101手工涮涮鍋 (金朝陽中心二期 - Midtown)

营业中

休息中

之前去台灣嘅時候，發覺當地人好鍾意晏晝打邊爐，所以搵到呢一間餐廳我覺得好開心。因為佢價錢唔貴簡直就係台北嘅價錢，而且食物質素同台灣嘅打邊爐亦都有得比，所以我就成日嚟嘅。今次介紹呢個湯底就係蕃茄湯底，面就叫左公仔麵。材料方面我就揀咗芝心獅子狗，唔錯，如果大家食厭左米線可試試，呢度仲會送一杯嘢飲，幾有特色，性價比高。可以一試，所以喺度推薦比大家，但係地點有少少唔方便，喺銅鑼灣登龍街，仲要上樓，所以多人嘅時候都要排幾耐隊㗎。

晚餐幫襯過一次呢間台式all you can eat涮涮鍋，今日經過發現原來午餐都好抵食。Lunch Set $55已經包括一款湯底、一款麵底、三款火鍋配料以及一杯台式飲品。今日喉嚨痛，放棄了台辣湯底試下豬骨清湯，麵類選擇了有特色的來又唔駛另外加錢的台灣渝川拉麵，火鍋配料方面選擇認真豐富，最後選擇了魚片頭、秘制雞件同埋油麥菜。清湯底不過不失，至少沒有味精感。渝川拉麵是類似台灣牛肉麵入面的寬身手工拉麵，幾有嚼勁，個人十分鍾意。飲品方面全部無酒精飲品都不用價錢，我試咗個盆栽珍珠奶茶賣相味道都不錯

午餐都可以打邊爐？！無錯，午餐想打邊爐，可以黎呢間位於銅鑼灣登龍街，上29樓，不單可以嘆午餐，仲有靚景睇！有些位置仲可以望到海景，真係不錯！但午餐得一小時會不會怕趕唔切，會食得好急？唔會，因為上菜時間快，所以唔洗擔心有多款配料選擇，配凍飲不用加錢配料:秘制台灣雞件+日本芝士竹輪卷+午餐肉+米線配蕃茄湯底台灣雞件嫩滑，湯底較濃蕃茄味配料:黑椒台灣腸+Q彈正方形魚腐+冬菇雞肉餃+台灣渝川拉麵配沙茶湯底(蕃茄和粟米是原先湯底已有，不用另加)熱辣辣既邊爐，最岩配一杯凍飲，這杯珍珠奶茶舖上朱古力餅碎，口感一流如果唔想飲凍飲，亦有熱飲選擇，這杯水蜜桃🍑水果茶，不過比較淡味總括:午餐配靚景，不錯之選

突然想打邊爐同事就帶我來到101手工鍋 話午餐好抵食，因為驚好多人排隊，我地提早10分鐘來好彩即刻有得入。佢有五個湯底俾你揀，配料都有成32款。我當然係揀食麻辣鍋啦，不過有啲越食越鹹。個set入面包左唔少手工製既精品火鍋料，牛既我就梗係揀左圖中既牛頸脊肥牛片，食落好高質，有肉味又唔會韌，淥幾下就食得個隻，唔怪得無得無限追加。賣相和味道也不錯啊！最想推介比大家係佢唔只任食，仲酒類飲料都任飲，而且係好味架！下次還會繼續來。

套餐入面首先會包左一個前菜手撕雞或者麻辣木耳，然後就會上個鍋，個鍋其實都有好多選擇，好似有三杯雞、卜卜蜆煲、麻辣雞或者酸菜白肉鍋等等。我就揀左比較濃味既三杯雞鍋，啲雞好入味，湯底有少少辣，好惹味！👍🏻揀完鍋就可以揀肉，套餐入面每兩位就會送一盤牛肉或者豬肉，嗜牛既我就梗係揀左圖中既牛頸脊肥牛片，食落好高質，有肉味又唔會韌，淥幾下就食得個隻，唔怪得無得無限追加😣除左肉類，套餐仲每位包左手工火鍋拼盤，即係有啲肉丸同包餃既。或者夜市火鍋拼盤，例如滷水豬耳、鴨舌、腎片等。今次我就揀左前者，呢個拼盤啲餃子比較特別，有黑松露蟹肉餃、黑松露芝士豚肉餃咁，雖然就唔係好食到黑松露味架喇，不過味道都唔錯既！🖤之後就可以無限添加一啲平常既火鍋配料，好似蔬菜、麵類、仲有一啲肉類同餃子添，其實真係超多野食，我食完套餐既野都已經飽左八成😂 最想推介比大家係佢唔只任食，仲酒類飲料都任飲，而且係好味架！特別推介佢支白酒，好甜好易入口，好難相信比人任飲既酒係咁好味🥂然後因爲太好飲，我個晚⋯⋯係飲到醉左😅（少少姐😛）

環境很不俗，冷氣真係好勁，等緊朋友嚟之剪，真心係寒寒地。服務細心，提我幾次可以先點飲品。食品也很好，海鮮都幾新鮮，牛肉豬肉的質素也好。唯一感覺青菜，茹類的選擇不多。酒精，cocktails 類飲品好正！朋友試的沙冰系列都幾好。當晚後來無左原來的白酒，原來的house wine 都好的，轉左另一隻就差左好多。星期四晚都唔多酒，呢點係要改善一下的。老友聚會的話，一定係我top 5 之內，不過，缺係太難訂位了，尤其是星期五晚！

Lunch Set 午市套餐Cost💰: $551 soup base + 3 kinds of ingredients + 1 type of noodles + drinks一款湯底+三款餸+一款麵+飲品Basically a one-person hotpot with an extensive choice of ingredients! 又平又多選擇湯底- 香辣三杯雞友人選番茄湯底🍅麻麻地，食得辣可選香辣三杯雞湯麵條- 公仔麵想食特別啲，但又唔想加錢嘅foodie可以試台灣渝川拉麵配料- Q彈正方形魚腐- 日式芝士竹崙卷- 台灣沙茶滑牛片認真講啲配料名都係gimmick，但湯底好，落簡單嘅配料已經可以好好食飲品- 盆栽特濃朱古力珍珠除咗普通嘅茶水供應外，可以免費揀沙冰類、盆栽奶茶、水果冰茶等飲品加上，我哋假日去由午飯時候坐到差不多下午茶時段都無人趕。呢一餐真係好抵食

約左一班朋友食飯，雖然唔係好舒服，但係朋友係要見架😚遲左收工，出到去朋友已經開動左，好彩無限時，唔係我應該要被逼放飛機🙈嗌左兩個鍋，一個酸菜鍋，同一個麻辣鍋。我當然係揀食麻辣鍋啦😋不過有啲越食越鹹。個set入面包左唔少手工製既精品火鍋料，仲有安格斯牛！安格斯牛係正既，肉味濃，唔錯👍🏻手工火鍋料，好多都係有黑松露餡👍🏻正呀👍🏻不過其實啲手工火鍋料都大舊，同埋似丸咁，有啲滯胃。響鈴普通料，反而炸魚皮有驚喜！係鹹蛋黃！可以就咁食！當然都有無限追加既普通火鍋料野飲方面，因為唔舒服只係飲左熱飲，友人s試左手工啤，沖繩啤，紅酒，評價都不錯👍🏻糖水仲開心，有芋圓！整體黎講，如果係飲得之人，呢度食住飲又無限時，係抵既。🤗不過如果唔好杯中之物既，就可以唔試，因為呢個價錢又無海鮮，唔太抵🙈

下雨天有點寒，找個藉口lunch time 去食台式火鍋 暖一暖胃， 刺激下味蕾, $60 一人一鍋 包三款配料 , 麵食方面、有公仔麵， 米線， 拉麵等等 再加飲品, 還有30層樓的開揚景， 真是超抵!餐廳入面的冷氣超寒， 所以先叫了熱飲台式水果茶 我叫了沙茶湯底， 沙茶味香濃; 裡面有牛肉，台式雞件， 魚餃…… 牛肉是厚切的， 很嫩滑; 雞件是秘製醃過的， 很好味同事叫了蕃茄湯底 ， 賣相和味道也不錯啊！如果不想打邊爐 ，還有以下台式飯或麵 選擇！

有個鐘意搵食既同事好處係，你午餐唔洗煩食乜⋯同事一早決定左食佢，嘩，12未夠已經排隊？好西利，諗住佢未必好好食！（因為上菜好快）嘩，一個面自選3款料，再加埋個台式食品，都只係$65 ，我眼都突埋⋯唔怪之得同事要早到黎拎定位，咁平！但點知又幾好食，個台灣面好彈牙！個湯底不錯，我叫左辛辣既，好夠味，完全唔需要再點醬油，因為夠曬咸！佢個沙茶牛片好食，但第二次去既雞件就麻麻地！野飲，你都知依家閒閒地都$30 杯，佢包埋一杯，唔係hea 架喎，抵讚！呢間一定會返去再食啦！

服務態度佳、食材新鮮，飲品多樣，CP值高！一食再食都唔膩帶不同朋友來試過多次唔一樣既湯底鍋，上菜速度快，唔洗等咁耐先至可以食到嘢，但最好事先訂位、peak time 時如果冇booking會等左好耐。If you are the HotPot and vegetable lover, this restaurant is definitely one of all you may want to try! Taiwanese style food and drink, all you can enjoy upon package you selected, also included variety of base soup taste for your different needs.

首先個打邊爐係一人一鍋，唔使爭。個lunch set最抵嘅地方係 > 可以揀湯底飯定面再加三個餸都係55蚊 仲要係包埋杯大大杯台式特飲。如果食得少少辣就可以揀三杯雞或者係沙茶醬湯底唔食得辣嘅呢就番茄湯底都唔錯 飲品方面試左 炭燒咖啡珍珠或者朱古力珍珠都幾特別， 配番個咁濃味嘅火鍋其實就啱啱好喇真係冇諗過，我哋十二點四攞位，仲有位(( ps. 因為係冇得預先book嘅,,所以大家要walk-in呢,,就真係要趁早)) 十二點半去個洗手間嘅時候，已經見到大排長龍可能係星期五卦, happy Friday 大家快啲去試

><自選台灣涮涮麵($55)湯底+麵底+三款配料一人一鍋 有gas爐keep住煲滾湯底有辣同唔辣款式相中係田園新鮮蕃茄湯底 仲有大大嚿蕃茄示意麵底要咗台灣渝川拉麵 餸就有秘製台灣雞件 日式章魚餅 粟米件餐飲唔係普通咖啡奶茶有凍花茶 台式特飲揀想一路食午餐一路睇靚景 提早book位 睇下留唔留到窗邊位><><><><><><><><><><><><><><101手工涮涮鍋銅鑼灣登龍街1-29號金朝陽中心2期29樓全層

突然想打binlo 同事就帶我嚟到101手工鍋 話lunchset好抵食 因為驚好多人排隊 我地提早12.嚟 好彩即刻有得入🥳🥳🥳🥳我第一次食 聽同事推薦叫左三杯雞湯底米線 配料係芝士竹倫 生菜🥬 滑雞件😝😝 鍋好快就到🥰 因爲我另外加左雞 所以有好多雞件 食落辣辣地好惹味 雞件好滑 整個鍋好豐富 又有菜又有肉 可能因為我食得慢 米線被湯浸淋曬 辣味入曬去🤭🤭🤭飲野我就叫左盆栽珍珠奶茶😝😝😝 賣相好令 因為果陣我好口渴好快飲左 吾記得影相😂😂 呢個lunchset真係好抵食🥰🥰🥰👍🏼👍🏼👍🏼推薦:⭐️⭐️⭐️⭐️

黎過好多次。點解會繼續嚟？全因佢lunch，性價比高。$55加一。有得涮又有杯嘢飲。仲要杯嘢飲係特飲。又有view。好抵呀！佢有五個湯底俾你揀，配料都有成32款。餐飲都好有誠意。次次我都叫豬骨清湯， 配雞肉，牛肉，油麥菜同拉面🍜。同香芋珍珠盆栽🎍。因為覺得叫兩個肉，堅係抵食同飽肚🤣🤣🤣（胃口比較大成日驚食唔飽🤪🤪🤪）-牛肉都算滑，但份量就會少啲。-雞肉都大件厚肉，但就要用多啲時間去淥熟。要俾啲耐性等。朋友叫咗三杯雞湯底，小辣，有三杯雞味（你知啦$55）令我決定下次都叫三杯雞湯底。又有得食，又有得淥，又有得飲，又有景睇。性價比真係好高。$55，真係抵。