公和荳品廠

營業中

休息中

今日去咗深水埗掃街😆 呢個公和荳品廠其實喺銅鑼灣都食過🤣 不過嚟到深水埗又見到，而且好多人食，所以我又嚟試吓啦😙兩個人嚟食，佢規定每人要叫一個嘢食嘅，所以我哋就揀咗兩樣，凍豆腐花同埋煎釀豆腐☺️凍豆腐花，佢加咗甜嘅，有得揀無糖，不過有糖應該好食啲😆 凍呢就冇熱咁滑，但食落就好似食布丁咁，好爽🥰 煎豆腐都好好食，豆味香濃，上面有塊薄薄嘅魚，都煎得好香☺️ 如果唔係想試多幾間餐廳，我地應該會再叫多啲嘢食😛

之前經過, 但一直無幫襯過, 以往都係好多人😅今日見好似入面有d位, 就入去坐一陣抖一抖, 望下menu, 見豆漿有分凍同熱, 都有分有糖同無糖, 還有分大杯同細杯, 要左杯大凍豆漿無糖, 成為10蚊, 另外要左四件煎釀豆腐, 成為14蚊, 見d店員都好似唔止在唔憂做的態度🤣對客人的語氣都係麻麻地, 等左一陣豆漿送來, 果然好大杯亦夠凍, 但無乜豆味, 有d失望🫤再食豆腐, 煎得好香, 少少魚肉係面又幾夾👍但都係無乜豆的味道, 但坐下抖一抖, 豆腐豆漿又感覺健康d😀可能都不可以要求太高😂

今日我去開深水埗～所以就隨便來吃个豆腐花同小小野～羅白糕同腸粉當食 lunch, and因為好少去深水埗～所以打算食左先再行去我去的目的地！去到好多人～但巷仔有个位～我不怕巷仔～所以就可以坐～要坐室內～排隊吧！好多小食呀！我叫了大熱豆腐花～好熱好滑～俾七分！羅白糕料足俾8.5分～腸粉真係一般～六或七分！叫做試一下～都几有香港local feel的店～可以打下 甘囉！

之前同朋友都想試吓呢一間位於喺深水埗嘅豆腐花，今日就約埋佢哋過嚟一齊食，仲喺附近一齊掃街，我哋就揀咗一個三拼，一份炸魚腐，咖喱豬皮同埋梗係唔少得豆腐花！豆腐花非常好食，充滿黃豆香味，而且好香滑，再加埋少少黃糖，成個豆腐花嘅味道更加突出，而且呢個價錢真係冇得輸，難怪咁多人都過嚟呢度食，而且價錢非常抵食，成間餐廳都差唔多滿咗，佢嘅三拼亦都熱辣辣，鍾意食嘅朋友可以一試，個人嚟講最鍾意食魚腐，出邊好少有地方可以食到呢一啲豆製嘅食品，而且佢嘅熱量唔高，所以都適合我哋女仔食🙈🙈

放工去鴨寮街買完電話卡，想食小食就諗起想食豆腐，用Google map 搵下附近有無豆腐嘅餐廳，就搵到北河街呢間公和豆品廠 👏👏舖頭唔只賣豆品類，除左豆腐花～豆漿～釀豆腐～釀豆卜之外，仲有瑞士汁豬手～雞腳～雞翼，可以堂食或者外賣，超多人幫襯！我買左煎豆腐 18蚊5件 😍現場即煎 件件都熱辣辣 豆腐厚 豆味香上面薄薄一層釀魚肉 滿足°！買完先知原來可以雙拼，下次我要試埋釀豆卜！！

收工專登搭車黎深水埗，就係想食返佢嘅美食，好耐冇黎見到原來裝修過，佈置都好特別，去到唔使等位即刻入筆，座位都算乾淨，落完單之後上餐速度好快有得食，三拼荳腐荳扑魚腐好好味一定要叫，如果唔係叫咗腸粉本身諗住叫多一碟，豉油王炒麵正常味道，瑞士汁雞翼都OK可以一試，蘿蔔糕煎得夠香，見唔夠所以叫咗腸粉，凍豆漿好飲，食完有啲飽所以冇食到佢個薑汁雪糕，整體用餐感覺OK，職員有禮貌，價錢都算合理，如果經過附近就要再食多次。

朋友話想去睇地道啲嘅地方，帶咗佢嚟深水埗，想坐底食吓小食，又唔想食咁飽，就諗起呢間公和豆品廠。細個同屋企人嚟深水埗都會去飲吓豆漿，食個釀豆腐，所以都想比外國朋友體驗吓。我哋嗌咗個三拼、兩杯豆漿同埋一個薑味豆腐雪糕。三拼有釀豆卜、釀豆腐同埋一個炸魚肉撈豆腐。我自己最鐘意食釀豆腐，豆腐無額外調味，一食就有好香濃嘅豆味，好正！炸魚肉豆腐都唔錯，會食到豆腐嘅軟嫩同埋綾魚肉嘅彈牙。我朋友就話炸豆卜最好食，佢係煎釀三寶豆卜嗰隻味，我覺得麻麻哋，因為鐘意食有索汁，軟淋淋嘅豆卜多啲。薑味豆腐雪糕我覺得都唔錯，比起一般雪糕紥實，唔容易溶，豆腐味都好出，係薑汁糖水味道唔算太濃。我哋食晒所有熱食先食佢嘅，可能都至少十五至二十分鐘，都唔會話溶咗好多食唔落。豆漿就有糖嘅話都偏甜嘅，不過豆漿唔落糖又會好寡，所以都無辦法。飲完會有啲口渴，不過出面天氣咁熱，真係要整返杯凍嘢抖吓氣先得。以後嚟都會去食豆腐，坐吓傾吓計都幾似去咗cafe啊～

話說好耐之前幫襯過呢一品牌(不同分店)d staff 都比較惡，同埋唔憂做所以我好耐都唔會幫襯經過深水埗又好熱，想食碗豆腐花就入咗去比一次機會佢原來而家已經有好多小食食唔係淨係得豆腐花同埋煎釀三寶於是我叫咗個腸粉都唔錯呀童年回憶

深水埗掃街第三站去到公和荳品廠！有位就直入坐低！一樣以掃街價錢嚟講真係幾抵！兩個人要咗兩杯豆漿 （大）$10杯三拼（煎豆腐、豆卜、魚腐各兩件）$18瑞士汁雞翼 $22 6隻珍寶炸魚蛋$13 2粒——————————-先來大合照一張📸比較少見豆品廠會有埋炸豆卜同魚腐，呢個幾新穎！枱面上可以自己落豉油甜醬辣醬豆漿要咗一杯甜同無糖🥛🥛無糖味道正常啦，但有甜嗰杯個甜味就好似落得都幾重手😂不過我略嫌佢個豆腐煎得未夠勁！如果可以再脫埋就好啦！個鯪魚肉都香嘅但薄咗少少，豆卜同魚腐有新鮮感🐟🐟最有驚喜係個瑞士汁雞翼$22有六隻🐔！平好入味好抵食！鍾意食雞翼嘅分分鐘叫兩碟都已經飽😂😂 重點佢啲雞翼又唔會太瘦有肉！下次有啲想試埋佢嘅瑞士汁豬手$22有四件啊！！珍寶炸魚蛋$13 2粒即叫即炸要啲時間，不過覺得普通咗啲冇咩魚味下次如果再去深水埗掃街都應該會再返嚟食！！同埋欣賞公和好肯做啲新嘅嘢！又出薑汁豆腐雪糕🍦豆腐奶凍呢！下次可能再試吓先！🙌🏼🙌🏼

好耐冇食公和既豆腐花，上一次去已經係裝修之前，今次經過就試下有咩唔同首先佢係舊舖格離加多左一間店，令佢可以容納更多既堂食客人。而環境都係放咗好幾張長枱，供人搭枱用又可以多人一齊坐到。熱豆腐花我選擇左熱豆腐花，佢堂食都轉左膠碗。而枱面都係一樣放左黃糖係度比人添加😃豆腐花既豆味清淡而又唔會話食到有石膏粉嘅味道👍🏻份量尚可😎而革新後既公和，都見到menu 有提供到豆腐雪糕依啲之前冇既產品，係一個唔錯嘅一個突破👍🏻

可能呢間舖頭嘅豆腐花我係情有獨鍾由細食到大， 每次經過就算幾飽我都會入去食， 但係越來越少分店啦希望佢哋繼續做得住啦， 唔止我鍾意連我屋企人我哋個個都好鍾意❤️豆漿同豆腐花都係我嘅最愛❤️❤️

3個女帶行動不便媽媽去食野 坐收銀處 嗰個 職員 驗 你媽媽你媽媽阻住佢執枱 態度極差 樣貌嫌棄 食物 又唔係平 仲要態度咁差 難怪咁多人 long weekend北上搵食 請問點樣振興香港經濟 我真係好有心 但係總是被冷待#公和深水埗店門口收銀處女職員態度勁差不友善對待行動不便老人家

-打工日中午飯點路過 無意中瞄到這百年老字號如今竟還有如此便宜物價？在香港？一下思緒把我拉回少年時代 便決定踏入此店！.店名公和荳品廠的牌匾還在沿用舊時的異體字店內的陳設還是老式的美用pang裝的這碟釀豆腐 口感軟滑細膩肉餡增加了咸香的反饋 .當年上學的動力就是這種豉油王炒麵給的很像我記憶中期待的味道 咸得剛好炒得乾身再喝杯豆漿濕潤下口腔 思緒一下又被拉回來半天因工作帶來的疲憊壓力也瞬間消失了.吃上撒了黃糖的豆腐花吧 是經過現碾磨的口感絲微沙沙使得糖甜味更突出最後再用姜糖雪糕作為收尾甜品 往身後一看 咦原來有不少打工人也志同道合選了這裡就餐這一頓 滿足矣

細個個時都係住深水埗，以前成日經過都會食返碗豆腐花，搬走咗之後就已經好少再食啦！公和荳品廠都係好老字號，已經有63年歷史，也曾經獲米之蓮推介嘅餐廳！以前就因為落街就食到，唔覺有咩特別，而家要山長水遠去食，個味道依然，好有感情㗎！最近同班朋友就去深水埗買嘢，因為時間比較早，又諗唔到去邊，就提議去公和啦！我哋都分別order咗自己想食嘅嘢！💕荳腐花呢個係「兒時味道」，大家都好目標🎯要食呢碗荳腐花，真係好滑溜好正！有熱有凍，糖就自己加👍🏻而且個價錢真係好抵🤣🤣🤣💕煎釀荳腐 （細$11/大$13）呢個好香味，既食到荳腐濃味，又食到個釀料魚蓉！💕煎釀荳朴（$14/5件）呢個炸得夠香口，唔係炸定係度，唔會淋曬！💕黃金魚腐呢個都好好食，鍾意食脆口嘢嘅我哋，覺得好鮮味好香口！💕XO醬蝦米丸（$13/3粒）好特別，呢個應該係新嘢，XO醬香味竟然係同蝦味好夾！💕香滑腸粉（細$11/4條、大$15/6條）而家住個邊唔係成日都買到呢款腸粉，都係兒時味道黎架，都好滑呀！💕魚蓉燒賣（$10/6粒）食腸粉又點可以少咗燒賣，入面真才實料，唔係溝粉漿，啖啖魚蓉！👆🏻👆🏻我哋叫咗孖寶就抵啲，$20蚊就有曬2樣呢嘢啦！呢個

帶啲朋友去石硤尾嘅「美荷樓」參觀，了解下香港第一代公屋嘅變遷，跟住順路過嚟「公和」食過輕怡下午茶。逢喺星期六、日，呢度都好旺，不論正鋪，還是隔離新鋪，都坐滿晒人，加埋啲外賣，賓墟咁嘅場面。我哋見巷仔嘅露天位有空枱，「嗱嗱林」掗番張，反正都喺旋風式咁食完就走。餐牌，一版紙睇晒，依定賣嘅食品非常之多，除豆品類，仲有好多小食，連炒麵、烏冬、粥品都有。豆腐花 $13豆腐花始終喺公和嘅熱賣，相信寫嘅人都唔少，所以，我就唔特別多講。總之，質素保持到，基本都唔會令人失望。枱上已經放咗黃糖，再由客人自由添加。叁拼 18$/6件一客有齊豆腐、豆卜、魚腐，各兩件，個人覺得釀豆腐比較好食，一來豆腐滑，二來魚肉彈牙味鮮；豆卜、魚腐都OK啦，前者香口酥脆，後者外脆內軟，喺入口比較油咗少少。瑞士汁豬手 $22一客標明有4件豬手，賣22蚊，價錢都OK，隔離枱個阿姐都推介我哋試吓，所以，就即管一試。啲豬手炆到好化，輕輕一咬就開晒，皮下都有幾多骨膠原，個瑞士汁味道都幾濃，甜甜酸酸咁。豆腐奶凍 $18初頭諗住十零蚊碗豆腐花都有成大碗，咁賣到18蚊嘅奶凍應該有返咁上下，但原來喺好細樽，真喺兩、三啖就食晒。老實講，食落我就覺