101手工涮涮鍋 (金朝陽中心二期 - Midtown)

营业中

休息中

我好耐冇打邊爐呢，今次食呢間出名正嘅火鍋店，仲要係任食，岩晒大胃嘅我丫。店員先講解menu幫我地落好單後我地就等食啦，呢個時間拎埋醬料準備定開餐，注意要收醬料費啊，不過都好合理公道嘅。嗌了卜卜硯海鮮鍋，鍋內已有好多硯同食物，湯底係奶白色嘅，好味，硯很新鮮，很乾淨，任食餐包了不少食物，有黑毛豬豚肉，手打鮮蝦丸，墨魚汁鳥結糖，鯇魚片，酥化魚皮，黑椒鮮牛丸，手切肥手，美國超大隻桶蠔，鮑魚，馬刀貝，新鮮海蝦等等，食到飽晒丫，超級豐富。當中海鮮拼盤真係一定要嗌，全部都非常新鮮，海蝦好鮮甜彈牙，桶蠔最正好肥美，馬刀貝大大隻，另外手切嘅牛肉又特別好食牛味濃，蝦丸墨魚丸爽口彈牙，入面仲有芝士，全部都好好味，食到好爽丫，正丫。價錢公道嘅，一分錢一分貨，食物幾高質，新鮮，味道好食，吾錯嘅一間火鍋店。