影片
開飯介紹
有百年歷史的公和，使用加拿大非基因改造黃豆，以手工製作豆腐、豆卜等豆製品，口感又香又滑。此外，以古法製作的石磨豆漿原汁原味，值得推薦。
繼續閱讀
獎項殊榮
最優秀開飯小食店 (2010-16), 最優秀深水埗開飯熱店 (2015-16), 米芝蓮街頭小食 (2016,2017,2019-20), 米芝蓮必比登推介 (2023-2024)
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
相關文章
週末晚餐後大概八點半路過北河街，看見公和豆品廠還在營業，就進去吃了個宵夜。這家老字號保持著傳統的港式裝修風格，牆上掛了白底紅字菜單，地下也保留了懷舊的綠色瓷磚，整體乾淨整潔。我們點了大的無糖豆腐花和叄併拼盤（豆腐、豆卜、魚腐，各兩件）。豆腐花口感細膩，豆香濃郁，不加糖也能嚐到自然的清甜，適合喜歡原味的人。拼盤中的食品已炸好放在店內，上菜速度很快，下單後一分鐘左右就端上來了。三併中最出色的是豆卜，外皮炸得金黃酥脆，咬下去會發出"咔嚓"聲，內裡卻保持鬆軟，油香十足但不會太膩。豆腐釀肉餡料飽滿，魚腐有點彈牙及帶著淡淡的魚香。桌上配有泰式辣醬，蘸著吃更添風味。我們在九點左右開始收拾打烊，吃完正好離開。這家老店的豆製品水準穩定，想吃個簡單宵夜，這裡是個不錯的選擇。
繼續閱讀
晚上八點幾，我同朋友喺深水埗，大家都唔係話好餓，行下行下就黎到公和食下小食。我地都係第一次入新鋪食，當時都仲有唔少人客。落單就係自己填飛仔。熱豆腐花 $14 大無論你剔甜定無糖，上檯都係無糖版。隔離檯係遊客，佢地唔知黃糖就放咗喺檯自己加，如果寫清楚就最好喇。熱無糖豆漿 $10 大XO醬蝦米丸 $13/3呢幾粒野賣相普通，食落去熱辣辣都幾好味！三拼(豆腐/豆卜/魚腐) $18雖然賣相好dry，但點埋啲醬黎食都幾有風味。薑糖豆腐雪糕 $14都幾好味，但如果薑糖可以比多少少好好喇！總結雖然呢度啲食物普普通通，但價錢大眾化，又多選擇，更加可以食到地道香港味。見到有好多遊客黎，希望本地市民都多多支持啦！餐具都未必話好乾淨，建議可以自己自備～
繼續閱讀
深水埗區很多美食，活了幾十年仍然不想幫襯，原因是公和在店內吃東西，環境太烏糟令我卻步。我血糖低攰又肚餓，第一次幫襯新舖公和（舊舖+新舖好多人）怎知食品貴超級難食，豆漿淡如開水，腸粉交來硬實實，魚疍豬皮冇味只落鹽丶咖喱粉得個辣字。埋單向老板娘反映，她收少我2元，我話不必要，因為好失望，希望長輩留給她的豆品店要好好再改善食物質素。在深水埗區食物價錢略貴，幸好我冇食豆腐。
繼續閱讀
-豆腐花叫咗一碗熱一碗凍，熱嘅比凍好食好多，我哋要咗一碗甜一碗無糖，其實之後都會再加黃糖落去，黃糖沙沙地夠晒甜，豆腐花雖然好滑，但係唔夠黃豆香味🧈參拼包括豆腐、豆卜和魚腐各兩件，其中煎釀豆腐係我覺得最好食、上面嘅鯪魚肉煎到好香，其次就係魚腐，有豆香同埋陳皮魚肉嘅味道，豆卜外脆內軟都係估計到嘅味道臨走之前買咗一支凍豆漿外賣，支裝得外賣先有，之前買過無糖覺得冇咩味，所以今次揀咗少甜，我都係覺得甜度好勁😵💫整體而言，我覺得三拼比豆腐花更出色😀-。《豆腐花大熱+凍》 | $14/碗。《凍豆漿少甜外賣》 | $17枝。《三拼(豆腐、豆卜和魚腐各兩件)》 | $18/6件-📌#sorriso_深水埗 #sorriso_深水埗區-👅【公和荳品廠 Kung Wo Beancurd Factory】📍深水埗北河街118號地舖🕑星期一至日 07:00 - 21:00-
繼續閱讀
衝住黎深水埗嘅公和荳品廠，未入門口已經聞到陣陣豆香！呢間老字號真係懷舊到爆，綠白瓷磚、鐵皮檔口、阿姐手寫單，仲有啲摺枱膠凳，完全係舊香港大排檔feel，旅客打卡一流📸！講到食，CP值真係高到嚇親人，$40有找食到飽，重點係——快！無論點餐、攞餐定食完閃人，節奏快到似打仗，但班伙記默契十足，一個眼神就知要收碟定加豆漿，好勁😂！ .必試『雙拼豆腐魚腐』，大大碟用鐵皮碟上，真係有碟頭飯嘅豪氣！豆腐滑嘟嘟，魚腐彈牙，雖然唔算驚豔但夠晒家常味。『凍豆腐花』同『濃凍豆漿』就係消暑神器，豆味濃到似飲緊豆漿精華，甜度啱啱好。最驚喜係『薑汁豆腐雪糕』，豆腐雪糕本身淡香，淋埋嗰pat薑汁糖漿，薑辣味直衝鼻腔，夠晒過癮！仲有『瑞士汁雞翼』，每隻都醃到入骨，甜鹹交織，食完想舔手指～ .總括：唔好expect精緻擺盤，但勝在平靚快，體驗地道香港風味，食完仲可以順便去附近鴨寮街掃街，完美行程🔥！
繼續閱讀
您可能會有興趣的...