山

由於友人受到social media吸引，好想一試呢個"釡飯"，自問本身對"釡飯"並無好太興趣，本著陪朋友試下新野無妨既心態，加上是日半天假，諗住開開心心同友人食個午餐，點知食完只有成肚氣....我地大概12:15到達餐廳，現場有兩枱客人已經點了餐，而我地就坐喺佢地兩張枱中間。眼見樓面只有一個男仔，我地都等左一陣 佢先比到餐牌我地。釡飯價錢由$168-＄298，我地好快就決定左食午餐3號既燒牛釡飯，價值$188＋10%既釡飯，不免令我有點期待！等待途中，送上套餐沙律一碗。沙律面頭疑似係豆腐但質感水漾 再淋上芝麻醬，賣相普通，味道不過不失無特別；與此同時，隔離兩枱客人的釡飯分別上桌，職員話要焗3分鐘之後先打開蓋加鼓油，3分鐘過後佢地分別都打開左飯蓋, 但係我一啲都聞唔到飯香! 我已經心知不妙... 然後再聽到坐喺我右面既女仔佢話個飯好淡...無幾耐 我地兩個釡飯都到了，如是者等左3分鐘之後，我地打開飯蓋，確實... 一啲飯香都無！而個牛呢已經變到熟晒，我第一時間夾出黎咬左啖，鞋... 如果件牛係靚既話，就算熟晒都唔應該會咁鞋.... 飯呢? 淋... 完全唔係一粒粒既! 味道？無.... 唔落鼓油既話，碗飯基乎無味，落鼓油，先有鼓油味... 好似講緊廢話，但我真係只係食到鼓油味既飯... 記住，呢碗飯係價值$206.8(連加一)的說!好拿以為完咩？好戲在後頭～ 左面枱既男士同女伴要求埋單，睇住佢等了又等，叫完一次又一次 終於可以埋單拿～ 男士對單時發現單上寫住"麵鼓湯", 佢問職員: "咦，我地無嗌麵鼓湯喎"，然後職員回應: "啊～ 個湯仲煲緊~ 唔好意思 我地今日廚房得一個人，咁你仲等唔等丫?" 當時正值午餐時間，大多數客人都趕住返公司做野，有幾多個客人仲可以慢慢坐喺度等你出個麵鼓湯!? 個客人都無奈，唯有話唔使，埋怨左一句 "比佢呃左個麵鼓湯"就走左～ 我覺得當下一個最大既問題係個職員，無一早同客人講麵鼓湯煲緊，等個客人埋單時見到問返職員佢先講！其次，個職員並無繼續向在座其他客人講，未有麵鼓湯呢件事，包括我！隔左一陣，到我右手面女仔都埋單拿，今次算有進步 😅 個職員喺遞張單比女士時，先"主動"同女客人講，麵鼓湯煲緊你仲等唔等？當然～ 呢兩個女客人都係唔會等，唯有就咁走左～而我，真心 我係一個唔好麵豉湯既人，通常食日式定食有既麵鼓湯，我都會將佢奉上比我隔離嗰位飲，但今次，我就想即管等下，睇下你個麵豉湯有幾勁!? 如是者，我就咁坐左15-20分鐘，都仲未有湯送上!? 我就問個職員:" 個麵豉湯仲未煲好!?" 職員回應 :"er er... 未呀... 起碼仲要多10分鐘..." 嘩~!!! 有無搞錯!!? 講緊開舖12點到我當下時間1點50分，接近兩個鐘既時間 中式老火湯都煲好啦!! 真係當啲客人係傻架喎!!?咁我都傻唔晒，當機立斷唔再等啦! 因為佢根本都未煲，或者佢根本唔打算煲！我唔係嬲佢一碗麵鼓湯，係整體由食物質素，服務，以至餐廳最後既處理手法都有好大既問題! 我相信如果一早同客人講定, 餐廳今日人手不足夠，可能未能及時提供到麵鼓湯，我相信大部分客人都會見諒，而餐廳亦可以因應呢個情況而作出相應既補償，例如改送客人飲品/小食又或者喺價錢方面斟情減少，而唔係一副"係咁架拿，你等到咪等"既態度。人生第一次寫食評/負評，真係好想香港既餐廳好好咁檢視一下，做好一啲，唔好淨係識埋怨點解點解，客人不回頭係一定有原因的！…查看更多

❣️銅鑼灣午市總有驚喜，呢間釜飯仲要超足料啖啖蟹肉+飯焦，好滋味！❣️最醉推介松葉蟹釜飯，高質又難忘。定食set$168起有salad、麵豉湯🦀松葉蟹釜飯$258 - 啖啖鮮拆松葉蟹肉，蟹肉鮮甜，建議唔落豉油就咁食都好正！焗一陣有金黃色飯焦，難得係啖啖都有蟹肉，好滋味😋🍣雜錦刺身釜飯$298- 每款刺身都好高質，有日本水準！中toro 燒過，入口即溶無筋鮮甜。磯煮鮑魚鮮甜入味，仲有刺身帶子有lemon香，都幾鮮甜🥗沙律有豆腐係上面，都幾特別。沙律菜清新refreshing🥣麵豉湯入面竟然有蟹肉、海帶，誠意十足🍰開心果拿破崙- 上面有粒煙un麻糬，拿破崙上夾著一層厚身開心果醬，甜度適中。已經bookmark下次要再去午市超水準飯焦釜飯🔥｜啖啖鮮拆蟹肉超滋味…查看更多

平時食開嘅煲仔飯都係港式版本，今次聽講銅鑼灣有間餐廳食日式煲仔飯🤤💕Meow小編就一於同朋友一齊去試吓🥰入到去環境design係柔和日式風格，有種可以令食客慢活chill talk嘅感覺( ´▽｀)✨💜前菜 - 蟹肉麵豉湯 & 沙律定食係本身包括咗凍豆腐沙律🥗，Meow小編同朋友都一致認為凍豆腐好有驚喜!!(o^^o)凍冰冰又易入口即溶嘅豆腐，再配上麻醬，加埋新鮮沙律菜，爽脆口感配上酸酸嘅醬料，令人十分開胃🤤🤤另外麵豉湯亦都內有乾坤，估唔到會有啖啖的蟹肉，滿滿幸福感🥰💜 黄金飯焦釜飯定食 - 鹽燒牛舌🐮🥢 💰$188要整得出好味嘅牛舌一啲都唔簡單，而依份牛舌定食就整得好出色!( ´▽｀)💕牛舌🐮咬落一啲都唔靱，好易咬開，而且仲有少少爽脆口感!加上盬燒過程，令到牛舌香味更加突出👅配上生蛋拌飯，令到成個味覺滋味更上一層樓(*☻-☻*)🫶💜 黄金飯焦釜飯定食 - 雜錦刺身🥢 💰$298第二款釜飯係包含咗日本直送嘅新鮮刺身，當中包括拖羅、北海道元貝、鮑魚、甜蝦🦐等，刺身口感好鮮甜，都好肥美飽滿，就連鮑魚刺身都好易咬開入口o(≧v≦)o 配上醃蘿蔔粒的黃金釜飯，一口一口咁食過不停🤤🤤✨💜法式拿破崙(跟餐+$38)本身諗住釜飯已經咁出色，估唔到甜品一樣咁有驚喜!!(^V^)💕酥脆嘅拿破崙都夾住開心果cream，味道好清新👅，而且面頭仲有兩粒mochi (好加分!!!🤤✨)…查看更多

從來都未試過「釜飯」嘅我，今次就search到銅鑼灣有間午市可以食「釜飯」嘅專門店！「釜飯」用金屬小型鐵鍋（釜）烹煮並盛裝，因此得名。以生米與高湯、醬油、味醂等調味料一起在鍋中煮熟，類似煲仔飯，煮久一點就會形成鍋巴，味道更加香口！😆講食飯就最啱帶「食物焚化爐️」老公出去食！一共order咗三款「釜飯」，「松葉蟹」、「牡蠣」、「雜錦刺身」黃金飯焦釜飯定食，套餐包左面豉湯、沙律。「釜飯」最經典嘅配搭就系牡蠣🦪，今次終於系熟嘅牡蠣，我都即刻嗱嗱臨試返只先，牡蠣煮熟咗之後個size都唔會話好細，有海水嘅咸香同Creamy嘅口感！三個「釜飯」嚟講，「松葉蟹」我就最鐘意，佢每一絲嘅蟹肉，都系廚師親手拆，我都唔能夠想像成個「釜飯」究竟用咗幾多只蟹🦀同埋佢有啲醃蘿蔔一齊煮，甜甜酸酸勁開胃！「雜錦刺身」同「釜飯」系分開上，如果鐘意啲餸同埋飯一齊嘅「釜飯」，呢個可能就未必啱你！如果想個飯唔好咁乾，就早少少攞開個火，如果想食到飯焦就要煮多一陣啦！｜黃金飯焦釜飯定食｜面豉湯｜沙律｜✦ 松葉蟹 $258✦ 牡蠣 $258✦ 雜錦刺身 $298｜甘味｜✦ 法式拿破侖+ $38*星期一至六 12:00-3:00pm供應…查看更多

隔咗好幾年都無打食評，今次實在忍唔住要俾差評首先係social media見到有Yama廣告，再見到Openrice嘅頂層一致好嘅留言，以為唔錯，可惜事與願違見普遍食評一致對松葉蟹套餐讚好，價錢平就可以食到omakase，額外追加又唔太貴，就預先早一星期book位，職員要求落訂，無問題 我以為佢好生意，訂位費又唔多 我俾當晚6點前幾分鐘去到，冇職員係入口招呼客人，以為係未開始晚市時間，叫咗幾次之後，終於有人出嚟，我同職員講訂咗兩位，奇怪在佢冇問我貴姓或者電話就招呼我入座。當時係冇任何客人叫咗兩個松葉蟹餐，追加鮑魚、左口魚、宮崎和牛燒、刺身三點 各兩份。一開始上松葉蟹蒸，頗有驚喜 味道幾好。點知惡夢開始嚟，上菜速度極慢，第二道菜同第三道菜各相隔20分鐘先上。左口魚上菜嘅時候係凍，啱啱煮好嘅會係凍？百思不得其解。7點開始陸續有一兩檯客入座，直到8點幾嘅時候，仍然係上緊追加菜式，依個時候侍應先同我講，有位師傅病咗，得番一位師傅，上菜會有啲慢，你唔早啲同我講？同樣地，樓面都係得佢一位侍應，上菜、執拾都係佢。去到9點幾，終於準備上套餐尾二道菜，我禮貌地同侍應講甜品可以一齊上。結果，後面個檯遲我一個鐘入嚟，叫一樣嘅套餐，就係因為佢夠惡，不停狂催侍應，我份甜品俾咗佢先，咩道理？最後我食到10點先完。認真 我食過唔少omakase同fine dining，從未有一餐係食超過4個鐘，除非套餐本身包含多道菜式，但係今次松葉蟹餐連追加菜只係10道菜！！！ 埋單個陣，侍應先講冇我booking，但係我落咗訂，又有WhatsApp記錄，佢都係要問公司，結果係公司職員唔記得mark低。之後拎單張出嚟，都唔係我，使唔使咁多出錯。$2000一餐，感觀極之差。缺點：1. 侍應、廚房人手嚴重不足，出餐極慢2. 食物味道差，和牛口感同味道似平價安格斯，但係兩粒收$200，天婦羅同openrice其他留言完全唔一樣，而且得油味3. 公司內部職員需要再培訓，連booking咁小事都可以出錯…查看更多

今日嚟食蟹！食松葉蟹omakase！松葉蟹蒸賣相一流！蟹蓋入面放滿拆好晒的蟹肉，蟹肉都幾甜，下面仲有蟹膏，蟹膏味道略嫌唔夠濃松葉蟹肉帶子帶子新鮮厚肉，煎到半熟，表面煎得好香，配埋個蟹肉汁，不錯松葉蟹天婦羅天婦羅炸得幾脆唔厚粉，蟹肉紮實昆布蒸松葉蟹鉗昆布包住蟹鉗蒸，聞落有淡淡昆布味，食落偏鹹松葉蟹釜飯蟹肉+蟹鉗+蟹膏，感覺似煲仔飯，略嫌唔係好夠味開心果拿破崙最欣賞呢個！拿破崙好夠脆，開心果醬好濃，頂頂仲有幾粒麻糬好煙韌，口感好有層次！食完想食多個～～以我濃味怪嚟講，整體味道偏淡，所有菜色都以蟹鮮味同蟹甜味為主，但又未做到好驚喜，最鍾意開心果拿破崙！…查看更多

性價比過低，都幾確定唔會返黎。話說一早出銅鑼灣開會，早左完結，同事好有心地book埋餐廳一齊食個lunch，查實都係是但揀，就睇中呢間有很食釜飯，我地比開門時間早左少少去到，成個餐廳無人，無樓面，我心諗：開工前清潔呀、搞下D訂檯果D都無人做? 唔理啦，我地都好識做，企開一二邊等到開門時間(我地早左3分鐘到...)。搭正個開門時間，繼續無人出黎.....我都唔好意思咁大聲叫入廚房，格左一陣至有人黎理下我地，但佢個樣似係個廚師行出黎招呼住先咁...都無緊要，終於叫坐底左，可以望下個menu，我地光速有定案，一人要左一款釜飯，一個叫肉眼，一個叫松葉蟹「些牙」試下。先黎個沙律頭盤，呢碗菜仔好搞笑，係甜的。等了10幾分鐘出左個飯，留意返，上檯之後要保多5-10分鐘左右架，我地之前出差去過日本食，真心念念不忙，等到飯食得，打開蓋望下，喂?個賣相真係好麻麻，😳🥲上面D木魚碎覆蓋晒個飯，無乜香味，好難有食慾。唔好理又試下先講，同個樣一樣，真係得木魚味...飯同食材無一種融合感，好似係電飯煲煲好半再放食材響個面到咁播....好難收貨。成碗野無味，只係得木魚碎味，同埋自己加醬油個味😩that's all！食個煲仔飯 / 韓式石鍋飯我都無唔嬲，味道等同將煲好之白飯，放入呢個有造型個鍋仔入面，放D肉上面蓋埋個蓋係咁易煲一陣叫你食咁....慘，仲要呢個價，比佢個裝修呃晒了，我同同事都係食左幾啖，就放棄埋單...🙄…查看更多

今日介紹間餐廳 $398就食到松葉蟹omakase!史努比星期五晚市去 見到佢都full booking認真 近期去咁多間餐廳 都未試過見到一間係坐到七成 更何況係滿座😳(商場連鎖店另計啦) 以一間上樓餐廳嚟講 佢嘅客流量真係算多Anywaysss唔講咁多廢話 即刻入正題🤪🔸松葉蟹盛宴 $398👍🏿松葉蟹蒸其實係個蟹蓋嚟 拆好晒肉 啱晒懶人食蟹😋舖咗大量蟹肉 一絲絲有甜味下面仲有蟹鉗肉 同埋蟹膏蟹鉗都帶鮮甜😚可惜蟹膏處於比較流質嘅狀態冇乜膏香 同埋蟹腳都冇味On top加咗金箔裝飾~幾靚幾啱打卡味道方面 我淨係appreciate佢啲蟹肉蟹鉗😂味道: 7/10👍🏿松葉蟹肉帶子史努比一向都好鍾意食帶子 今日呢間用料靚!帶子好厚肉 半熟狀態 食落非常鮮嫩🥰配搭好似中式做法咁嘅蟹肉 類似蟹肉扒時蔬嗰啲 杰身帶甜味同埋少少醬汁 估唔到match喎!唯一美中不足係帶子燒得燶咗少少不過未去到食到苦味 但係有啲燶味嘅如果佢冇燒得咁燶帶子值8.5分 而家減佢0.5🤣味道: 8/10👌🏿松葉蟹天婦羅天婦羅唔會太厚粉 炸得脆而唔太硬已經用咗淮鹽調味 所以唔使點任何天婦羅醬汁~不過同蟹鉗唔係好夾 可能因為佢隻蟹鉗肉質比較淋🤔反而蟹腳肉質紮實啲 咁樣好食啲😚另外仲有天婦羅菇同紫蘇葉你哋都知史努比唔食紫蘇葉㗎啦😝比咗爸爸👨🏻炸得特別脆 遠處都聽到 “咔咔” 聲lol天婦羅菇炸嘅時間可能太長 菇嘅水份已經乾晒食落有啲dry不過抵讚嘅係整體都唔會話太油膩~味道: 6.5/10👌🏿昆布蒸松葉蟹鉗昆布應該浸咗鹽水 浸得太勁包住蟹鉗攞去蒸啲鹹味滲透晒落隻蟹鉗到本身第一啖仲食到少少昆布味 後來就恍如置身海洋 細個喺沙灘游水咁嘅感覺🙂‍↕️得返鹹味 越食越鹹🤫🤫味道: 5/10👍🏿松葉蟹釜飯有甜豉油 同埋呢個setting 又有飯焦真係勁似煲仔飯!🤣上面鋪咗大量蟹肉 同埋有一隻蟹鉗 仲有蟹膏飯煮得啱啱好 係史努比鍾意嘅軟硬度撈埋啲蟹膏同豉油 濕濕地易入口😋中間有啲啲蔬菜粒 另外不得不讚係下低有個爐㷫住 飯焦嘅份量可以自己控制😚覺得差唔多可以叫佢熄爐感覺今次史努比控制得幾好 食落香口 但爸爸嫌硬喎😤味道: 7/10👍🏿法式拿破崙佢冇寫開心果味 唔知係咪日日口味唔同今日呢款就係開心果佢哋聲稱攞咗世界冠軍😳係幾好食嘅~ 拿破崙酥脆唔油膩 但未至於好酥化開心果cream幼滑 帶少少開開心果香加咗幾粒麻糬 甜甜地煙煙韌韌幾有層次感 好食!不過世界冠軍…史努比覺得吹大咗以gimmick多啲🤣味道: 8/10性價比: 7.5/10👍🏿北海道生蠔 +$90/位生蠔超級大隻😳而且好肥美creamy入口好似飲緊牛奶咁幼滑 鮮味湧上嚟🤤不過上面嗰pat類似泡菜蓉咁嘅嘢味道太搶史努比覺得配柚子啫喱會夾啲🤣味道: 8.5/10性價比: 7/10👍🏿刺身三點 +$200/位呢個價錢貴咗啲 但用料真係靚🥰帶子超大粒 對半夾住檸檬片即使對半都依然好厚肉 鮮甜肥美帶子配合清新嘅味道 omg史努比勁鍾意💗赤蝦新鮮 帶少少黏口 但對比起佢就冇驚喜大拖羅都好厚切!食落有炙燒嘅香味 然後細嚼慢咽拖羅嘅油脂滲透喺口腔🥰但真心好正好高汁!味道: 8.5/10性價比: 6.5/10*另設加一服務費*三百幾蚊食omakase係好抵嘅鍾意食蟹嘅朋友有得諗吓🤪不過成個set唔包刺身 未必個個都滿足到個人建議加少少嘢 感覺好唔一樣!好似史努比加咗生蠔同刺身 即刻開心好多🤣嗱 雖然史努比都唔想咁講不過如果早去嘅話服務就一般般嘅 唔算差 態度好 但唔識主動斟茶或者招呼晏少少去到6點幾7點 可能因為老闆喺度😂(嗱呢個係史努比估架咋🙌🏿)你會即刻覺得好好service🤣-整體評分：味道: 7.8/10環境: 8.5/10服務: 7.5/10衛生: 8.8/10抵食: 7/10(品牌合作分享)…查看更多

銅鑼灣 ｜山 YAMA 知道「山Yama」推出了一年一會【松葉蟹盛宴】身為忠實粉絲的我立即來報到，價錢更超級優惠，每位只需$398就能吃到松葉蟹, 絕對超級超值，沒有不來的理由💫特別是來到銅鑼灣, 想吃好的便宜的又有特色的，總是想起她💫一年一會【松葉蟹盛宴】 每位只需$398/位 ，仲有其他食物可以追加💫▪️松葉蟹蒸新鮮的松葉蟹，來到時已經滿滿蛋香, 而且入口嫩滑，再配上蟹肉的味道, 鮮甜嫩滑美味之極品💫▪️松葉蟹肉帶子帶子肥味大粒，入口新鮮彈牙, 再配上松葉蟹肉的鮮味，配搭絕對是鮮上加鮮，令人欲罷不能💫▪️松葉蟹天婦羅說明是松葉蟹宴，松葉蟹宴絕對少不了金黃色薄脆炸漿，包裹著鮮嫩蟹鉗, 入口外脆內軟，再沾上特色醬汁，味道更提鮮💫🌟北海岸生蠔 （追加$90）生蠔🦪配上蘿蔔蓉同酸汁，非常大隻及鮮味💫🌟日式醬煮鮑魚 （追加$90）日式醬煮味道剛好，鮑魚新鮮彈牙💫🌟山の醬燒鱈場蟹腳（每位＄120）鹽燒蟹腳，蟹肉鮮甜彈牙，啖啖鹽香，蟹肉更突出💫▪️昆布蒸松葉蟹鉗以昆布蒸煮的松葉蟹鉗，蟹肉吸收了昆布的鮮香，令蟹肉鮮甜味更突出, 而且蟹肉多汁，鮮味滿分💯▪️松葉蟹釜飯最美味的釜飯，打開蓋已經聞到陣陣松葉蟹鮮香，飯粒完全吸收了松葉蟹的精華，入口除了飯香更是滿滿蟹肉的鮮甜💫▪️法式拿破崙經典冠軍級法式拿破崙，香脆可口外層酥脆，中間是開心果忌廉，為整頓餐廳更添美意💫餐廳 : 山 YAMA 電話預定: 3795 6310Whatsapp預訂: 6481 1853地址: 香港銅鑼灣耀華街38號 The Zing 15樓…查看更多

朋友請食生日飯，知我是蟹后，特意訂了這「三蟹一會」的套餐🥰 讓我一次過品嚐到來自🇯🇵🇨🇳🇳🇴的三種蟹，簡直是蟹迷的夢幻盛宴！🫶🏻 頭盤 - 香箱蟹⭐️ 煮物 - 北海道的蟹粉元貝🏆 蒸物 - 固城湖大閘蟹👍 炸物 - 松葉蟹腳雜錦天婦羅🥰 主菜 - 挪威麪包蟹意粉配咖哩蕃茄醬🥣 湯品 - 蟹肉面豉湯🧁 甜品 - 開心果麻薯拿破崙驚喜來啦！餐廳還為我準備了生日小驚喜，店長捧上水晶球音樂盒和小禮物，真的感動不已！這頓蟹宴不僅味蕾的饗宴，更是心靈的滿足，令人回味無窮！…查看更多

第一次來，便是替太太及朋友慶生。以蟹做主題的日本餐很少見，菜式設計很有心思，也不常見，接近每道菜上枱也有驚喜，味道當然也很好。老闆娘的服務和藝術氣質，更是一流。慶生時，餐廳也花了一些心思，竟然還有禮物收，實在喜出望外。老婆收貨，我就開心誠意推介，性價比極高的一餐支持小店，希望可永續經營。…查看更多

𝑹𝒆𝒔𝒕𝒂𝒖𝒓𝒂𝒏𝒕 𝑵𝒂𝒎𝒆 🍽️: 𝒀𝒂𝒎𝒂𝐿𝑜𝑐𝑎𝑡𝑖𝑜𝑛📍: 𝐶𝑎𝑢𝑠𝑒𝑤𝑎𝑦 𝐵𝑎𝑦, 𝐻𝑜𝑛𝑔 𝐾𝑜𝑛𝑔𝐶𝑢𝑖𝑠𝑖𝑛𝑒🥂: 𝐽𝑎𝑝𝑎𝑛𝑒𝑠 𝐶𝑢𝑖𝑠𝑖𝑛𝑒🇯🇵✨幸福之年八品宴✨ 𝗦𝘁𝗮𝗿𝘁𝗲𝗿:1. 𝑀𝑖𝑛𝑖 𝑇𝑒𝑚𝑝𝑢𝑟𝑎 𝑤𝑖𝑡ℎ 𝐶𝑟𝑎𝑏 𝑅𝑜𝑒 | 𝘛𝘰𝘮𝘢𝘵𝘰 𝘖𝘩𝘪𝘵𝘢𝘴𝘩𝘪🦀 蟹粉配小天婦羅 | 日式醃漬甜茄🍅2. 𝐶𝑟𝑎𝑏 𝑅𝑜𝑒 𝑇𝑜𝑓𝑢🦀中華蟹黃豆腐𝗦𝗵𝗮𝗯𝘂 𝗦𝗵𝗮𝗯𝘂：3. 𝑆𝑜𝑦 𝑀𝑖𝑙𝑘 𝑆𝑜𝑢𝑝🥛豆乳鍋🥤🫕4. 𝐴𝟺 𝑀𝑖𝑦𝑎𝑧𝑎𝑘𝑖 𝑊𝑎𝑔𝑦𝑢🥩宮崎A4 和牛🐮5. 𝐾𝑢𝑟𝑜𝑏𝑢𝑡𝑎 𝑃𝑜𝑟𝑘🐷黑豚肉🐖6. 𝐴𝑤𝑎-𝑂𝑑𝑜𝑟𝑖 𝐶ℎ𝑖𝑐𝑘𝑒𝑛🐓阿波尾雞🐔7. 𝐽𝑎𝑝𝑎𝑛𝑒𝑠𝑒 𝑉𝑒𝑔𝑒𝑡𝑎𝑏𝑙𝑒𝑠🥦日式野菜🥗𝗠𝗮𝗶𝗻 𝗗𝗶𝘀𝗵8. 𝐶𝑟𝑎𝑏 𝑚𝑒𝑎𝑡 & 𝑃𝑟𝑎𝑤𝑛 𝐸-𝐹𝑢 𝑁𝑜𝑜𝑑𝑙𝑒𝑠🍝大蝦蟹肉伊麵🦐𝗗𝗲𝘀𝘀𝗲𝗿𝘁9. 𝐷𝑎𝑖𝑓𝑢𝑘𝑜 𝑁𝑎𝑝𝑜𝑙𝑒𝑜𝑛 𝐶𝑎𝑘𝑒🍬大福拿破崙🍰追加：10. 𝐻𝑜𝑘𝑘𝑎𝑖𝑑𝑜 𝑂𝑦𝑠𝑡𝑒𝑟 🦪北海道生蠔 （+$90）🌟𝐶𝑜𝑛𝑠𝑢𝑚𝑝𝑡𝑖𝑜𝑛 𝑝𝑒𝑟 𝑝𝑒𝑟𝑠𝑜𝑛：$700⛰️山🎋銅鑼灣山林風格日本料理🗻室內風格簡約清新🍀選用低調優雅既淺木色調🪵擺放各種山樹擺設🏔️營造出悠閑氛圍😎🦀蟹品料理YAMA招牌料理之一👍每款蟹品都有豐富既蟹黃量😆打頭陣既有蟹粉紫蘇葉天婦羅☘️炸到金黃酥脆😋配埋成碗蟹粉😆邪惡得黎又好滿足🥹大蝦蟹肉伊麵亦都好足料🍤蝦肉大隻🦐彈牙爽口👍配搭滿滿蟹肉同蟹膏🤌鮮味十足🥳🥩𝗦𝗵𝗮𝗯𝘂 𝗦𝗵𝗮𝗯𝘂日本宮崎A4和牛🐮油花分布均勻❄️肉質鮮嫰🥓入口即融😋黑豚肉配相比之下更有嚼勁👍肉味濃郁🐷兩者配搭豆乳湯底🥛清新而唔油膩✨完全唔會有濟既感覺🥸🍬大福拿破崙千層脆皮配搭大福麻薯✨外脆內軟👍層次感豐富👍配搭開心果Cream😋味道濃郁😋…查看更多

今晚同屋企人叫咗個每個人$888 聖誕餐 成個餐除咗 刺身三點 A 4宫崎和牛厚燒 同埋瀑布龍蝦烏冬 幾好食之外 其他菜式一言難盡 尤其是松葉蟹腳龜甲鍋完全冇乜味 同埋廚房人手不足 送餐速度好慢 嚴重影響用餐體驗 樓面得兩個人 兩個店員忙到停唔落嚟 好心請多個人 廚房入面都要請多幾個人 臨尾樓面先多一個人幫手 最後埋單差唔多$3000 完全唔抵 好失望！…查看更多

🦀朋友知道我喜歡吃蟹特意找了這家餐廳和我慶祝生日餐廳環境雅致、食物水準質素不錯⭐️點了是晚的套餐「三蟹一會」頭盤先來 香箱蟹再來一些蒸物 例如北海道蟹粉元貝固城湖大閘蟹炸物有 松葉蟹腳雜錦天婦羅🍤還有一個蟹肉麵豉湯令我難忘的是那個挪威麵包蟹意粉配咖喱蕃茄醬蟹肉滿滿 , 實在很回味😌最後 餐廳送上甜品開心果麻薯拿破崙和生日小禮物的心意 細節位做得好好 , 會令客人感到好窩心～ 我覺得如果特別喜歡吃蟹的你值得一試 ！推介👍🏻…查看更多

試試銅鑼灣全蟹廚師發辦 最近主打日式懷石料理廚師發辦餐廳推出 三蟹一會 2人餐 吸引我試試 超適合鍾意食蟹嘅朋友.⭐️北海道香箱蟹鮮嫩蟹膏蟹肉 加埋脆卜卜蟹籽⭐️蟹粉北海道元貝表面有蟹粉醬 好香口又大粒嘅北海道元貝⭐️固城湖大閘蟹用左固城湖一級大閘蟹⭐️松葉蟹腳雜錦天婦羅蟹腳鮮甜 炸粉夠薄 唔鬆散 又脆🔥⭐️挪威麵包蟹意粉配咖哩蕃茄醬麵包蟹超巨型 仲要幫你起埋蟹膏蟹肉意粉蟹肉 點埋咖喱蕃茄汁 超正⭐️蟹肉麵豉湯落左蟹肉鮮甜嘅麵豉湯⭐️開心果麻薯拿破崙拿破崙好鬆化 中間夾住軟糯麻糬 高質7道菜式$998/2位一個餐試晒多種當造蟹菜式 超適合鍾意食蟹嘅朋友.#hkfunfoodrecord窮遊香港#hkfunfoodrecord_銅鑼灣.#山 (銅鑼灣) @yamajp.hk 地址：銅鑼灣耀華街38號The Zing!15樓訂座電話：37956310..#hkfoodie #foodiehk #hkfoodblogger #hkblogger #hkfoodies #hongkongfood #食評 #灣仔美食 #灣仔必食 #天后美食 #天后必食 #銅鑼灣必食 #銅鑼灣美食 #銅鑼灣 #灣仔 #日式餐廳 #懷石料理 #廚師發辦 #大閘蟹 #香箱蟹…查看更多