公和荳品廠

營業中

休息中

好耐之前經過呢頭都會食公和豆腐花，事隔至少3年，翻新裝修過，今日再經過附近，於是入去食多次，睇下係咪一樣咁好食😋細豆花：叫左兩秒之後就有，一放入口，好滑，好嫩，都有豆味，嗯！水準一樣咁好！

真係細細個就聽過呢個名，但食就真係第一次，心血來潮想食豆腐，叫左煎釀豆腐，豆腐花，豆漿同埋腸粉，咪睇得幾樣野，但都好鬼飽！因為我係叫外賣APP的，無諗過送到黎都仲係熱辣辣的，個煎釀豆腐真心好食，好有豆味又唔會好油好肥！豆腐花一定要食熱，熱辣辣食豆味最重，佢仲另外跟黃糖俾我自己落，想幾甜自己話事！而個豆漿雖然無驚喜但都好飲，下次想試下個黑豆漿！至於個腸粉純粹想飽啲而嗌的，下次都係試下個聽講好脆既豆卜，哈哈！#因為我叫外賣，所以環境未能實際評分#但服務就評到，因為佢地有親手寫左thank you係張單度，好sweet#仲送左封利事，入面有兩粒糖#外賣APP叫比起堂食是有一點點貴

去開深水埗一定會來公和食下野，我約6點多d到，咁啱又見到盧覓雪來公和拍節目😬叁拼$16叁拼有d咩呢，有煎釀豆腐、豆卜及魚腐各2件，果煎釀豆腐魚肉有加入陳皮調味，所以食落會有好清香陳皮味，而果豆腐好滑同好香豆味，而豆卜及魚腐都煎得好香脆可口。豆漿 （大）$10我就叫左杯豆漿，佢可以選擇少甜，啱我而d減肥中的人。豆腐花（大）$12豆腐花入口滑溜，食落好濃豆味。

每次黎深水埗，一定會諗起公和既豆腐花。係我心目中「公和」已經同「深水埗」掛鈎，每次黎到深水埗都一定會食碗豆腐花，因為咁多年都搵唔到邊間好食過佢。以前細個一定叫凍既豆腐花，特別係夏天時食完透心涼，爽YY~但人大左，食得多凍野對身體唔好，今次再光臨，叫左碗熱既細豆腐花。出奇地發現其實熱豆腐花更加滑，豆味更出，比起凍既更加好食。因為雪過既豆腐花，質感一定無熱豆花咁滑溜，豆味更加會降一大截! 公和豆腐花永遠無令人失望，一如以往咁滑，咁香豆味。細豆花份量夠女仔食，不過已經加到$10一碗，無計，依家咩都貴哂，加價在所難免，不過我都會照食。

公和荳品廠屹立逾半世紀，一直深受街坊歡迎，是區內赫赫有名的荳品店。翻新後店內加裝了冷氣，環境得以改善，但仍保留了公和懷舊特色元素。門口也有販售各種豆類製品，如腐皮、腐竹、南乳等等。豆腐花 (細碗$10)客人可以隨便使用桌上的醬料及黃糖。豆腐花質地不是十分滑溜，味道中規中矩。即使再次打入《米芝蓮指南香港澳門2019》街頭小食推介榜及花了很多錢裝修店舖，也沒有因此而加價，一心繼續推廣平民美食，絕對值得讚揚！

今日落街食晏，本來打算去維記，但要排隊等位；咁熱！唔制！轉個街口，便來到同樣馳名的公和荳品廠，尚有一兩張空枱，一個人坐下去，冇人搭枱，有風扇吹著，舒適地感受這間老店的傳統風味煎釀豆腐頂層有薄薄的鯪魚肉，豆腐外層煎得甘香，內層豆腐幼滑，不易鬆散。豆卜與煎釀豆腐相比，豆卜明顯唔夠熱同唔夠脆，較腍身，相信已炸起了一段時間。魚腐個人認為是三拼之中最好吃的，魚肉跟豆腐混合一起，很入味，鹹淡度適中，不太油膩。上枱時，熱辣辣，豆香味撲鼻，豆腐花夠嫩滑，加了黃糖也不會過甜，口感不俗！豆味足，入口清甜，很有水準，炎炎夏日中，更能消暑解渴！

小弟的食評一向以既親切、又傳神的廣東話來撰寫，今次要改少少風格，用上信面語，因為，難得有台灣朋友來香港遊玩，寫出來的食評總要讓他看得明白吧！ 由於這位朋友已到訪過香港一次，一些標準景點已曾到此一遊，出發前已表示想深度認識香港多一點 ，小弟既在深水埗成長，當盡地主之誼，自不然帶他認識一下這個基層小社區，景點包括：舊唐樓、鴨寮街、市政街市……等等，原來對他確是一些很新奇的事物 。除了一些景點，也順道帶他來吃一些深水埗名物，先在坤記吃九層芝麻糕及紅豆糕，估不到他這個台灣人竟然不大喜歡，真有少少意外 。之後，再去公和，不單因為其豆製品出名，最想讓他看看仍僅存的老鋪模樣 。公和兩個鮮紅店名大字，格仔紙皮石，門外煎過不停的釀豆腐、釀豆卜……，一一都是公和的標記。在這裡，吃的不是服務，是一份情懷及一種不變的味道 。 熱豆腐花 $7 在香港可以吃到富豆香又嫩滑的豆腐花又豈止此家，不過，公和的出品，絕對是信心的保證，剛剛坐在店鋪的最尾位置，背後就是製豆腐的工場，內裡不斷傳出豆香味。說回豆腐花，又白又滑，入口的確柔滑，桌子上一大樽的黃糖可隨意任加，個人覺得小甜是最理想，不會太奪走豆腐本身

跟兩位朋友剛食完 <第一腸粉專賣店>，逛逛太子一會兒後，有位朋友想到深水埗買電腦配件，於是我們一行三人走到這個舊區深水埗。一走出地鐵站，我便嚷著想食電視飲食節目介紹的砵仔糕！ 她說 <坤記> 在深水埗很出名！但是，並非飲食節目所介紹這間。 跟著，她建議到 <公和荳品廠> 食豆腐花！我看見 <公和荳品廠> 的殘舊門面，令我想到小時候見到的店舖，充滿舊香港的情懷；一問爸爸之下，原來已經超過五十年歷史！ 店裏裝修簡陋，仍保持古舊風格。 還有，香港很多年前出產的電威牌吊扇、用來收銀的工具也頗原始，便是一個竹籮；以粗粗的繩子，一邊掛著竹籮，一邊掛著秤錘，利用滑輪拉上拉落。如果，仔細看竹籮的話，已經用到漆黑黑的！由此可證明經過多年歲月使用的痕跡。 店子確實不大，約可坐廿多人，舊式的方桌，小摺凳擠滿了小店，店員把食物送上桌時，還要側身而過。可想而知，多麼狹窄！ 勝在流量快！就算等位亦很快有位。至於，衛生程度都不太理想，地面有點濕滑！ 大家幫襯時要留意！這裏的店員都是中年的阿姐阿叔，相信他們全都是老臣子，好客及熟手，合作融洽。而幫襯的食客

來到深水埗, 特地一嘗公和荳品廠出品的豆腐花。講真, 開頭真係冇諗過間舖係咁舊, 舊到連冷氣都冇但係見到咁多人黎食, 都知公和荳品廠一定其吸引之處等佐一陣先有位坐, 立即點了馳名的熱豆腐花($7)!!嘩!好大碗!! 而且勁勁勁勁勁勁勁勁勁勁勁勁勁滑, 好有豆味!!!!加少少黃糖....真係好正!!好好味!! (加上本人又特別鍾愛黃糖XDDD)哈~~連南丫島的阿婆豆腐花都比唔上!宜家諗起都想食呀~~~~~~~~~~~

豆腐花好滑 豆味較街邊濃(都唔算話好濃)如果要彈就係凍豆花無糖漿提供讓豆腐同豆卜因為人流關係 可以做到即煎即食豆腐煎到好脆 最緊要係價錢唔貴熱凍豆花都係6蚊碗