麵家

营业中

休息中

麵家價錢: $48/ $48好味程度: 3.7/5服務🍴: 3.7/5環境🗾: 3.7/5性價比🥢: 3.7/5回頭率😚: 3.7/5-位於登龍街的麵家，係新式d的餛吞麵店，湯底特別用雞白湯熬製，同平時嘅就咁大地魚湯唔同。麵條又揀選香港本地出品嘅永樂麵家同埋雙喜，誠意十足。-✅招牌櫻花蝦雲吞麵。湯底主打雞白湯，飲落去感覺清爽，味道偏甜，有別於平時大地魚嘅鹹鮮味，呢款係容易可以飲晒嘅湯底👏🏻麵條雖然用上本地品牌，但當日叫咗嘅幼麵比粗麵出色，幼麵尚算爽口，鹼水程度可以接受。但粗麵就比較軟同一pat pat，可能只起咗一段時間，有人叫嘅時候再加湯落去導致知口感冇幼麵咁好🥲-成碗最出色嘅一定係雲吞！大粒！有平時雲吞的1.5倍！皮薄，做到金魚尾的收尾，證明包得唔錯。咬開入面見到原隻蝦好有驚喜🤩加上豬肉餡料都有落到櫻花蝦同埋蝦子，成粒雲吞好濃先，好食🤤-✅牛肚麵。佢哋呢度係有分牛肚同埋金錢肚，今次傻豬揀咗牛肚🙂‍↕️牛肚比較腍身，不過入味嘅程度會比金錢肚更高。金錢肚就比較爽彈，呢隻草肚味道正常，口感差啲。呢款牛肚麵嘅湯底都係同雲吞麵一樣。-去開嗰頭想食啲傳統嘅麵，呢間都可以回頭，不過下次就可以試吓撈

平時唔知lunch食乜好，可以試下雞白湯麵🍜真係好吸引！我試咗佢哋嘅咩都有麵，有瘦牛腩，肉質嫩滑，配搭上自家新鮮包嘅大大粒雲吞，真係一口咬落去，好大隻蝦。仲有慢煮牛腩，經過自家炆製，味道更加入味，絕對係肉食者嘅最愛。佢哋嘅招牌雞白湯工序繁複，日熬至少8小時嘅湯底，湯底清澈，味道濃郁，可以飲哂，真係一絕！另外，佢哋嘅撈麵都唔少得，配上大地魚雞白湯，味道清新。撈麵細幼，吸收咗秘製頭抽醬油，咬落去唔會膩，反而令我越食越開心。飲品方面，我選擇咗紅茶花伝檸檬紅茶，酸酸甜甜，啖啖清新，正好可以解膩。再加上冷萃烏龍茶，清香四溢，飲落去心情都好好。值得一提嘅係，呢間餐廳仲保留住港式情懷，佢哋嘅麵係超過50年老字號永樂製造，而河粉係超過70年嘅雙喜，香港製造，真係讓人感受到濃濃嘅本土味道。

見到火辣紫薯咖哩雙拼撈麵，特別試吓！真係好驚喜！咖哩醬香濃，微辣帶甜嘅口感絕對令人食指大動。裡面嘅秘制慢煮牛腩軟滑入味，牛肚嚼落去有彈性，味道真係一絕。另外，想方試吓呢個出名無味精濃厚雞白湯！湯頭濃郁鮮味，完全飲得出有幾多雞嘅精華喺厚度爆出嚟！原來係每日用咗50公斤嘅雞新鮮熬製！非常出色，一定要試！招牌櫻花蝦雲吞皮薄餡多，蝦仁鮮甜；而墨魚丸咬落去充滿彈性飲品方面，紅茶花伝檸檬紅茶，完美中和咗咖哩嘅火辣感，如果有港式凍檸茶更加好！最後，香脆魚皮作為小食，口感極佳，咸香可口，絕對係開胃之選。整體而言，呢一餐不單止味道出眾，食材搭配亦好有心思，佢嘅辣椒油仲有菜脯都好好食！非常推介！

如果你係一個港式粉麵愛好者，呢間小店絕對值得試！一踏入店內，環境乾淨企理，帶住一絲懷舊氣息，但又唔失時尚感，令人感覺 舒服又溫暖。呢度主打 秘制慢煮牛腩米粉 同 招牌櫻花蝦雲吞拼撈麵，單睇名已經夠吸引，試過之後更加 回味無窮！🤤🔥🥩 秘制慢煮牛腩米粉——牛腩炆足時間，肉質 超級軟腍，入口即化，完全唔需要費力咬，每一啖都係 濃郁牛香，滲透入雞白湯底！湯底 日熬至少8小時，味道順滑鮮甜，冇味精嗰種假滑感，真材實料 飲完暖住個心！🥰🍜 米粉吸湯力強，柔軟細膩，夾埋牛腩一齊入口，真係 幸福感爆棚！🦐 招牌櫻花蝦雲吞拼撈麵——雲吞係 每日新鮮手包，皮薄餡靚，咬落 鮮甜多汁，仲帶有淡淡櫻花蝦嘅香氣，絕對係店家嘅心機之作！撈麵方面，選用 永樂粉麵廠 出品嘅麵條，爽口彈牙，索住秘製撈汁，每一啖都係 濃厚港味，配埋櫻花蝦雲吞，口感更有驚喜，一啖雲吞、一啖撈麵，簡直 完美搭配！😋🔥整體而言，呢間小店唔單止有 港式粉麵靈魂，仲對食材極度講究，堅持選用 香港製造 嘅麵條同湯底，真正做到 有心有情味！💖✨ 無論係 午市、下午茶定晚餐輕食，呢度都係唔錯嘅選擇，食得出店家嘅誠意，絕對值得一試！

CP值極高，值得推薦嘅港式情懷店🇭🇰麵係超過50年老字號永樂、河粉係超過70年雙喜，全部本土香港制造！招牌雞白湯日熬8個鐘，主打無味精，我最後飲哂湯底😝 一定要試呢度嘅慢煮牛腩同雲吞💯 牛腩自家炆，勁淋，每件肥瘦適中兼有少少根，有咬口，雲吞大大粒，每日新鮮包，一粒雲吞比得上出面兩粒雲吞，每一粒雲吞都有一大隻蝦同好多肉餡，真係好好味🤤 唔單止嘢食，呢度環境都好好，好有氣氛充滿港式情懷，懷舊感十足，打卡一流💪🏻以下是圖中菜式及參考價錢💵・　咩都有麵 ($78)・　雙拼招牌櫻花蝦雲吞拼秘制慢煮牛腩蝦籽麵 ($65+12)・　香脆魚皮 ($23)・　壹品豆漿 ($12)・　冷萃烏龍茶 ($15)

招牌櫻花蝦雲吞拼魚蛋河(55hkd) 選了雞白湯，呢個湯工序繁複，日熬至少8小時，無味精，湯底飲哂都唔會好口渴，必加菜圃好惹味，雲吞大大粒，有原隻蝦肉、蝦籽，新鮮自家包，魚蛋QQ彈彈有魚味秘制慢煮牛腩拼牛筋麵(65hkd)選了大地魚雞白湯，比起雞湯多了一個魚香的層次，個人更喜歡呢個，慢煮牛腩比一般更軟腍，亦不會黐牙，牛筋好軟菜心苗加腩汁(22hkd)好青綠爽脆，腩汁不會太咸～Ps.附近返工想清清地食一餐，呢度是好選擇#foodiblum港式

店鋪人情性小店，裝潢充滿香港情懷，感覺乾乾淨淨，用餐企理衛生，枱面有提供醋、辣油和菜脯自行添加。招牌櫻花蝦雲吞拼秘制慢煮牛腩金錢肚河粉湯底揀左大地魚雞白湯，味道清甜濃厚，鮮味十足。櫻花蝦雲吞相當大粒，自家新鮮製作，櫻花蝦有效將豬肉餡既鮮味帶出。慢煮牛腩肉煮得軟腍，瘦肉和肥膏比例分佈都幾靚下，加上有一定厚度，食落都幾滿足，推薦必試。招牌櫻花蝦雲吞拼牛筋墨丸河粉湯底揀左雞白湯，日熬至少8小時，湯底完成飲清光。牛筋口感軟淋，煮得相當入味，入口即融，牛味濃厚。墨丸爽口彈牙。時令油菜可以選擇腩汁或蠔油，菜心苗色澤翠綠。壹品豆漿 / 雀巢皇室奶茶

銅鑼灣登龍街又多左間晚餐輕食小店，環境企理夠乾淨，主打港式粉麵有自家炆嘅慢煮牛腩，每日新鮮包既巨型雲吞🍜 雙拼撈麵($63起)加多$12就可以升級50年本地老字號既永樂蝦籽麵🦐 牛筋反而比牛腩有驚喜，炆得好軟爛而且更加入味，牛腩叫多肥可能會比偏瘦好🐮 雙拼湯河($55起)呢到個招牌湯底係熬足8粒鐘既雞白湯 好誇張🐔 雲吞雖然得兩粒 但真係超大粒而且入面仲有櫻花蝦，鮮味十足！油菜($22)仲可以加腩汁 惹味好多～

今次我地去門銅鑼灣呢邊，之前經過登龍街呢邊見到呢間食麵既餐廳成日都好多人排，今次我地就過黎朝聖下🍜餐廳環境有復古既港式車仔麵既味道，圓枱圓凳，有少量bar枱，地方相對比一般既車仔麵店都乾淨同埋新淨，而餐枱有辣醬同菜脯比客人自己落🇭🇰雙拼麵（$55）招牌櫻花蝦雲吞，金錢肚（+$10）其中一碗揀左雙拼麵，湯底可以揀大地魚雞白湯，或者雞白湯，呢碗揀左魚湯，個湯幾鮮甜，餸揀左佢地既兩款招牌，櫻花蝦雲吞同金錢肚，粒雲吞超級大粒，兩粒雲吞佔左個碗既3份1 size，裡面爆多肉汁，帶有d櫻花蝦味，皮簿餡靚鮮味十足，金錢肚夠曬爽口，點d辣醬食岩曬🥟咩都有麵（$78）呢個麵同個名一樣，咩餸都有，分別有雲吞，墨丸，牛丸，魚蛋，魚片，牛腩，貢丸，湯底揀左雞白湯，湯底相對比較濃厚d，丸類口感幾彈牙，同埋都幾有味道，最正係個牛腩，佢落單時可以揀肥或瘦，而我就冇特別指定，所以唔算好肥，牛腩充滿香濃牛味同埋肉質好嫩☺️Shake Shake魚皮（follow 社交平台送‼️）如果follow餐廳社交平台就可以有一客魚皮送，有燒烤味同芥末味揀，我地揀左燒烤味，落左味粉又幾過癮，乾食比較好，放湯就唔建議落味粉，我下次sha

港式粉麵係傳統香港特色，好值得保留呢個港式情懷。位於銅鑼灣呢間麵家，懷舊裝修，又靚又乾淨。我特別鍾意佢哋嘅湯底。店員仲同我哋介紹，雞白湯底每日用8小時熬製，全無味精。而麵條係用咗老字號永樂。服務態度真係好好，用心介紹，令到我覺得更加值得食。招牌櫻花蝦雲吞拼秘製慢煮牛腩湯面首先雲吞真係好大粒，証明餡料真係落足料，豬肉打得足爽口，加埋櫻花蝦增加咸鮮味，令到味道更加有層次。雲吞皮夠薄，而且唔會煮到過淋，所以食落有口感，唔會一夾就爛。牛腩是高質嘅清湯腩，入口即溶，肉味同牛脂味留係口腔好耐，夠淋真係好緊要，呢個質地係靈魂。三拼撈蝦籽麵 牛筋拼招牌櫻花蝦雲吞拼秘製慢煮牛腩配一個大地魚雞白湯，味道梗加濃烈，濃郁嘅雞白湯再加上大地魚嘅鮮味，淨飲都可以飲三碗。撈面可以揀蠔油撈同腩汁撈，隨個人喜好。菜心苗加2支豆漿食多個港式麵檔靈魂油菜，滿足。

好友話銅鑼灣《麵家》選用「永樂粉面廠」的乾麵並每天用超過8小時熬製的雞白湯湯底鮮甜，無添加味精夠健康。餐廳裝潢新族乾淨企理，服務不錯。我們點左咩都有麵$90：蝦子麵味香濃滑順，配牛腩、牛丸、魚蛋、雲吞，全部鮮甜味美，超大粒雲吞好正、牛腩入味腍滑，湯底清甜好味我全部飲晒。三拼米粉$78 ：牛腩好腍好入味，牛丸、魚蛋，米粉索湯精華好好味。香脆魚皮$22：鬆脆可口，風味獨特，是我至愛小吃。壹品豆漿$12：豆漿香濃不過甜好飲。可口可樂$10：冰涼解渴。

之前一直都想試呢一間麵舖，今次終於有機會啦，餐廳主打港式牛腩雲吞麵麵，但係質素超高，仲有自家慢煮牛柳，同埋每日新鮮包嘅雲吞，至於湯底方面呢就採用雞白湯，冇用味精，每日新鮮熬製，而且採用老字號永樂舖頭嘅麵底今次呢就叫咗個三拼湯麵配菠菜麵，三併：墨魚丸，鮮肉櫻花蝦雲吞，慢煮牛腩,雲吞面薄餡靚，每一拉採用櫻花蝦+豬肉為餡，超級大粒好足料，至於慢煮牛腩，肥瘦均勻，肉質鬆軟，雞白湯唔經唔覺飲晒成碗，菠菜麵麵質好彈牙，正！另外呢就試咗，餐廳新出嘅火辣紫薯咖喱撈，三併配蝦子撈麵，小編就叫咗個咖喱分開上，一碗嘢就有兩個食法，首先食咗啲蝦子麵+蝦卵先，兩者之間好有口感+濃嘅香味，之後再撈埋啲咖喱汁，而金錢肚同牛筋撈埋個汁之後，提升咗個層次，牛筋口感Q彈嫩滑，入口即溶最後仲加咗個小食，炸魚皮配Wasabi粉，好邪惡啊，唔經唔覺食咗好多🤗

一向對港式粉麵興趣不大被熬煮8小時以上雞白湯底吸引飲完第一啖湯weee 我對港式粉麵改觀了🤤兩款招牌湯底雞白湯同大地魚雞白湯平時食開日式拉麵嘅雞白湯通常好濃厚，飲幾啖湯我就半飽🙈呢到係輕盈舒服既風格，完全唔膩成功挑戰飲晒成碗湯🤤餸菜可以車仔麵咁自由配搭特別推薦軟滑牛筋～大大粒足料雲吞，好香櫻花蝦味（之前見過店員即場新鮮包雲吞）自家秘制慢煮牛腩，有嚼勁，肉味重全部份量十足無諗過下午茶都咁豐富🤣餐廳用嘅粉麵來自永樂同雙喜香港老字號，堅持香港製造本土品牌當然值得支持🥹🥹希望小店長做長有繼續有屬於香港嘅味道🫶🏻

非常欣賞麵家嘅創新，將香港情懷嘅牛腩麵，配上自家真熬雞白湯。餐廳環境乾淨企理，主打無味精兼日熬至少8小時嘅招牌雞白湯底。另外慢煮牛腩和雲吞都係自家製，麵係用超過50年老字號的永樂粉麵廠, 河粉係超過70年的雙喜粉麵廠，香港制造，品質一定有保證。招牌櫻花蝦雲吞魚蛋撈麵：雲吞係自家新鮮包，饀料選用新鮮豬肉，配上鮮蝦和日本櫻花蝦，一次過食到兩種口感及味道，雲吞好大粒，口感同味道都充滿層。麵條加上蠔油，美味彈牙。跟撈麵的雞白湯非常鮮味，飲得出無味精，真係可以成碗飲哂。招牌櫻花蝦雲吞墨魚丸河：呢個湯底係招牌雞白湯加大地魚，除咗有鮮味，仲有大地魚香味，雙喜牌河粉吸收湯底，又滑又鮮味，墨魚丸亦好彈牙，油菜：菜心色澤翠綠，口感爽脆、軟硬適中。豆漿：甜度適中有豆香味。

以為係普通一間麵檔，點知的確有好大驚喜牛腩非常出色，仲可以揀偏肥定偏瘦嘅牛腩鍾意食呢款炆煮肉嘅人，我梗係叫肥腩啦個慢煮牛腩自家製，一咬溶化😍😍😍乜都有啲菠菜麵菠菜麵需要加錢買全部肉丸都好彈牙😍嗰粒自己新鮮包雲吞有驚喜 入面大量蟹籽 口感一絕湯底冇味精，飲咗好多都唔頸渴最平嘅雲吞麵都係$48順帶一提，樽裝汽水都係$10支平過我琴日食個間火鍋店😂環境又舒服 舖頭又骨子企理兩個人一人一碗 加嘢飲同菜埋單人均唔過$100😂相信好快會再幫襯！