麵家

营业中

休息中

平時唔知lunch食乜好，可以試下雞白湯麵🍜真係好吸引！我試咗佢哋嘅咩都有麵，有瘦牛腩，肉質嫩滑，配搭上自家新鮮包嘅大大粒雲吞，真係一口咬落去，好大隻蝦。仲有慢煮牛腩，經過自家炆製，味道更加入味，絕對係肉食者嘅最愛。佢哋嘅招牌雞白湯工序繁複，日熬至少8小時嘅湯底，湯底清澈，味道濃郁，可以飲哂，真係一絕！另外，佢哋嘅撈麵都唔少得，配上大地魚雞白湯，味道清新。撈麵細幼，吸收咗秘製頭抽醬油，咬落去唔會膩，反而令我越食越開心。飲品方面，我選擇咗紅茶花伝檸檬紅茶，酸酸甜甜，啖啖清新，正好可以解膩。再加上冷萃烏龍茶，清香四溢，飲落去心情都好好。值得一提嘅係，呢間餐廳仲保留住港式情懷，佢哋嘅麵係超過50年老字號永樂製造，而河粉係超過70年嘅雙喜，香港製造，真係讓人感受到濃濃嘅本土味道。