101手工涮涮鍋 (金朝陽中心二期 - Midtown)

营业中

休息中

兩年前嚟過，覺得任飲任食好正，質素唔差又坐得舒服，所以今日有屋企人生日就嚟咗打邊爐。講咗收費先，每位$399加一，醬料每位$25。我哋叫咗酸菜白肉鍋，諗住係鼎王嗰款，不過原來呢度加胡椒，個鍋都幾多豬肉，仲有啲蕃茄同秀珍茹，唔錯。清一色要咗手工拼盤同牛肉，睇落唔多但因為食丸都好滯，所以最尾都食唔曬。嘢飲有好多款揀，不過水準一般，呢杯mojito同雪碧冇分別。反而甜水好味喎。職員態度大部分都好好，係有一個麻麻。環境就唔太好，唔關餐廳事，係格離枱旁若無人咁大聲講粗口，令我哋覺得好討厭。總結就係，如果想食得好啲，呢個價錢有更好的地方。