影片
更多
2022-10-13
74 瀏覽
天氣開始變涼，又嚟到打邊爐嘅季節。之前網上見到位於天后嘅「叁不館」好似唔錯，呢晚我哋專登訂定枱到訪。雖然係平日晚上，不過餐廳人氣好高，全場滿座👏🎬。店家花咗好多心機去裝修，令到每一個角落都成為打卡點，門口擺放咗閃亮燈箱、牆身油咗壁畫🎨、貼上海報以及寫滿大字等，盡顯懷舊復古風格。餐牌設計同樣精美，成份馬經咁📰，另外又有廣東話揭後語玩。呢度所提供嘅食材款式多完化，價錢就屬中上水平啦，不過啲料係靚嘅。即使全場都滾啊滾啊、烚啊烚啊🔥，但食完離開個身竟然冇一大浸味，證明餐廳抽風掂。莫生氣椰椰雞湯($178)，喺冇睇過餐牌嘅情況下，我哋已經決定揀呢款湯底😎，主因係餐廳充斥住好香嘅椰味。椰子雞湯真材實料，店員喺客人面前將新鮮椰水倒入湯底🥥，然後等佢滾多陣，再放雞肉🐔，啲雞淥完都仲好嫩滑。店員溫馨提示我哋先品嚐一碗原汁原味嘅雞湯，再打邊爐。佢果然無介紹錯，🍲湯底好好飲，唔會過鹹、亦唔肥膩，最終忍唔住飲咗半鍋。頂級安格斯牛頸脊($268/例牌)，🥩就咁睇價錢會覺得牛肉定價唔平，但考慮到質素同份量，尚算物有所值。估唔到例牌都咁大碟，我諗有超過廿幾塊😳，唔使慳住食。每塊牛頸脊大小厚薄適中，紋理平均，食落肉味
天氣開始變涼，又嚟到打邊爐嘅季節。之前網上見到位於天后嘅「叁不館」好似唔錯，呢晚我哋專登訂定枱到訪。雖然係平日晚上，不過餐廳人氣好高，全場滿座👏🎬。
店家花咗好多心機去裝修，令到每一個角落都成為打卡點，門口擺放咗閃亮燈箱、牆身油咗壁畫🎨、貼上海報以及寫滿大字等，盡顯懷舊復古風格。
餐牌設計同樣精美，成份馬經咁📰，另外又有廣東話揭後語玩。呢度所提供嘅食材款式多完化，價錢就屬中上水平啦，不過啲料係靚嘅。
即使全場都滾啊滾啊、烚啊烚啊🔥，但食完離開個身竟然冇一大浸味，證明餐廳抽風掂。
莫生氣椰椰雞湯
$178
17 瀏覽
0 讚好
0 留言
頂級安格斯牛頸脊
$268
21 瀏覽
0 讚好
0 留言
手打五寶丸
$98
9 瀏覽
0 讚好
0 留言
手打墨魚滑($88)，🦑墨魚滑好大球，可以分到八至十粒。墨魚滑再加蟹籽，相當鮮味，而佢口感亦好正，彈牙不在話下，仲要食得到墨魚肉。
油麥菜($42)，💚菜就冇乜好講，不過肯定嘅係佢洗得乾淨。
竹蔗茅根海底椰($48/榨)，打邊爐熱氣嘛，所以要飲返啲嘢清潤一下，竹蔗茅根就幫到手。$48大大榨，抵飲。佢冰冰涼涼，甜度得宜👍。
題外話，醬油費每位$18，餐廳自家整嘅蒜油好惹味，值得一試。餐前小食$20碟，有青瓜同花生，青瓜嘅麻辣味好正宗🥒。
總括嚟講，叁不館係美食與打卡並重嘅代表🚨，嚟呢度並唔係齋食裝修，食物質素同樣有水準，個人私心推介椰椰雞湯。
張貼
