公和荳品廠

營業中

休息中

晚上八點幾，我同朋友喺深水埗，大家都唔係話好餓，行下行下就黎到公和食下小食。我地都係第一次入新鋪食，當時都仲有唔少人客。落單就係自己填飛仔。熱豆腐花 $14 大無論你剔甜定無糖，上檯都係無糖版。隔離檯係遊客，佢地唔知黃糖就放咗喺檯自己加，如果寫清楚就最好喇。熱無糖豆漿 $10 大XO醬蝦米丸 $13/3呢幾粒野賣相普通，食落去熱辣辣都幾好味！三拼(豆腐/豆卜/魚腐) $18雖然賣相好dry，但點埋啲醬黎食都幾有風味。薑糖豆腐雪糕 $14都幾好味，但如果薑糖可以比多少少好好喇！總結雖然呢度啲食物普普通通，但價錢大眾化，又多選擇，更加可以食到地道香港味。見到有好多遊客黎，希望本地市民都多多支持啦！餐具都未必話好乾淨，建議可以自己自備～

深水埗區很多美食，活了幾十年仍然不想幫襯，原因是公和在店內吃東西，環境太烏糟令我卻步。我血糖低攰又肚餓，第一次幫襯新舖公和（舊舖+新舖好多人）怎知食品貴超級難食，豆漿淡如開水，腸粉交來硬實實，魚疍豬皮冇味只落鹽丶咖喱粉得個辣字。埋單向老板娘反映，她收少我2元，我話不必要，因為好失望，希望長輩留給她的豆品店要好好再改善食物質素。在深水埗區食物價錢略貴，幸好我冇食豆腐。

-豆腐花叫咗一碗熱一碗凍，熱嘅比凍好食好多，我哋要咗一碗甜一碗無糖，其實之後都會再加黃糖落去，黃糖沙沙地夠晒甜，豆腐花雖然好滑，但係唔夠黃豆香味🧈參拼包括豆腐、豆卜和魚腐各兩件，其中煎釀豆腐係我覺得最好食、上面嘅鯪魚肉煎到好香，其次就係魚腐，有豆香同埋陳皮魚肉嘅味道，豆卜外脆內軟都係估計到嘅味道臨走之前買咗一支凍豆漿外賣，支裝得外賣先有，之前買過無糖覺得冇咩味，所以今次揀咗少甜，我都係覺得甜度好勁😵‍💫整體而言，我覺得三拼比豆腐花更出色😀-。《豆腐花大熱+凍》 | $14/碗。《凍豆漿少甜外賣》 | $17枝。《三拼(豆腐、豆卜和魚腐各兩件)》 | $18/6件-📌#sorriso_深水埗 #sorriso_深水埗區-👅【公和荳品廠 Kung Wo Beancurd Factory】📍深水埗北河街118號地舖🕑星期一至日 07:00 - 21:00-

衝住黎深水埗嘅公和荳品廠，未入門口已經聞到陣陣豆香！呢間老字號真係懷舊到爆，綠白瓷磚、鐵皮檔口、阿姐手寫單，仲有啲摺枱膠凳，完全係舊香港大排檔feel，旅客打卡一流📸！講到食，CP值真係高到嚇親人，$40有找食到飽，重點係——快！無論點餐、攞餐定食完閃人，節奏快到似打仗，但班伙記默契十足，一個眼神就知要收碟定加豆漿，好勁😂！ .必試『雙拼豆腐魚腐』，大大碟用鐵皮碟上，真係有碟頭飯嘅豪氣！豆腐滑嘟嘟，魚腐彈牙，雖然唔算驚豔但夠晒家常味。『凍豆腐花』同『濃凍豆漿』就係消暑神器，豆味濃到似飲緊豆漿精華，甜度啱啱好。最驚喜係『薑汁豆腐雪糕』，豆腐雪糕本身淡香，淋埋嗰pat薑汁糖漿，薑辣味直衝鼻腔，夠晒過癮！仲有『瑞士汁雞翼』，每隻都醃到入骨，甜鹹交織，食完想舔手指～ .總括：唔好expect精緻擺盤，但勝在平靚快，體驗地道香港風味，食完仲可以順便去附近鴨寮街掃街，完美行程🔥！

已經食咗好多年呢一間嘅豆腐花真係睇住佢不停加價特別係佢喺隔離開咗一間舖頭成個包裝同埋定位有啲唔同咗會出好多product出嚟俾遊客去買變相我覺得而家呢碗豆腐花變得係比多咗廣告費喺入邊咁樣豆腐花，佢賣緊$14一碗你話比起嗰啲糖水舖嚟講呢其實佢都真係算係平嘅不過比起呢啲派傳統豆腐花嘅舖頭嚟講仲要係喺深水埗呢一個地段$14嚟講呢就定價有啲貴啦近期我都有試過轉去隔兩條街嘅豆腐花舖頭度食佢$11一碗碗嚟大碗啲，同埋會滑啲但係佢就只係得企位因為今次係同爸爸一齊去食所以我就揀咗嚟呢度食因為冇得坐嘅話，佢一定唔制

深水埗不愧是平價美食的天堂 人均兩位數就能吃到米其林推荐👍很多本地街坊都来吃 这家店主打豆腐类的美食 没想到豆腐还能有这么多不同的吃法很多人推荐的豆腐姜糖雪糕🍦真的很好吃！浓郁的豆腐香气和雪糕结合 这搭配太绝啦 第一次吃到豆腐味的雪糕～滑嫩的豆腐花可根据自己喜好选择无糖和有糖 选的无糖再加上黄糖味道刚刚好炒面也很不错哦！一份只要10多块这物价真的太感人了还有各种豆腐类的小吃门口的冰豆浆看起来也好诱人下次路过一定要试试看🤤

都已經忘記了有幾耐沒有到深水埗這老店食嘢。今日友人突然間心血來潮，說着，要到這裏吃煎釀三寶及豆漿豆腐花，於是便動身。到了深水埗這間老字號。我們點了一個煎釀三寶，一個混醬腸粉，一杯熱豆漿，一份煎蘿蔔糕，一份熱豆腐花。煎釀三寶，首先我想講這碟仙釀三寶，完全唔熱，也不是温的，沒有食物應有的熱度。煎釀豆腐的豆腐和肉比例其實唔係太配，因為很多年前在這裏食過煎釀豆腐與今時今日的魚肉相比較下，這天，魚肉比例薄得好似一張紙一樣，我覺得有少少失望。至於三寶的豆卜，是香脆的，其實係好食嘅，不過因為比較凍啊，完全影響食物嘅口感，如果真係能夠熱返少少會好一點吧！混醬腸粉其實都算係好食，因為腸粉算滑，醬汁比例還可以。而且是「熱」的。。。至於煎蘿蔔糕，就令人有點兒失望，因為個蘿蔔糕嘅粉比較厚實，令到整個蘿蔔糕食嘅時候，感覺上比較硬，沒有太大的蘿蔔味道，我覺得這是失水準的。😣至於豆漿，我覺得是最好的！因為味道不會太甜，都有豆香的味道。而熱豆腐花都唔錯，不過好似沒有以前咁滑溜。。。。整體感覺好像比以前遜色了一點。我想講的是，這裏是很多遊客打卡的地方，也有很多街坊支持。希望這間豆腐店能夠繼續努力經營下去，同時也保持食物

豆腐控來到深水埗當然要到公和吃一頓豆製品。公和是老字號的店，不過店內裝修絕不老套，反而有自家特色。牆壁上有生動的圖解講述豆腐的製作過程，店內還有不少紀念產品發售，對於遊客來說也有吸引力。我一個人吃的不多，要了雙拼，魚腐和煎豆腐，加一碗熱豆腐花。煎豆腐有三件，每件的厚度一般，上面釀了一片薄薄的鯪魚膠，煎得有點點金黃，我覺得如果煎得久一些會更香脆。魚腐兩件，質感外脆內滑，口感佳。這些小吃配上少少辣椒醬同吃，更有風味。豆腐花很幼滑綿密，不用咀嚼就能吞下，放上薑汁黃糖，甜甜的更好吃。這類港產小吃令人回味，經過就進去吃一吃，滋味。

兩杯凍豆漿，甜， 大嘅 ； 一杯細 豆漿凍嘅無糖。 如果將甜同無糖加埋 divided by two 就最好 ，甜嘅大甜，無糖真係淡到 帶唔出豆味。煎釀豆腐 雖然比以前差咗少少但係都好好食， 畀起其他香港嘅豆品店算唔錯，有中上。黃金魚腐 如果冧啲冇炸咁耐 ，再加重豆香 就認真 good fit Perfetto 啦。環境 冇得講，人多多就真係面對面排排坐，好似大棚倉咁呢個冇辦法。 在場我同朋友叫多一支凍嘅黑豆漿， Wow 真係好凍， 就算今日二十幾度我都覺得凍。 Okay 啦。

深水埗呢一條街有幾間店都相當唔錯，其中有啲店歷史超過 100 年，真係犀利🧡豆花 呢度嘅豆花可以揀熱食或者凍食，再加上特有嘅黃糖。個黃糖食落沙沙哋，甜度啱啱好。豆花豆味好濃郁，口感滑潺潺，好似啲啫喱咁嘅，真係食過返尋味。除咗豆花，店裡仲有每日新鮮製作嘅豆腐同豆漿。另外，煎豆腐（手打魚肉煎釀豆腐，正到冇朋友）、薑汁豆腐雪糕、雞翼、豬腳、雞腳等等都有得點。坐低慢慢歎，真係好寫意。走嘅時候，我仲順手帶咗一瓶腐乳走，用嚟炒通菜，味道一流，簡直係居家必備！

好多小店捱得過疫情但係都捱唔過個經濟呢一間小店就非常之神奇佢仲可以擴充營業除此之外，佢會製造咗印咗好多自己舖頭logo嘅product賣俾人我非常之好奇，點解佢對自己咁有又出環保袋、保溫壺等等真係會有人買咩？另外食物上都有追求創新今次試咗個豆腐雪糕好好味呀

今次去谷和豆漿厰試咗佢哋嘅叄拼（炸豆卜、煎豆腐、魚腐）同埋豆腐花，真係好正！❥ 叄拼炸豆卜外脆內嫩，外面乾身，內裏多汁夠脆口，真係一口接一口，根本停唔落嚟。煎豆腐金黃香脆，搭配少少辣椒油，但係辣椒油唔辣。魚腐就更正，滑得嚟又充滿鮮味，三樣一齊食，簡直無得輸！❥ 豆腐花（大碗）豆腐花滑嫩無比，豆香味濃郁，有成樽紅糖任你加，完美中和咗豆腐花的清淡，食完之後心情都好好。份量都幾大份，我比較細食食完一碗大碗都幾飽。總結來講，谷和豆漿厰嘅叄拼同豆腐花值得一試！

呢間深水埗老字號專賣豆品食物！都曾經獲得過米芝蓮推介～除咗較為常見嘅豆腐花之外，仲有豆腐豆卜魚腐等豆製食品～一直都好受街坊歡迎🫶🏻啱晒後生仔收工放學去一試———————————-**豆腐花好軟身，充滿黃豆香味，再加埋黃糖，甜而香滑🥰**叄併包括魚腐、豆卜同豆腐各兩件，魚腐嘅質感好嫩滑～有魚鮮味又有豆香味🤤而豆卜外脆內軟，唔會好乾身🫶🏻豆腐就更加嫩滑，但本身味道比較清淡，所以要點多啲醬汁嚟食🙂‍↔️

公和荳品廠作為深水埗的老字號🪵各式豆類製品一直深受老街坊歡迎👴🏻其出品的豆類小食亦吸引了不少年輕一代光顧🕺🏻在網路擁有着不錯的評價👍🏻———————————————————————要了解一間荳品廠的功架，豆腐花可說是必點的考牌之作📄這裡的豆腐花未如一般常見的軟身🤨質感偏向像豆腐般較為實淨🤔口感略嫌未夠嫩滑😕豆味方面亦未算濃郁，加了黃糖之後豆味變得更加暗淡🥴以一間豆品廠的出品來說，如此質素難免令人失望🥲三拼包括魚腐、豆卜和豆腐各兩件。魚腐混合了豆腐和魚肉🐟質感十分綿滑😊有豆香得來同時有魚鮮味😋淡淡的陳皮味亦令整體味道更有層次🥳豆卜方面，光看賣相本以為會十分乾身😮想不到內裡卻仍有少許水分💧外脆內軟，不會令人有涸喉的感覺😇至於豆腐，厚身得來口感嫩滑🙂但煎得未夠透徹，豆腐出水亦減低了表面的香脆度😩豆味一般，所釀的魚肉太薄亦令魚味欠奉🥺豆漿有甜與無糖可供選擇。與其他豆品一樣，豆漿豆味不算香濃😗無糖版本雖然豆味會較為突出，但同時豆青味亦會較為明顯😣而有糖版本則相對容易入口😀但甜度就略嫌偏高，調味方面可以再輕手一點🤏🏻———————————————————————公和的豆品小食雖然不算是特別出眾，但

今日去咗深水埗掃街😆 呢個公和荳品廠其實喺銅鑼灣都食過🤣 不過嚟到深水埗又見到，而且好多人食，所以我又嚟試吓啦😙兩個人嚟食，佢規定每人要叫一個嘢食嘅，所以我哋就揀咗兩樣，凍豆腐花同埋煎釀豆腐☺️凍豆腐花，佢加咗甜嘅，有得揀無糖，不過有糖應該好食啲😆 凍呢就冇熱咁滑，但食落就好似食布丁咁，好爽🥰 煎豆腐都好好食，豆味香濃，上面有塊薄薄嘅魚，都煎得好香☺️ 如果唔係想試多幾間餐廳，我地應該會再叫多啲嘢食😛