麵家

营业中

休息中

呢排成日落雨又天氣悶熱有時唔想食得咁Heavy就會好想食下麵呢條街本身都多嘢食同埋都幾方便-🍜 咩都有麵見到呢間係主打湯底聽講每日熬製至少8個鐘叫咗個咩雞白湯底飲落濃淡適中真係可以食完個麵再飲晒成個湯底而個人最鍾意係個牛腩！！唔知係咪因為係慢煮嘅關係同平時食嘅牛腩真係有啲唔同雲吞係超大粒✨佢哋仲有特登用返本地麵廠嘅麵都覺得真係幾好希望都可以多啲香港舖頭支持番香港出品🫶🏻-🍜 紫薯咖喱併牛腩貢丸撈麵撈麵個湯係會分開上所以感覺好似多咗一個item而平時嘅咖喱薯仔用咗紫薯取代薯仔咖喱汁分開上可以自己調校辣度辣辣地拼埋牛腩貢丸好惹味如果都未夠 枱面都仲有辣菜脯供應😆-呢間價錢唔算貴平時食香港粉麵嘅舖頭可能比較有啲年代感而呢間比較新式舖面乾淨食物份量都適中雖然飲品選擇唔多不過都有顧及到唔同人嘅需要去開銅鑼灣值得試下💕

呢間隱世雲吞麵店真係有驚喜！叫咗個三拼組合，招牌櫻花蝦雲吞配牛筋牛肚，湯底揀咗雞湯米粉。雲吞皮薄餡靚，一啖咬落去，櫻花蝦嘅鮮味即刻爆出嚟，仲有啲脆脆哋嘅口感，正！牛筋煮得啱啱好，淋得嚟又有咬口；牛肚吸晒湯汁，好入味。最正係個雞湯，清得嚟好濃郁，飲得出係真材實料煲出嚟。 另外試咗魚湯河粉配慢煮牛腩，魚湯奶白色，鮮味十足，同牛腩嘅油脂香出奇地夾。牛腩煮到好淋，入口即化，河粉索晒湯汁，好滿足！ 仲叫咗碟菜心苗，青綠爽脆；最後飲杯濃滑豆漿，完美！呢度嘅食物樣樣都睇得出用心，絕對值得再encore！

想喺銅鑼灣搵返碗有誠意又有新意嘅麵，甘就要去麵家喇，地點方便，環境乾淨舒適，無論快閃醫肚定慢慢歎都啱晒！🐮招牌櫻花蝦雲吞配秘製慢煮牛腩麵加牛丸呢碗麵最驚喜一定係個湯底，雞白湯每日熬至少8小時，湯底可以飲哂都唔會頸渴。牛腩自家慢煮到入口即化，肉味濃郁，牛丸彈牙多汁，再加上櫻花蝦雲吞勁大粒，最欣賞呢度係仲有得揀波菜麵！🍛紫薯咖喱雙拼撈麵（揀咗金錢肚同牛筋）新出紫薯咖喱撈系列✨咖喱香濃微辣，平時咖喱入邊嘅係薯仔，呢度竟然係用咗紫薯好清甜，揀咗米粉撈咖喱索晒啲醬汁，金錢肚同牛筋炆得夠腍，吸收晒咖喱精華，入口即溶，配埋撈米粉一齊食，惹味又特別🥬時令油菜另外要飲食均勻，嗌咗碟油菜又健康麵家每一道都用心炮製，無論創新配搭定傳統滋味都照顧到，價錢合理，份量十足。下次經過銅鑼灣，記得嚟歎返碗高質好麵啦！

冇諗過銅鑼灣有一間懷舊港式粉麵，性價比極高，環境非常乾淨企理，係銅鑼灣嚟講，價非常合理親民，係良心小店🫶🏻。嘢食仲非常有誠意，雞白湯底係熬足八小時以上，好新鮮，仲要有新鮮自家製雲吞，慢煮牛腩😍，連麵都係用超過50年老字號永樂，河粉更加係超過70年的雙喜，真正香港制造❣️1️⃣ 雙拼-招牌雲吞櫻花蝦配貢丸- 幼麵（雞白湯湯底）大大粒新鮮雲吞，新鮮蝦肉無霉味，而且非常足料，皮薄餡靚😋😋😋，貢丸完全冇雪藏味，好香同好新鮮，幼麵非常彈牙，果然係老字號😌！湯底更加唔使講，非常香，每一啖都係足料雞湯嘅味道，完全冇添加冇味精😋，好飲到當湯飲🤤🤤🤤2️⃣ 雙拼撈麵-招牌櫻花蝦配秘製慢煮牛腩- 幼麵（雞白湯湯底）秘製慢煮牛腩有啲驚喜，牛肉超嫩，唔會好難咬，好好食！一碗雲吞雞，白湯再加一碟牛腩撈麵，配埋自家製菜脯，每一啖麵都撈埋菜脯食，超好食呀！😳 食得出連啲菜脯都係好新鮮，大大粒！真係好味到成碗湯都飲晒🫶🏻🫶🏻🫶🏻3️⃣ 時令油菜食港式粉麵點少得一碟油菜😂價錢非常合理👍🏻👍🏻

每次經過「麵家」都見人頭湧湧，尤其見到港式粉麵配雞白湯底好特別，今晚終於試吓！這次點了 𝗪𝗵𝗮𝘁 𝘄𝗲 𝗼𝗿𝗱𝗲𝗿𝗲𝗱⟡‧₊ 火辣紫薯咖哩雲吞雙拼撈麵$71（另加$10慢煮牛腩，$12轉蝦籽麵）⟡‧₊ 招牌櫻花蝦雲吞雙拼(另加$10金錢肚)⟡‧₊ 時令油菜-菜心苗 $22⟡‧₊ 紅茶花伝檸檬紅茶 $15/支「咖哩撈麵」唔算太辣，港式咖喱惹味，加入紫薯蓉同紫薯粉，意外地呢個配搭又唔錯！餐廳自己忟嘅牛腩牛味濃郁唔韌。自家包嘅雲吞最有驚喜，大粒又彈牙，好大隻蝦仁放喺入面真材實料🐮 蝦子麵做撈麵亦係一絕🦐雞白湯以大量雞殼、雞骨、雞肉熬足8小時，冇味精，食完個麵完全可以飲晒。本身期望係比較濃郁嘅雞湯底，但原來湯底走健康清甜路線。雲吞同牛肚味道符合預期，但個人認為咖喱紫薯撈麵會更有特色😆

銅鑼灣登龍街真係好多好野食，當中有唔少食麵嘅餐廳，呢一晚試咗一間主打港式粉麵嘅小店。餐廳佈置簡約，地方唔太大，但環境舒適好坐。秘製慢煮牛腩麵（$58）- 據聞餐廳特別呢個慢煮方法，令牛腩入口特別嫩滑。湯底特別點咗餐廳嘅招牌雞白湯，呢個雞白湯熬湯8小時以上，唔怪之得味道咁濃郁啦。最重要係冇落味精，感覺健康好多。咩都有撈麵（$86）- 加咗$12要咗蝦子麵，味道非常之惹味，配上多款唔同嘅材料，包括牛腩、牛丸、雲吞、魚蛋、墨丸、貢丸等，好有驚喜。除咗牛腩之外，特別要推介吓佢嘅牛丸，入口彈牙juicy。另外佢嘅雲吞大大粒，係自家製，非常之足料。另外要讚一讚佢嘅麵非常高質，原來用上老字號永樂粉麵廠，唔怪之入口咁彈牙好味啦。香脆魚皮（$22）- 份量好多，魚皮大大塊，入口非常之香脆好味，絕對係必食推介。

最近經常去銅鑼灣呢間麵店，午市都幾多人排隊。叫咗招牌雞白湯雲吞麵，同埋招牌雞白湯慢煮牛腩麵。兩款都好有驚喜，首先個湯好鮮甜，飲得出係有心機煲出嚟，而雲吞每一粒都好似乒乓波咁大粒入面足料鮮蝦亦都彈牙。慢煮牛腩牛味香濃同埋軟腍，雖然份量唔係話好多，男士未必夠食。呢個價錢呢個質素喺銅鑼灣嚟講10分唔錯，會再回頭幫襯。餐廳座位坐得比較迫，食麵食食吓都會食到好熱。不過都想支持吓有心機做嘅小店。喺餐廳follow 社交平台仲會送一份香脆魚皮。

呢間粉麵一直都好想去食，今日終於有機會啦！招牌櫻花蝦雲吞拼牛筋粗麵先講咗個湯底，濃郁而不油膩，味道清新。雲吞皮薄透，口感鮮美，人手包好大粒。牛筋軟嫩，好入味。再加埋永樂麵家嘅粗麵，整體出色，連個湯底都完全飲哂。秘制慢煮牛腩拼牛筋河粉自家製嘅牛腩同牛筋炆得好嫩滑入味，河粉使用了超過70年老字號的雙喜河粉，口感十分滑順。香脆魚皮魚皮香脆，搭配燒烤味Shake Shake粉，讓魚皮的脆感更加突出。呢一餐雖然簡簡單單，但所有食材都好高質，絕對值得一試。

麵家位於銅鑼灣登龍街一條好多拉麵同中式面食嘅集中地選址就已經好大競爭我好想試佢哋嘅牛腩但不幸今日OT太夜已經賣晒我叫嘅係麵家嘅雙拼撈麵叫左碗櫻花蝦雲吞魚蛋蝦籽麵個蝦子麵係本地老字號面廠出品加上時令油菜整體感覺幾好暖笠笠而且個湯底好味蝦籽麵麵質好彈牙有嚼勁上面都有好多好多蝦籽特別係麵底醬汁設計得幾用心麵係食嘅時候唔會太乾保持左適當嘅濕潤感 碗麵亦配上左大地魚雞白湯雲吞放入湯令熱度釋放雲吞的皮薄但入面超級足料內餡有鮮蝦和豬肉碎味道不錯大地魚雞白湯味道比較濃成個撈麵好有層次感期待吓下次再黎可以食到佢最出名嘅牛坑腩啦

呢間麵家主打雞白湯底拼港式粉麵~佢哋嘅雞白湯🐔用超過8小時熬製而成，濃而不膩~飲完唔會口乾真係心機之作招牌櫻花蝦雲吞撈粗加牛筋（雞白湯底）- 個雲吞真係超大粒，一啖真係食唔曬~入面用新鮮豬肉配上蝦仁同埋櫻花蝦味道更加豐富~🦐特別推介佢哋嘅牛筋係超軟腍QQ又夠入味，滿滿嘅骨膠原~秘製慢煮牛腩麵加金錢肚 （大地魚雞白湯底）- 加入咗大地魚嘅湯底味道更加濃郁~牛腩有得揀肥瘦好貼心，食落夠腍~（悄悄話：好食過好多所謂嘅名店特別係歌賦街嗰間，十幾年前仲係正常依家不知所謂，排隊貼錢買難受，唔建議）乾麵用咗永樂粉面廠嘅質素有保證~ 撈粗真係爽口又彈牙，加埋甜豉油同埋少少佢哋嘅自製菜脯 yumyum ~ 💖幾欣賞呢個港式小變化，為平日簡單嘅一餐注入新驚喜~而且店鋪夠乾淨，食都食得安心啲

之前Bookmark想去食這間小店，因為好多人食，要避開人潮！我們一試愛上這個雞白湯底(⁎⁍̴̛ᴗ⁍̴̛⁎)無論食材、用料都比足心機，值得支持用心製作食物的小店！ 首先雞白湯用了大量雞骨雞殼雞肉熬煮8小時以上，第一啖有被驚艷到，湯頭非常鮮甜，而且雞味濃郁！！店員告知飲完可以再添飲，湯怪表示好開心！另外自家製慢煮牛腩更是有別於一般粉麵店的做法，無論是肥瘦也好，口感也是很Juicy！自家包的雲吞也是很推薦，裏面滿滿的食材，一整隻蝦、蝦籽、豬肉，口感很紮實！而且面底的用料是採用香港製造的老字號永樂粉麵廠，河粉亦是本地老字號雙喜，整個就是很Local香港的感覺( ´▽` )ﾉ我很喜歡這個期間限定的火辣紫薯咖喱撈麵，真的有紫薯的味道，而且不算太辣，咖喱的味道很好，希望這個期間限定可以轉為長期菜式就好了！炸魚皮也是非常適合配這個雞白湯！價錢參考：

新派港式情懷粉麵店主推兩款港式粉面，分別有自家炆製慢煮牛腩和自家製新鮮雲吞。招牌櫻花蝦雲吞全自家製作，加入了櫻花蝦，食落較平時的更鮮更香口。除了使用整粒蝦外，雲吞的size是平時的兩倍，粒粒都又大又足料。自家炆製慢煮牛腩可揀肥腩或瘦腩，配上來自本地有半世紀歷史的永樂粉麵廠所製的面，滿滿港式情懷，配上秘製帶甜的頭抽醬汁，非常美味。不論點了湯麵或撈麵，一定要試佢地個每日堅熬8小時嘅雞白湯，湯頭鮮甜又美味，鐘意濃味少少嘅，可以點加大地魚雞白湯，鮮甜更加突出。湯頭全用新鮮食材，不加任何味精，可以全部飲哂。餐廳有個shake shake炸魚皮，有三款調味粉可以選擇，分別有BBQ、Wasabi、梅子粉，餐廳會提供紙袋供客人自己shake。依加只要follow佢地IG，就有一份免費炸魚皮。餐廳的自家制辣椒醬和辣菜脯都一定要試埋，雲吞和牛腩點上自家大辣椒醬，提鮮之餘又令胃口大增。辣菜脯鹹鮮又惹味，如果有得買返屋企就好啦。招牌櫻花蝦雲吞麵 ($48) 秘製慢煮牛腩撈麵 ($66) 時令油菜 ($22)炸魚皮

好耐冇嚟登龍街，咁啱見到有間新開張嘅餐廳就入咗去試叫咗一碗招牌雲吞大地魚雞白湯粗麵另外一碗招牌牛腩雞白湯幼麵啲雲吞入邊嘅蝦完全唔爽，粗麵Overcook淋到好似發泡膠咁，大地魚雞白湯係OK嘅有大地魚味同雲吞幾夾牛腩麵嚟到見到個樣已經心知不妙，食落口真係成嚿擦子膠咁，呢舊肉真係慢煮？普通雞白湯冇乜特別，唔係日本拉麵嗰種風味，反而成碗嘢最好食係個麵出到嚟即刻入去OpenRice望吓，原來新開張已經有80幾個好評，早知就做咗功課先🫣平時都懶得出post，但係呢間太伏，要行動表達下

麵家嘅環境好舒適，服務員態度和藹親切！我鐘意佢哋嘅乾麵選用近半世紀歷史的”永樂粉麵廠”，而河粉係超過70年的”雙喜”，絕對係香港制造，香港🇭🇰口味！我同朋友的都叫咗無味精嘅濃厚雞白湯，慢煮熬製超過八個小時，湯頭真係美味十足，真係湯底都唔好放過！我叫咗碗咩都有麵，選取蝦籽麵，入面有雲吞、墨丸、牛丸、魚蛋、牛腩、貢丸，本人最愛佢嘅墨魚丸，真係鮮味爽口而且好彈牙。我朋友叫咗招牌師傅親手包嘅櫻花蝦雲吞拼墨丸和魚蛋，選取幼麵，雲吞大大粒，而且有櫻花蝦嘅鮮味包你食過返尋味。時令油菜係菜心苗，好嫩有光澤而家Follow 社交平台贈送香脆魚皮呀，大家唔好錯過啦

銅鑼灣登龍街呢間雞白湯粉麵，麵底係採用香港製造嘅永樂同雙喜製麵廠。招牌櫻花蝦雲吞拼牛腩$65第一碗就揀左大地魚雞白湯招牌櫻花蝦雲吞拼牛腩，櫻花蝦雲吞好大嚿，咬落多汁啖啖肉。大地魚雞白湯同雞白湯相比，多左層魚味，飲落鮮甜。枱面仲有菜脯任加。火辣紫薯咖喱三拼撈麵$106另外揀左佢嘅限定紫薯咖喱撈麵，呢個撈麵咖喱汁同出面嘅好唔同，混合咗紫薯喺入邊。食落甜中帶香辣。搭配埋牛味濃郁嘅牛腩、牛筋同牛丸。而蝦子麵係用本地永樂粉麵廠！撈麵唔乾，推薦大家可以揀蝦子麵。撈麵仲會送埋雞白湯，仲可以添飲，充滿骨膠原。