鰹烏冬 (寶華閣)

营业中

休息中

鰹烏冬 Katsuo Udon @ Cheung Sha Wan 長沙灣📍Shop 4, G/F, Po Wah Court, 450/464 Un Chau Street, Cheung Sha Wan經過鰹烏冬幾次，次次見到排晒隊今日我終於成為排隊既一份子自家新鮮製造既烏冬質地煙韌彈牙天婦羅一份有五件，蝦，牛鰍魚，多春魚，茄子同冬菇，牛鰍魚同茄子最好食，其他正常發揮原味竹簾烏冬 (冷) $46醬油烏冬 (冷）$50天婦羅 $59Sony A7ii + Sony FE 40mm f2.5G

鰹烏冬 (長沙灣)聽講呢度嘅兩位老闆曾到日本-四國🇯🇵香川縣學做烏冬，本人兩年前最後嘅旅行都係去果度，所以今日嚟想搵返鄉下嘅味道🥲🔺無加一服務費🤗🔺只收取現金～<海苔冷烏冬+薑蔥芝麻+鏗魚醬油>夾起烏冬時，唔會好黏👍🏻口感煙靭，但又唔會咬到牙軟😋但味道同想像中有啲唔同，本來以為會有海苔嘅味，但唔覺有，只有少少嘅咸味，少失望～<三文魚籽+蟹籽+醬油冷烏冬+昆布+蘿蔔蓉>口感比海苔烏冬更粗身更煙韌，煙韌到咬得耐會牙攰🤣濃濃嘅鏗魚味醬油加上有多種配菜，口感豐富🤤怕腥嘅朋友可以灑上檸檬汁，食不到檸檬味但醬油會變得微酸同更易入口，十分開胃👍🏻👍🏻👍🏻天婦羅雞炸得都算脆，肉質嫩滑，有少許雞油，調味足夠🤤經醃製嘅番茄🍅咸甜酸嘅味道➕麻醬，番茄嘅味唔會被搶走，好夾好fresh🤤餐牌方面好用心，整得好似日本烏冬專門店嘅menu。店員見我影相，即刻攞咗張靚啲嘅menu比我，中日對照，圖片更大更清晰💕內部主要用木造設計，掛滿大大小小嘅御守，又有日本風嘅小擺設，仿如置身日本🇯🇵🗾門面已經好有日本feel，亦有打卡位，幾滿足到想去日本既心❤️

想不到，長沙灣竟有這個水平的四國烏冬和骨付鳥。竹簾冷烏冬(8.5/10)：店家自己用烏冬機在店舖內鮮製的。烏冬麵質較厚身，煙韌，極富彈性；掛汁，非常出色。建議選冷烏冬，才能吃到真正質感。骨付鳥(8/10)：骨付鳥是日本四國高松名物。圖4-7是我在封關前在高松吃過的一間元祖級骨付鳥名店（圖5-7）。鰹烏冬做出來的視覺效果（加上擺盤）竟有85%似。可惜，味道方面就只有65%似。差距在於(1)調味不夠濃不夠惹味，（2）一分錢一分貨，不是採用日本新鮮地雞，因此不夠皮脆肉彈。但畢竟有努力摹仿，在香港能以這個價錢吃到這種水平，也算不錯。日本四國的元祖骨付鳥 for comparison: ———————————————————————————⭕️總評：想不到長沙灣竟有這個水平的四國烏冬和骨付鳥，會翻食 ✅ 💵Budget: $80-100 pp

今日搵食兵團一條友出動，去咗荔枝角一間想試咗好耐，但係都冇試到嘅烏冬店。叫咗個「骨付雞🐔 月見烏冬🍜」套餐！骨付雞即係帶骨嘅炸雞髀，上面加咗啲七味粉，辣辣地幾開胃，不過就唔係幾夠熱，如果係啱啱炸出熱辣辣🔥嘅就一定更好食😋 而烏冬個湯底都幾好味，烏冬本身爽口彈牙，上面有隻生雞蛋🥚、兩片日本魚蛋、少許海帶同葱花…… 埋單盛惠$85！打算下次搵機會再去試埋佢個冷烏冬😘

🦁🍜M͜͝i͜͝s͜͝s͜͝ L͜͝i͜͝o͜͝n͜͝n͜͝ 評分🥢：8/10👍🏻竹簾抹茶冷烏冬（天婦羅炸雞件）烏冬煙煙韌韌好滑好彈牙🥢有抹茶味😍好驚喜👍🏻只配醬油，不用加蔥花及山葵，抹茶味本身已經夠突出，如果唔點醬汁就會食到有少少苦澀！醬汁比較清淡，唔會太鹹，食得比較濃味嘅朋友要要點多啲先夠味👍🏻雞件炸得好鬆脆，調味啱啱好，夠味又唔會太鹹，亦都好滑，有少許肥油👍🏻鰹魚汁竹簾冷烏冬（關東煮）關東煮🍢入面，蘿蔔好甜好大嚿、好入味，蛋都好入味，有陣香香嘅關東煮汁嘅味，另外仲有生菜豚肉包，同埋有蒟蒻及竹輪卷 ，湯汁好濃，好味😙鰹魚汁就類似好濃嘅魚味豉油咁，烏冬彈牙又滑回頭率：80%食物分量適中，烏冬同小食都好味，價錢合理

「老友聖誕狂歡聚」系列之鷄脾烏冬大獲全勝今日係聖誕節既最後一日，梗係要搵啲好野食黎打打氣啦。呢間鰹烏冬食過好多次，食物質素一直穩定，值得支持。烏冬都有好多款，本人就最鐘意個月見烏冬，個湯夠鮮甜，每次可以成個湯都飲埋，可想而知有幾好味。月見即係日本生蛋，同啲烏冬撈埋黎食，簡直係大滿足呀。骨付鷄，即炸鷄脾，真係不得之了，配搭少少七味粉，juicy、入味、香口、唔乾身，真係每次黎都必食。今次叫左份天婦羅牡蠣，即炸生蠔啦，都係好正，鮮甜多汁，連啲天婦羅碎都食埋呀！

本人稱得上算係烏冬嘅狂熱粉絲😋，由細到大最鐘意食烏冬，好喜歡佢夠哂煙韌，做法又多。早前有報導介紹過幾間高質嘅烏冬專門店，呢間鰹烏冬就係其中一間。據聞老闆特登去過四國學做烏冬，所有烏冬更加係每日自家新鮮製造，網上評論亦一致偏好，所以自己都帶住非常期待嘅心去試。餐廳以木色裝修為主，門口位置有加上布簾，外觀設計的確有啲似日本嘅烏龍麵店，但入到去就覺得環境有待改善。無論係自助裝水區定係一眼望入去嘅廚房等，都有種較為殘舊同埋唔太乾淨嘅感覺，員工收拾時都係成個膠盆放上枱，再輕輕一抹就算，令人感覺唔太衛生。當日係平日下午時份去到，有烏冬套餐提供，套餐可以叫一款麵食加一款小食。烏冬嘅口感的確係有嚼勁，夠長又夠粗，亦有烏冬嘅麥香味道，但就有小小偏硬，需要啲牙力嚼爛。烹調嘅時間可能要煮多一至兩分鐘比較適中，煙韌度可以再改善。🔸掛湯烏冬 配 關東煮 ($𝟕𝟏)：呢度嘅掛湯烏冬原來即係釜揚烏冬，掛湯烏冬係佢哋鋪頭改嘅名。釜揚烏冬係讚岐烏冬裡面一個較特別嘅類別，傳統做法係熱鍋(釜)裡面搯起烏冬，然後以煮烏冬嘅水用木盤浸泡住。食法就係將旁邊嘅配料連埋醬油撈起一齊食，有少少似沾麵嘅食法。呢度同樣提供蘿蔔泥，蔥花同埋

成日都有人排隊，今次星期六去食，大約要排15分鐘。如果咁啱坐正吧位，就可以睇住師傅開機擀麵團切烏冬，好過癮。*鰹魚半湯烏冬 $46烏冬熱食，粗身，非常彈牙，質感滿分，帶強烈麥香麵粉香。半湯係濃縮鰹魚汁，帶鮮甜魚味又帶醬油香，份量比清湯烏冬少，所以係日式撈烏冬，濃度啱啱好，烏冬少少掛湯，食落唔會太鹹。夏一烏冬 $55睇名就知道係夏天食嘅烏冬，凍食烏冬比熱食烏冬更加彈牙，我覺得質感偏硬，熱食比較啱我口味。將蛋黃同酸汁撈埋一齊，非常清爽，但今日醬汁多咗啲，所以蓋過咗蛋香味。天婦羅雞件 $42新鮮炸起四件天婦羅雞件，每一件都好大件，麵衣完全唔油，外面香脆，入面嘅雞件依然juicy，唧少少檸檬汁，有種清爽感覺。骨付雞 $44骨付雞係燒雞脾，陣陣雞肉香味飄來，但我略嫌雞皮燒得唔夠焦香。雞脾肉厚肉，熟度啱啱好，肉質非常嫩滑，雞皮煙韌有咬口，有啲油膩感，而雞髀整體偏鹹偏油，碟底都係油，食完成嘴油。

今日過開附近做野，諗住個頭應該都唔係商業重區，可以休閒咁食個晏，點知去到不過12點9，已經坐滿，前面有幾個人排隊，好在我一個，等左15分鐘都有得食，之後高峰期見到要排十幾人。。講番環境，係高腳檯，舒適度就一般，但叫做試下新餐廳，係開放式bar 檯。係OR見到咁多人點骨付雞，我當然都試下招牌。你地睇相都見到雞肶幾咁Juicy,,。再配埋調味粉（七味粉？），又係另一種味道。差點忘了主角，月見烏冬，係咪全港第一唔敢講，但都係煙韌，食得知味，係嫌湯底清左點，下次試下半湯先。

[ Katsuo Udon | 長沙灣 ]I have wanted to try this place for SO long because I love udon and this place makes their own in the back kitchen and is known for being chewy and perfect. Their chicken leg and other side dishes are also very appealing. —— —— （冷）竹簾烏冬 $46 + 關東煮 $36 🍢 Wanted the wheat one but it was sold out 😐, so had to get the original one. The udon noodles are super thick, chewy and elastic. Perfect for people who love chewy udon noodles (me) not so fun for people whole like softer noodle

❤️‍🔥夏一烏冬(冷)$55粗身的麵條好彈牙，配上冷烏冬食法，與配料（包括蔥、芝麻、薑、青瓜、海苔、檸檬、煙肉及雞蛋）攪拌一起，味道酸甜、清爽。👍🏻掛鍋烏冬(熱)$46在熱湯的食法上，食法與沾麵差不多。瀨戶內海小魚製作高湯，味道鮮甜，彈牙的烏冬，配上他自製的醬汁，味道剛剛好，醬汁加上配料（包括蔥、芝麻、薑及山葵）混合在一起更添美味。🤍天婦羅$59（蝦、牛鰍魚、多春魚、茄子及冬菇）天婦羅的顏色不深色，證明不是選用劣質的油；蔬菜類的天婦羅好出色，茄子及冬菇天婦羅keep到好juicy，不會好乾，值得一讚！至於魚的天婦羅都不錯；不過蝦的天婦羅就比較遜色，炸漿太厚，天婦羅的厚度是蝦原本的2-3倍，而且蝦肉不算新鮮，令人失望。👍🏻骨付雞$44雞髀外層煎到金黃色，雞皮脆脆的，雞肉質厚身嫩滑，邪惡好吃。👍🏻關東煮$36（雞蛋、蒟蒻、蘿蔔、椰菜卷、竹輪卷及豬肉卷）其中白蘿白和椰菜超入味，味道甜甜的，其他不過不失。👍🏻流心蛋$15煮得剛剛好，而且隻蛋本身都有調味，好食！📍鰹烏冬長沙灣元洲街450/464號寶華閣地下4號舖✨評分：8/10💰人均消費：$125Tip: 店舖只收現金

特意避開左人流最多既午餐時間去長沙灣食烏冬。入到去環境幾舒適，有兩個鋪位連住叫左一個三文魚籽冷烏冬，鳥冬真係幾彈牙相比起熱烏冬，我覺得冷烏冬較為好食整體不俗，值得推介

.📍鰹烏冬📍#饅頭去長沙灣 #饅頭食日本菜------------------------------1️⃣竹簾冷烏冬 ($46)呢度嘅烏冬係每日新鮮製作嘅，唔會隔夜。相比熱烏冬，小編認為冷烏更能體現食材本身嘅口感🙈，雖然一份要40幾蚊，但份量十分足秤，條條粗長大小不一，口感煙韌彈牙，入囗冰涼滑身，冇翻啲牙力都未必咬得斷😂。沾汁味道偏淡，但小編認為咁樣反而更能突烏冬簡單嘅麥香🥡，再混合芝麻、蔥花同芥末增添香氣，就係好食！◾評分：8.6/10------------------------------2️⃣骨付雞 ($44) 大大份熱辣辣嘅雞脾肉，雖然皮就唔算煎得好脆，但肉質足夠肥美嫩滑🤤，切嘅時候不斷有雞油流出嚟。調味方面就用咗香濃嘅蒜蓉同七味粉，蜜糖上色均勻，鹹甜交雜惹味十足。就咁食可能食到最後會覺得太重口味，配清淡嘅湯烏冬就啱啱好👍🏻。◾評分：8.8/10------------------------------🔸整體評分：8.7/10🔸小編回頭率：8/10

平日喺長沙灣附近放工，諗住睇吓有咩食，發現有一間裝修好日本風格嘅烏冬餐廳，出面好多人排隊，一於就決定試吓佢！(熱)月見烏冬配天婦羅 評分: 8/10烏冬非常彈牙煙韌，湯底上菜好熱，月見烏冬其實即係鰹魚清湯再配上日本生雞蛋一隻，亦有蔥花紫菜灑係上面，天婦羅有蝦，茄子，冬菇，多春魚等，炸得非常香脆。(冷)醬油烏冬配關東煮 評分: 8/10烏冬同樣非常彈牙煙韌，醬油味好濃郁，除咗紫菜同香蔥，仲有檸檬一片同埋小量蘿蔔蓉，撈埋一齊食非常開胃，關東煮有雞蛋，獅子狗，白蘿蔔等。

🎈#cathlife_yum 鰹·烏冬⛳️🚨鬧市佐敦有分店🚨🌸超有咬口嘅烏冬👍🏻🌸 🌸創新海苔竹簾烏冬🌸🌸追加+大大骨付雞🍗🌸據餐廳介紹：➪他們選用讚岐烏冬，麵條富強烈彈性和韌性➪湯底是使用來自瀨戶內海的小魚製成高湯════════════════════🔥極主觀個人推介🔥🎲海苔竹簾烏冬（冷）ʕ$50ʔ🎲骨付雞ʕ$44ʔ꧁••••••••••••••••••••••••••••••꧂🔸 鰹魚清湯烏冬（熱）配骨付雞(̆̈$̆̈8̆̈0̆̈)̆̈🌟特意選熱烏冬，嘗嘗湯底。湯底有濃鮮魚湯味，可以先品嚐一啖湯再吃烏冬🌟最最最值得提及的是厚肉雞髀，啖啖肉，令成餐整體豐富感十足，外皮黃金香脆肉質嫩滑.🔸海苔竹簾烏冬（冷）配天婦羅 (̆̈$̆̈1̆̈0̆̈0̆̈)̆̈🌟烏冬較原味幼身，口感同樣煙韌彈牙，帶輕微的海苔味，配有鰹魚汁、蔥和wasabi，是不錯的選擇，想試試新口味的不妨一試🌟天婦羅有多春魚、菇、茄子、蝦，不會炸到好油膩，薄薄一層炸粉，是不錯的天婦羅💬店內有新鮮烏冬購買，並附有湯包，把好味的烏冬帶回家💬🗯午市套餐也相當抵食🗯—————————————————————❌加一服務費❌訂枱服務 👉🏻滑到最左看餐牌和價錢牌📋.💞回頭指數：5/5