麥文記麵家

营业中

休息中

真係冇期望，就唔失望⋯一向好喜歡佢哋嘅云吞麵，原隻云吞，一啖一粒，D麵彈口又爽口，特別係佢嘅大地魚湯，真係麥之派 no.1！細細碗每次都可以食一個云吞麵，再加個淨水餃子就冇得輸⋯撞鬼今日挑起條筋，想食牛腩，懶勁學人叫腩粗！牛腩好似一蚊大銀大細，佢係夠淋亦唔係難食，只係掛住麥文記大名，你一定係唔會收貨，因為味道實在係太普通⋯個粗麵底原來好吸湯，搞到D麵淋曬，成碗野好似半撈半湯咁，真係失敗中嘅失敗⋯做人下次都安分守己，叫返雲吞麵好啦⋯

#雲吞麵關注組 久違的雲吞麵🍜麥文記位於澳牛隔離 澳牛超級多人排隊 其實真係值得排咁耐咩🥱？Anyway 中意食雲吞麵應該都聽過麥文記 超過60年歷史既老店🧓🏻只此一家舊式香港粉麵店〰️味道也很不錯呢💗上湯雲吞麵 $36雲吞麵份量相對少🍜但係做到好精緻 湯底係傳統既大地魚湯🐟十分之香甜😋清澈同埋順喉 一黎已經飲左幾啖 雲吞面好有彈性 入口爽脆幼滑唔會有鹼水味👍〰️而雲吞係大大粒全蝦肉既雲吞🦐無加豬肉 真材實料〰️😝亦都係經典既散尾雲吞 足料又鮮甜✔️雲吞撈麵 $46雲吞撈麵既份量就比較多了😚而且加豬油去撈個麵 令到個麵更加香同唔會痴埋一舊 咁就容易啲夾🤓都係選用返鮮蝦雲吞🦐再配碗大地魚湯🐟可以俾我地潤潤喉 唔怕撈麵太乾身〰️

麥文記麵家📍 佐敦白加士街51號地下★★★★★★★★★★★★★★★★★★★★★麥文記已開業大半個世紀，吸引左一班熟客經常去幫襯。 堅持✊做好每一粒雲吞，而每粒雲吞都係用虎蝦，而且係新鮮製造，大家有機會可以幫襯下👍🏻。🌟雲吞撈麵 $46大大碟既雲吞麵，一定食得飽😂。而雲吞食得出係用新鮮蝦去做， 另外入口係彈牙既。整體推介指數：❤️❤️❤️🤍🤍★★★★★★★★★★★★★★★★★★★★★

係個咁唔熟悉既區入邊揾一間餐廳真係好難，係十分肚餓嘅情況底下但又想搵好食嘅餐廳就難上加難🙃🙃係饑荒嘅情況底下見到呢間麥文記仲走左入去食，佢地似係的做左好多年既老店，的員工都係好親切有禮，又唔會吹人落單，我地二人黎只係叫一碟野食都可以😁叫左個水餃撈麵🥟$46, 啲麵完全冇鹼水味, 而啲麵好似有啲秘製嘅汁咁，撈埋啲湯水一齊食一流，水餃有4隻而且隻隻都好大隻👍🏾👍🏾走個陣先發現原來有米芝蓮推介，唔怪得咁好食，值得再黎！👍🏾

今日打完疫苗行過，下午茶時間就黎食碗麵頂下肚仔先 叫左碗細蓉同豬手麵，分別係$36＆$42碗麵一黎到見到個look都知好食你睇吓豌麵嘅攞法，係正宗廣東雲吞麵麵食落夠爽彈，冇咩鹼水味，d大地魚湯底香濃，雲吞size係一啖一粒，極彈牙重蝦味，我覺得:豬手麵一碗都成3大件，一9豬手炆得入味又keep到口感彈實，唔係話稔身果種，佢呢隻咬起黎有回彈力，有口: 濃味得黎又唔:雖然碗細蓉份睇落係細d, 不過作為下午茶啱啱: 價錢十分合理，味道一:

星期三晚上7點半上完堂，又係自己一個，就隨便搵下野食算，最後黎到e到，叫左碗上湯雲吞麵， 承惠36元冇加一。吾洗等位，雲吞麵好快送上，就甘睇都吾大碗，係比飯碗大小小，但細過湯碗。 雲吞係鮮蝦雲吞，有4粒，係碗底，皮好薄，蝦都彈牙。 生麵都冇鹼水味，好彈牙， 調味料就擺咗喺枱側邊，我就中意點醋食。我係細食人黎，而且本身吾係好餓，所以我夠飽，但我覺得其他人就未必夠，應該要加多碗或者加碟菜。 由入去到食完出嚟，都只係十五分鐘ge事。btw,喱間都算多人，隔離仲有間雲吞麵我見到得一個人🙈

這間老字號🕛，我細細個時爸爸媽媽就帶我去食，到左今日我都懷念著這間雲吞麵店，久唔久都會去食😋「雲吞麵」不是吹水😍 粒粒雲吞全蝦做成，而且爽口😋😋 幼麵好好食呀！ 聽聞自己打造😅「油菜-菜心」感覺以豬油浸出，好香口👍🏻我加左$1 要腩汁，嘩嘩嘩😙好入味呀，可以知道牛筋係好好食😌 （不過今次都無食）🤪備註：🔺繁忙時間要排隊喔🤭🔺老字號！但格局仍然光猛，整潔！🔺無雙併！可惜😩🔺下次食豬手先，好似好正🥰

近排有啲乾燥, 又有啲凍, 好想食碗熱辣辣嘅湯麵今日係佐敦果頭上完堂, 去麥文記外賣碗粉同雲吞同朋友分享先<柱侯牛腩河>麥文記嘅柱侯牛腩河好足料, 牛腩又肥又嫩又入味仲加左少少軟爛嘅牛筋, 好好食加入湯同腩汁後, 湯底又濃河粉吸晒啲精華後極正食到最後, 湯底會有陣經典嘅果皮味, 好正宗<淨雲吞>食完唔夠喉嘅朋友可以再加碗淨雲吞雖然雲吞唔算特別飽滿, 但皮薄餡靚, 仲好多粒湯底係正宗嘅鹼水湯底, 一邊食雲吞, 一邊飲湯超暖胃

.📍麥文記麵家📍#饅頭去佐敦 #饅頭的港味道以前對任何地方嘅嘢食都唔太抗拒，但始終覺得香港地道美食係最值得我去欣賞同支持💁🏻，所以第100個post就決定留比，佐敦呢間60幾年嘅老字號。總括而言 掂 超正 無得頂 無條件好評🤓❤🤘🏻🤘🏻------------------------------1️⃣南乳豬手撈麵 ($54) 呢度豬手撈麵我無條件好評😍，一開始見到個價錢會覺得有啲貴，估唔佢咁大碟兼比咗四隻豬手。豬手蚊嘅時間同火候都控制得好好，入味有光澤🤤，南乳同柱候醬又未至於完全入曬骨。豬皮唔會太冧保留到少少彈牙爽口嘅質感，每一啖都feel到勁多膠質😋，醬汁好香甜濃郁，但唔會太重口味，食完唔會覺得口渴；竹昇麵煮嘅時間啱啱好，爽身唔易斷，彈牙到咬落去會有聲，條條分明，完全冇鹼水味👍🏻，同豬手嘅精華(豬油)油同埋醬汁撈埋一齊，濕潤度恰到好處，每一啖都係享受，再嚼埋豬手骨入面嘅醬同膠質就更正。我覺得成碟麵唯一嘅缺點就係啲麵太長，夾開佢有啲辛苦😂。至於湯就係用大地魚 蝦乾同埋其他醃曬過嘅海味熬製而成，就咁飲會偏鹹，用嚟中和下豬手嘅甜味就啱啱好。◾評分：8.6/10-----------------

我地星期日1點去食，等左5分鐘就入得。叫左以下食物：🦐雲吞撈麵 $4️⃣6️⃣呢度既名物係雲吞，有趣既係呢度無得雙拼⋯ 雲吞起碼有7粒，size偏大粒，啖啖蝦肉，幾好食😋幼麵稍為有啲簡水味，但尚可接受。撈麵配蝦子湯底，令我一度以為自己食緊蝦子麵（笑牛腩麵$3️⃣8️⃣相對失色少少🤏 牛腩有d 靭。麵底爽脆，同撈麵一樣，都有少少簡水味。聽聞用細碗係唔想湯水浸淋d麵，不過呢個價錢黎講份量較少。炸醬麵$3️⃣6️⃣隔離位食完麵唔夠喉，再叫個炸醬麵。炸醬酸酸甜甜，撈埋麵食，幾開胃。題外話，雖然小店環境比較逼，但慶幸2個人唔駛搭枱，每張枱仲set左兩邊擋版，食客可以食得安心啲👍

麥文記細細個已經聽過佢個名父母細個唔捨得食依家我出嚟做嘢都係食過兩三次今日想食雲吞麵，又嚟呢度由於澳牛休息，所以呢度要排隊平時唔洗排價錢比一般粉麵店貴少少店舖位置都算多裝修普通港式茶餐廳裝修服務一般亦唔好坐我叫咗雲吞撈粗（$47）評分：9/10由於細蓉太細所以我叫咗撈粗大大碟數埋有六七粒雲吞好大方麵底亦好大份呀！！最正係完全冇鹼水味又爽口彈牙有口感唔係度度都做到店家話係用鴨蛋定唔係雞蛋去做生麵果然係誠意老店講返雲吞先雖然細細隻但每隻雲吞都有兩隻蝦蝦好爽口又大大隻！！最特別之處係佢冇豬肉起入面雖然無咁肥，但就無咁香口睇吓你鐘意咩口味嚕我就鍾意有少少豬肉起入面多啲不過個個撈粗都有缺點就係有啲太過油個湯真係超級超級超級好飲好香！飲到最底仲見到一粒粒嘅蝦子索價$47嘅撈麵竟然係咁有誠意！抵讚！難怪連續幾年都攞到米芝蓮必比登推介嗌得撈麵就梗係要加碟蠔油啦呢碟蠔油價值一蚊撈埋超正！！佢哋個蠔油係唔同平時買嘅無平時食開嘅咁鹹都值得一試㗎我叫咗兩碟一碟用嚟食油菜個油菜我食到一半先記得影相📸️實物係再大份少少評分：8/10我叫咗芥蘭油菜芥蘭粗得來煮得夠淋但缺點又係比較油下次嗌走油先！整體來講食物有質素有誠

又是一間不可多得嘅老店! 水準穩定! 初初光顧這老店已是幾拾年前，由爸媽帶着的女孩！每次來到必點韭菜花，蠔油加1蚊另上! 愛它的淋滑嫩，每次水準很穩定，绝不會有差池! 另外一定叫水餃，爱它結結實實的，不會咬一半散開，饀是實際吃到的肉粒，有咬口，很實在飽滿! 湯底有淡淡的大地魚味道，没有喧賓奪主，恰如其分帶出水餃的層次感，清楚吃到水餃的肉香，雲耳及冬姑味，好正! ! 當然還有調較過的紅醋，余均益辣椒醬，同水餃雲吞係绝配! 又是錦上添花! 今次没叫雲吞，因雲吞有很多食肆都做得好好!由細食到大嘅味道，很地道! 這間食肆亦是會令我專登過來食嘅老店，值得推介! 我亦特別推介豬手!非常入味，不太淋，大件頭，試過你就知正略嫌水餃湯比較少!看到加湯收5蚊，算了吧! 下次再來!

想打卡这家店很久了，好多人都在推荐，今天中午终于有机会来打卡尝试一下，他家店面不大一个人去大概率要拼桌，当然店员都会拿隔板帮你隔开，我点的云吞面，这一碗云吞面跟我手差不多大，个人觉得还是挺小一碗的，还好我的食量勉强吃饱没问题。

果然係米之蓮之選，平靚正抵食！同老友食晚餐，佢一去到，6點半已經要排隊，雖然條隊唔長，但咁早就排，可見餐廳都好受歡迎吓。聽聞豬手撈麵好正，咁就試下啦，阿叔一放低，我呆左。😲咁大隻同咁多豬手既！？啲幼麵仲好細好靚好juicy喎！即刻同個friend happy share 吓隻豬手啦。兩個人都話！夠香夠入味肉又滑，🤤真係要俾啲掌聲佢。👏老友都話個牛腩麵OK 。贊！油菜夠甜冇渣下次想試吓蝦子麵同炸醬麵😋

今晚支持小店,食下廣東麵鋪豬手麵 京都炸醬麵 油菜一碟以南乳燜製絕無以人造色素加工燜軟硬適中皮肉依然相連值得一試豬手夠大隻 去毛夠乾淨滷到好入味個皮仍然Q彈炸醬每天以新鮮梅頭肉絲加上炒香之醬汁拌勻少辣 極為惹味拌勻麵條一起食用非常滋味評分8/10消費$150佐敦白加士街51Mak Man Kee Noodle Shop