影片
更多
2017-08-16
117 浏览
之前同朋友食過尖沙咀個間，經驗不錯。得知喺銅鑼灣開左分店，咁岩又去開銅鑼灣，點都要黎試下！一行到入去，我覺得呢間餐廳最值得推介嘅地方，就係佢嘅服務。點解呢？因為無論喺帶位同落單嘅時候都係有一位職員全程協助我哋，令到我哋可以好快咁決定到食乜嘢。最好笑嘅係我去洗手間嘅時候，個職員竟然帶到我出餐廳外面嘅廁所門口，真係好貼心👍入到呢間餐廳你會見到有一個好靚嘅吧，呢度嘅飲品（包括紅白餐酒，雞尾酒同埋啤酒）都係任飲架！！鍾意飲酒嘅你千祈唔好錯過。坐低左之後，睇吓餐牌先，佢有好多唔同嘅火鍋湯底可以俾你選擇，今次我哋叫左台灣香辣三杯卜卜蜆涮涮鍋，而下面肉類我哋就揀咗101特選手工火鍋拼盤。前菜：麻辣手撕雞加木耳，手撕雞味道只係用芝麻醬加辣椒製成，小小辣都幾惹味。主菜：台灣香辣三杯卜卜蜆涮涮鍋，呢個鍋睇落紅卜卜，但其實呢就唔係好辣嘅，佢有少少酒味，味道好似我哋平時食嘅海鮮鍋加清酒咁樣。裏面嘅蜆都好新鮮，但係記得唔好煮咁耐，一滾水啲蜆就食得架啦！配料：首推呢碟野入面有黑松露魚滑豆卜，呢個係超級好食其次佢左上面嗰兩款餃子都係非常好味，兩款都有係有黑松露，圓轆轆嗰個入邊仲有芝士添😝（黑松露同芝士都好正啊😙）呢
之前同朋友食過尖沙咀個間，經驗不錯。得知喺銅鑼灣開左分店，咁岩又去開銅鑼灣，點都要黎試下！
一行到入去，我覺得呢間餐廳最值得推介嘅地方，就係佢嘅服務。點解呢？因為無論喺帶位同落單嘅時候都係有一位職員全程協助我哋，令到我哋可以好快咁決定到食乜嘢。最好笑嘅係我去洗手間嘅時候，個職員竟然帶到我出餐廳外面嘅廁所門口，真係好貼心👍
入到呢間餐廳你會見到有一個好靚嘅吧，呢度嘅飲品（包括紅白餐酒，雞尾酒同埋啤酒）都係任飲架！！鍾意飲酒嘅你千祈唔好錯過。
坐低左之後，睇吓餐牌先，佢有好多唔同嘅火鍋湯底可以俾你選擇，今次我哋叫左台灣香辣三杯卜卜蜆涮涮鍋，而下面肉類我哋就揀咗101特選手工火鍋拼盤。
前菜：
麻辣手撕雞加木耳，手撕雞味道只係用芝麻醬加辣椒製成，小小辣都幾惹味。主菜：
台灣香辣三杯卜卜蜆涮涮鍋，呢個鍋睇落紅卜卜，但其實呢就唔係好辣嘅，佢有少少酒味，味道好似我哋平時食嘅海鮮鍋加清酒咁樣。裏面嘅蜆都好新鮮，但係記得唔好煮咁耐，一滾水啲蜆就食得架啦！配料：
首推呢碟野入面有黑松露魚滑豆卜，呢個係超級好食
其次佢左上面嗰兩款餃子都係非常好味，兩款都有係有黑松露，圓轆轆嗰個入邊仲有芝士添😝（黑松露同芝士都好正啊😙）
呢個安格斯牛肉好足料，牛味亦都好足，唔係一般嘅貨色👍🏻
呢度嘅魚皮同響鈴卷都係即叫即炸嘅，所以記得要即刻食唔好等，因為凍左就冇咁好食。而最得意嘅係個響鈴卷係有兩隻手咁大，朋友見到咁巨型嘅響鈴卷嘩嘩聲因為第一次見，但係食落都好有層次同鬆化👍🏻由於食完上面嘅嘢已經好飽，所以其他配料都係嗌左一個大蟹棒，紫薯水晶包，鱔片同脆骨腩。最有驚喜嘅係紫薯水晶包，煮完之後佢好似平時食嗰啲水晶包一樣晶凝通透，而且咬落去總會有好香嘅紫薯味，Yummy😋
食完野就梗係飲番杯啦，我哋嗌咗一個倒插沙冰，兩杯雞尾酒同埋一杯白酒。
雞尾酒嘅酒味唔重，女仔都啱飲👍🏻朋友叫咗一杯白酒，佢話味道都唔錯，如果唔係食咗咁多野都會嗌多一杯甜品：依度既甜品好特別，有珍珠奶茶布甸同埋香芋布甸可以選擇，
珍珠奶茶布甸個味道真係好似飲緊平時貢茶嘅珍珠奶茶一樣，不過就冇咁甜，都幾好味。香芋布甸嘅芋頭味非常濃郁，配搭杯上面嘅麥芽中和返味道，都非常之好味。總括來講，呢間餐廳嘅食物質量都好好味，配搭埋個夜景真係10分享受，以我所知餐廳有啲位置可以望海，下次book位嘅時候等我試吓book出邊先！
张贴
