Top Blade Steak Lab (新城市廣場一期) (已結業)

作為一個牛扒同黑松露愛好者，係網上見到竟然有餐廳有得食牛扒同時仲可以任食黑松露薯條，可以一次滿足2個願望既機會，就梗係唔會放過啦😍 依間餐廳位於人來人往既沙田新城市廣場，當日6點左右去大約等左一個鐘，如果大家想去既話最好提早少少避開繁忙時間。入到去店鋪環境企理乾淨，一坐低店員仲好熱心咁介紹每款牛扒既特色，態度值得讚許👍🏻🍟 黑松露薯條Order完無幾耐，店員已經即刻送上2碟黑松露薯條，薯條係類似M記果種幼身薯條，上面灑上不顯眼的黑松露粉，雖然睇落平平無奇，但食得出明顯既黑松露味，過下口癮係絕對冇問題😋🐮 香草平鐵牛扒 +增量50%香草平鐵牛扒肉質紮實中帶點嫩滑，口感有別於一般牛扒，有着濃郁既牛味，配上伴碟既粗鹽，第一次嘗試的確別有風味。不過即使已經加左 HKD$50 增量50%，對男生黎講份量仍略為不足，唯有食多啲薯條補數🤣🤣🐄✨ 是日特別版招牌平鐵牛扒至於是日特別版招牌平鐵牛扒係平鐵牛扒附上粟米蓉，牛扒味度與香草牛扒差唔多，配菜既粟米蓉香甜可口。當然分量就冇增量香草平鐵牛扒咁多啦，個人就覺得上面比較抵食。🍹 Dirty Lemonade 飲品方面我地加叫左杯Dirty Lemonade，係自製的青檸梳打，口感清新，食左咁多牛扒同薯條之後解渴一流。由於個人鐘意牛扒配意粉，又唔會食太多薯條；而依到冇得配意粉，又唔refill薯條既情況下，性價比就比較一般。不過如果想試試平鐵牛扒既特色，同埋又想喪食黑松露薯條既話，就非常推薦😆😆👍🏻…查看更多

男朋友同同事食過一次之後一直話要帶我嚟試下，不過成日喺附近嗰陣都好飽食唔落😂今日去沙田醒起有分店，lunch特登食少啲留肚😆好在醒起要book位，8:30去到門口仍然人山人海😱果然非常高人氣～坐低之後staff會問你係咪第一次食，介紹下menu 3款牛有咩分別同埋是日特別版牛、是日餐湯、是日小食。另外仲有無限refill薯條，食完可以掃QR code encore🍟🍟🍟話說我一直以為平鐵牛扒係講緊平價鐵板牛扒🤣🤣🤣原來係Flat Iron譯音，指牛三角肩對上嘅部位，仲係牛肉第二嫩滑部位，今次真係長知識了💡-🥩是日特別版招牌平鐵牛扒 $238是日特別版係3小時低溫慢煮牛，設定左5-7成熟無得自選，staff表示呢款同390日穀飼牛都係肉質比較嫩，牛味較重，如果想牛味重啲會推薦穀飼牛🐮配菜粟米都唔錯，薯條我覺得好普通無乜味試食左一條就收手，主角都係牛扒😝-🥩美國390日穀飼Prime級平鐵牛扒 $268呢款有比較之下果然係牛味重啲，兩款相比牛肉口感實淨啲，比較有咬口，男朋友同我都覺得呢款好食啲😋今次我仲成功挑戰5成熟🤣✌🏻-🍋Iced Dirty Lemon Tea $40男朋友話飲到咸咸地，我就覺得比平時酸🤨都ok嘅有啲特別，不過唔太係我杯茶🤪-總結：兩個人連加一$600，份量唔算多，小貴不過牛扒有質素，歸類間唔時食豪啲系列💸…查看更多

相信唔少人都認識「Top Blade Steak Lab」呢間專食平鐵牛扒嘅專門店餐廳，我由佢喺何文田開第一間店就已經開始幫襯。不經不覺喺幾年之間，佢仲托展至銅鑼灣同沙田，好犀利👍。我同朋友平日晚上去新城市廣場食飯，佢話未食過Top Blade，所以就帶佢嚟食吓。估唔到成八點半鐘都仲要等位😅，但好彩店員們好有活力，做嘢快手，等咗十分鐘左右就入得。另外，佢哋對菜式內容非常熟悉，態度專業，抵讚。餐牌多年來都無乜點變，而且好似仲無加價添😍。主菜選擇得五款，貴精不貴多，包括三款牛扒、豬鞍同漢堡包，價錢由$150至$268不等，另外仲包薯條任食。我認為呢度絕對稱得上係性價比高之選！美國390日穀飼Prime級平鐵牛扒($268)，店員向我哋介紹Flat Iron即係翼板肉🥩，佢係成隻牛第二嫩滑嘅部位，僅次於牛柳。呢款美國390日Prime級牛扒質素稍勝其他品種，牛味較為濃郁🐮，因此用簡單嘅調味都已經好好食。醬汁係青胡椒忌廉汁，味道唔會太搶，唔錯。牛扒建議生熟度為三成或五成，我哋要咗五成熟，廚師控制火候得宜🔥，你會見到肉身呈嫩粉紅色，肉質亦如期望中細嫩。呢款牛扒伴旁仲有薯蓉添🥔。是日特別版招牌平鐵牛扒($238)，是日款式係洋蔥四重奏🧄，幾款洋蔥併埋一齊幾乎搶咗牛扒主角嘅風頭。牛扒本身感覺同美國Prime嗰件差唔多，不過就多咗其他調味，食到尾底部有啲油，但影響不大。洋蔥有四款，包括🍷紅色一粒粒嘅紅酒沙茶洋蔥粒、牛扒面嘅炸蔥頭、墊牛扒底嘅炒焦糖洋蔥同埋生洋蔥火箭菜🌿。我認為幾款各有特色，醃製過嘅就僻走咗洋蔥浸辛辣味，甜甜的，令人印象深刻。兩款牛扒比較之下，我鍾意呢款多啲。牛扒以外，🍟薯條亦係餐廳嘅招牌菜，而且係任食All You Can Eat，咁仲唔快啲Give Me Fries‼️，哈哈。薯條即叫即炸，有別於之前係一籃籃咁拎出嚟問人要唔要，所以今次食每一條都覺得外脆內軟，好正。同時，佢仲散發住一浸松露香。我同朋友最終總共食咗五兜😆。飲品方面🍹，我哋嗌咗Dirty Lemonade檸檬特飲($45)同埋Handcrafted Virgin Mojito無酒莫he圖($48)。前者充滿自家特式，唔係普通青檸梳打🍋，可能因為落咗迷迭香糖漿Rosemary Syrup令佢變得特別，定或者依個係鹹檸味？後者就係有預期中嘅清新味道，都OK吖🌱。總括嚟講，呢間扒房多年來都咁好味😋，平鐵牛扒保持高水準，而且價錢貼地，未食過嘅真係要嚟試吓。餐廳除咗食物方面，環境、衛生同服務等均令人滿意，推介🌟！…查看更多

呢間餐廳知道左好耐，不過一直都未有機會去試，咁岩喺沙田搵食咩，朋友喺商場飲指南見到就即刻選定😋😋餐廳只賣平鐵牛扒，即係牛肩部位，相對少運動到既地方，所以肉質都比較嫩，不過間中會食到少少筋位，不過都好幼，唔難切走👌🏼🎈是日特別版招牌平鐵牛扒 $238是日精選呢樣野就真係要睇緣份，而我今次好有緣份同3小時慢煮平鐵牛扒相遇🥰點菜既時候職員有好貼心提醒我地個扒係大約5-7成熟👍🏻雖然係5-7成熟，不過因為低溫慢煮既關係，所以塊扒特別嫩滑，淡淡粉紅色又唔會有血水👍🏻👍🏻另外伴碟既牛油烤粟米、露筍同粟米蓉都好好味😋😋絕對係一次美好的相遇🥰🥰🎈美國390日穀飼Prime級平鐵牛扒 $268餐廳最貴既扒都係$268，當然要叫黎試試😋😋叫左3成熟，生熟程度處理得岩岩好，兩邊亦都煎烤得好香，簡單配碟上既海鹽已經好好味👍🏻👍🏻🎈 無限添加薯條 $0係我最鍾意既幼薯條，新鮮熱辣炸起，真係食唔停口。仲提供埋QR code自己想點幾多都得🤣🎈Dirty檸檬特飲 $45🎈無酒Mojito $48兩款飲品都好fresh，好岩配熱辣辣既薯條😝…查看更多

主打平鐵牛扒嘅Top Blade 喺新城市開左分店，想支持良心店終於多個選擇，平日夜晚黎到以為可以直入，點知店外大排長龍，果然首都嘅子民係唔同啲。用餐時間75分鐘有少少趕，如果你初次到訪，店員會詳細介紹menu嘅項目，非常抵讚。食物水準正常，定價偏高。(w/10% service charge)🍽是日特別版招牌平鐵牛扒(每日限定) Today’s Guest Chef Flat Iron ($238)店員話呢款肉味較普通平鐵牛扒濃郁，牛扒叫左medium，黎到生熟度剛好，切開肉質呈粉紅色，肉味果然幾濃，不過我覺得夾雜少許羶味(利申我唔係食肉獸，可能一餐食咁多肉唔習慣)。普通平鐵牛扒會配烤蒜，呢款就配唔同款式嘅洋蔥，分別有洋蔥圈、炸洋蔥絲同醃洋蔥等，墊底嘅炒洋蔥甜甜地同牛扒幾夾。🍽終極漢堡 Ultimate Burger ($160)包身軟熟，有牛油香，漢堡扒好厚身，乾身左啲，好彩有熱融芝士。旁邊嘅係黑醋汁沙律菜。🍽藜麥沙律 + 自家靚湯 super food salad + house soup ($60)蕃茄湯味道夠酸，濃稠度剛好。沙律就無咩特別。🍽是日小食 Today’s Special Treat ($68)當日想食豪啲就叫埋小食蟹餅，蟹餅只有一舊，不過就幾厚身，食落有唔少蟹肉，整體較乾。🍽薯條呢度嘅炸薯條係任食嘅，未order店員已經送上一客，可惜黎到唔熱，refill嗰兜就係新鮮炸起嘅，要睇吓運氣。薯條灑上松露鹽，幾有誠意，配牛扒都唔錯。🍹Dirty 檸檬特飲 Dirty Lemonade ($45)鮮榨檸檬汁加梳打水同迷迭香糖漿，可請職員調節甜度，檸檬汁夠晒酸，糖漿嘅味道不太討好。🍺日本三得利生啤(白) Japan Version Suntory on Tap ($55)小麥香濃，好飲。餐牌： …查看更多

一到星期六就訓到黃朝百晏,一於同男朋友一齊出沙田市中心搵好西喇🤪正值3:00,又見到間鋪無人排隊,於是就睇睇佢系食咩架喇!原來系食牛扒,橫掂都未試過早餐或者晏就就食牛扒咁就試下喇安排左我地坐門口大枱,入面細枱Full哂,但尼張枱大到我諗8-10個人都坐得哂,不過咁都好~吾駛同其他人咁近睇左陣Menu, 店員好熱心咁走過黎問我地食過未, 然後佢就逐項介紹, 當佢介紹到''是日特別版招牌平鐵牛扒''既主題系洋蔥,我就諗都吾諗,一定要食尼個🤤咁男朋友就叫反Basic果個牛扒落完單之後, 店員拎住兩碟薯條同我地講佢地啲薯條系任食架,已經幫我地落左兩份,食完吾夠可以scan QR code再落😳原全無諗過薯條可以任食,仲要夠哂熱辣辣同新鮮👍🏼到飲品出場, 我地分別點左''香港奶茶''同埋''Americano'',兩杯野飲系超級驚喜!!!首先奶茶--->男朋友表示好飲過好多茶餐廳😎而我果杯就超級香,同平時系街買既差好遠!!!首先上既系''香草平鐵牛扒''5成熟,一上黎我深深俾個蒜頭吸引住,因為真系好中意食😂😂😂另外就系已經切好左,我就覺得有好有吾好,好既系自己吾會切錯而變到好韌,但吾好既地方就系啲汁會流哂出黎到我尼個是日特別版出場喇!!!佢有洋蔥圈,炸洋蔥,醃洋蔥同吾記得但系就好好味,洋蔥同牛扒好夾…查看更多

一個平常既星期三，男朋友約我到沙田新城市食良心平鐵牛扒，因為男朋友book左位，所以到達後，用google填完資料就直入樓底高，燈光舒服，餐廳主色調係黃色，好多大梳化卡位，我地都安排坐梳化位，闊落唔會有壓逼感，讚!餐牌選擇唔多，為Flat Iron慕名而來，我當然係叫招牌平鐵牛扒，男朋友叫左香草平鐵牛扒，落完單好多就上左2盆薯條任食黑松露薯條，新鮮即炸，黑松露油炸，熱熱的，油唔係陳年油，條條薯條都乾身脆口，因為小妹係茄汁控，一條薯條加滿滿茄汁=幸福，2個人食左一共6盆薯條，好熱氣呀，所以不停飲水減少罪惡感招牌平鐵牛扒- 5成熟有炸洋蔥及炒洋蔥既甜味，直接對牛扒產生梅納反應，成件事本身已經好香，只會令你更有食慾，五成熟個人認為恰到好處，咬落口，肉汁四淺，口感豐富香草平鐵牛扒 - 5成熟男朋友加多$50 多50%，香草味好出，肉質冇招牌平鐵牛扒淋，燒蒜野味，牛扒加小小鹽食口感再出D員工有禮貌有笑容，會主動收野加水，都有主動問我地加唔加薯條，整體不錯…查看更多

嚟到Top Blade第一時間諗起佢嘅任食薯條，冇聽錯係真係任你食，加上服務超好，落單又可以自助手機落，唔洗開口問🤣你食得落嘅話，真係食夠十碟都唔怕老尷🤣🤣🤣雖然係任食，但相當有誠意，即炸熱辣辣脆口之餘，調味都略有心思，有淡淡松露香味，口感味道都一流👍🏻👍🏻當然唔少得係食呢度特有嘅Flat Iron 平鐵牛，據介紹呢個部位係全隻牛第二好食嘅位！而且豐儉由人，由一百蚊到幾蚊嘅牛扒都有，冇idea叫廚師推介都得。初試平鐵部位，肉質真係嫩滑過平時食嘅ribeye sirlon好多，入口有種油花感覺，但明明冇肥膏😶好特別豬𩣑扒都唔錯，配菜同樣精緻又有花思🔥🔥…查看更多

星期六和幾個親友出街，在新城市廣場找地方吃飯，閒逛中找到這間，時間尚早，還沒到十一點半，餐廳裡只有一桌客人。四人限聚令之下，我們四人被安排坐在餐廳角落的梳化卡位，環境舒適闊落。有店員向我們介紹各款主菜特色，這裏的炸薯條是任叫任食，還沒有點菜就讓我們先上一客炸薯條。炸薯條雖然是免費任食，卻一點也不求其，炸得乾身、色澤剛好、外脆內軟、溫度適中，最令我欣賞的是有淡淡的松露味。是日特別版招牌平鐵牛扒是以洋蔥為主題， 四種不同作法的洋蔥伴碟，每一款都很美味，配搭牛扒一絕。五成熟的牛扒弄得剛剛好，切開顏色鮮豔，也不會血水汪汪，質感嫩滑有牛肉鮮味。穀飼 prime 級平鐵牛扒的肉質真的比較優，當然價錢會貴一點點。五成熟的牛扒同樣做得剛剛好，外面香、內面軟滑，肉汁豐富、味道鮮美。對於不喜歡牛扒的人如我，餐牌上也有一款非牛選擇：西班牙栗飼豬鞍扒。豬扒肉質嫩滑、肉汁豐富、味道香濃，伴碟的醃菜也非常美味。主菜之外，我們點了一客蟹餅，雖然體積比較細小，但十分美味，蟹肉的含量非常高，上桌時仍是熱騰騰的，不用點醬汁也很好味。這間店沒有套餐選擇，飲品需要額外在餐牌上點，飲品是一般，價錢略貴。但最大的優點是食品質素高、味道好、擺盤精緻，環境寬敞舒適而優雅，店員服務態度好，值得推薦！…查看更多