麵家

📍Shop 3, G/F, V Point, 18 Tang Lung Street, Causeway Bay銅鑼灣登龍街18號V Point地下3號舖---Step into this cozy noodle haven and you’ll be greeted with the aroma of slow-cooked broths and freshly wrapped wontons. Min Gaa’s dedication to traditional Hong Kong-style noodle craft shines through every dish.🍽️ Highlights:• 🦐 Signature Sakura Shrimp Wonton Noodles 招牌櫻花蝦雲吞河粉A must-try! Juicy handmade wontons infused with sakura shrimp aroma, paired with silky rice noodles and a rich, MSG-free chicken broth simmered for 8 hours.• 🐮 Beef Brisket Noodles 秘製慢煮牛腩河粉Tender, slow-braised brisket with balanced fat and lean cuts, served in a comforting broth. The beef melts in your mouth while the noodles soak up all the savory goodness.• 🥬 Seasonal Cooked Vegetables 時令油菜Fresh greens served with your choice of oyster sauce or beef jus. A light and refreshing complement to the rich noodle dishes.• 🥛 Soy Milk 壹品豆漿Smooth and nutty, this house-made soy milk is a perfect non-caffeinated pairing with your meal.• 🍵 Cold Brew Oolong Tea 冷萃烏龍茶Fragrant and chilled, this tea offers a refreshing finish with floral notes and a clean.---✨ Summary:🍜 Noodles: Silky & satisfying🦐 Wontons: Juicy & aromatic🐮 Brisket: Tender & flavorful🥬 Veggies: Fresh & light🥛 Soy Milk: Smooth & creamy🍵 Oolong Tea: Cool & fragrantMin Gaa 麵家 is a celebration of Hong Kong noodle culture—simple, soulful, and expertly crafted. Whether you’re craving comfort or exploring new flavors, this spot deserves a place on your must-eat list!…查看更多

好耐冇去登龍街食嘢 呢到開咗好多間新嘢突然好想食粉麵我地就決定試試呢間麵家因為我地比佢既雞白湯吸引左😍😍😍餐廳裝修好有香港情懷 入面又好乾淨企理👍🏻櫻花蝦雲吞魚蛋米粉 我揀左大地魚雞白湯我見佢menu介紹佢既雞白湯底係每日用超過50公斤嘅雞殼 雞肉同埋雞腳熬製超過八個鐘頭👍🏻味道超級濃！！飲一啖成個人都暖笠笠 最好係佢有得無限refill啲湯😍😍雲吞超級大粒 係人手包 入邊仲有櫻花蝦櫻花咬落去個口感同平時食雲吞完全唔同好足料 魚蛋都係好彈牙 仲叫咗一個雙拼嘅慢煮牛腩牛肚麵慢煮牛腩肉質好腍好入味👍🏻餐牌都有介紹麵廠 兩間都有好多年歷史一間係永樂粉麵廠 另一間雙喜粉麵廠係品質嘅保證👍🏻👍🏻👍🏻我地另外叫咗個菜心苗有得揀腩汁或者蠔油 腩汁好香牛味😋最重點係！菜脯好好食！簡直係畫龍點睛見到隔籬枱食撈麵好似都好好食下次試埋佢嘅魚皮先😋😋😋如果夜晚唔想食太heavy呢間絕對係晚餐輕食之選👍🏻👍🏻👍🏻…查看更多

今日 同皮姐喺銅鑼灣一齊拍拖呢去咗美食街之稱嘅登龍街 食午餐呢度嘅環境裝修 好有港式嘅情懷主打嘅麵條 係採用咗接近半世紀本地近五十年歷史嘅 永樂粉麵廠可以按個人喜好 揀最愛嘅麵款呢幼麵粗麵河粉米粉 蝦籽麵菠菜麵仲可以揀大地魚雞白湯 或者魚湯-Assorted Stirred Noodles ($96)咩都有撈麵 ($96)首先揀麵底 仲可以自揀醬汁 最後就揀個湯底啦單睇賣相就已經贏晒 成件事真係好豐富 超讚哇我就揀咗個最愛嘅撈粗麵 配上雜感丸類 於一身雲吞墨丸牛丸 魚蛋牛腩同貢丸 真係要咩有咩唷丸類各有一粒 對吃貨嚟講 份量多啲就更加好呢值得一提 啲牛腩有得揀肥同瘦 而食落好腍身呀雲吞 係自家即日包㗎 真係超大粒同埋好足料啊大地魚雞白湯 日熬製咗至少八個鐘 飲落好鮮甜-Signature Sakura Shrimp Wonton Stirred Noodles ($68)秘制慢煮牛腩麵 ($68)麵質口感彈牙 軟硬度適中 而牛腩炆得好腍身呀加埋自家製嘅鮮辣菜脯 令成件事 食落更加惹味-Fish Skin Crisps（$22）香脆炸魚皮（$22）麵家同調味超人合作 有Shake Shake魚皮揀咗香港本土調味料品牌 無味精且無增味劑啊只用天然調味提升口感 有燒烤味同芥末味揀吖-Cold Brew Oolong Tea（$15）冷萃烏龍茶（$15）Kochakaden Lemon Tea（$15）紅茶花伝檸檬紅茶（$15）…查看更多

🍴 招牌櫻花蝦雲吞拼魚蛋+墨丸蝦子麵 ($80)雲吞係每日新鮮自家包，櫻花蝦爆鮮爽口！配永樂50年老字號蝦子麵，蛋香紮實，煲熬足8小時嘅雞白魚湯，飲晒成碗都唔口渴！🍴 秘製慢煮牛腩+牛丸菜底 ($70)慢煮牛腩係自家炆製，淋滑得嚟牛味十足！朋友唔食魚，所以試咗雞白湯底，都超濃厚！掛湯力爆燈，港式情懷滿分！🍴 香脆魚皮 ($22)魚皮炸到金黃脆卜卜，蘸濃湯三秒入口，半脆半軟勁過癮！椒鹽鹹香帶微辣，送豆漿或冷萃茶都一流～🍴 壹品豆漿 ($12) + 冷萃烏龍茶 ($15)📝 總結麵家堅持用香港老字號麵條同自家製食材，雞白湯底真材實料飲得晒！店內裝修乾淨企理，懷舊得嚟有格調，無論係lunch快食定晚餐輕食都係理想之選，絕對係銅鑼灣有心小店！.............................. 麵家 (銅鑼灣)地址📍: 銅鑼灣登龍街18號V Point地下3號舖總評分: 8.4/10 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️💫服務👨🏻‍🍳: ⭐️⭐️⭐️⭐️💫衛生🧹: ⭐️⭐️⭐️⭐️抵食💰: ⭐️⭐️⭐️⭐️…查看更多

這間是一間真材實料，誠心製作嘅小店，內裏的裝修比較特別，而且感覺舒服，非常乾淨整潔，裝飾比較港式情懷，小店使用嘅麵是超過50年老字號永樂，而河粉就是用超過70年老字號雙喜，全部都是香港製造。這小店是可以任何時間嘅選擇（午餐好去處、下午茶必吃及晚餐輕食之選）。🌸三拼-招牌櫻花蝦雲吞+秘制慢煮牛腩拼牛筋🌟🌟🌟🌟🌟🍀大地魚雞白湯濃郁大地魚味道帶出雞白湯嘅鮮甜味，湯底完全冇加味精，而且飲完可以refill🍀招牌櫻花蝦雲吞大大粒招牌櫻花蝦雲吞，味道非常鮮甜，而且蝦仁比較爽口彈牙，咬開見到滿滿的櫻花蝦，每一粒雲吞都是店家自家新鮮包的。🍀秘制慢煮牛腩（瘦啲）秘製慢煮牛腩，都是店家慢煮炆出來的，還有得選擇肥啲或瘦啲，這碗就選擇了要瘦啲，肉質非常鮮嫩可口，牛肉味非常之濃郁。🍀牛筋牛筋同樣炆得夠入味，而且夠軟糯。🍀轉-菠菜麵 +$10青BB嘅菠菜麵，麵質硬適適中，而且有淡淡菠菜味道。🌸三拼-招牌櫻花蝦雲吞+秘制慢煮牛腩拼金肚🌟🌟🌟🌟🌟🍀雞白湯招牌雞白湯工序繁複，日熬最少8小時嘅湯底，湯底完全可以飲得晒，味道非常鮮甜濃郁，雞味到非常突出，飲晒完全唔會口渴，還可以refill。🍀招牌櫻花蝦雲吞必吃招牌櫻花蝦雲吞，每一粒都大大粒，口感非常豐富，雲吞皮非常薄包裹著滿滿嘅櫻花蝦肉碎及蝦仁，每一口都好滿足。🍀秘制慢煮牛腩（肥啲）呢碗就揀咗要肥啲，但同樣慢煮牛腩都好好味，牛味濃郁，吃完也不會覺得太肥膩。🍀金錢肚 +$10金錢肚非常之爽口及有咬口。🍀轉-蝦籽麵 +$12蝦籽麵比較爽口，口感有點比平時吃的感覺不同。🌸芥末味Shake Shake粉香脆魚皮（碟）🌟🌟🌟🌟🌟炸魚皮除咗可以食原味之外，餐廳還提供多款Shake Shake粉去調味炸魚皮，今次選了芥末味，識落帶點新鮮感，而且味道濃郁，但不會嗆喉，而且炸魚皮脆卜卜真係好好味。🌸紅茶花伝檸檬紅茶🌟🌟🌟🌟🌟🌸壹品豆漿🌟🌟🌟🌟🌟…查看更多

《麵家 - 銅鑼灣》最近成日出銅鑼灣搵食，除左高級餐廳外，呢邊其實都好多正既平食，特別喺登龍街果一頭呀😆除左我最愛既酸辣米線外，喺對面街仲有一間食傳統港式粉麵既麵家🥰店鋪乾淨企理，坐得舒服😌每次lunch time都排曬長龍架😉最特別既地方係佢地用左自家製既雞白湯做湯底，聽講每日最少要用雞骨熬煮八個鐘架，工序非常繁複，但就因為自己製既關係，完全不含味精，連湯飲曬都唔會覺得口渴😍今次我一丁友喺下午茶時間過左黎食野，tea time 有餐可以揀，我就叫左佢地招牌既自家炆慢煮牛腩麵，店家好貼心咁可以比客人揀肥腩定瘦腩，肥腩口感細滑又無筋，煮得好軟又入味😋識食既記得要揀幼麵呀，餐廳係喺有50年老字號既永樂取貨，幼麵爽口彈牙帶有小麥香👍🏻我每次都一定係叫幼麵的😬另外佢地個魚皮都好值得一試，除左有基本既原味之外，仲有得加shake shake粉調味😍$22/份好大份，一個人食略嫌有少少太多太邪惡啦😜如果可以出番個一人份既魚皮小食就好啦…查看更多

今次嚟到銅鑼灣嘅「麵家」，主打港式粉麵，用上每日熬足超過8小時嘅招牌雞白湯，無味精、真材實料，成碗湯可以飲晒都唔覺口渴，飲落濃郁又順滑。試咗佢哋嘅「招牌櫻花蝦雲吞拼秘製慢煮牛腩麵」，雲吞係自家手包，入面有原隻蝦，爽口彈牙；蝦子麵用永樂老字號出品，超有嚼勁，掛湯力又強。慢煮牛腩炆得入味又腍滑，每啖都好滿足。另外加咗少少菜心苗同飲品，配搭啱啱好。環境方面，地方乾淨企理，裝修簡約又有心思，有啲細節位好港式情懷。整體感覺係一間用心經營嘅小店，價錢合理，質素穩定。下次會想再試其他湯底同粉麵組合，尤其係雞白湯真係好出色！…查看更多

銅鑼灣依條街好多麵食，好多都高質素，依間都唔例外，裝修好靚，有港式情懷，而且又乾淨！所以午餐、下午茶定想輕食晚餐都好適合試左咩都有麵，係有櫻花蝦雲吞、墨丸、牛丸、魚蛋、慢煮牛腩同貢丸，咩都有得試下，湯底揀左大地魚雞白湯，湯底係冇味精可以飲晒！好清甜。櫻花蝦雲吞係新鮮自己包而且仲好大隻好足料，因為加咗櫻花蝦所以特別香。慢煮牛腩仲有得揀肥定瘦，自家炆肉質軟熟另外叫左三拼，揀咗櫻花蝦雲吞、慢煮牛腩同墨丸。湯底揀左雞白湯，原來雞白湯程序好繁複，要熬成八個鐘，好有心機，難怪咁濃郁清甜。麵同雲吞皮都係搵咗老字號做，有質素保證加左個菜心苗，加咗腩汁幾好食食個麵都可以好高質素 ！…查看更多

銅鑼灣愈來愈少港式粉麵，咁岩係登龍街見到呢間好似幾有特色所以試下，招牌幾型。環境好舒適，食落佢地既麵好爽口！一問先知原來係超級50年歷史既老字號永樂既出品。咩都有麵，轉左做蝦籽麵，口感彈牙，配埋自家炆既慢煮牛腩！自家炆既肉質夠哂嫩滑！湯底係招牌雞白湯主打無味精，食完真係可以飲埋個湯！冇諗過港式味道都可以crossover 到咩都有撈麵揀左菠菜麵，色澤翠綠！夠哂健康同埋fresh，自家雲吞係新鮮包既，皮薄餡靚，勁大粒呀。時令油菜係菜心苗，爽脆鮮甜，可以揀蠔油或者腩汁，或者簡單灼都可以，夠哂健康。飲品都以樽裝飲品為主，揀左冷萃烏龍茶同埋壹品豆漿，同個麵都好夾！有豆漿飲配合返港式味道。…查看更多

喺銅鑼灣登龍街呢間麵家，裝修現代而簡約，玻璃窗讓光線充足，同時可以望到外面的街景。牆上懸掛著木製菜單牌，字體清晰，方便選擇。開放式廚房設計，顧客可以看到廚師嘅工作過程，增添透明感。整體風格時尚又舒適，係個適合朋友聚會輕鬆用餐嘅好地方。秘制慢煮牛腩麵牛腩慢煮得恰到好處，肉質軟淋得嚟保持到口感，牛味濃郁自然。🦐 招牌櫻花蝦雲吞麵雲吞餡料飽滿同超大粒，有蝦仁同豬肉，加入櫻花蝦增添香氣。🍲 每日鮮熬湯底湯底係呢度嘅精髓，用50kg雞隻同雞腳每日新鮮熬製，呈奶白色，味道清甜自然。無落味精，飲完唔會口渴，而且可以免費添加。大地魚雞白湯版本更加鮮甜，值得一試。🍝 老字號麵條選用傳統麵廠出品嘅麵條，品質穩定，口感爽滑。…查看更多

成日經過都想食呢間麵店，今日見係銅鑼灣整完嘢餓餓地就去食😍呢間真心堅熬嘅港式粉麵店，唔單止裝修企理乾淨，仲將傳統港味昇華到另一個層次，每一啖都食到師傅嘅用心同堅持，絕對係銅鑼灣午市同下午茶必食之選！🍜「咩都有麵」— 一碗盡覽大地魚雞白湯精髓有選擇困難症嘅我，揀左呢份咩都有麵！採用最特色招牌大地魚雞白湯底，每日堅持熬足至少8個鐘，湯色奶白，味道濃郁到呢～飲落順喉唔膩，真係可以成碗飲哂！「咩都有麵」真係名不虛傳，材料多到嚇親人：✅ 慢煮牛腩 — 自家炆煮，軟淋入味✅ 自家製特大鮮蝦雲吞 — 新鮮即包，蝦肉彈牙✅ 貢丸、墨魚丸、魚片 — 真材實料，絕不馬虎🐟香脆魚皮～Shake shake燒烤味粉必點小食！魚皮炸到金黃香脆，跟住倒入秘製燒烤味粉shake兩shake，鹹香惹味，配湯麵或者就咁食都一流！🍜堅持香港製造老字號麵條呢度用嘅麵條係超過50年老字號「永樂」出品，河粉則來自超過70年歷史嘅「雙喜」，兩間都堅持香港製造，食到傳統風味之餘，亦支持本地工業！🏮靚裝修＋濃濃人情味小店裝修簡潔明亮，坐得舒服。店員都好親切，充滿舊式麵店嘅人情味，令人食得開心又溫暖。呢碗充滿香港情懷同用心製作嘅麵，真係唔可以錯過！快啲去試下啦～📍麵家 (銅鑼灣)地址：銅鑼灣登龍街18號V Point地下3號舖…查看更多

.今日喺灣仔做完嘢之後，去咗銅鑼灣食麵家！🍜 呢間上次已經食過，覺得佢哋嘅大地魚湯真係好好味！😍 所以今日要再去食～😆🍜 招牌大地魚雞白湯👉 湯底真係無得彈！👍 一上枱已經聞到超香濃嘅大地魚味，飲落去鮮甜無比，仲有濃厚嘅雞湯香味，飲完成個口都仲留住個餘味～ 好滿足！🥰🍜 單選-咩都有麵 👉 果然係「咩都有」！🤩 配料超級豐富：· 🍖 牛腩肥瘦適中，入口超淋· 🦐 鮮蝦爽口彈牙· 🥠 雲吞皮薄餡靚 每啖麵都掛滿濃湯，配料同湯底完美配合！💯🥬 時令油菜-菜心苗 👉 簡單嘅菜心苗都處理得好好！🌿 翠綠爽脆，灼得剛剛好，仲保持到蔬菜本身嘅清甜。配上少少豉油，係完美嘅清淡配菜選擇～✨🍹 單選-咩都有麵紅茶花伝檸檬紅茶👉 食完濃味嘅拉麵，飲呢杯檸檬紅茶真係一流！🍋 茶味香醇，檸檬清新，甜度適中，非常解膩！完美結束呢一餐！🎉呢間絕對係會令人心思思再嚟嘅麵店！🤤 無論係湯底、麵質定配料都水準之上，價錢合理，CP值高！👏 已經諗緊下次幾時再encore啦！💕…查看更多

非常滿意的一次經驗。星期六中午光顧燈籠街，店裡不是很多人，應該平日會很繁忙。Quality很讚，感受得到店家用心在煮食，也很慶幸香港還有這樣的小店分別點了雞湯底和魚湯，還有本期限定的火辣薯仔咖哩撈麵，感覺不是味精湯，雲吞超大裡面滿是魚籽，撈麵也做的很精緻，會比較辣但是不至於到上火的程度。總體來講埋單會比普通的小店貴一點點，但是物有所值，所以下次還會光顧試一下不同的菜式也會推薦給朋友和帶外地的朋友過來嘗特色香港小店。…查看更多

行開去銅鑼灣，其實想實麵尊😂 後來先發現去錯左就照食。店內主打牛腩牛筋類，食左個三併，都要成$78碗，價錢絕對唔平，牛腩4片、墨丸及雲吞各兩粒+粗麵。粗麵偏硬，而且口感一般。牛腩帶點酥味，但夠腍，免強可以食。墨丸死死實實，唔彈牙，好硬，墨魚味好淡。雲吞嚟到只係暖，唔熱，大粒但感覺唔新鮮，無乜蝦味，啲肉好咸，通常唔新鮮先用咸去蓋過。湯底唔鮮，未食前飲一啖、一後飲一啖，仍然覺得好咸。總結，試一次就夠，唔推薦。…查看更多

🔸 火辣紫薯咖哩雙拼撈麵 $71🔸 秘制慢煮牛腩撈麵 $76🔸 香脆魚皮 $22🔸 冷萃烏龍茶 $15🔸 壹品豆漿 $12-尋晚喺銅鑼灣搵晚餐，無意中入咗麵家，有打卡able嘅霓紅燈牌裝飾，環境簡約乾淨，坐得舒服。餐牌選擇款款都好有特色。我叫咗火辣紫薯咖哩雙拼撈麵，配埋佢哋日熬至少8小時嘅雞白湯底，真係香濃又滑，重點係可以飲哂，唔會死鹹。麵用永樂老字號，堅持香港製造，口感彈牙，食落有誠意。朋友試咗秘制慢煮牛腩撈麵，牛腩超入味又腍，湯底一樣咁正。仲加咗香脆魚皮燒烤味Shake Shake粉，無味精純天然調味，食得安心又有口感。飲品方面，冷萃烏龍茶清爽解膩，壹品豆漿香濃滑口，完美收尾。…查看更多