影片
更多
2018-11-13
810 浏览
冇錯，又係打邊爐。近排涼涼地，最適合就係打邊爐。呢間雖然價錢係貴左少少，但的確係幾高汁😋😋😋因為我同個frd都未食過，一拎到個menu都唔係好知點叫，個職員見我地咁迷茫就主動過黎介紹，而且仲好詳細，又話埋比我地聽點先會再優惠啲，服務真係幾好。先講前菜，係可以任加嘅，有涼拌蓮藕同手撕雞，非常野味，又唔會太辣，我地encore左幾碟。呢度啲野飲都係幾特別，全部都係特色飲品，全部都可以任飲，仲有珍珠奶茶同埋紅酒，雖然好想試珍珠奶茶，但驚飲完太飽，所以最後都係放棄左。如果飲酒真心抵，可以任飲，可惜我同個frd都唔飲。打邊爐最緊要係個鍋，我地叫左個金蟬脫殼，即係冬瓜入面放左雞件仲有蟲草花煲嘅湯，清清地，個湯都幾鮮甜，雞件係可以refill，就算煲左一段時間，啲肉都好滑👍🏻👍🏻之後會配肉，因為兩個人可以揀一款，個frd揀左牛頸脊肥牛片，係厚切，又唔太肥，就算我唔太鍾意食肥牛，都覺得可以接受。每人仲會送一碟手工火鍋拼盤（即係手打丸同特色餃子）或者台灣夜市火鍋拼盤（滷水乜乜乜），我地兩款都有叫，其實全部都唔錯，最印象深刻就係黑松露餃，黑松露真心好重，好足料，而滷水最深刻就係雞翼，因為我未試過雞翼打邊爐
因為我同個frd都未食過，一拎到個menu都唔係好知點叫，個職員見我地咁迷茫就主動過黎介紹，而且仲好詳細，又話埋比我地聽點先會再優惠啲，服務真係幾好。
先講前菜，係可以任加嘅，有涼拌蓮藕同手撕雞，非常野味，又唔會太辣，我地encore左幾碟。
呢度啲野飲都係幾特別，全部都係特色飲品，全部都可以任飲，仲有珍珠奶茶同埋紅酒，雖然好想試珍珠奶茶，但驚飲完太飽，所以最後都係放棄左。如果飲酒真心抵，可以任飲，可惜我同個frd都唔飲。
打邊爐最緊要係個鍋，我地叫左個金蟬脫殼，即係冬瓜入面放左雞件仲有蟲草花煲嘅湯，清清地，個湯都幾鮮甜，雞件係可以refill，就算煲左一段時間，啲肉都好滑👍🏻👍🏻
之後會配肉，因為兩個人可以揀一款，個frd揀左牛頸脊肥牛片，係厚切，又唔太肥，就算我唔太鍾意食肥牛，都覺得可以接受。
每人仲會送一碟手工火鍋拼盤（即係手打丸同特色餃子）或者台灣夜市火鍋拼盤（滷水乜乜乜），我地兩款都有叫，其實全部都唔錯，最印象深刻就係黑松露餃，黑松露真心好重，好足料，而滷水最深刻就係雞翼，因為我未試過雞翼打邊爐，估唔到又真係幾正。
另外再跟響鈴同鹹蛋黃魚皮，兩樣都好脆，響鈴仲勁大舊，食完已經飽左一半😂
以上果啲就唔可以免費refill，另外仲有平時果啲火鍋配料/菜等等，都可以refill。
其實講真是晒已經好飽，我地都係叫左一轉菜就冇再refill，戰鬥力極低🙈😂😂
最後仲會送甜品，有仙草芋圓，都好好食。
下次可以再戰！
张贴
