麥文記麵家

营业中

休息中

佢嘅雲吞令到我成日都好掛住 因為佢每一粒雲吞都好似乒乓波咁大😋仲要每一粒入邊都有好多蝦 超級爽口食完個雲吞麵之後 (我諗一碗雲吞麵都為唔飽一個女仔) 所以忍唔住嗌左碗淨雲吞🙈

好多人嚟食麥文記都係食佢哋嘅雲吞面 當然佢哋嘅雲吞同面真係好好食😋但係其實佢哋嘅豬手同埋牛腩都好正 由於一碗雲吞麵真係唔夠飽 所以多數都係叫豬手撈麵或者牛腩撈麵 另外再要一碗淨雲吞 咁樣食先至夠飽肚 撈麵仲會多一碗湯可以飲😂佢哋啲湯真係飲完唔會口渴雲吞麵有幾好食應該都唔需要我介紹 咁就講吓佢哋嘅豬手同牛腩 南乳豬手炆到又林又滑 好香南乳味 柱候牛腩而家好似越來越少地方有得食 唔知點解會咁 佢哋嘅柱候牛腩仲會有埋牛筋 牛筋林滑 牛腩又唔會好老 豬手同牛腩撈麵 真係呢度先食到咁好味😋

佐敦麥文記麵家歷史悠久🕰細細個我爸爸媽媽成日帶我去食嗰陣時最鍾意佢哋嘅🦪油蝦子撈麵😋我諗都有成十幾年冇再去今日重遊舊地懷緬一番🤨蠔油蝦子撈麵依然好多蝦子🦐但啲面真係冇以前咁爽咁好味😌跟住叫咗個淨雲吞個大地魚湯底味道依然😍係麥文記成名之作👍🏼細細粒嘅雲吞皮薄餡靚有蝦味彈牙保持到個水準😉最後朋友叫咗碟炸醬撈麵反而佢碗撈麵炸醬多而且味道唔錯正所謂隔離飯香🤣總括黎講今餐是童年回憶食物質數值70分！

店鋪好狹窄，係典型嘅香港茶餐廳小店。瘦編叫咗一碗「上湯雲吞麵」，即係傳統嘅「細蓉」，有4顆雲吞，份量好少，如果係男仔一定要食2碗，不過瘦編當下午茶都可以。每粒雲吞內都有一隻蝦，鮮味十足，皮薄多餡。🦐-不過付款嘅過程就有少許不愉快。因為見到餐廳有wechatpay，就諗住用吓，始終疫情關係，想盡量避免用現金。瘦編唔係成日用wechatpay，所以要少少時間開個qr code，就俾職員（疑似係老闆娘）串「你唔帶現金出街嫁？」「你去小店食野唔帶現金嫁？」等等嘅說話，超過十句.... 都幾無聊，到底你間店整wechatpay剩係想招呼大陸人，香港人就唔用得？不過瘦編快速俾完錢就算，同佢嘈都浪費口水。🤦🏻‍♀️-味道評分▶️🌕🌕🌗🌑🌑(2.5)抵食評分▶️🌗🌑🌑🌑🌑(0.5)回購評分▶️🌑🌑🌑🌑🌑(0)-➡️ 麥文記麵家 (佐敦) 📍 佐敦白加士街51號地下

麵質非常之爽 冇鹼水味 但蛋味唔重雲吞算大粒結實 鮮蝦好大隻 夠爽口 但味道單調 只得鮮蝦味 未夠豐富 湯底好清 唔油 但唔夠大地魚香 唔夠鮮甜 係一碗合格 好食 但未到好高分 好好食嘅雲吞麵

麥文記在佐敦橫街，是滿有名氣的米芝蓮店。店內間隔適宜，隔板不像某些食肆般馬虎。每張小圓枱只坐一人，餐具光鮮新淨，予人放心的感覺。Baby size 云吞麵，沒有其它size 可供選擇。麵放面以免泡淋，四粒云吞放底泡湯裏。湯有一般都有的韮黃調味，鹹淡得宜，但就沒太濃的大地魚香。云吞個頭頗大，結實飽滿，餡料只有蝦，沒有豬肉，口感結實爽脆，蝦味尚濃，但略嫌太單調，口感缺乏變化。麵身口感是爽勁的一種，沒甚麼堿水味，但蛋味亦不明顯。不會難吃的，但以麥文記的名氣就會有點失望，覺得毫無驚喜。

首先，外賣是湯麵分開的。不怕麵浸到發脹。蝦，爽口彈牙。有蝦味。很新鮮的感覺。湯，好飲。真的有上湯的味道。麵，爽口彈牙。但不知是麵餅還是人手揉的。雲吞數量也不少，好像是有4粒以上。三十幾蚊，推薦一試。

收工攰攰地唔想煮飯，黎到佐敦，屋企無人諗住外賣d嘢返去食，朋友推介我試下呢間，外賣左個雲吞麵，平民價$37咋！真係幾抵食，蝦肉好足，麵底唔淋。缺點係唔夠大碗哈哈哈。食個下午茶應該係個唔錯的選擇

都聽過麥文記嘅雲吞麵好出名，嗰晚經過白加士街，終於都有機會試吓喇！我地嗌咗兩碗牛筋麵，牛筋麵唔算大碗，但係個碗都幾深吓，有一個麵餅左右。啲麵爽口彈牙，牛筋好軟滑，感覺到有豐富嘅骨膠原。啲湯都幾清，我地都加咗少少辣醬落去，提升味道。辣辣地嘅感覺惹味好多，味道又提升到另一個層次。我地另外再加多個芥蘭，芥蘭都係熱辣辣的。原來要蠔油要加多一蚊，所以為咗唔好浪費咗碟蠔油，我都比平時點多咗嚟食。佢地嘅蠔油應該係自家製，色澤係淺啡色，有種淡淡嘅清香，同一般用開嘅李＿記黑色蠔油嘅質感完全唔同。至於有冇鮮蠔嘅味道，我就唔係好食得出，留返俾各位食家嚟品評喇！

依間餐廳好近地鐵站，唔洗1分鐘就行到。佢食材大部份都係豬同牛，可以揀麵或者撈麵，環境都好光亮。依間店最出名嘅係雲吞，但我好想食牛肉，所以選擇左牛腩撈麵。佢唔只得牛腩，仲有牛根筋，佢有好濃嘅柱侯醬味，好入味，有牛腩嘅甜味。撈麵冇鹼水味，同時都唔太鹹，麵好彈牙，同牛腩好夾。

位於佐敦嘅老字號雲吞麵家。舖頭裝修簡約，入面好有舊式香港餐廳嘅感覺。嚟到雲吞麵舖，主角就梗係雲吞面啦。碗麵嘅賣相唔算好突出，不過佢嘅味道同埋用料係貨真價實。鮮蝦湯底清澈鮮甜，而且唔會又鹹又重味精，食完碗面會想飲多幾啖湯。幼面爽口彈牙，又唔會太重鹼水味，甚至會見到有少少光澤，睇得出麵家對麵底都講究。作為主角嘅雲吞的而且確係一流，雲吞入邊嘅蝦好大粒，幾乎佔咗成粒雲吞嘅80%，皮薄而且蝦肉鮮甜口感彈牙，比其他麵家更勝一籌。不過個人略嫌份量有點少，女士食既都夠，男士食嘅話有機會需要加底。老字號能夠屹立不倒的確係有佢嘅優勝之處，得到食客嘅讚賞都是有原因的。

👧🏻Wodafoodie in Jordan.佐敦白加士街好多好野食除左有好出名排長龍既茶記仲有呢間連續三年獲米芝蓮推介既小店今日黎試佢最出名既雲吞麵🦐鮮蝦雲吞麵 $46好大粒既雲吞 🤩一咬開見到原隻鮮蝦 用料十足蝦好鮮味 爽口彈牙🥰完全唔係雪藏急凍蝦既口感生麵爽口有嚼勁另外想讚一讚個湯底 香淳鮮甜 鹼水味岩岩好配上生麵 好掛湯 好正可惜！真係好細碗！d麵有d少勁快就食曬！🤣男士可能要食兩碗先飽🤣🤣另外叫左碟🥬韮菜 $24 加蠔油 $1有d油膩⋯⋯之後先知原來可以「走油」下次一定要！長知識了😝今次覺得佢既雲吞麵好好食 特別係佢既鮮蝦雲吞皮薄餡靚 推介☺️👍🏻👍🏻四十年老字號果然名不虛傳😚！！.📍麥文記麵家佐敦白加士街51號地下

經過聞到好香，於是入去坐低食返碗麵。本來想吃雲吞麵嘅，但見隔離枱啲人嗌左成碟豬手，所以我都跟著叫豬手麵。豬手麵南乳味嘅豬手，一碗有3舊。(食左一舊先醒起要影相😂)炆得剛好，吾會太淋又吾會太韌，最緊要係吾會死咸，淡淡嘅南乳香。

路經佐敦，醒起之前同事有介紹過佐敦麥文記，當然要去一試⋯入到去，店舖係懷舊麵店嘅裝修，以白色為主，十分簡潔。嚟到呢度當然要試下佢嘅招牌 - 雲吞麵，其實佢嘅份量唔算多，但湯底清甜，濃濃大地魚味，亦唔油膩；而麵身，真係非常彈牙爽口，沒有一點鹼水味，簡直係Perfect👍🏻講返主角 - 雲吞，呢度嘅雲吞係全蝦雲吞，而且用料新鮮，食出蝦嘅鮮味。雖然以呢個份量，價錢唔算平，但一份傳統嘅味道，豈能以價錢嚟衡量呢😊推薦推薦！

香港嘅雲吞麵，獨步天下，世界馳名，雖然通街都係雲吞麵店，不過講到食雲吞麵，都係去老字號嘅好。我心水推介嘅就係 - 麥文記麵家。雲吞麵，我地年過40嘅老派香港人多數叫佢做「細蓉」，呢度嘅細蓉夠曬傳統，麵喺雲吞上面預，以防浸淋，銀絲細麵爽口彈牙，雲吞細細粒，喺傳統嘅一啖一粒，裡面都係靚蝦肉，湯底鹹鹹香香，傳統本土味道。南乳豬手撈麵，同樣喺銀絲細麵，南乳豬手有四大件，勁入味又勁滑嫩，煮得淋又香又有咬口，真係超級好味。