公和荳品廠

營業中

休息中

每次黎深水埗，一定會諗起公和既豆腐花。係我心目中「公和」已經同「深水埗」掛鈎，每次黎到深水埗都一定會食碗豆腐花，因為咁多年都搵唔到邊間好食過佢。以前細個一定叫凍既豆腐花，特別係夏天時食完透心涼，爽YY~但人大左，食得多凍野對身體唔好，今次再光臨，叫左碗熱既細豆腐花。出奇地發現其實熱豆腐花更加滑，豆味更出，比起凍既更加好食。因為雪過既豆腐花，質感一定無熱豆花咁滑溜，豆味更加會降一大截! 公和豆腐花永遠無令人失望，一如以往咁滑，咁香豆味。細豆花份量夠女仔食，不過已經加到$10一碗，無計，依家咩都貴哂，加價在所難免，不過我都會照食。