101手工涮涮鍋 (金朝陽中心二期 - Midtown)

营业中

休息中

好朋友結婚派帖一行4人一齊食晚飯慶祝，第一次黎食，揀左紅燒牛肉鍋，鍋底好足料，大大舊紅燒牛肉，紅蘿蔔，番茄，洋蔥，娃娃菜等，好濃味！任食任飲食物新鮮選擇又多！火鍋配料比一般餐廳選擇多，紫薯水晶包估吾到好特別好好食！必try！飲品有non酒精同酒精，好飲！重點係服務好好，上菜又快，坐得舒服！剛剛到步有d小插曲，但當值的陳經理好好，幫我地settle左！雖然朋友原來忘記帶帖🤷🏽‍♀️，但大家都食得好開心！一定會再back🎉

今次我就試咗101呢個涮涮鍋lunch set佢可以揀一款麵加3款餸，連埋嘢飲，都係幾十蚊，超抵食😍佢有幾款湯底揀，我就叫左麻辣鍋同沙茶鍋，麻辣鍋好好食呀，湯底麻辣得嚟又唔會太油，可以就咁飲😋餸方面有肉類🐔，丸類🍢，蔬菜🥬等等，好多選擇飲品有冰茶🍹，倒插沙冰同盆栽飲品，款款都好特別㗎佢喺金朝陽中心29樓，靠窗位置好開陽，仲有啲景睇添🏙

成大班人晚飯最好既選擇梗係打邊爐啦。101既任食火鍋都幾抵，食物選擇多，肉既質素幾好，飲品有好多種，台飲，啤酒都有。食到好飽!!不過真係要早啲book, 我提早左兩星期book先有位。

一行四人其中有一個曾經食過都說不差，所以就決定了，主要也因為不限時、食物和酒品也是任食任飲，先說食物也是普遍的打邊爐主要食的（見相介紹），但說到飲品方面就的確有點驚喜，不但款式多而且也是非一般餐廳🍴酒樓可以供應，讚讚他們的手工啤酒🍻真不錯，叻外也有果汁汽水沙𣲙，這也是很讚的，就是任飲這個價錢也算是抵👍，再說說服務態度也很好👍，就像是酒店式一般的服務品質，待應會幫忙切嚮「令」，也會不時幫忙添水和把清理正打邊爐煱上的雜質，最讚的是環境也是四星級酒店般，26/F我們坐的單邊卡位對著維港的美境，真的是一餐舒服😌又有味覺、視覺的饗宴，相信會再幫襯的機會也很高呢

不要以為任吃就沒有質素保證，這家台式火鍋店製作認真，湯底款式甚多，特色有香辣三杯雞和卜卜蜆，台味十足。近期還新出了麻辣湯底，辣度適中，帶點甜，可能迎合了港人口味。店內安格斯牛頸脊真的不俗，鮮味有嚼勁，手工鍋拼盤有很多不同丸滑類，即炸魚皮和響鈴大大條，還有五十款火鍋配料任點，選擇豐富。飲品方面，多款酒精非酒精飲品無限暢飲，實行「莫使金樽空對月」。五人光顧，點餐如下：極上成人火鍋 x5（無限）5人份量配料醬料錢無限暢飲無酒精飲品、紅酒、白酒、雞尾酒、啤酒加一后，合共HK$2,326.5。

1個人的午餐，對住海景食午餐真係好舒服，又可以令我心情放鬆人都開心d，$55有麵底和可自選3餸仲有埋飲品，飲品也有不少選擇真係非常超值，味到好，環境靚下次會再黎

午市時間一行二人到101涮涮鍋食午餐，個火鍋可選擇3個餸，一個麵底和湯底，仲有很多不同款式飲品可供選擇，加上味道唔錯環境又靚都係$55，呢個午市火鍋真係值得再試

朋友飯局聚會，友人揀選了哩間銅鑼灣分店打邊爐，第一次試哩間店，經驗良好環境十分舒服，食物每一種都好靚，上碟有一種精品嘅感覺賞心悅目！先講打邊爐必食肥牛，賣想精美亦十分新鮮，滾一滾即食，入口溶化牛肉本身都好香。另外炸魚皮同埋個響鈴都好脆卜卜，新鮮製作，未記得影低佢哋已經食晒！個湯底有十種類選擇，相當吸引。 今次揀個長腳蟹手工火鍋，未開始放食已經非常香噴噴，一整個鍋都蓋滿長腳蟹令人回味，個火鍋味道好甜口，手工食料都很新鮮香濃！

前幾日趁得閒就約咗朋友去銅鑼灣食午餐，今次試左間CP值高的台式餐廳，價錢ok、份量大件！————————🔹 香辣三杯雞鍋 $55📍8.5/10午餐的一人一鍋配搭多樣，我揀咗香辣三杯雞湯配台灣渝川拉麵，配料就選了秘製雞件丶沙茶滑牛和魚腐～三杯雞湯好濃味，但不會太咸，配埋餸和麵食啱啱好❗️雞件超多，而且全部雞脾位，所以煮好耐都唔太韌，唔錯👍🏼滑牛切得幾厚，但事先用沙茶醬醃過，好入味😋魚腐一向是我的favourite，好彈牙，冇得頂😍最後，渝川拉麵真正！拉麵超吸汁，但不會軟爛，分量多到食唔晒😂🔸盆栽香芋珍珠（跟餐）📍9/10本身好鍾意奶類飲品，所以就揀咗奶茶系列的香芋珍珠～未飲已經聞到超香芋頭味，飲落濃到好似溶咗的香芋雪糕😍面上加了Oreo餅碎，兩者超夾又不會過甜～珍珠好Q，甜甜地好好味，喝到最後都無變硬😊

呢間係之前朋友向我推介原來CWB有一間台式邊爐食TEA好抵!今次已經係我第2次黎食!呢到既環境好好 坐得好舒服!午市TEA TIME佢都係免加一60幾蚊就有個邊爐(包3款餸)仲有一杯台式飲品啊!!呢杯飲品係唔需要另加錢架呢次我朋友係食麻辣湯底而我係食沙茶 我覺我沙茶湯底唔錯 幾濃味而麻辣就真係偏辣 係重慶果種 同埋都幾油下配料都係平時打邊爐既料就冇咩特別既但我就推薦番佢既台式雞件因為份量都算多 會有3-4件 仲大大件!!台式飲品方面都好多款選擇而我次次都忍唔住想叫盆栽珍奶系列OREO碎真係好好味!佢既特濃朱古力味道濃郁但可惜既係珍珠份量太少如果可以提供番多D就更好了閒日TEA TIME係CWB又想搵地方同朋友HEA住吹水我會選擇黎呢到同朋友烚下烚下!

銅鑼灣金朝陽中心食肆林立，今日食晏隨便選了一間火鍋店試試。這間火鍋位於29樓，起初還以爲可以一邊食火煱，一邊可以欣賞窗外的風景，可惜我們二人被安排坐了在門口位置，甚麼風景也休想看得到。除咗自選台灣火鍋，餐廳也有午餐定食，既然店名是涮涮鍋，心想當然要試試火鍋才對。一款湯底 + 三款餸 + 一款麵 + 一款冷熱飲品，也是承惠$55，這價錢來説非常合理。我的選擇如下：台灣豬骨清湯 + 精緻魚皮鮫 + 台灣沙茶滑牛片 + Q彈正方形魚腐 + 米線 + 熱水蜜桃水果茶朋友的選擇如下：花枝丸 + 蜂巢豆腐 + 娃娃菜 + 白飯 + 熱無糖茉莉花茶原來鍋裡還有少量配菜如粟米、蕃茄和芽菜，所有餸已經放進鍋裡，枱上亦一早放置了兩個gas 爐，點著火等湯滾起食物熟了就可以開餐，朋友要了蕃茄湯底，湯底有點過濃，所以所有食物只食到蕃茄味，最過份是白飯竟然是凍的，唯有叫人換過一碗，換來的是熱的但飯卻有點硬。我比較好彩，全部食物味道可以説是一般，以這個價錢是可以接受。

冇錯，又係打邊爐。近排涼涼地，最適合就係打邊爐。呢間雖然價錢係貴左少少，但的確係幾高汁😋😋😋因為我同個frd都未食過，一拎到個menu都唔係好知點叫，個職員見我地咁迷茫就主動過黎介紹，而且仲好詳細，又話埋比我地聽點先會再優惠啲，服務真係幾好。先講前菜，係可以任加嘅，有涼拌蓮藕同手撕雞，非常野味，又唔會太辣，我地encore左幾碟。呢度啲野飲都係幾特別，全部都係特色飲品，全部都可以任飲，仲有珍珠奶茶同埋紅酒，雖然好想試珍珠奶茶，但驚飲完太飽，所以最後都係放棄左。如果飲酒真心抵，可以任飲，可惜我同個frd都唔飲。打邊爐最緊要係個鍋，我地叫左個金蟬脫殼，即係冬瓜入面放左雞件仲有蟲草花煲嘅湯，清清地，個湯都幾鮮甜，雞件係可以refill，就算煲左一段時間，啲肉都好滑👍🏻👍🏻之後會配肉，因為兩個人可以揀一款，個frd揀左牛頸脊肥牛片，係厚切，又唔太肥，就算我唔太鍾意食肥牛，都覺得可以接受。每人仲會送一碟手工火鍋拼盤（即係手打丸同特色餃子）或者台灣夜市火鍋拼盤（滷水乜乜乜），我地兩款都有叫，其實全部都唔錯，最印象深刻就係黑松露餃，黑松露真心好重，好足料，而滷水最深刻就係雞翼，因為我未試過雞翼打邊爐

兩年前嚟過，覺得任飲任食好正，質素唔差又坐得舒服，所以今日有屋企人生日就嚟咗打邊爐。講咗收費先，每位$399加一，醬料每位$25。我哋叫咗酸菜白肉鍋，諗住係鼎王嗰款，不過原來呢度加胡椒，個鍋都幾多豬肉，仲有啲蕃茄同秀珍茹，唔錯。清一色要咗手工拼盤同牛肉，睇落唔多但因為食丸都好滯，所以最尾都食唔曬。嘢飲有好多款揀，不過水準一般，呢杯mojito同雪碧冇分別。反而甜水好味喎。職員態度大部分都好好，係有一個麻麻。環境就唔太好，唔關餐廳事，係格離枱旁若無人咁大聲講粗口，令我哋覺得好討厭。總結就係，如果想食得好啲，呢個價錢有更好的地方。

台灣涮涮麵lunch set ($55).性價比高的台式麵lunch set！呢個一人鍋份量都幾多，可自選麵、湯底同三餸，怕辣嘅小編就選左台灣沙茶湯，配台灣渝川拉麵，配料選擇幾多，基本上打邊爐會叫嘅丸同菜都有不過沙茶湯梗係要跟雞啦🐔雞件幾嫩滑，吃下去有點吃雞煲的感覺😂飲品方面，選了盆栽珍珠奶茶(不用加$!)，賣相很吸引，不過味道就只是不過不失👌🏽環境也很寛敞清潔，還可以看到維港😆回頭度高☃️.

我地1210入座 1218入單 1250收我地野逼我地走 . 明明話用膳1小時，佢地仲堅持已經1個鐘，講大話逼人走。就算多人等都好，我地食哂野都好，都需要時間休息下buffer 下，而家仲衰過催人走，最離譜嘅餐廳。