鰹烏冬 (寶華閣)

营业中

休息中

「老友聖誕狂歡聚」系列之鷄脾烏冬大獲全勝今日係聖誕節既最後一日，梗係要搵啲好野食黎打打氣啦。呢間鰹烏冬食過好多次，食物質素一直穩定，值得支持。烏冬都有好多款，本人就最鐘意個月見烏冬，個湯夠鮮甜，每次可以成個湯都飲埋，可想而知有幾好味。月見即係日本生蛋，同啲烏冬撈埋黎食，簡直係大滿足呀。骨付鷄，即炸鷄脾，真係不得之了，配搭少少七味粉，juicy、入味、香口、唔乾身，真係每次黎都必食。今次叫左份天婦羅牡蠣，即炸生蠔啦，都係好正，鮮甜多汁，連啲天婦羅碎都食埋呀！