一杯鐵板燒居酒屋

營業中

休息中

食過一杯好多次，有好多野都好好味，譬如關西燒，燒牛舌，仲有其他鐵板燒嘅食物，全部味道都唔錯。今次就嚟試吓佢嘅壽司，見到佢lunch有set，價錢都唔算十分貴，所以就行咗入去食。今次同朋友一齊都嗌咗雜拼壽司定食，咁啱今次又係坐吧枱，所以可以睇住啲師傅喺度整壽司。首先承諾都非常新鮮，而且除咗壽司仲有卷物，佢個Wasabi都幾強勁！我哋各自一個嗌咗烏冬，另一個就蕎麥麵，上枱嘅時候都非常熱，個碗都好熱，所以大家食嘅時候都要小心。

自從行最令放寬左之後，最近大家都多咗外出食飯，見下啲朋友，近近地就去APM，早兩日打電話黎book位已經full左，只可以Walk-in。限時19:30要還枱。餐廳都做咗抗疫優惠，2-4人限叫一款，有五款食物做緊半價，+1計正價我哋叫咗特上刺身盛合七點，半價左只係$340，分量唔算多但係好新鮮串燒白鱔，一串三件，好香脆，番薯關西燒二品小元貝泡菜，都幾大個，口感豐富，呢個好多枱都有叫蟹肉海膽卷，好好味啊海鹽荔枝梳打到我哋走嘅時候門口已經好多人等緊位

好耐無嚟食，呢晚約咗老友，都好耐無見，疫情吖嘛！ 但呢排好似有好轉，有啲位又真係隔得遠，還可以嘅。咁耐無嚟，門口個個嘅服務態度依然👎🏼睇餐牌，好似無變過，我哋都係叫翻食開個啲，加多個有半價優惠嘅柚子牛油煮蜆！啲食物都好快，個關西燒一品好快到，今次只係加一品，揀咗蟹肉，味道正常啦，本人始終覺得太厚身😛跟住嘅食物都好快到，南瓜沙律、牛油煮蜆都到，緊係食咗個熱嘅先，好味呀！有得半價叫真抵食，又香又新鮮😋 南瓜沙律都保持水準，好好味，但無左幾塊蓮藕片😝可能已經唔同咗整法。最後燒豆腐同東洋卷都到埋，燒豆腐正常，個卷呢，其實係牛油果蟹子鰻魚係裡面，都幾好味㗎

數到日本最熱門既美食，當然唔少得<關西燒>呢度嘅關西燒夠晒到餡，皮薄餡靚😋😋 加埋滿滿既沙律醬同日本醬汁，愈食愈停唔到口，不過關西燒真係好飽，自己食哂一個之後都食唔到好多壽司🥺

位於觀塘apm的一杯店的午餐 ,一向非常抵食，已經 encore再encore .最近疫情之下，午餐 更多選擇 ,除了之前一向提供的刺身壽司餐之外，還增加了多款熟食套餐。不過，我們還是照舊對 壽司刺身大興趣，一人一個餐配埋果汁先生，壽司配烏冬，刺身配飯，兩個為食貓都食到捧住個肚走。

一杯居酒屋 (觀塘)關西燒二品 (即係可以選擇2個toppings)又食啦 水準依然咁高價錢實惠今次叫牛筋 同元貝 好多料呀🙈又好唔錯 2樣都好新鮮黎個關西燒上到檯熱辣辣個醬汁同salad dressing 令到黎個關西燒更加野味完全唔熱氣 淋淋地煙煙un un 入好好多爽口的椰菜 令黎你食完會好開胃會想再叫多個🙈仲有一上檯就有人幫你切開個關西燒 方便曬你share 黎度服務依然咁好 😘我下次口痕就會去幫襯 因為真係食得過😝 Overall: $78 (+10%) (9/10)

今天的孩子都是萬千竉愛的一群，特別在香港這個全球出生率排行第三少的城市，養兒育女須應付龐大的開支，住屋空間狹小，即使生也是一起兩止。於是家長長輩們的愛與關懷都投放在這矜貴的王子公主身上。沒有眾多兄弟姐妹的朋輩競爭，加上今時今日講究之兒童自主發展，他們變得更是為我獨專。然而，每一代的人均有每一代的問題，儘管被賜予無限的資源心血，既得利益者已雄霸獨佔，青年人向上流的機會因而減少。縱然他們懂得琴棋書畫、禮樂射卸，投身社會似乎不顯得具有甚麼超然的競爭力。貧富俱為世襲，沒有含著金鎖匙，唯有打掉牙兒和血吞。姪女兒生日飯，全家總動員齊慶賀，既獲邀請又怎能兩手空空地出席？老伴與小的特意跑到觀塘apm商場之玩具反斗城特賣場尋寶去。新鴻基管理商場實有一手，旗下各區主要據點均辦得有聲有色。咱們早晨十一時多入車，車龍居然已排出觀塘道回旋處外。時間緊迫，老伴下午尚有工作活動必須出席。於是小的跑下車，先到商場尋食去。位於商場4樓的「一杯」乃小的甚愛之和風居酒屋，餐廳無論午市晚市都總要其門如市。本來小的打算先取票輪候，再轉戰樓上的「金記冰室」碰碰運氣。誰不知店內一位中年哥哥走出來，表示吧檯可立即安排入座。結果小的欣

高質居酒屋🇯🇵燒肉者至愛🤘🏻難得大商場入面有間居酒屋，仲要成日好多人等位，就要去試下啦！😍一杯關西燒 $62餡料原來係牛根，同醬調配得非常好。絕對有日本地道味道，亦會夠飽！😋銀鏏魚 $200燒得好好味！小小油脂亦帶魚燒味道，超級推薦～🐟美國牛柳🇺🇸 $328牛燒到岩岩好，入口溶化！鬆軟油脂感重，非常好味！👅猶豫過叫唔叫壽司，不過睇黎呢間舖頭比較多人叫燒肉類～果然水準超級好！下次要試埋串燒先！✌🏻環境：★ ★ ★ ★ ★食物：★ ★ ★ ★ ☆服務：★ ★ ★ ★ ★性價比：★ ★ ★ ☆ ☆

一去到話電腦壞咗，要等10至15 分鐘。冇問題，跟住唔使記底號碼，唔使記人數，全部店員就企係度播帶話電腦壞左，叫啲食客就咁企喺門口等。電腦壞咗就唔使處理？唔識做生意唔使服務？起碼四個員工企門口一碌木咁棟喺度，完全唔諗辦法去處理😡我哋提議佢可以手寫飛仔，等可以分辨食下先後次序。唔聽唔理，開始人多，個個都喺度等，開始有嘈，先話可以攞飛先！有冇搞錯啊！一窩蜂都唔識分邊個早遅？！另外見到佢店員攞水杯，完全唔帶手套就咁攞住杯邊👎🏻嘢食就普通，服務就十分差👎🏻👎🏻

第一次食呢間一杯，第一樣感受到店員服務好親切，佢哋都好主動介紹餐牌嘅內容，又會宣傳而家有啲乜嘢時令食品，當我地話需要考慮時，佢哋都冇催逼，感覺好舒服。嘢食方面，個鐵板和牛併鮑魚非常美味，和牛口感適中，另外有啲香脆碎粒，入口非常甘香，鮑魚亦都好新鮮爽口，唯一要扣少少分，就係個和牛唔係好夠熱。另外就係個豚肉蘆筍卷，燒得啱啱好，蘆筍唔會有渣，鮮嫩多汁👍🏼，其他嘢食都燒得適中，炒雜菜夠晒大碟😆整體來講，環境舒服，服務殷勤，食物美味，有機會都會再來幫襯👍🏼

見到餐廳有外賣8折promotion, 所以去試吓， 點知原來外賣要收加一服務費， 計番都只係大約得9折， 有啲取巧， 附近apm 餐廳外賣都並不需要收加服務費，外賣唔會再揀這間餐廳!!!!!!!!!!!!!!!!!!!!!!😔😔😪😪😪😪😪

平時等另一半收工都會去APM行下今次睇中一杯呢間居酒屋安排坐吧枱可以見到師傅準備嘢食唔係特別鍾意食生野 所以都係叫咗幾個熟食平均全部嘢食都ok反而係覺得個現場氣氛燈光最加分可以收工食飯飲一杯放鬆下😎

雖然最近受肺炎影響，唔少食肆都無咩生意。但同男朋友行過見到呢間日本居酒屋時，見佢都仲係坐滿曬人，決定入去一試。入到去，我地安排左坐係bar枱，張枱好闊落，唔會搞到好迫。值得一提，佢既裝修令你覺得自己好似去左日本旅行咁一坐低，就會有職員黎同你介紹是日推介，而佢都限量供應，轉個頭俾人order左先就已經order唔到。我地試左呢幾樣關西燒三品：其實即係大阪燒咁，我地揀左為鱿魚、泡菜同埋蟹肉，用鐵板整，都幾多菜係入面再加埋個日式燒汁，好味東洋卷：用pancake包住牛油果、蟹籽，饅魚，幾特別又好食😋值得一試！唯佢獨有饅魚串燒：饅魚好厚身，好好味😘又燒到面層有少少脆咁，佢燒得好juicy，唔會覺得乾身！Miso炸豆腐：係炸豆腐面上面加咗麵鼓醬，咁樣食落又唔會覺得個豆腐味淡，都幾夾蕎麥面：不過不失有機會會再返返試其他野食，因為佢整得幾高質！

原本都贊緊好食，點知食食下係餐廳入面發生左一件事令到我無哂心情！一肚氣！正值武漢肺炎肆虐期間，已經留係屋企成個星期，適逢元宵節就出去睇場戲食個飯，口罩貴過豬肉，難買過厠紙同米，矜貴過熊貓，所以出街帶一個口罩都儘可能唔換新，但食飯總係要除低，之前有報道醫生都指出過可以用紙巾墊住放，食完飯可以戴返，今晚就係比個餐廳員工，有個稍為上左年紀既男員工行過黎向我示意枱面既口罩！ 咩事？要我處理下？ 唔比我放？跟捉醫生指引用紙巾墊住，我絲毫不影響餐廳張枱架喎！ 如果不容許，唔該係門口貼上入內進餐嚴禁口罩放低啦，唔怪之得隔離間間餐廳爆滿食客又多人等位，呢間餐廳就拍烏蠅水靜河飛！ 事出必有因！ 好地地心情愉快比但員工整到咩心情都無哂！唔該老闆正視下！！ 另外仲要提係d清潔好有問題！點完餐就發現原本枱上既碟已經滿佈點點污漬！ 嘩！根本無洗，有無病毒有無菌架？！

今日係觀塘睇完戲之後有小小肚餓, 於是就去左一杯到淺嚐一番。關西燒三品其實之前都有係一杯到食過, 人總是貪心的, 上次只係揀左2款食材, 今次就試下揀3款食材: 貝柱、小蝦以及鮮魷魚, 變成左鮮味十足既海鮮關西燒。即叫即整既關係上到枱面依舊熱辣辣, 餡料豐富, 但不知係咪醬料太多, 食不出配料既味道, 被醬料掩蓋左味道, 而且食耐左有點鹹, 有小小失望。香蔥吞拿魚卷之前未試過點壽司卷物, 今次就試下香蔥吞拿魚卷。呢個真係有小小驚喜, 吞拿魚魚蓉幼滑亦保留當中既質感, 而且吞拿魚魚蓉食落好香吞拿魚味之外, 魚蓉內充滿香甜既油香, 一點腥味都冇。再加埋卷物入既青瓜以及香蔥, 食落清新唔油膩仲保留魚香, 真係值得下次再試!!總括黎講, 水準保留但需改善得更好：）