叁不館

呢間打邊爐店走高質路線，食材新鮮，擺盤有心思，唔浮誇但夠吸引。😌🔥卜卜蜆豬骨煲係招牌，奶白色豬骨湯入口骨香厚實，大大嚿啖啖肉，仲要好嫩滑。粟米帶甜唔會死鹹。滾起時蜆聲「卜卜」響，蜆肉正常size而且肉質結實，啖啖鮮甜🐚 建議先飲湯再落料，蜆開口即撈，唔好煮耐。加少少招牌秘製乾蔥油+蒜蓉＋蔥花＋辣椒，厚身但唔搶鮮。牛魔王拼盤有本地手切肥牛、安格斯牛頸脊、牛腱托、封門柳、鮮牛肉粒、黑安格斯牛板腱，每款六片。🐮 肥牛油花靚，過水幾秒入口即化；頸脊纖維幼，腱托帶筋，牛味重。封門柳突出肉味；肉粒厚身juicy；板腱油花細密，七成熟最香。食法次序由肥牛到腱托，層次慢慢加深。果然係牛魔王必食之選！其他食材仲有大連鮑魚、日本扇貝，冰鎮上枱爽口彈牙；手打五寶丸（豬肉丸、鯪魚丸、蝦丸、牛丸、墨魚丸）口感唔同，咬落足料；皇帝菜爽脆，落湯煮一陣就啱食。Overall卜卜蜆豬骨煲鮮甜，牛魔王拼盤層次分明，海鮮丸類有誠意，特別醬汁加分，價錢合理，啱晒朋友聚餐慢慢打邊爐。😋…查看更多

# 🔥【叄不館 City of Darkness】天后樓上懷舊火鍋店食評 呢間位於 **天后電器道嘅樓上火鍋店《叄不館》**，一入門口就覺得氣氛唔同哂，有啲似走入「九龍城寨」同舊香港嘅融合世界 — 門口霓虹燈閃到好似去緊夜總會，入面裝修粗獷、有懷舊味道，牆上貼滿老香港嘅舊報紙、紅字紙牌，成個感覺真係好地道。啱晒成班朋友放工黎chill，吹水打邊爐一流！ ---## 🥢 今晚我哋叫咗：- 牛魔王拼盤 - 女人皆醉醉雞湯底（連半隻雞） - 新鮮爽滑豬潤 - 手打五寶丸（牛、豬、蝦、墨魚等） - 娃娃菜、粟米、出前一丁 - 開胃小食、藍妹啤酒、果粒橙 埋單連加一約 **$1,155（兩位）**---## 🐮【牛魔王拼盤 $488】 呢個拼盤一上枱已經夠哂霸氣，堆起成座山咁高，用冰底襯托，睇見啲雪花紋牛肉光澤滿滿。 拼盤入面包括咗風門柳、安格斯牛柳粒、牛板腱、牛脷等唔同部位，每款煮落鍋度都各有特色： - **安格斯牛柳粒**：肉味最濃，咬落軟腍入味； - **封門柳**：油香重、肥瘦適中，涮幾秒啱啱熟最滑； - **牛脷**：厚切但唔韌，爽脆彈牙，食到停唔到口； - **牛板腱**：細緻有嚼勁，好香牛味。 而家凍天食返啲咁嘅「牛魔王拼盤」，真係又濃又香，邊飲啤酒邊打邊爐，超滿足！---## 🍲【醉雞湯底 $148】 湯底用上半隻雞，一上枱可以聞到陣淡淡酒香同中藥味。湯面飄住杞子、紅棗、花旗參、玫瑰花瓣，睇落好精緻。 雞肉煮耐都唔散，滑到好似白切雞咁，入味又嫩滑。湯頭飲落清甜又帶酒香，唔會太濃烈，好襯牛肉同豬潤。 ---## 🧆【手打丸類 $98】 叫咗個五寶拼盤，包括牛丸、豬肉丸、蝦丸、墨魚丸等，每粒都好實淨。 唔似機器打出嚟嗰啲鬆曬，呢啲係真材實料，彈口又有肉味，特別係蝦丸同墨丸咬落有料，感受到新鮮食材。 擺盤仲插咗朵花，好有心思。 ---## 🫕【豬潤 $58】 豬潤一定要大推，勁滑、無腥味，厚切得嚟又唔韌。 落醉雞湯度灼一陣，吸晒湯底味，好香濃帶微甜，呢個真心好味，打邊爐必點系列！ ---## 🥬【蔬菜 + 出前一丁 + 配料】 粟米甜又多汁，娃娃菜鮮嫩，出前一丁煮落尾段吸晒湯味，簡直係完美收尾。 但份量真係幾多，我哋兩個最後真係食唔晒。 ---## 🍺【飲品方面】 - **藍妹啤酒**：涼冰冰，一口落肚夾住香濃牛肉味，正到爆！ - **果粒橙**：老婆嗌嘅，甜度啱啱好解渴。 ---## 🥣【自配醬料】 佢哋嘅醬料區好懷舊，用一大盤鐵盤上晒唔同茶壺、鋼杯，有芝麻醬、蒜茸、韭花醬、辣豆瓣、腐乳醬、指天椒、葱花等齊晒。 最正嘅係可以自己mix，幾有自由度。 我試咗用芝麻醬＋芫荽碎蔥＋辣椒油＋花生碎，味道勁香、超襯牛肉。 ---## 🏙️【氣氛 + 裝修】 想講講佢個裝修真係打卡位嚟。 門口有個寫住「City of Darkness」嘅霓虹燈，入面就好似舊時唐樓地下嗰啲士多火鍋店，有復古瓷碗、黃色枱面、舊式鐵椅。 播放住廣東歌、燈光微暗，好有懷舊氛圍，特別適合放工三五知己邊食邊吹水。 ---## 💰【價錢同性價比】 總數$1,155（連加一），以兩個人黎講係貴少少，但份量真係多，食材質素又高，整體抵食。 如果一班人黎夾份食，平均每人二百零三百就可以食到好滿足。 ---## 🌟【總結】 《叄不館》呢間天后嘅懷舊火鍋店真係幾有驚喜，唔單止環境有特色，食材水準都唔錯，特別係牛魔王拼盤同醉雞湯底，無論味道定氣氛都令人成晚食得好開心。 | 評分項目 | 評分 | 評語 ||-----------|------|------|| 食材新鮮度 | ⭐️⭐️⭐️⭐️⭐️ | 牛、豬潤、丸類都高質 || 湯底質素 | ⭐️⭐️⭐️⭐️ | 香而不膩，好飲 || 環境氣氛 | ⭐️⭐️⭐️⭐️⭐️ | 舊香港味濃又好打卡 || 服務態度 | ⭐️⭐️⭐️⭐️ | 有問必答，幾親切 || 性價比 | ⭐️⭐️⭐️⭐️ | 貴少少但質高 || 整體推薦 | 💯 | 放工聚會、朋友聚首一流 |> 一句講晒： > 「叄不館真係嗰種有故事感嘅火鍋店，食得飽又食得開心，氣氛一流，有啲九龍城寨味、有啲懷舊情懷，啱晒想搵地方Hea一晚嘅朋友！」 📍**叄不館 City of Darkness** 地址：天后電器道68-70號恆柏大廈銀座7樓全層 📞 電話：9364 9678 💰 平均消費：約 $300-400/位 🔥 推介菜式：牛魔王拼盤、豬潤、醉雞湯底…查看更多

咯咯雞花膠湯$298牛魔王拼盤$488蘇格蘭蟶子$58/隻扇貝$38/隻自家製四拼餃$98手打五寶丸$98新鮮炸響鈴$68雙拼豆卜$70好味指數：😋😋😋😋😋抵食指數：💲💲💲💲環境舒適：😌😌😌😌環境衛生：🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️香港有不少富特色的火鍋店，以前去過幾間，今次就去了位於天后，帶70年代大排檔感覺的火鍋🍲店。門口位有越來越少見的霓虹燈招牌及裝飾。店內有放鐵皮信箱、竹籮、竹篩等作裝飾。此店裝修特別之餘，食物亦不錯。咯咯雞花膠湯似是經長時間熬煮。按侍應提議，先嚐一碗湯。雞🐓味香濃，不油膩。配了半隻雞的雞件及花膠。雞件肉質不鞋口。軟滑的花膠滿滿骨膠原。牛魔王拼盤一大盤，有本地手切肥牛、頂級安格斯牛頸脊、牛脷托、手切封門柳、鮮牛肉粒、黑安格斯牛板腱。當中最喜歡頂級安格斯牛頸脊，肉質柔嫩，有豐富油花。蘇格蘭蟶子口感爽彈。按侍應的建議，把扇貝放入鍋內灼大約2分鐘，口感不會太硬。自家製四拼餃有鮮蝦雲吞、韮菜餃、芫茜🌿餃、午餐肉餃。鮮蝦雲吞內有一大隻爽口蝦仁🍤。午餐肉餃夠特別，比較少吃到。手打五寶丸有豬肉丸、帶陳皮味的鯪魚丸、肉味濃郁又juicy的牛丸，彈牙的墨魚丸和蝦丸。新鮮炸響鈴好鬆化。餐廳最近有限時優惠，只要做齊步驟，就可享$1啤酒🍻！…查看更多

成日聽見人地話去天后打邊爐，話有間「叁不館」環境氣氛都好好❤️今晚終於有機會試吓，餐廳設計真係好有心思，有以前舊香港歌舞昇平嘅感覺😍今次我地2個人叫野食唔多呀，下次要搵多啲人打邊爐會再開心啲🤭咯咯雞花膠湯 ⭐️⭐️⭐️⭐️⭐️好鍾意佢嘅雞係另上，飲完啖湯可以按自己喜好落雞，同時間打埋邊爐真係好正呀💕雞湯飲得出落咗好多心機，而雞肉係勁嫩滑而且份量超大，推介3、4個朋友嚟一定要叫呢個湯底！椒鹽雞翼尖 ⭐️⭐️⭐️⭐️⭐️見到餐廳推介而我又係雞翼尖fans，諗都無諗過原來咁大碟🤣椒鹽惹味炸得香脆，咬吓食吓好過癮，我差唔多自己KO晒成碟👍🏻海鮮 ⭐️⭐️⭐️⭐️⭐️（大連鮑魚、日本扇貝、蘇格蘭蟶子)食海鮮一定要set定時間計時，咁先唔會浪費咗！呢度嘅海鮮價錢合理好值得食，叫咗3款海鮮都極新鮮，誠意推介必食大蟶子，口感爽嫩鮮甜味好突出❣️手切封門柳 ⭐️⭐️⭐️⭐️⭐️呢度嘅牛又係好抵食💰大大碟都只係$358！封門柳肉味濃郁，手切厚度剛剛好，唔駛淥得太耐，7成熟就剛剛好了😁自家製四拼餃 ⭐️⭐️⭐️⭐️⭐️(鮮蝦雲吞、韮菜餃、芫荽餃、午餐肉餃)我超鍾意打邊爐食餃😋第一次見午餐肉餃好特別呀！其次鮮蝦雲吞真心推介，大大隻蝦皮薄餡靚好有水準！手打五寶丸 ⭐️⭐️⭐️⭐️⭐️(豬肉丸、鯪魚丸、牛丸、墨魚丸、蝦丸)心思思唔知揀邊款餃，呢個正寶丸就真係滿足晒！平時打邊爐我好少食鯪魚丸，原來可以咁好味😋…查看更多

早幾日打完邊爐今日其他朋友又約🙈凍冰冰香港人真係好鍾意打邊爐，今日就食番港式～呢到環境充滿懷舊感，有啲大排檔feel，打卡位超多，氣氛好好▪️咯咯雞花膠湯$298店員建議煲滾後先飲一碗花膠湯，之後就可以放雞同花膠落去，雞件大約3分鐘到就食得，嫩滑多肉。花膠都唔細隻，湯底清甜養生，足料👍🏻▪️大連鮑魚$58/隻鮑魚厚肉爽彈，有半個拳頭咁大隻，洗得好乾淨▪️海中蝦半份$88估唔到呢個蝦都幾爽口，88蚊有6隻，都幾新鮮▪️頂級安格斯牛頸脊（大）$368牛頸脊切得較為厚身，但係食落去都唔會韌，口感幾滑，牛味濃郁，食完覺得唔夠喉想再食🫶🏻▪️手打五寶丸$98五寶有豬肉丸、鯪魚丸、牛丸、墨魚丸同蝦丸。全部都係店家新鮮手打，粒粒彈牙，推薦牛丸✨✨▪️自家製四拼餃$98款款餃都想試，所以揀四拼。有齊雲吞、午餐肉餃、芫荽餃同韭菜餃。粒粒餡料飽滿，個人最鍾意個雲吞，爽口又夠味，午餐肉餃就幾特別，出面未見過▪️雜菜拼盤$88 油麥菜、皇帝菜、生菜、娃娃菜、粟米、蕃茄、木耳、萵筍▪️棉花魚肚$88 一份算幾多件，新鮮又吸湯！值得一試▪️水魷$68 ▪️紫菜炸響鈴$68平時食開普通版，今次有紫菜版仲好食！一份有六條▪️靈芝菇$35 ▪️醬料$18/位▪️開胃小食$20/位因為都係大圓枱設計，兩個人都會坐得好舒服，枱就唔算多，個場都好爆，必須book位！啤酒仲做緊一蚊一支優惠，大癲😱😱…查看更多

星期日和朋友慶祝生日, 夜晚同朋友去左天后食火鍋。餐廳裝修走懷舊風格, 播放八九十年代歌曲, 好有香港特色。湯底就揀左胡椒豬肚鍋, 胡椒味突出, 湯底濃郁, 雞肉嫩滑。我哋叫左安格斯牛板腱, 肉質鮮嫩, 牛味香濃。手打五寶丸有豬肉丸, 鯪魚丸, 蝦丸, 墨魚丸和牛丸等, 其中最突出係牛丸, 牛肉味濃, 咬落多汁彈牙。海鮮揀左海蝦和扇貝, 海蝦新鮮彈牙, 帆立貝鮮甜。水魷好新鮮, 食落好爽口唔韌。飲品叫左竹庶茅根海底椰, 可以滋潤喉嚨和解熱氣。我哋成晚都食得好開心, 餐廳長期都爆, 如果去食要一早打去餐廳book位。…查看更多

天后呢間火鍋成個環境裝修到好似六十年代嘅香港，仲播住90年代嘅流行曲，所以成個氛圍幾好feel呢度湯底有好多款，除咗一般果啲之外，亦都有啲貴少少嘅特色湯底，我揀咗咯咯花膠湯，可以喺打邊爐前飲番碗靚湯，雞同花膠味非常濃郁，仲有跟埋碟雞同花膠做火鍋配料，分開黎煮，唔會煮到過哂火喉，所以啲雞肉特別嫩滑火鍋配料有好多選擇，下面呢啲我最推介🌟南非鮑魚、日本扇貝幾大隻同新鮮，食落鮮甜爽口🌟極級本地手切肥牛比安格斯瘦兼牛味更重同有咬口，唔好煮到太熟就食落好滑嫩🌟西班牙黑毛豬肥瘦均勻，煮耐咗都唔會影響口感🌟手打五寶丸有豬肉丸、鯪魚丸、牛丸、墨魚丸、蝦丸，每款丸都足料大粒，仲好彈牙打完邊爐最後仲送幾片西瓜中和下，冇咁熱氣整體黎講，呢間火鍋幾唔錯，可以一試…查看更多

越來越多主打香港70,80年代復古裝修的火鍋店，最近一口氣試了幾間，這一間叁不管可算是在名單的頭幾位呢！環境餐廳環境佈置別有一番風味，以檔口作主題，配合一些竹藤架和籃子，跟香港漁村主題很搭。餐牌怎少得餐紙也要配合懷舊復古風，玩味設計。 復古味沙爹湯 $108 既然要比較，當然又係叫返最傳統嘅港式風味沙爹湯，好濃郁，也較配合港人合味，偏甜不太鹹，基本上煮甚麼想滲到甜味，如有花生粗粒就更好。 牛脷托 $72 色澤粉紅，雖是薄切但不失Q彈口感。 醉牛肉 $168 必點！我超愛，很多時候吃醉雞都覺得酒味不夠，但這碟醉牛肉絕對沒有這個問題，醉牛肉很入味，超濃酒味，加上滲了沙嗲湯的看到碟上有玫瑰花，估計是用了玫瑰露酒醋牛肉，又嫩又香！ 新鮮肥鵝腸 $96不一定要麻辣湯才配吃內臟，沙嗲湯這種濃湯同樣很適合煮肥鵝腸，帶肥膏，吃上去口感軟糯一些。 蒙古羊肉片 $90 如果怕太羶的朋友，這裏的羊肉也很合你的胃口，羊羶味不重同時很吸湯底汁。 手打五寶丸 $98 分別有豬肉丸、鯪魚丸、牛丸、墨魚丸及蝦丸各2粒。手打的關係，各款丸的質地都很黏稠，下鍋的時候小心一點，煮出來都很Q彈，我自己更愛吃墨魚丸及蝦丸，有肉粒在內更有咬口。吃完濃味的火鍋之後還送了飯後果呢！…查看更多

叁不館主打港式火鍋，裝修以古式茶檔、香港電影等為主題，一入去就好似穿梭翻去5、60年代嘅老香港咁，真係打卡必去😆！店員每次都會主動介紹湯底、食材，大家唔洗驚眼花撩亂～餐廳嘅食材全部都好新鮮，無論係蔬菜🥗、牛肉、海鮮、丸類、雲吞都係新鮮採購或手打。另外，值得一提嘅係餐廳提供好多醬料比客人自己調製蘸醬，當中仲有自家特製嘅蔥油添，小編試過真係好香😋！------------------------------眾人皆醒醉雞湯  $148呢個湯會包埋一碟醉雞。湯底嘅花雕酒味好香🥘，入面有唔少當歸、紅棗、淮山、杞子同桂圓肉，味道十分濃郁🤤。------------------------------牛魔王拼盤 $468呢個拼盤有齊曬極級本地手切肥牛🐮頂級安格斯牛肩脊🐮手切封門柳🐮鮮牛肉粒🐮牛胸尖🐮牛脷托🐮。牛肉各有6片，全部都好新鮮、牛味十足，顏色鮮紅，小編特別推薦安格斯牛肩脊同牛肉粒🙌🏻。------------------------------手打五寶丸 $98因為實在有太多丸類選擇，貪心嘅小編就要咗呢個拼盤🥳，入面有齊曬豬肉丸、鯪魚丸、牛丸、墨丸、蝦丸。全部丸類都係新鮮手打，牛丸同豬肉丸一咬落去爆汁，墨丸蝦丸好彈牙😋。------------------------------鮮蝦雲吞 $80雲吞每粒都好飽滿，入面係滿滿嘅鮮蝦餡料，十分juicy同彈牙。------------------------------雜菜拼盤 $88呢個拼盤有生菜、油墨菜、小白菜、粟米等等，全部都好新鮮🥗。------------------------------檸檬薏米水 $48食咗咁多熱氣嘢，緊係要飲杯檸檬薏米水下火啦！薏米水好清涼，而且唔會過甜，幾好飲。…查看更多

火鍋店嘅裝修走懷舊路線，一岀𨋢就見到好搶眼嘅霓虹燈招牌，店內除咗大排檔設計嘅木座位，連點餐紙都好似舊報紙咁好有feel😍一邊食仲會一邊聽到8、90年代嘅經典廣東歌曲🎤另外餐廳仲提供竹蘿筐俾客人擺放衣物，細節位都做到足，充滿港式情懷👍🏻🍴醬料 ($18/位)一共有十款，任君選擇，推介試下蔥頭油，加落野食度勁惹味呀～🍴開胃小食 ($20/碟) - 青瓜雲耳及花生🥜🥥莫生氣椰椰雞鍋 ($178)呢到嘅湯底有好多選擇🤩今次揀咗椰子雞湯🐓店員會喺客人面前，倒入原個椰青作湯底，湯料仲有粟米、椰青肉等～店員特別叮囑落雞肉之前可以先試試個湯底，味道好清甜，唔會太咸太油膩，岩晒養生人士🤣雞肉好嫩滑，完全吸收晒椰子湯底嘅精華，濃濃嘅椰子雞香味，仲好鮮甜，正！🐂頂級安格斯牛頸脊 (例) ($268)呢到嘅牛頸脊有兩個size，因為同朋友兩個人食，叫左個例牌，但其實份量已經好足夠，牛肉好大碟😍色澤、肥瘦均勻食落牛味濃郁，椰子湯底仲可以中和返牛肉本身嘅油膩感👍🏻🐖豬頸肉片 ($68)豬頸肉係抵食之選🤩只係$68就有大大碟🤣豬頸肉望落雖然薄薄地，但淥熟咗之後竟然出奇地有咬口，夠晒彈牙！🫔紫菜炸響鈴 ($68)紫菜炸響鈴即叫即炸，好脆身😍有紫菜嘅響鈴特別有口感層次，識食響鈴一定係淥3秒🤣可以保持到少少脆感又吸收到湯底嘅精華！🥟韮菜餃拼招牌午餐肉餃 ($80; +$10雙拼)兩款餃都係人手包，絕對係真材實料，脹卜卜好吸引😍韮菜餡料滿瀉，中意韮菜嘅朋友必點🤩午餐肉餃好少地方見到，夠晒特別👍🏻⚪️手打五寶丸 ($98)(豬肉丸、鯪魚丸、牛丸、墨魚丸、蝦丸)每款丸有2粒，都係全人手打成🥰每粒都好彈牙有口感😍特別要讚嘅係墨魚丸同蝦丸，兩款丸嘅鮮味都好突出，而且食到粒粒蝦籽及墨魚籽😚🥒萵筍片 ($48)今次揀咗萵筍片作為綠色代表🤣萵筍片口感好爽脆，同椰子湯底好夾，食到清甜嘅味道～🧉竹蔗茅根海底椰 ($48)大大榨好清涼，打邊爐必備！最後店員仲送咗冰菠蘿同冰蜜桃做飯後果🤣聽講遲啲menu會有，食完解渴一流！總結：舊香港主題好有特色，由門面到店內裝修每個佈置都充滿心思，所有野都做得好細緻好有8、90年代嘅feel，想打邊爐嚟呢度感受下氣氛都唔錯😆…查看更多

🙋🏻‍♂️餓底探員今晚去咗天后調查呢間火鍋店，餐廳嘅裝修擺設以至碗碟器皿都好懷舊，連店內播放嘅音樂都係80至千禧年代廣東經典流行曲，店員服務周到，好細心講解menu同推介食咩，喺度用餐好似穿越咗去舊時咁，好有人情味同賓至如歸嘅感覺🍲今晚卜卜蜆煲 $178📸表示個湯底㨂咗卜卜蜆煲，入面有海量嘅蜆同芽菜，非常足料🙋🏻‍♂️表示個湯底有好多蜆喺底，飲落好鮮甜，而且無落味精🥩頂級安格斯牛頸脊(大) $328📸表示個安格斯牛頸脊好大碟，油花分佈均勻，成碟鮮紅色，好新鮮，睇到都流晒口水🙋🏻‍♂️表示個牛頸脊食落好重牛味，口感鬆軟嫩滑🐖豬頸肉片 $68📸表示個豬頸肉片肥瘦適中，放咗喺塊竹蓆上面，賣相好吸引🙋🏻‍♂️表示個豬頸肉食落好軟腍，好有咬口🍡手打五寶丸 $98📸表示個手打五寶丸分別有牛丸，豬肉丸，鯪魚丸，蝦丸同墨魚丸，每樣兩粒，啲丸搓得算大粒，一次過試到五種味道睇見都興奮🙋🏻‍♂️表示啲丸食落爽口彈牙，最驚喜係個牛丸，食落好juicy，好香牛味，蝦丸同墨魚丸都好鮮甜，鯪魚丸同豬肉丸就正常，整體唔錯嘅🥟雙籽鮮蝦雲吞 $80📸表示個鮮蝦雲吞有6粒，每粒都手工包成，包到好飽滿，漲卜卜咁🙋🏻‍♂️表示個鮮蝦雲吞皮唔厚，入面包咗兩隻蝦，食落爽口，好有鮮味🫔紫菜炸響鈴 $68📸表示個炸響鈴有6條，放咗喺個竹籃入面，炸到金黃色好靚🙋🏻‍♂️表示個炸響鈴好酥脆，入面包住紫菜，食落有雙重口感，浸落個湯底度吸收晒個卜卜蜆湯嘅味，好正⚠️餐廳有10款醬油提供選擇，各位吃貨可以按自己心水調配醬油，記得要試佢哋個自家製蔥油醬，好香濃惹味，順帶一提個醬油費每位$18📈吃貨指數😋好味度 8.5/10🔙返啅度 8.5/10…查看更多

🍂高質又打卡港式邊爐🍂推介指數 ❤️❤️❤️❤️❣️秋風起宜打邊爐，終於去咗人氣樓上火鍋店，一出𨋢已經不少打卡位店內亦有唔少打卡位，播著80-90年代廣東歌，懷舊風十足❣️🥘 胡椒豬肚雞湯 (冬季限定嗌)✨香港人老火湯是啤傻推介之一湯底，上枱時店員提示要飲湯先❣️ ✨秋意濃濃飲個胡椒豬肚雞湯暖胃又滋補，胡椒味濃厚、湯鍋含豬肚、蟲草花同菇菌，仲有一碟嫩雞～🥩 牛肉✨ 打邊爐點可以唔食牛？ 點咗鮮牛肉粒同牛脷托，前者質地彈性、後者有軟中帶嚼感，同樣嚐到牛味🤟🏻 手打五寶丸✨ 含豬肉丸、鯪魚丸、牛丸、墨魚丸及蝦丸各2粒；一次過食哂5款口味，粒粒彈牙爽口，牛丸仲勁juicy💦🦐 蝦膠油炸鬼✨ 彈牙蝦膠釀入脆口油炸鬼，面層蟹籽/紫菜粉各4件🥟 招牌午餐肉餃✨自家製餃子，一碟8粒滿滿餐肉餡，好特別🥬 雜菜拼盤✨ 粟米、蕃茄、脆蓮藕片、萵荀片、白菜、唐生菜、娃娃菜、皇帝菜共8款，全部新鮮爽脆鮮甜🌼 銀菊露 ✨ 打邊爐當然飲返榨涼茶清熱氣啦，清新菊花味且甜度少甜 🌟 當晚全場滿座氣氛熱鬧，食物高質且份量不少，店內外打卡位夠哂懷舊，服務態度有禮親切，上去嘅記得book 位先呀❣️…查看更多

呢家火鍋店愈黎愈多，今次去咗天后一間樓上火鍋店，環境富有港式風味，連menu設計都系，充滿地道情懷。✿ 莫生氣爺爺雞湯 $178打邊爐首先緊系揀咗湯底先🍲莫生氣爺爺雞湯即系椰子雞湯。員工會問系想自己倒椰子水定佢地幫手倒🥥懶懶嘅我地當然揀後者😛有成個椰子水真系好搶眼😆系真·椰子雞湯。啲雞肉都幾新鮮嫩滑🐔✿ 炸響鈴 $68同平時食一樣，擺咗落湯幾秒，再拎上黎食都仲爽脆👍🏼吾擺落湯就咁食仲脆。✿ 黃金鮮魷 $98估吾到打邊爐都食到黃金鮮魷🦑鹹蛋黃味好重💛鮮魷有嚼勁，有啲鹹，呢樣可以控制番個份量。✿ 手打五寶丸 $98五寶丸有豬肉、鯪魚、牛、墨魚、蝦，鯪魚丸真的不錯，食到有陳皮味🤣其餘幾種都好味😋牛丸味道好香濃。✿ 頂級安格斯牛頸脊 $268例牌都夠多，吾洗叫大份。牛頸脊向來系我好中意食嘅牛肉部分，脂肪分佈均勻，熟咗之後有清晰紋理，有入口即溶感覺😋…查看更多

天氣開始變涼，又嚟到打邊爐嘅季節。之前網上見到位於天后嘅「叁不館」好似唔錯，呢晚我哋專登訂定枱到訪。雖然係平日晚上，不過餐廳人氣好高，全場滿座👏🎬。店家花咗好多心機去裝修，令到每一個角落都成為打卡點，門口擺放咗閃亮燈箱、牆身油咗壁畫🎨、貼上海報以及寫滿大字等，盡顯懷舊復古風格。餐牌設計同樣精美，成份馬經咁📰，另外又有廣東話揭後語玩。呢度所提供嘅食材款式多完化，價錢就屬中上水平啦，不過啲料係靚嘅。即使全場都滾啊滾啊、烚啊烚啊🔥，但食完離開個身竟然冇一大浸味，證明餐廳抽風掂。莫生氣椰椰雞湯($178)，喺冇睇過餐牌嘅情況下，我哋已經決定揀呢款湯底😎，主因係餐廳充斥住好香嘅椰味。椰子雞湯真材實料，店員喺客人面前將新鮮椰水倒入湯底🥥，然後等佢滾多陣，再放雞肉🐔，啲雞淥完都仲好嫩滑。店員溫馨提示我哋先品嚐一碗原汁原味嘅雞湯，再打邊爐。佢果然無介紹錯，🍲湯底好好飲，唔會過鹹、亦唔肥膩，最終忍唔住飲咗半鍋。頂級安格斯牛頸脊($268/例牌)，🥩就咁睇價錢會覺得牛肉定價唔平，但考慮到質素同份量，尚算物有所值。估唔到例牌都咁大碟，我諗有超過廿幾塊😳，唔使慳住食。每塊牛頸脊大小厚薄適中，紋理平均，食落肉味濃郁，幾有滿足感。手打五寶丸($98)，🍢五寶丸包括墨魚丸、蝦丸、鯪魚丸、牛丸同埋豬肉丸，每款各兩粒。佢哋全部經手打，誠意十足。其中以牛丸最為驚喜，佢唔係傳統牛筋丸好爽彈嗰種，反而肉嘅成份高，肉味好強；另外鯪魚丸亦難得唔腥。手打墨魚滑($88)，🦑墨魚滑好大球，可以分到八至十粒。墨魚滑再加蟹籽，相當鮮味，而佢口感亦好正，彈牙不在話下，仲要食得到墨魚肉。油麥菜($42)，💚菜就冇乜好講，不過肯定嘅係佢洗得乾淨。竹蔗茅根海底椰($48/榨)，打邊爐熱氣嘛，所以要飲返啲嘢清潤一下，竹蔗茅根就幫到手。$48大大榨，抵飲。佢冰冰涼涼，甜度得宜👍。題外話，醬油費每位$18，餐廳自家整嘅蒜油好惹味，值得一試。餐前小食$20碟，有青瓜同花生，青瓜嘅麻辣味好正宗🥒。總括嚟講，叁不館係美食與打卡並重嘅代表🚨，嚟呢度並唔係齋食裝修，食物質素同樣有水準，個人私心推介椰椰雞湯。…查看更多

呢間係叁。嘗嘅兄弟檔一出𨋢已經見到招牌好sharp醒入面更加係滿滿嘅香港情懷除咗收銀處化身戲院售票處仲有算盤 側邊仲有舊式扭蛋機就連張墊枱紙都會令你有懷念嘅感覺🥺一坐低無耐 店員已經主動同我哋講解餐牌同埋當日有啲乜嘢新鮮海鮮尚算耐心☺️醬料 $18@總共有10+1款除咗有一壺豉油之外仲有辣椒、蔥、花生醬、自製蔥頭油、自家炒沙嗲醬、芝麻、辣椒豉油、炸蒜、芫荽同生蒜開胃小食 $20@花生🥜好有酒樓嘅感覺 脆嘅手拍雲耳青瓜🥒少少辣 又夠清新 幾開胃笑茄茄牛腩湯 🙆🏿‍♀️ x 媽！好辣啊 麻辣湯 💁🏿‍♀️ $168($148 + $20)「小吉」嘅湯底因為料太多係冇得雙拼嘅咁我哋就揀咗蕃茄🍅同麻辣湯🌶蕃茄牛腩湯入邊當然有蕃茄同牛腩仲有薯仔同白蘿蔔而且牛腩份量都唔少 保守估計都有8-10嚿湯味夠鮮甜 到最後煮完紅薯粉飲埋少少湯添🤭而麻辣湯就有大量辣椒同調味用嘅配料雖然好多油 但都夠麻夠辣 食落好過癮🌶🌶🌶頂級安格斯牛頸脊 (例牌) $268 🙆🏿‍♀️佢嘅份量都唔少 鋪滿隻碟水滾落鍋 好快有得食呢個部位郁動比較多 所以導致脂肪較少食落比較有口感同埋味道較濃郁 正😋蒙古羊肉片 $90 💁🏿‍♀️佢嘅羶味都唔算重比較薄片 焯兩焯就食得😆手打五寶丸 $98 🙆🏿‍♀️豬肉丸: 口感較為鬆軟🐷鯪魚丸: 夠晒足料 有少少重鯪魚味🐟蝦丸: 超重蝦味 連湯底都com唔住🦐 大推！墨魚丸: 食落彈牙 正正貼豬肉丸成對比🦑牛丸: 呢個好濃味 個味亦都真🐮 推！總結以言 以上呢5款丸都真材實料 可以一試小妹同小馬推蝦丸同牛丸🤤油麥菜 $42 💁🏿‍♀️新鮮疏菜6棵用嚟平衡返同減低罪惡一流紅薯粉 $38 🙆🏿‍♀️佢係寬粉嚟煮完軟腍Q彈連埋蕃茄湯一齊食 唔錯👍🏿支裝汽水 $16@買三送一 即係第4支免費但要注意 如果要用呢個優惠就要喺落第1支嘅時候講明加分欄⭕️ 環境⭕️ 詳細說明餐牌同優惠⭕️ 主動加湯✅ 加一服務費…查看更多