影片
更多
2023-03-15
83 瀏覽
銅鑼灣 山與海·視與味覺之盛宴山 YAMA📍銅鑼灣耀華街38號The Zing!15樓➰好歌推介「陪我迷上荒謬，越過幻變山丘，拾塊木碎伸手學施小魔咒。」.#特倫斯夢遊仙境 #林家謙➰筆者一向以日本為鄉下，雖然啱啱係日本返嚟無幾耐，但已經開始思鄉病發，非常掛住日本美食，除左不時望下機票網睇住Google Map去旅行之外，又會周圍做資料搜集睇下香港有乜高質日本料理可以一解鄉愁，所以今日就搵左依間Omakase一試究竟。.今日搵嘅依間餐廳距離銅鑼灣5分鐘路程，位於時代廣場後面嘅耀華街，周圍食店林立，可以係依到立足一方嘅餐廳都一定有相當實力。.甫踏進餐廳，映入眼簾係亮白木系設計高樓底寬敞空間，一邊係壽司吧枱一邊係卡位，燈光方面餐廳有特別排列嘅射燈襯托壽司吧枱，連餐具擺盤都用上「山」造形配合餐廳主題，而且仲有大量和風日系山林系擺設等元素，融合原野自然氣息令客人用餐舒適放鬆，更加有一個神秘空中露台花園可以打卡添，睇得出餐廳對成個用餐環境都有精心佈置，非常認真細心。➰餐廳提供數款不同Omakase套餐選擇，以唔同食材做主題，如魚或蟹等，亦會根據當季食材調節更換，而集各家之大成嘅非山の御膳莫屬，可
山 YAMA
📍銅鑼灣耀華街38號The Zing!15樓
➰好歌推介
「陪我迷上荒謬，越過幻變山丘，拾塊木碎伸手學施小魔咒。」
.
#特倫斯夢遊仙境 #林家謙
➰
筆者一向以日本為鄉下，雖然啱啱係日本返嚟無幾耐，但已經開始思鄉病發，非常掛住日本美食，除左不時望下機票網睇住Google Map去旅行之外，又會周圍做資料搜集睇下香港有乜高質日本料理可以一解鄉愁，所以今日就搵左依間Omakase一試究竟。
.
今日搵嘅依間餐廳距離銅鑼灣5分鐘路程，位於時代廣場後面嘅耀華街，周圍食店林立，可以係依到立足一方嘅餐廳都一定有相當實力。
.
甫踏進餐廳，映入眼簾係亮白木系設計高樓底寬敞空間，一邊係壽司吧枱一邊係卡位，燈光方面餐廳有特別排列嘅射燈襯托壽司吧枱，連餐具擺盤都用上「山」造形配合餐廳主題，而且仲有大量和風日系山林系擺設等元素，融合原野自然氣息令客人用餐舒適放鬆，更加有一個神秘空中露台花園可以打卡添，睇得出餐廳對成個用餐環境都有精心佈置，非常認真細心。
➰餐廳提供數款不同Omakase套餐選擇，以唔同食材做主題，如魚或蟹等，亦會根據當季食材調節更換，而集各家之大成嘅非山の御膳莫屬，可以一嚐各項山珍海味，尊享非凡。
.
山の御膳 Yama Kaiseki 💲1888/1
✥先付け 日本產雲丹拼盤(五種產地) ⭐️4.4/5⭐️點餐不久，頭盤徐徐送上，伶應貼心地幫忙擺盤，頭盤已經非常驚艷，海膽拼盤置於山系造形擺盤伴隨住用乾冰製造嘅冒煙效果十分吸睛奪目。
.
五種海膽分別嚟自岩手鹽水海膽﹑根室白海膽﹑浜中町黃海膽﹑宮城及北方四島赤海膽，由淡至濃開始品嚐，份量豐富，鮮味絕倫，身為海膽控嘅我表示雀躍萬分，依份先付可謂風頭一時無兩，令人非常期待接住落黎嘅其他菜式。😋
日本產雲丹拼盤
9 瀏覽
0 讚好
0 留言
日本產雲丹拼盤
11 瀏覽
0 讚好
0 留言
雖然有前車可鑒，但依道前菜三點仍然令人讚嘆餐廳非常重視打卡效果及儀式感，侍應捧起木箱寶盒放置於枱前，再貼心提醒可以拎起電話拍攝，陣陣絲煙散去後，赫然發現寶箱內有乾坤，小世界以山林園盆景呼應主題，然後三位主角分別係磯燒帶子﹑小長井真蠔及毛蟹伴柚子啫喱。
.
園盆景色造工細緻，少不免相機食先過後，侍應亦有介紹由帶子食起，磯燒帶子肥大肉厚，師傅調味加入少少辣粉更為惹味。接住就係現時當造嘅小長井真蠔，肥大肉厚爽甜回甘，配上柚子啫喱及辣椒蘿蔔蓉，更顯清爽。最後就係毛蟹，師傅已經預先將蟹肉拆起，免去一番進食功夫，啖啖蟹肉滿足鮮甜。
✥蒸し物·蝦夷鮑魚蒸 肝醬 ⭐️4.3/5⭐️Omakase有蒸鮑魚亦唔係少見，但餐廳好有玩味地用上十四代清酒噴灑於鮑魚上，令人恨不得叫師傅原枝奉上當頭飲盡。 😋
.
返到正題，師傅表示用上清酒噴灑可以令鮑魚更為清香，細嚼之下果然有淡淡酒香，鮑魚清爽煙韌彈牙，配上肝醬更為可口，另外伴碟有爽脆嘅寶塔椰菜花及烤菇等，搭配健康滋味。
蝦夷鮑魚蒸 肝醬
6 瀏覽
0 讚好
0 留言
師傅精雕細啄後首先送上一份三點刺身，擺盤當然亦係奪目地用上一個焚火爐盛載，滿滿儀式感。
·活北海道帶子伴三文魚籽，比一般帶子更為鮮甜，再加上柚子皮調味更為清新。
·牡丹蝦伴蝦膏，師傅已經將蝦身拆殼，再將蝦膏推汁調味，令鮮甜味道更添層次。
·間八伴三星漬，間八係白身魚，比較淡口，取其爽嫩口感，加上三星漬調味後令其更為惹味。
季節刺身五點
29 瀏覽
0 讚好
0 留言
季節刺身五點
2 瀏覽
0 讚好
0 留言
刺身五點只係嚟左三點，因為好戲在後頭，隨即奉上一個好比精靈球嘅容器，少不免當然係有揭蓋儀式感環節，打開之後顏色五彩繽紛，分別盛戴日式和風醬油蟹及高知縣大拖。
·大拖羅係理所當然嘅入口即溶，魚油魚脂亦係無可挑剔。
·日式和風醬油漬·稻蟹，暫時我係第一次係香港試日式醬油蟹，同韓式醬油蟹唔同，甜度鮮味都更重，少左韓式嘅咸味，各有層次，師傅表示混入咗白酒及水果醃制，今日亦係首批提供俾客人品嚐，好慶食到依一隻咁鮮甜絕倫，入口嫩滑無比嘅日式醬油蟹。😋
日式和風醬油漬·稻蟹
7 瀏覽
0 讚好
0 留言
日式和風醬油漬·稻蟹
10 瀏覽
0 讚好
0 留言
出場嘅鍋物主角係北海道鱈場蟹腳，啖啖肉而且鮮甜飽滿，湯底則係用利尻昆布及鰹魚湯汁再加鱈蟹蟹殼熬製而成，飲落順喉清潤，配菜仲有菠菜卷及雜菇等，波菜卷吸收湯底精華入口更加清甜。
鱈場蟹龜甲鍋
6 瀏覽
0 讚好
0 留言
柚子雪葩作為間場清一清味蕃，清爽甜味亦令飽膩度下降。
季節雪葩
7 瀏覽
0 讚好
0 留言
與此同時，店員亦溫馨提示餐廳仲有一個空中戶外小露台可以參觀，可以趁師傅繼續準備食材嘅時候出去一探究竟，踏出戶外，首先係飽覽跑馬地馬場一帶夜景，回首一望，赫然見到一棵夜櫻出現，場面非常唯美，餐廳仲佈置左唔同日系裝飾比客人打卡，非常有心思，十分抵讚。
.一輪打卡過後，侍應出嚟溫馨提示下一道菜式已經準備妥當。
✥すし·精選寿司五貫
正式進入壽司環節，師傅已經埋手準備妥當，當我就座後就正式開始即席手握。
.
➿真鯛 ⭐️4/5⭐️
真鯛屬白身魚，本身味道淡口清雅帶爽韌，師傳用上辣椒蘿蔔蓉及柚子酸汁調味後令味道層次提昇。
.
➿深海池魚 ⭐️4.1/5⭐️
亦都係白身魚，深感池魚肉質細緻爽口又帶有豐厚的油脂，加上薑蔥及橄欖油一齊入口更加滋味。
.
➿火灸右口魚 ⭐️4.2/5⭐️
即係鰈魚，火灸過後嘅右口魚裙邊逼出油份，即時令魚脂香氣四溢，入口即溶，魚油味道係口腔回蕩，師傅特登為左唔想令飽膩感太重加上梅醬減輕油脂感，非常貼心。😋
.
➿地金目鯛 ⭐️4.2/5⭐️
金目鯛中最頂級最油脂豐厚同味道最濃厚嘅品質方可稱之為地金目鯛，經過輕輕火灸逼出魚脂同時將魚皮燒至焦香，入口更有質感，配搭芽蔥及柚子胡椒，入口更為惹味。
.
➿鰤魚伴鰤魚腩蓉 ⭐️4.3/5⭐️
最後一貫壽司主角係鰤魚，師生再加上鰤魚腩蓉，伴上大蔥及芝麻調味，濃郁味道雙重口感雙倍提昇，十分滿足。😋
精選寿司五貫
11 瀏覽
0 讚好
0 留言
鰤魚伴鰤魚腩蓉
3 瀏覽
0 讚好
0 留言
驚喜浪接浪，侍應捧住一個酒壺大嘅煲原個上枱，非常跨張，打開即時聞到禾稈草煙燻香氣，而主角係A4宮崎牛，肉味濃郁而油脂感唔會太重，可以食多d亦唔會太飽膩，再加上露荀及西班牙酸茄中和，而牛肝菌汁亦非常滋味，配搭得非常完滿。😋
A4宮崎牛厚燒·聖護院蕪菁·牛肝菌
16 瀏覽
0 讚好
0 留言
A4宮崎牛厚燒·聖護院蕪菁·牛肝菌
3 瀏覽
0 讚好
0 留言
A4宮崎牛厚燒·聖護院蕪菁·牛肝菌
9 瀏覽
0 讚好
0 留言
接近尾聲階段，今次出場陣容雖然唔算盛大，但擺係面前嘅係一碟滿盛嘅黃油蟹膏蟹粉，但以細火保持溫度散發出陣陣嘅蟹黃香氣，不禁令人垂涎三尺，食指大動，而另一邊係用松葉蟹肉及芡汁煮稻亭烏冬，撈勻蟹黃蟹膏進食已經係非凡享受，再加上師傅推介可以點上3/5/10年意大利陳醋一齊享用，由酸至甜任君選擇，好一道中西日Fusion嘅菜式，令人回味無窮。😋
特濃上海蟹拌後文稻亭·10年陳意大利黑醋
9 瀏覽
0 讚好
0 留言
甜品係士多啤梨配椰子雪糕拿破崙，椰子雪糕味道清新，正好中和解油膩感，拿破崙亦都好脆口，完美作結。
和風鮮果雪糕拿破崙
3 瀏覽
0 讚好
0 留言
餐廳非常重視用餐環境及佈置，每一道食材都盡顯其鮮味不在話下，亦用上唔同效果嘅呈現方式吸引客人眼球，令人深象深刻，甚至連餐具等細節位亦十分著重，可見餐廳對每個用餐環節都一絲不苟，非常認真，十分抵讚。餐廳無論係食物出品及打卡方面都令人非常滿意，好推介比各位想同親朋摯友情侶歡聚一番。
➿➿➿#山#YAMA
#銅鑼灣美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger
#食好西 #相機食先 #香港美食
#日本產雲丹拼盤#日式和風醬油蟹#蝦夷鮑魚蒸肝醬
➿
世上偶遇也是重遇，祝大家拼命無恙🫶🏻
賣吓廣告先，一個90後偽文青鐘意食好西聽好歌去旅行😋🎵✈️
有興趣睇更多好西好歌好玩推介，或者大家有好嘢Share嘅🥳
請大家Follow下我IG，比D支持，多謝✨：@healoop.foodie
張貼
