Mokumoku Yakiton (永光商業大廈)

這幾天瘋狂下雨，夏天未能帶來好心情的話...靠吃一頓好的來挽救一下心情吧！✅西班牙黑豚肩肉串 $38 (正)✅西班牙產夾心肉串 $38 (正)兩款串燒肉味香，油脂充足而且柔嫩多汁，好吃！🤤✅刺身盛盒 (三款) $168厚切刺身：三文魚、帶子、赤蝦肥美鮮味，滿足！✅MokuMoku沙律 $98✅蒜子蕃茄沙律 $28這兩個作頭盤開胃菜很清新。蒜子番茄沙律出奇的解渴MokuMoku招牌沙律很健康！沙律菜底有蒟蒻粒，Dressing亦酸甜開胃。面頭鋪滿Iberico Parma Ham，份量慷慨。✅蒜芯豬肉卷 $32 (大愛😆)蒜芯爽脆加埋豬肉捲，剛好中和一下油膩感！個人喜歡這些蔬菜配肉的串燒。✅雞翼串燒 $32最喜歡燒到脆皮乾身，好吃！✅豬大腸 $34個人還是喜歡港式炸大腸這個不太喜歡的原因是裡面的油脂還沒render夠口感有點軟軟膩膩的😶✅冬菇 $28 ✅日本番薯仔 $28兩款蔬菜正路，吃蕃薯仔天然的甜味是個健康的甜點😚居酒屋就在銅鑼灣SOGO旁邊，地理位置很好👌逛完街可以坐下來休息吃點東西！…Read More

好適合同三五知己去小酌幾杯嘅居酒屋！主打豚肉，之前一直覺得豬肉好韌，唔鍾意食，今日完全改觀！環境幾靚，梳化上面仲有啲好可愛嘅箍臣😚內在環境都好有日本feel☺️MokuMoku沙律 $98Parma ham好多，dressing酸酸甜甜好開胃，沙律菜全部都好新鮮，仲配埋蒟蒻，成個口感好得意😎蒜蓉牛油聖子皇 （兩隻） $168聖子新鮮唔在講，爽爽地再配合蒜蓉同牛油味，大愛🥰燒鯧魚 $268今餐最愛！鯧魚燒得啱啱好，皮又唔會過燶，肉質仲保持到好嫩滑之餘又juicy！豬大腸串 兩串 $68估唔到燒豬大腸都可以咁好食，一啲都唔油膩。不過我本身唔係芥末fans，唔識欣賞個醬🙊豚肉芫荽卷 兩串 $64餐牌仲未有，係黑板見到呢個菜式，芫荽愛好者點可以唔試！芫荽爽爽地，一啲都冇搶咗豚肉嘅味道😋西班牙黑豚肩肉串 兩串 $76厚切白金豚肉 兩串 $96呢兩串比較之下，我會比較鍾意西班牙黑豚肩肉！ 口感爽啲，味道又濃啲，白金豚肉脂肪較多😗巨峰梳打 $38一啲都冇藥水味，飲咗兩大杯，開心～…Read More

Mokumoku有兩間分店，分別位於尖沙咀及銅鑼灣，今天光顧銅鑼灣分店。這間餐廳是日式串燒店，以豬肉類為主，久不久就想食。首先點了Mokumoku沙律，裏面有大量新鮮蔬菜，西班牙黑毛豬火腿，最特別的是混入了切碎的生茄子，增加口感。雖然食串燒，但食日本嘢，都係想食少少刺身嘅，所以叫咗刺身盛，有四款分別係三文魚，油金魚，牡丹蝦及帶子。帶子新鮮爽口，油甘魚油份充足好吃。食串燒當然唔少得啤酒啦，啤酒夠凍就好飲。豬的串燒分別叫了燒豬大腸，煙韌有咬口。豬耳芝士串，鹹香味濃。豬頭肉串，爽口有油香。厚切白金豚肉，油份充足。蒜芯豬肉卷，蒜芯爽甜無渣，好吃。西班牙黑豚肩肉串，肥瘦適中😋中段轉為飲Sake，同串燒都一樣合襯😂雖然此店主打豬類串燒，但食串燒，牛舌同雞翼係不能放過嘅選擇。兩者火候都控制得非常好，牛舌裏面充滿肉汁。雞翼表皮香脆，鹽份調味適中不會過鹹👍最後多點了一份燒三文魚頭，可以一路啜骨一路送Sake，爽🤣兩個人飲飽食醉，大約消費1200多元，合理，食物水準質素不俗，食得非常開心。…Read More

下午茶代替晚餐，來這裏喝杯乳酸、吃串燒。進入店舖，店員先為我們量體温，並為我們提供酒精消毒啫喱消毒雙手。入座後，店員先送上前菜蒜子蕃茄沙律，這是為每一枱準備的免費前菜。小小的蕃茄前菜味道和口感做得甚為出色。熟透的蕃茄軟中帶爽，頂層放上蒜蓉和小蔥，香郁的蒜蓉味不會蓋過蕃茄的甜味，清新開胃。MokuMoku沙律($58)，微微鹹香的風乾火腿置在非常新鮮爽口的沙律菜上。沙律菜中混和蒟蒻和蕃茄，再澆上附上的柚子汁，有酸酸甜甜的味道，也有與其它沙律與別不同的蒟蒻粒口感。燒鱈魚乾($28)，佐酒首選。一片片的鱈魚乾燒燒得脆中帶軟，在咀嚼中鱈魚香。即使不佐任何東西吃，也不會覺得鹹，蘸上沙律醬會更開胃。三點刺身($78)，有三文魚、油甘魚和帶子。每人都有一小碟魚生豉油，豉油碟在加入豉油後會呈現狗和貓的圖案。三款刺身都很新鮮，有柔軟細滑的三文魚和油甘魚，也有加入檸檬汁後變得清爽嫩滑的帶子。$88可選一飲品(啤酒/High Ball/汽水/乳酸)和Happy Hour餐牌上任何3款串燒。乳酸味果味汽水甜中帶酸，與適合佐炙熱的串燒。豚肉露荀卷，帶着微微焦香的豬肉片包裹着新鮮爽脆的露荀。肉與菜的配搭，同時嚐遍肉質的纖維感和露荀的幼嫩，兩者相輔相成。豚肉韭菜泡菜卷，燒豬肉片包着爽脆的泡菜，爽脆而味鹹的串燒最適合佐酒。雞翼鮮嫩多汁，外脆內軟，雞皮燒得香脆，即使燒過後仍能保留到內裏的肉汁。串燒配有特製調味料，除了基本的檸檬角，還有店主特製的柚子胡椒醬。柚子胡椒醬帶出肉串的鹹香，是肉類串燒必備的調味醬。味噌煮沖繩豬手飯($58)，很大份抵吃，豬手煮得非常軟稔入味，以味噌煮豬手，味噌的味道充分滲入豬手的皮和肉。外賣自取八折，比堂食更抵食。…Read More

受武漢肺炎疫情影響，外出用餐的次數也減少了好多，但總不能日日呆在家中，見今日要返工無得在家工作，就一於外出食飯透透氣。Mokumoku位於銅鑼灣永光商業大廈，由銅鑼灣地鐵站B出口一出行前少少就到。店內的環境好像舒服版的日式居酒屋，全店有很多豬的擺設，氣氛好好，店員也十分有禮貌，有如去了日本的感覺。而因應疫情，店內也提供酒精搓手液，令我們可以安心食飯，輕鬆一下。這裏餐點有好多選擇，以豚肉串燒為主，配以沙律、刺生、一品料理、雞牛羊蔬菜串燒、味噌煮物、食事和甜品。我先叫了一杯酒量不高的巨峰味汽酒，味道充滿巨峰果香帶點酒的辛口，飲多幾杯都唔會醉。蒜子蕃茄沙律蕃茄清甜，配上酸酸咪咪的醋及帶甘甜的生蒜，既清新又開胃。MokuMoku沙律估唔到MokuMoku沙律相當豐富，面層有大量甘香味美的風乾火腿，火腿肉及油脂比例剛好。配以清新新鮮的沙律菜、蒟蒻、蕃茄仔、茄子等，既可中和風乾火腿的鹹，亦令沙律菜變得豐盛。刺身盛(5款)刺身盛有五款，有肥美鮮甜的三文魚、有肉厚味鮮口感鮮嫩富彈性的帶子、有鮮味細膩香濃的油甘魚、庄大大隻新鮮爽滑的赤蝦、和有入口即溶味道甘香鮮甜的海膽。燒鱈魚乾燒鱈魚乾上枱時是熱辣辣的，燒到好香脆，食落仲有香濃的魚味，配上沙律蛋黃醬，食到停唔到口。豬心串、豬腰串燒豬的內臟不是好多地方有得食，這裏有得食就一於每樣都試下。心及腰都燒得外脆內嫩，入口首先是帶點脆口，然後會感覺到粉嫩中帶爽脆，最重要是入口無任何豬羶味。白金豚肉林檎紅薑卷以來自岩手縣的白金豚腩片包住同樣來自岩手縣的蜜心蘋果，燒好後加上少許紅薑汁及配上蛋黃醬。豚腩片燒得爽嫩，食落肉質鮮嫩，而夾著又香又甜又多汁的蜜心蘋果，食落香口得來，亦好清爽唔油膩。豬顎骨肉串豬顎骨無論口感定味道都好像牛肉，好滑溜，口感極佳。上等豬脷串豬脷串厚度十足，外層燒得焦香，入口感覺有層次，口感極佳，豬脷入口爽脆，帶有香濃豐富的豬香。椰子雪糕最後當然唔少得食甜品，我們要了好似食緊原個椰子般的椰子雪葩，為今餐劃上完美的句號。…Read More

家中兩個寶貝終於考完試，答應過週日會同佢地去瘋狂地大拆一餐，地點就由XO爸B揀咗去間連小朋友都可享歡樂時光優惠嘅「Mokumoku Yakiton」！小朋友一到步，第一時間就已經要同四周嘅小豬公仔及擺設影特輯。見到啲可愛豬豬文具更加係愛不釋手。新年將近，店內仲好應節地加插咗不少吸睛嘅吊飾及揮春。各人嘅筷子座款式仲要冇重複喎，未開始食野已可玩個夠本。餐廳以做串燒為主，但由於抽氣強，木造嘅枱櫈又夠清爽企理，飯後身上都冇乜油煙味，絕對值得一讚再讚。為培養出一家人早睡早起嘅習慣，晚飯當然唔會遲，嘻嘻，咁就夾啱哂「Mokumoku」個下午三點至六點半嘅Happy Hour，可以優惠價點選小食、刺身、串燒、魚生丼。未成年唔飲得酒，但都一樣可以揀汽水或乳酸去享用$88嘅三款串燒加飲品歡樂套餐。兩個寶貝其實每人都叫咗個$88魚生丼飯黎食，無奈爸B掛住飲啤酒，結果就忘記拍照。呵呵呵，最多下次食過再影返，乾杯先！點好餸每人都有一份檸角及柚子胡椒作自家調味之用。Mokumoku沙律（$58）：小肥最怕食菜，不過小妹妹點哂名話要食喎，唯有叫哥哥仔推介啦！意外地，內含火腿薄片及羽衣甘藍嘅Mokumoku沙律爽脆易入口，夠味又唔會話好苦，不錯之選。肩肉串（$22）：豬肩肉串燒軟腍鬆潤，肉汁豐盛濃郁，食到個個要追加，堅掂呀！豬顎骨肉（$22）：豬顎骨肉爽厚得黎香濃惹味，感覺比肩肉串更有嚼勁，兩種屬唔同嘅美味。豚內蒜心卷（$20）：三件豚肉卷中捲入清脆幼嫩o既蒜心條條，食落有啲似豆角咁，芬芳清爽，輕盈健美。豚肉露筍卷（$20）：豚肉露筍卷外層巧薄，組合清新討好，露筍卷粗壯得黎好爽脆。豚肉紫蘇卷（$32）：豚肉紫蘇卷爽脆濕潤，清麗脫俗，當中嘅紫蘇香慢慢散發出黎，既怡神又輕巧:)。雞骨豬肉腸串（$18）：雞骨豬肉腸串厚身得黎鬆爽潤澤，輕輕塗上芥辣即份外醒神。雞翼（$20）：雞翼每串有兩隻之多，每隻皮層香脆，肉質柔潤幼嫩，大人細路都叫好！雞軟骨（$18）：熱辣辣嘅雞軟骨乾巧得黎又夠卜卜脆，送酒一流！冬菇（$18）：冬菇軟腍帶甜，又是令一番風味！免治豬肉苦瓜串（$32）：細佬一向不鍾情重口味嘅食品，對於苦瓜更慣性唱出「逃避你」，好明顯依道菜式係年長嘅大肥爸爸所點，講真如果唔係見佢食完再加料，真係未必會影相相架。樓上日式居酒屋「Mokumoku Yakiton」環境簡潔，抽氣足，服務生友善體貼，經理Jason哥哥初次見面已深得小朋友歡心，實在難得！歡樂美食高質價廉，最緊要係老少咸宜，大人細路都啱玩，每個星期由週一可以玩到週日喎，大家不妨一試，包保有驚喜。…Read More

環境5分：日式居酒屋格局，有吧位同散枱，好casual，四周圍放滿豬仔公仔，有毛公仔有cushion有玻璃擺設，中式剪紙都有，連個貓頭鷹筷子座都得意過人，男女老少都睇得開心，可以畀五分。衛生5分：雖然個燒爐同廚房响吧位後面，但間舖都一Ｄ都唔煙，抽氣好。枱面有個鐵桶放竹籤，又可以用個豬耙嚟將D串燒上面嘅食物分開，唔使整到成個嘴都係，絕對係有心思，衛生可以畀五分。服務5分：服務員有衝勁，快手又快腳，對餐飲故然好熟識，最好就係主動介紹抵玩Happy Hour套餐，同Ｄ精選招牌菜，又會成日替換Ｄ污漕碟，畀佢滿分。味道5分：1)      招牌MokuMoku沙律個面舖滿Parma Ham薄片，就咁食已經好夠味，入面有羽衣甘藍，生菜，矮瓜，蘿蔔，蒟蒻，又新鮮又爽脆，五十八蚊真係好夠份量，好抵食。2)      三點刺身拼盤入面嘅三文魚，油甘魚，帆立貝每樣都有兩件，三文魚同油甘魚又肥又鮮甜，帆立貝又厚又爽又嫩。豉油碟入面嘅貓狗圖案都好得意。3)      果碟西班牙豬肋條呢每條都非常之爽口彈牙同多汁，點埋Ｄ橙色辣蘿蔔蓉就更加之嘢味，呢個真係必吃。4)      食串燒最抵就係點Happy Hour套餐，一set包左一杯啤酒/High Ball/汽水/乳酸，另加三款串燒。啤酒係清爽嘅三得利生啤。5)      雞翼燒得好香，雞皮燒到脆卜卜，完全唔油，D肉仲好嫩。6)      冬菇串燒好香口。7)      日本青椒仔唔辣，食落爽爽地。8)      日本蕃薯仔燒到好香好淋，可以唔使點咬就食落肚。9)      六個圈嘅豬大腸串好香口，煙煙靭靭又有Ｄ爽爽地，點埋個芥辣就送酒一流。10)  豚肉林檎紅薑卷個名有Ｄ複雜，但其實係蘋果出面包住豚肉，加埋Ｄ紅薑味，食落好健康。11)  個西班牙肩肉串好juicy，Ｄ肉唔肥但又夠爽，絕對可以返奄。12)  豚肉露筍卷係露筍出面包住薄薄嘅豬肉片，中間條露筍心真係好甜好香，食落唔油膩。13)  豚肉韮菜泡菜卷呢就一Ｄ都唔辣，個韮菜味好出好濃烈。14)  豚肉蒜芯卷好爽脆嘢味。15)  大大塊嘅大啡菇牛油味好香，好乾身又夠淋。抵食5分：輕鬆日式居酒屋環境，同周圍好多豬仔公仔，得意可愛。樣樣嘢上枱都係熱辣辣即叫即燒，D串燒用心機制做，慢工出細貨，Happy Hour時段最優惠。而家只要like左Facebook就可以自動成為會員，一週年週六，日，一都有折頭，優惠源源不絕，絕對不能錯過，抵食冇得唔畀滿分。…Read More

好少食串燒，因為對串燒冇乜特別感覺。但旗袍話呢間係我最愛嘅日本餐飲集團開㗎喎，真係必食喎凍蕃茄 ($28)喺蕃茄上面放啲蔥、薑及醬油，配上木魚汁，超級鮮甜開胃！粒貝刺身 ($298)北海道響螺切片，好多片，有咬口感但一啲都唔韌！就咁食海水味超濃，如果加少少檸檬豉油一齊食，鮮味更突出赤蝦刺身2隻 ($58)大隻兼肉厚，新鮮肉質彈牙帶子刺身 ($58)相比起冇赤蝦咁突出，不過都好新鮮MokuMoku沙律 ($98)Parma ham配合羽衣甘藍、沙律菜、車厘茄及魔芋等，加上意大利黑醋調味，入口一啲都唔酸。連平時唔鍾意食parma ham嘅我，都覺得意大利黑醋中和咗佢嘅鹹香，估唔到咁好味喎！豬肝暮斯 ($68)鵝肝就食得多，餅乾上有豬肝粒、cream cheese、酸菜及蕃茄。一啖食晒，豬肝一啲都唔臊，同芝士一齊入口即溶，味道非常匹配，口感軟綿，勁好味！！！西班牙黑毛豬西班牙黑豚肉串  ($38)將西班牙豬肩肉及洋蔥一齊燒，洋蔥超爽口香甜，豬肉又juicy，洋蔥吸晒啲肉汁啱晒！豬顎骨肉串 ($38)食落好似牛肉，肉質富彈性，肉味超濃郁西班牙夾心肉 ($38) 即係豬嘅手瓜位置，油脂超勁，入口即溶山形縣三元豬煙燻豬腩 ($128)煙燻味好濃郁，不過食落又唔會蓋過豬肉嘅香味。平時唔食豬腩嘅我都覺得肥膏部份好香甜，整體食落有啲煙肉嘅感覺，如果覺得鹹嘅可以點少少芥末醬，又係另一種食法岩手縣白金豬茗荷豬肉卷 ($34) 茗荷即係生薑苗，第一口有香濃嘅薑辣味但一啲都唔會覺得搶，咬耐啲薑辣味就會被豬肉香味所蓋過；油花分佈比例平均，肉質鮮嫩富彈性林檎紅薑豬肉卷 ($34) 包住蘋果粒嘅串燒真係第一次試，豬肉汁及蘋果汁混埋一齊，味道非常清新，而且感覺一啲都唔膩年糕豬肉卷 ($32)諗都諗唔到豬肉包住年糕都可以做串燒！外軟內煙韌嘅口感好有趣！紫蘇豬肉卷 ($32)平時唔鍾意食紫蘇嘅我，估唔到佢同豬肉係咁夾，吸咗豬油後，紫蘇味道冇就咁食咁濃郁，非常易入口叫咗秋葵($32)、粟米($58)、大啡菇($38)及日本青椒仔($28)，我最鍾意食大啡菇，一咬啲汁係必晒出嚟，勁juicy！日本番薯仔 ($28)細細粒好可愛，外層微焦但入面軟熟，甜度適中香港串燒店多得很，不過以豚肉作為主打嘅串燒店就好似冇喎！由於我哋唔多鍾意食內臟嘅關係，所以冇乜點嚟食。雖然我唔多鍾意食串燒，但非常欣賞呢度多元化嘅menu，好有誠意！…Read More

今日去咗一間以豬肉做主打嘅串燒店，一入去就見到好多豬嘅擺設，cushion都係豬，仲要個個都不同，喜歡豬嘅朋友去到一定會好興奮唔知點解食一食串燒就好想飲嘢，朋友叫了巨峰梳打($38)，我就想飲酒，問有咩介紹，而店員介紹咗呢隻作惠乃智純米吟釀($68一杯)，原來呢隻酒係中田英壽的Ｎ－Ｂａｒ指定酒款，仲好易入口前菜 ($28)前菜係凍蕃茄，去皮嘅日本蕃茄，配上木魚汁、蔥、薑同醬油，好清甜開胃帶子刺身 ($58) 及赤蝦刺身2隻 ($58) 帶子肉厚，赤蝦好大隻，好鮮甜，唔點任何醬油都好好味粒貝刺身 ($298)粒貝即係響螺，今日食嘅係來自北海道，店員仲介紹我哋點檸檬鼓油，好喜歡先嚐一口什麼都不點的，試試原味，好爽口鮮甜，再試試點檸檬鼓油，鮮味更出MokuMoku沙律 ($98)材料豐富又特別，有Parma ham、羽衣甘藍、茄子，車厘茄、魔芋、配意大利黑醋，好少食生茄子，估唔到咁清甜爽口，這個沙律真係一個好好嘅appetizer 豬肝暮斯 ($68)賣相好吸引，最底層係一塊梳打餅，上面係自家制嘅豬肝，再配上Cream cheese、車厘茄、酸菜，唔同嘅味道配上唔同嘅口感，好有層次感食完幾款小食同前菜之後，就到咗今日嘅主菜串燒，呢間點以豬主打，所以今次點嘅都係豬，分別有西班牙豬同日本豬，再配上一些蔬菜西班牙豬西班牙黑豚肉串X 2  ($76) 係豬肩肉，好juicy豬顎骨肉串X 2 ($76)唔知以為係牛肉，仲好爽口西班牙夾心肉X 2 ($76) 夾心肉嘅肉即係人嘅手瓜位置，肉與肉中間爽咗洋蔥，肉嘅油脂响燒時溶化，剛好被洋蔥吸晒，連洋蔥都好好味日本豬煙燻豬腩 ($128)係山形縣三元豬，厚厚嘅豬腩肉，一層肉一層油脂，經煙燻後油脂溶化，肉味濃，不過，如果怕肥嘅人就未必合適了之後試咗四款串燒，都係山形縣嘅白金豬茗荷豬肉卷X 2 ($68)茗荷係薑花花蕾，用豬肉卷起，入口清新林檎紅薑豬肉卷X 2 ($68) 林檎即蘋果，可入薑同蛋黃醬，再以豬肉卷起，煮過嘅蘋果酸酸哋又甜甜哋，與蛋黃醬出奇的夾年糕豬肉卷X 2 ($64)好喜歡吃燒年糕，喜歡其口感，估唔到與豬肉一起燒，年糕吸了肉汁係咁特別紫蘇豬肉卷 X 2 ($64)紫蘇有其獨特嘅味道，喜歡嘅人好喜歡，討厭嘅人一口都不會吃，而我就好喜歡，這個有些食韓燒感覺食咗咁多肉，係時候食蔬菜，分別叫咗秋葵X 2 ($64)、日本青椒仔 ($28)、日本番薯仔 ($28)、大啡菇($38)同粟米($58)，而我就最喜歡番薯仔同粟米呢間串燒店唔係好大間，不過好舒服，好適合三五知己邊飲邊食…Read More

朋友愛吃串燒, 剛看到最近有家新的豚肉串燒專門店開張, 便第一時間跟朋友來光顧. Bar枱看到一目了然而整潔的串燒爐. 環境跟一般的居酒屋近似, 但沒有預期中的一陣味道, 看來抽風設備不錯. 牆上是豬的部份的日文名稱. 第一道的小吃是帶酸甜味的蕃茄, 醒胃惹味. 這晚的主食是串燒, 開始前想先多吃清爽開胃的沙律作頭盤. 以豚肉火腿為主角的沙律正合我意, 沙律的汁醬帶酸甜, 又是一道醒胃頭盤. 以豬肝慕絲為主角的一道餐前小吃, 一口吃起來, 與蕃茄, 芝士, 漬物融為一體, 很好吃. 現切的Iberico 36個月火腿, 除了切的厚薄恰到好處外, 選用36個月是非常不錯的選擇, 帶適量而不會膩口的油脂. 最讚的是盤子是帶暖的, 火腿帶著微溫更香口, 口感更柔軟. 豬肝口感鬆化, 醬汁令肝更惹味. 其實是黑豚腸的切薄片, 肉質彈牙充滿肉汁, 很好. 全晚最喜愛是這個豬喉軟骨串, 集煙韌及爽脆的口感於一身, 比雞軟骨更令人欲罷不能. 有彈性而肉味十足的一個部份, 稍稍用鹽吊起的肉味, 調味剛好.這道串燒其實就是豬油渣, 把肥肉放上去燒至乾脆, 口感比豬油渣要充實許多. 豚肉包蘋果的串燒是第一次試, 蘋果的爽脆及甜味竟與豚肉十分配合!紫蘇與豚肉的配合度極高, 紫蘇的香味提升了豚肉. 大腸腍滑, 近乎入口即化的口感, 比港式炸大腸要好味許多. 茗荷即是日本的生薑苗, 入口有清爽的辣味, 是配豚肉意想不到的好配搭. 最後的一道串燒朋友點了他的至愛蕃薯仔, 本來對這類澱粉質食物興趣不大, 但竟想不到地, 微焦的外皮看起來很吸引. 入口則是帶點甜香, 入裡鬆化非常. 下次也會必點這個蕃薯仔. 吃過蕃薯仔, 還是欠一點滿足. 店員這時的推介竟是拉麵. 對拉麵要求頗高的我, 這碗麵質雖普通, 但用上豚骨熬制的拉麵, 湯頭實在十分好味. 吃過拉麵滿足非常, 最後來上一個柚子雪芭作甜品, 清爽的酸甜味, 令人食欲大增, 又解油膩. …Read More