男職員八隻眼向我方向望，傾傾下計仲用手指向我方向，好似講我哋對佢嘅不滿。為免呢位脾氣咁差嘅經理會係我地食物裡面加料，為咗健康著想我地決定即時離開呢間餐廳，以後亦唔敢再幫襯。希望大家要去食嘅話記得唔好問佢任何問題喇🙃免得食餐飯又受驚又受罪啦！

與友人相約午飯，由於要相就路途，咱們再次回到觀塘區尋食去。雖說觀塘工廠大廈存在著許多隱世美食，然而貪新鮮勇於嘗試的小的在經歷過一次又一次之失望後開始有點氣餒。當初以為餐廳開在廠廈，其租金價格相對便宜，大概能將更多的資源投放於食材上，令美食質素有所提昇。而且位處非主流商場之木人巷，要是沒有真功夫又豈能吸引人流專誠光顧？是故認為每家廠廈裡的餐廳食肆都該有著壓箱底的料子，用以留住食客的心。然而，後來小的才發現此乃非然。在網路中看到一些人氣高評價好之食店，親身一試才見真章，這就是網路打手的功架了。廠廈舖省了租金，卻將之用在媒體推銷處，結果食物出品依然平平。於是這趟咱們也懶得再在食評網中尋找，乾脆回歸APM的「一杯」去。在食肆林立的觀塘APM商場雖存在著許多日式食店，但說到居酒屋式有自家刺身與壽司的鋪子卻不多。在午間想吃刺身壽司？除了「元気」唯有「一杯」。就是因著這獨市生意，「一杯」居酒屋在商場屹立多年。相較新地商場鋪如輪轉的營運概念，若非是省油的燈，好難逃過歲月催人。誠然「一杯」有著性價比高的質素，午市平均百元開外卻已提供了刺身或壽司定食。當然要豪一點，可選擇兩百多元的特上選與鐵板燒。至於晚市

突然間好想食日式燒餅/關西燒，經過APM就想起這裏的關西燒，之前跟朋友食過記得好好味。這裏的關西燒有很多款式可供選擇，亦可以選擇不同食材配搭。自己想食下肉又想食下海鮮，最後就選擇了牛筋和鮮蝦作配搭了。自己對這個配搭非常滿意!! 首先牛筋煮得夠腍，而且帶有牛肉，牛味濃有咬口。另外鮮蝦也非常彈牙和鮮甜! 除了自選配料外，還有很多生菜，加上燒汁和蛋黃醬，非常惹味! 整個關西燒分量也頗大的! 所以我自己一個人點一個關西燒就已經夠了。自己還點了杯荔枝梳打，梳打大大杯，有些果肉，配上關西燒非常涼透心! 爽~😝最後想提一提這裏的裝修非常日式，環境很有氣氛，就算自己一個人來食都非常滿足~!😋😋😋

一杯鐵板燒居酒屋琴晚去左apm食飯餐，見無人排隊所以就入去試下，入面都幾大，坐得幾舒服，而且裝修都好靚，好日本呀。魷魚關西燒自覺得魷魚係最夾既，一個餸只係$55好抵食 而且份量都好大份，配上沙律醬燒汁美味十足💕蟹肉牛油果卷本人好鐘意食牛油果🥑😋好清新既壽司蟹肉同牛油果亦相當夾。豚肉泡菜鍋飯出奇地好食 而且好夾、好開胃呀，但唯一可以改善既係飯再生多小小就好 依家有小小爛爛地既感覺 鐘意食粒粒既飯。地址：一杯鐵板燒居酒屋 (觀塘)觀塘觀塘道418號創紀之城五期(apm)4樓20-21號舖

放工近近地想去apm搵好嘢食, 好自然就會諗起一杯！ 一杯走日式居酒屋風格，能夠喺APM呢個商場屹立咁多年，一定有佢過人之處👍🏻每次入到一杯，都令我好想返去日本，佢嘅裝橫充滿日本居酒屋嘅味道！食物味道亦都一直保持水準每次嚟到必點嘅就係燒牛舌，呢度嘅牛舌係比較厚身嘅，我估只係加咗少少鹽調味,牛舌燒起上嚟香噴噴，食落軟淋，咬落去仲會有肉汁咇出嚟！！直情係我嘅至愛！每次返嚟一杯都係因為佢！除咗燒牛舌，呢度嘅其他燒物都好好食，真係要讚一讚個師傅，咁耐都keep到水準👍🏻今次仲叫咗燒豚肉，雞軟骨，一樣咁好味，呢度嘅燒物基本上冇得輸👍🏻另外一款我會推介嘅就係刺身沙律，最鍾意佢個汁，酸酸地好醒胃，加埋凍凍地嘅刺身，又係一個Perfect match！呢度另外一樣好多人叫嘅就係Okonomiyaki,大阪名物，不過自問麻麻哋呢樣嘢，食得多會好漏，所以我都係淺嘗🙈唯一唔好處就係限時食個半鐘，雖然佢上菜好快，但係食嘢都係慢慢嘆開心啲，另外員工服務一般，不過不失啦，不過為咗牛舌我一定會再嚟！！

東洋卷 (pancake rolled with avacado, flying fish roe and grilled eel).入面有牛油果,蟹籽,燒鰻魚. 外面係用微暖既PANCAKE皮包住. 全部都係我超級鐘意食既食材. 一啖擺晒落口係幸福呀😍 用左PANCAKE皮食落去係好特別 個口感係豐富左-關西燒三品 (Komomi-yaki three toppings).三品姐係可以揀三個食材 我揀左豚肉,芝士,小貝柱 個size係類似pizza hut細pizza既size 佢黎到會幫你切開九件去食 芝士味唔算好出 食到好多豚肉同小貝柱 都幾足料-另外仲食左雞肉明太子、壽司、(簡稱)番茄蝦翠玉瓜米通 (唔記得左個名)，依幾樣都算唔錯-當日待應好好人好好服務 本身有張吟釀coupon嗰日假日唔用得 但佢見就黎到期都比左我地換 令外東洋卷本身係一開二既 但係佢見我地有三個人 就主動問洗唔洗切開三份比我地-整體黎講 都好滿意今次用餐 野食特別得黎又好食 嗰晚又唔洗排隊一去就有位 價錢以日本菜黎講唔算太貴 大概100鬆啲一個人 比我都會想再去食過

所謂的鐵板燒你吾好以後有人係你面前煮就會好味！佢地只係找一些類似清潔呀姐係你前面抄抄下！完全冇專業技術！魚和肉完全好似用airfryer 煮咁，完全是冇肉汁和干爭爭！抄飯冇落鹽！門口個呀叔員工成日大聲叫歡迎光臨（日文）大聲到嚇親！

相信大家對呢間日式餐廳都唔會陌生,係APM入面又有冷氣坐得又舒服,仲要出奇地好快有位,正👍🏿由於撞正父親節,所以餐廳設有每人最低消費$250胡麻火炙三文魚卷🍣($168)賣相十分吸引而且味道亦都相當不錯,重點係份量都十足,性價比十分高💯壽司既口感好豐富👅有一咬即爆既三文魚籽係頂,軟綿綿既火炙三文魚🐟,壽司飯就包住脆脆既青瓜同埋其他配料,多重口感燒雞中翼🐔(2隻)($30)燒得啱啱好,雞肉鮮嫩而且好juicy,再加埋檸檬汁既酸酸地,簡直係一流😋重點係雞翼已經一分為二唔洗食得唔辛苦燒日本蕃薯🔥🍠($38)每次食日本菜都必點✔️開頭我誤會左以為係平日食開果D紫色小甜薯,黎到有少少愕然😂不過食落又幾正,燒到個皮脆脆地,蕃薯既肉就軟綿綿,甜甜地,好正🤩凍烏冬($56)好鐘意食烏冬既為食妹又點可以錯過呢個菜呀😏醬汁調教得好好,再加埋薑蓉同埋蔥花,味道好夾👍🏿夏天熱辣辣食返個凍烏冬好爽豚平關西燒($58)以呢個價錢食到大阪燒我覺得好抵🤩因爲出面食果D平均都要百幾蚊🙈重點係佢係好足料,有一大塊燒過既豚肉,口感脆脆地,再加有埋蛋同其他配料既大阪燒,味道好正,尤其係大阪燒醬係成個大阪燒既靈魂🤤餃子🥟(5隻)