101手工涮涮鍋 (金朝陽中心二期 - Midtown)

营业中

休息中

香港地一大班人gathering通常都少不免係打邊爐呢間101手工唰唰鍋都唔係第一次食㗎啦但之前食開嘅都係尖沙咀厚福街分店今次就朋友過海嚟到銅鑼灣發現原來同尖沙咀好大分別！首先係地理位置銅鑼灣呢間分店係喺金朝陽中心樓上有去過嘅都知道金朝陽中心上面嘅食肆大部份都係走fine dining路線我哋之前喺尖沙咀分店食都有包房今次亦都唔例外但今次見到間房之後真係嘩咗出聲差唔多係全海景房就算唔包房坐出面嘅都有個露台仔可以出去吧枱度chill去過呢間分店真係返唔到去尖沙咀嗰間啊嘢食方面都係一貫嘅精緻同埋好食卜卜蜆煲一定少不得啦

朋友生日，可是他比較忙，於是我們約他lunch break 在他公司附近食。搭升降機來到時，我完全被這風景震撼了。藍天碧海和水泥森林的風景一覽無遺。光是環境都已經贏左。起初我以爲是墊枱紙，原來是點餐紙。最開心是偏食的我可以剔除葱和芽菜。😆三餸一麵和飲品都係$55。明明身處在銅鑼灣地段，我沒想到咁便宜。我點了沙茶湯，餸是餃子、蜂巢豆腐和菜。麵是台灣渝川拉麵。沙茶湯幾甜，喜歡甜的人值得試一試。蜂巢豆腐都有層次的口感，但未算是我食過最有質感的。餃子應該是冷藏的，但質素不差。皮幾滑👍🏻樣樣餸都只有兩舊，不過菜意外的多，而且還有粟米。🤤菜配沙茶湯都幾清甜。朋友的邊爐鍋。光是看到背後的風景，食咩都正啲。可能比較少見，結果大家都叫台灣渝川拉麵。個拉麵是中華風的白拉麵。麵身滑又入味，食到最後都不太淋而變了一餅。不錯👍🏻愛文芒果沙冰就是芒果汁混汽水，可能我不慣這組合，所以不太喜歡。盆栽珍珠朱古力好大杯👍有朱古力味，而且有朱古力碎和珍珠，令口感不會乏味。計埋加一，每人$60都算抵。

湯底靚用料精的火鍋店唔難搵，但要去食得舒適，有靚景又有服務，仲有特色飲品的火鍋店，我就第一時間會諗起101。一如以往，一入門口就係闊落舒適的裝修，仲有半海景！一坐低當然係先點一杯飲品，欣賞下環境，慢慢點餐。平時鍾意飲酒同珍珠奶茶的我，雖然今次只能熱飲，但都有唔少選擇。再來就係前菜三小碟，最鍾意個雞絲，甜甜地又辣辣地，好開胃。醬料都好講究。今次我地試左三杯雞湯底，味道好香好濃郁，有少少微辣，好惹味。而且雞肉仲好嫩滑添！主菜可以揀牛同豬，貪心的我地當然兩樣都要。牛肉好新鮮好靚，肉味濃郁。令人更欣賞的是，黑毛豬肉都好滑溜，油脂好香。又係上次的組合，大家都好回味充滿特色的手工併盤。果然無令我地失望，賣相都係甘精緻。手打丸同魚膠超級彈牙，確係百試不厭。炸魚皮同響玲都有一定水準。雖然套餐內容已經超豐富，但如果夠胃口，仲有好多食物可以無限追加的。其他火鍋料整體質素都唔錯，不過不失。好喜歡呢間食店，水準夠穩定，總唔會令我地失望。

同老公撐枱腳，我地吾好西餐，中午飯又要坐得舒適，又吾想食西餐，即刻諗起101火煱，事關我好鍾意食米線。今日上到去，侍應帶我地行到好入，轉彎再轉彎，嘩😍，海景。黎咁多次都吾知道呢間野咁大而且有少許海景。老公原本想叫豬骨清湯台灣面，俾我 band 左。 當然轉左我推介既沙茶湯底跟米線😁。湯頭濃郁野味，米線"朔"晒D湯味， 👍。餸可以選三款。但就吾好叫餃子，其他都 okay. 個人推介沙菜雞件，好似有成隻雞下脾，加上好入味，😋。老公話牛肉片好滑好好味，想下次三味餸都係牛肉片。仲跟一特色飲品，老公叫忌廉芒果沙冰。一大杯，加樽忌廉倒插入冰度，又凍又有汽又好味！我叫的檸檬柑桔沙冰加雪碧。同樣好味。每份餐$55加一。真正係平，靚， 正！

中午黎過好多次，第一次寫食評。一再 encore 皆因平靚正。有火煱同 set lunch. set lunch 不太受歡迎， 個個都係叫火煱。所為火煱係未煮既面底，餸連湯一人一鑊上台，自己控制火喉。食到一半先記得影相😅三杯雞湯底豬骨湯底海底有好多款，吾食辣既我建議你叫三杯雞湯底，每次我都叫呢個。另外兩個吾辣既湯底我未試過，不過同事就試過話好淡。其他辣既都好惹味。面底我就鍾意米線，索左D湯好正。另一個熱門係出前一丁。台灣面試過麻麻。餸又有好多款式，推介雞，魚腐，生才，千萬吾好叫餃類。另付少量配菜，粟米，蕃茄，芽菜等等。每人係填一張A4紙上選擇自己既面，跟著係有另一張飲料紙，飲料一枱人填一張。又係好多款，大大杯好有特式，加埋一先$60.5. 坐得又舒服！

Came here twice - first time was taken by a friend and the second time was for my birthday! The restaurant got a great view of the skyline of Causeway Bay and Victoria Harbour. They offer a all-you-can-eat and drink package. Great drink options - from Mojitos,Sangria to Bubble tea in a pot! For food, they started with offering you a platter of High quality beef and pork, then a platter of gourmet dumplings and hand-mashed balls.Their fried bean curb roll (響鈴）was the best I have ever tried in my

銅鑼灣金朝陽中心一向都多嘢食 今次又跟班同事食好嘢首先上到29樓 呢間嘢有寬闊玻璃可以睇到落街(可惜唔記得影😂)叫左個3餸蕃茄火鍋米線(鮮魚片, 魚皮餃, 台式雞件), 鮮魚片唔好叫, 好腥😢, 魚皮餃同雞件都唔錯, 蕃茄湯低清甜但差左少少蕃茄味, 整體好好食完真係好飽 重點係有特飲跟住, 我叫左杯雪碧青蘋果沙冰, 飲埋飽到行唔郁, nice!

以為只是普通的火鍋店，想不到食落有驚喜我倆人叫了一個紅燒牛肉湯底，湯看上濃郁但喝下去清甜，大家想要少少辣味可以選中辣！小辣一點都不辣啊😂魚皮十分之好食！另外推介的還有巨峰提子沙冰👍🏼可選配不同既汽水 十分有創意！我們試哂忌廉，雪碧，可樂，發現提子意外地與可樂好配，其次是忌廉，配雪碧就跟出面的梳打沒分別..偏向普通了一點。另外服務更是冇得彈 服務員們都十分好友善，餐牌上有不明既地方都好耐心解答💞

環境不錯，坐得幾舒服。火鍋配料幾特別，有一些外面吃不到的丸類，適合一些喜歡試新野的食客。飲品方面，有些特色飲品不太好喝，點翻啲正常既飲品比較好。還會送甜品，冰冰的仙草來完結火鍋都不錯。

香港人真係好鐘意打邊爐, 連lunchtime都可以打一人邊爐! Lunchset $55101呢個lunchset真係好抵, 三個餸加麵, 仲有特色飲品, 係銅鑼灣黎講性價比算係好高。而且餸既種類好多, 一定會揀到啱食既野。 香辣三杯雞湯底 - 唔辣但係夠曬濃味, 令到所有餸同麵都入到味。 秘製台灣雞件 - 幾滑, 煮得耐都無變韌, 亦都無雪味。 粟米件 - 好清甜爽脆, 薄薄地食得好方便。 娃娃菜 - 好新鮮, 淥耐咗好軟好入味。 個湯底本身仲有其他配菜, 例如蕃茄同芽菜。而且個麵既份量好多, 一個人食會好飽。

銅鑼灣覓食～自己無睇清楚介紹，估計餐廳環境一定好靚所以走去食呢間一坐底⋯得任食火鍋🤦🏻‍♀️🤦🏻‍♀️🤦🏻‍♀️因為對任食火鍋既質素無咩信心食材通常都一般睇埋menu 都唔算平，要成400幾蚊一位不過餐廳入面環境都唔錯晚市又唔多人，咁就試試佢😂😂😂晚餐MENU 只得任食火鍋套餐（$428/位）包任飲但今日佢無酒供應，所以每位減左$50即（$378/位）但佢個套餐好少選擇因為一黎個煲入面已經勁多野食有好多都唔係自己想食既野我地得2個人食完呢煲野都想飽哂但又嗌唔到extra 想食既野🤷🏾‍♀️🤷🏾‍♀️🤷🏾‍♀️個煲一黎到就勁多料🤨🤨🤨又丸又菜仲有好多雞我地揀左台灣香辣三杯雞湯底係好味既但啲料唔太得雞無咩味，其他配料都係中等貨式未見太新鮮響鈴勁大舊魚皮都脆台灣夜市火鍋拼盤呢個都幾特別好似滷水拼盤咁全都是滷水：雞翼，雞蛋，豬腸，豬耳，牛肚等味道不錯，幾好食😋😋😋101特選手工拼盤肉丸幾新鮮個餃都好好食但最尾已經食唔落了🙈🙈🙈 汽水任飲火鍋拼盤每2位可揀一盤肉類我地揀左安格斯牛頸脊新鮮好味道最後仲有燒仙草甜品呢個味道唔錯唔會太甜打完邊爐食涼浸浸咁佢既前菜都好好味都係任食既總括黎講環境服務都係中上但食物就

之前朋友帶我去過今朝陽中心樓上食台式火鍋晚餐，一吃難忘。在OpenRice搜尋一下，發現這裏的午市套餐只需$55就可以有一鍋火鍋，非常抵食。湯底五款，我選了麻辣湯底，麻香十足，辣度剛剛好，吃得我熱血沸騰，非常惹味。麵底六款，我想了渝川拉麵，比較變身，我第一次吃這一種口感的拉麵，非常彈牙。套餐可以配配料三款，如果想另每款$8 ，總括而言配料新鮮，好彈牙，優質嘅食材配搭令人回味嘅湯底。朋友點左台灣豬骨清湯，配想讚岐烏冬。豬骨香味四溢，湯底麵底和配料真材實料，令人欣喜。呢度嘅環境好舒服，而且每人幾十蚊就可以食到咁優質嘅火鍋，真係銅鑼灣午餐恩物！

銅鑼灣真係好有口福，因為呢度嘅美食林立，今日歸為父親嘅大日子，由佢話事食咩菜式，佢話打邊爐就最正！於是我哋喺101手工涮涮鍋訂咗枱，之前嚟過今朝陽中心，發現呢度瑰麗堂皇，坐喺餐廳內，絕對係會有俯瞰銅鑼灣嘅感覺。午餐配有一款湯底+3款餸加一款麵加冷熱飲品等於$55 ：午市嘅火鍋非常平靚正，我地仲額外選咗其他配料（每款$8 ），平均都係每人70幾蚊就可以揀到我最鍾意嘅配料，而且午餐仲係一人一鍋，完全有獨食嘅開心感覺！我嘅湯底係台灣沙茶湯，沙茶味濃配上白飯一流，火鍋配料裏嘅花枝丸，唐生菜，蜂巢豆腐，日式芝士丸等每一樣都非常新鮮，爽口又彈牙，最重要係一邊滾一邊食，熱辣辣得令人非常幸福。午市抵食，又係一個好去處。

近排天氣都好凍，同朋友食飯都想打邊爐烚下烚下！今次就同朋友試左呢間係金朝陽中心既101手工涮涮鍋。入位後好快就有店員講解下火鍋既食品同要額外收費既食品，我地見到款式都好多，所以都無額外加其他湯底或者食物。我地就選左店員推介既冬瓜卜卜蜆海鮮鍋，湯底好足料！而火鍋主食可以選手切安格斯牛頸脊肥牛片或台灣滷水拼盆，我同朋友當然每款各一啦！手切安格斯牛頸脊肥牛片好新鮮，而台灣滷水拼盆都好特別，有滷水雞腎，滷水豬耳，滷水大腸，滷水蛋同牛肚，都真係第一次打邊爐配滷水！我自己好鐘意湯底個冬瓜好鮮甜！而值得一讚既係食左一陣就有店員問需唔需要將冬瓜同嚮鈴卷剪開，因為冬瓜係一大片同嚮鈴卷係XL size的！！除左呢啲外，仲有一份101台灣手工特選拼盆，最特別既有墨魚汁鳥結糖同太極冬茹。其實食到呢到已經好飽！但係，但係仲有任食既火鍋材料同免費飲品同酒。我地當然都試下啦！盆栽珍珠奶茶好睇又好飲，岩飲酒既朋友都可以試下白酒！係店主推介嫁！最後仲試左個紫薯水晶包，呢個一定要試！紫薯味夠香又唔會太甜，食到最後做甜品剛剛好！

已經唔咪第一次黎呢道食😆 決定比個正評佢，really worth it~! 佢好快滿座，我通常都1215到，咁就唔洗等位👍🏻食咁多次menu still the same，有5個湯底揀。我最鍾意香辣三杯雞湯，辣度大概系譚仔5小辣，但佢唔系麻辣~! 麵底6揀1，我揀渝川拉麵。佢唔同日本拉麵，佢似扁身既硬米線，好彈牙👍🏻 配料有30樣揀，可以揀3個。鴨胸同章魚餅都好食。蜂巢豆腐口感得意。最重要系佢系29樓，好高有靚景，相信夜景一流👍🏻