將軍澳莆田位於PopCorn商場2期，我地未到6 點半已經到餐廳，不過都已經開始要等位，好彩因為未到繁忙時間，人唔算太多，我地等左10分鐘左右就已經有位，另外餐廳係等位位置安排左薑茶俾客人免費享用，非常貼心。
餐廳裝修以木、白色為主調，配上黑色吊扇，既時尚亦帶點懷舊風格。
菜色選擇好多，大部份都不是普通中菜店常見嘅菜色，有部份新菜色我地對上一次去荃灣店食時亦未有，所以我地今日點的都係以新菜色為主，有九轉小腸、百味黃花魚、傳統扁肉湯 、興化炒米粉、蝦苗拌頭水紫菜同酥炒芋芯，4個人食應該都夠食。
蝦苗拌頭水紫菜 ($52)
頭水紫菜比一般紫菜更爽更嫩，配以微酸的調味，非常醒胃。
九轉小腸 ($79)
我非常喜歡呢個九轉小腸，口感彈牙，而且好入味，份量都唔少，加上有火一直保持熱度，相當唔錯。
1
百味黃花魚 ($69位)
熟嘅魚我唔多食，不過老婆同外母都係無魚不歡的，外母大讚呢個百味黃花魚好嫩滑，老婆亦食到停唔到口。
傳統扁肉湯 ($28位)
傳統扁肉湯是每位上的，湯底帶有醋的酸味，最驚喜係扁肉的皮，是以肉製造的，真正啖啖肉。
興化炒米粉($78)
興化炒米粉配料好豐富，唔會太咸，搭配餐廳嘅辣媽醬，非常惹味。
酥炒芋芯($89)
呢款酥炒芋芯口感同反沙芋好相似，外層香脆，中間芋頭軟糯，加上砂糖、薑、葱炒香，味道更有層次。
雖然我地唔係點左好多款菜，不過由於份量唔少，尤其係碟酥炒芋芯，佢地食量都比較少，去到最後我一個人差不多要清左半碟，捧住個肚行返屋企。
餐牌
