莆田 (PopCorn 2)

營業中

休息中

之前記得莆田有下午菜餐的, 在進入前先問過有沒有下午茶, 店員說有, 結果也是午餐餐牌, 可能下午茶免加一吧!但很想吃莆田的興化炒米粉, 所以午餐也不介意。有三款小吃, 我選了鹵水豆腐、蝦米紫菜、苦瓜。 當中蝦米紫菜最好味, 苦瓜是薄片二塊, 沒什麼特別。另外, 餐湯是指定的。雖然是“例湯”, 但真材實料, 味道不錯。主菜興化炒米粉, 材料很足, 有蝦、蜆、豆腐、紫菜…, 最重要的是米粉, 很幼細, 口感與一般米粉不同, 味道也恰到好處, 不太咸不太淡

中午二人去食左個午市頭等餐，價錢相對較吸引，食物都較岩個人胃口。荀乾不會太乾，甜甜的，還有小火令食物不會變冷，暖暖的，如送飯一流，或留一些來送米粉。扁肉湯是我最愛！ 😍細細粒，皮是煙煙韌韌的，連湯吃，口感更豐富呢～荔枝肉完全俾佢個名fake左，全碟好慶幸地有一粒荔枝肉咁多，全是肉，都不太吃到荔枝肉的香味。炒米粉是愛人最愛，我就覺得普普通通的，可再炒得更有穫氣。苦瓜是略微煎過，不太苦，挺好吃的。甜品簡簡單單，清甜，好吃！整體來說不錯，價錢比以前散叫抵食，份量都夠飽，尚算滿意。

想食左好耐既莆田終於有機會食，中午有set, $68包前菜三小碟、主菜同湯，價錢合理。兩個人食，點了兩個set，一次過食晒六小碟。紫菜酸酸甜甜，好開胃。豆卜亦不錯。不過豬肝就有點乾同硬，有少少失望。興化炒米粉好幼身，但不會黐埋一堆，炒得不錯。蜆亦新鮮爽口。個人認為最正就係老黃瓜排骨燉湯，無味精味，用料十足！可以的話想飲兩碗。另一值得讚的是這裡坐得舒服，坐位寬敞，整間店用色都是以淺色為住，感覺好舒服。

放假遲起身，午餐時間也自然delay ,所以可以直接去食下午茶餐！可能是疫情關係，竟然好少人入坐，任我擇位😁每次路過也想試吓下午茶（因為免收茶、水費），今日終於試到！一坐低，侍應放下一壼茶（似是菊花茶），不是其他食店的的普洱茶，連前菜（酸蘿蔔）而很好味！一看menu,原本想食包菜飯，但剛剛改為 紫菜飯，所以決定一試，果然不錯👍另外一個主食：興化炒米粉～ 米粉特幼，🦐也彈牙，但美中不足的是蜆肉有沙醬爆肉絲米粉～如果多啲菜更好！點心：最想吃的古法番薯包賣晒（有點失望），只好改為order 2個杞子白米糕，真的像昔日吃的味道莆田糯米丸：一口咬下去，就發現是黑芝麻味，好滿足（應該改為甜品，因為會最後才品嚐😁）小菜：滷水嫩豆腐～很入味，用作送飯，真的不錯！蝦苗拌頭水紫菜～ 不過不失！

打算帶天廚去試新嘢~beans，來到要排隊等位，坐位又窄，所以去隔離此處。我們少揀套餐，因為驚食得飽，揀2款餸都差不多兩百，阿姐話食套餐抵，包茶包加一，所以叫$198，2人套餐。扁肉湯，有紫菜蒜蓉，紫菜香（標榜每年首次採摘，營養價值高），湯鹹微酸， 内有幾粒餃十足似魚皮餃，皮晶瑩煙韌，原來用肉打出來，估你唔到。豬蹄啫喱，细細粒，口感似肴肉，無肴肉肉香酒香，豬蹄腍，但都有嘲口。興化炒米粉，即炒雜錦，粉質像台湾新竹米粉，爽口但無質感.，好幼，放上一小撮紫菜，香芹、大蝦、蜆肉、豆腐乾、燒肉粒， 炸香嘅蒜蓉，小棠菜碎，娃娃菜碎， 有咁多料，不用下盬。金湯時疏~蒜子莧菜苗，金湯蛋黃煮，不見蛋黄，不咸，無渣，軟腍，甜。軟煎黃花魚，豉油糖豆粉芡汁，無豉油味，魚不新鮮，天㕑時常在街市買回來多數新鮮，干煎或薑葱踫，比佢好味好多，隨着我就整色整水，加香草，令晒雪櫃醬汁出來點。蓮子雪耳紅棗糖水，正，清甜，潤肺。如果餐廳張貼莆田照片，更加貼切蒲田。

呢日同屋企人去咗將軍澳行街，時間啱啱好要食嘢，又見到莆田有做下午茶，所以就入去試下。果陣3點鐘左右🕒，餐廳已經無乜人，我哋都拿拿臨落單，下午茶主要分兩種$49同$59，分別係啲點心同小菜唔同，而主食嘅選擇同指定糖水係一樣的。我哋三個人叫咗兩Set $49同一Set $59，叫啲唔同嘢食乜都試下。三Set點心同小食好快就上菜，一個木盤盛有三個小碗，造型係幾精美嘅✨，但基本上六款點心/小食，無一款係好食嘅(真係一款都無)，四款點心要咗杞子白米糕、莆田糯米丸、酥香黃金磚同酥炸莆田扁肉，頭兩款應該係甜嘅❓，但個白米糕根本唔係糕而係一個又凍又乾又細個又扁又完全無味嘅包😑，而糯米丸就係兩粒炸芝麻湯圓配啲花生碎，亦同好味拉唔上關係。至於後兩款酥炸乜乜，味道係正常，但最最最最最接受唔到係兩樣都係凍嘅，唔係同我講呢兩款都係凍食嚟啩🤬，啲炸扁肉唔知係咪凍咗所以好油😣，而黃金磚其實即係煎釀三寶啲炸魚肉豆腐。你如果想早啲收市做晚市，咪唔好做下午茶囉，而唔係敷衍一早整哂啲嘢，有人叫就凍冰冰咁拎出嚟俾人食。呢個係間餐廳有無誠意嘅問題，你食物可以唔好味，因為味道係主觀，但如果食物係凍，就點都唔會好食😵👎🏿。另外，兩

跟家人到將軍澳莆田吃晚飯。這次點了一個4 人套餐，份量足夠我們一行5 人有餘。苦瓜片軟得來有點韌，苦味不重，蜜糖清甜。用來打苦瓜汁也不錯～～米粉依舊很鮮，很香，很軟熟，是晚最愛。煎黃花魚是單點的。醃過的黃花魚甘香皮脆，媽媽一個人吃掉一大半。層層疊疊的豆皮香軟嫰滑，但醬汁有點過稠，芥蘭亦帶苦味。小腸跟早前在元朗吃的水準一致，淡淡的滷水香，脆脆的口感很別緻。竹筒蝦上桌時有點WOW 的感覺。湯的藥材味非常豐富，先甘後甜。每筒內有兩隻又厚又結實的蝦，不賴。松鼠魚魚肉鬆散，炸得過火令外層變硬，是今晚頗為失分的一道菜。豬手上桌時要求服務員將豬手斬件，服務員告知炸豬手前已將豬手炆至軟淋，果真一刀下去豬手已骨肉分離。豬手炆得很入味，也炸得很香，略嫌肥肉比例過多變得糊口。以上分享菜色的次序，正正是菜色上桌的次序。家人說上菜次序有點隨意，是呀，在尖沙咀及元朗分店也是這樣的，放鬆吃就好 在興化炒米粉的光環下，依然給一個笑臉。

今次同friend去咗呢間話係新加坡50佳嘅莆田，平日見佢晚市幾貴，但係下午茶（兩點半開始食）都係大概$48(點心套餐) 或 $58(小聚套餐) 一位，免茶芥加一，當食lunch嘅話係呢區價錢可以接受，所以就試咗佢啦～朋友叫咗$58(小聚套餐)，有滷水自製豆腐，水晶豬蹄凍，興化炒米粉（推介）同清心雪耳糖水。滷水自製豆腐，味道正常嘅滷水豆腐，索晒啲滷水汁好香。水晶豬蹄凍，有啲似鎮江肴肉，豬蹄凍晶瑩剔透，放落口好軟滑，不過比較多豬皮，減肥人士注意吓喇清心雪耳糖水，幾香甜，仲有粒去咗核嘅小紅棗~興化炒米粉，全場最好食，好多配料例如蜆仔，蝦仁，花生仁，米粉好似絲咁幼，仲幼過平時食嘅銀絲米粉，又炒得唔油，有小小鹹香味，亦都係好夠份量。我叫咗$48(點心套餐)，有莆田糯米丸，古法蕃薯包，包菜飯同清心雪耳糖水。莆田糯米丸其實即係擂沙湯丸，甜而不膩。古法蕃薯包，外皮煙煙韌韌，裏面有啲蕃薯餡，覺得蕃薯包皮好食過唐記包點，兩個點心都令人食得好滿足。包菜飯其實即係有用到捲心菜同小小蝦乾臘味炒嘅飯，唔算好多配料，但係用豉油炒得好惹味，啲菜又夠fresh中和到炒飯嘅油膩感，而且份量夠多。埋單免加一茶芥，不過就有

今年，家人選擇在午餐時段做冬，最後決定試試這家得奬的新加坡餐廳。繁忙時間，職員在入座前，已經表示用餐時間是90分鐘。就座後，大家選了二套二人午市套餐，包開胃菜，菊花茶，水，服務費。看來很化算。無奈午市客人較多，職員很忙碌。多次招手，持續廿分鐘，也没有職員來下單。下單都被拖累，又何以在90分鐘內完成午餐呢？我的母語廣東話：落單都DUM曬D時間啦！上得菜唻，仲邊可能係個半鐘內食曬呀！　套餐奉送的開胃菜先上：乾身紫菜，雲耳！　　滷水嫩豆腐 　醬汁不太鹹，淡味的滷水。但炸過的嫩豆腐，外表似豆卜多尐囉！蝦苗伴頭水紫菜  一份小食，跟開胃菜的雲耳份量相若，其實無需動用如此大的碟子。濕身紫菜的酸味，不似陳醋／烏醋，酸味反而似阿蔘果。傳統肉扁湯　　肉扁＝雲吞，雲吞細細粒，容易食。雲吞的湯底亦很鮮甜。大白菜燉軟豆腐  母親大人喜歡這個清淡小食。百秒黃花魚　黃花魚少骨，魚肉又滑，母親大人至愛。軟煎黃花魚　　黃花魚半煎炸後，加上啡色的勾芡！　不過煎炸後的魚肉肉質較結實，没有百秒黃花魚的細碎。閩香洋燒棒　　二條豬肋骨，下方以淮山墊底。豬肋骨肉質鬆軟，一篤即散，無需太多手力，即可起出豬肋骨。芋香棒　　香口炸物，

莆田呢間新加坡福建菜已經左香港短短幾年，分店已經遍佈港、九、新界，我同老婆由荃灣搬去將軍澳之前，同外父外母食過莆田荃灣廣場一次，佢地都讚不絕口，不過因為將軍澳莆田由開店直到而家，每逢周末都大排長龍，所以我地一直都未有機會去食返餐。今日因為外父外母中午已經入左將軍澳，所以我地決定6點鐘就出發去攞位，睇下有冇機會可以趁未到繁忙時間到莆田食返餐。將軍澳莆田位於PopCorn商場2期，我地未到6 點半已經到餐廳，不過都已經開始要等位，好彩因為未到繁忙時間，人唔算太多，我地等左10分鐘左右就已經有位，另外餐廳係等位位置安排左薑茶俾客人免費享用，非常貼心。餐廳裝修以木、白色為主調，配上黑色吊扇，既時尚亦帶點懷舊風格。菜色選擇好多，大部份都不是普通中菜店常見嘅菜色，有部份新菜色我地對上一次去荃灣店食時亦未有，所以我地今日點的都係以新菜色為主，有九轉小腸、百味黃花魚、傳統扁肉湯 、興化炒米粉、蝦苗拌頭水紫菜同酥炒芋芯，4個人食應該都夠食。蝦苗拌頭水紫菜 ($52)頭水紫菜比一般紫菜更爽更嫩，配以微酸的調味，非常醒胃。九轉小腸 ($79)我非常喜歡呢個九轉小腸，口感彈牙，而且好入味，份量都唔少，加上有火

每次約屋企人食飯都係一大挑戰，由於父母都偏愛食中餐，屋企附近的中餐館都試勻晒無乜新主義，表弟前日試過popcorn的莆田，讚食物有特式，於是就約父母去試試喇。未到7點莆田已經坐滿人要等位，餐廳門口擺放左一張枱示範整傳統扁肉湯，雖然無師父表演，但媽咪睇擺設都已經話想試😂餐廳好貼心係門口有熱薑茶免費供應，客人可以一邊等位一邊享用熱辣辣嘅薑茶😊等左一陣就到我地入座喇。店內裝修以木色為主，光潔明亮，配以吊扇更添異地特式。我地選的食物都圍繞父母口味為主，當然不少得媽咪最想試的傳統扁肉湯。炸紫菜餐前小食炸得香脆又唔油膩，食多左都唔怕肥。蝦苗拌頭水紫菜酸酸凍凍的紫菜拌上蝦苗，好醒胃，媽咪好喜歡。九轉小腸九轉小腸以火酒膏加熱保溫上桌，入口依然溫暖。小腸中間的肥膏已被除去，入口爽彈無油膩感，而且滷水炆得好入味，我地好快就清晒。傳統扁肉湯媽咪最期待嘅食物，湯底已加醋，入口酸中帶有鹹香味，連平日唔飲醋嘅老公都飲晒。扁肉每粒都好彈呀，肉中釋放鹹香味道，真正皮薄饀靚。百秒黃花魚媽咪話街市好難買到正宗黃花魚，叫我地好好品嚐。黃花魚好滑，魚肉一梳梳，燜到一點腥味都無，連汁都無腥味，不錯!興化炒米粉炒米粉配料豐富:冬

很久之前已經知道有這間餐廳，有朋友之前來過，推介豬手正，於是今天便來試試我們點了一客精美四小拼，貪佢可以試多幾款，有蝦苗拌頭水紫菜，水晶豬蹄凍，滷水自制豆腐，九轉小腸。最喜愛九轉小腸，不肥膩，沒有臭味，處理得非常好之後到主角出場啦，極品椒鹽豬手，大大件，每件只有$39，抵食。餐廳會比手套揸住成舊食，特別好味。皮當然是脆卜卜，內裹的骨，肉也很鬆化，還是大量骨膠原的物體，真係超正 最來還有興化炒米粉，乾身爽口，而且用上極超幼的米粉，我喜歡