鰹烏冬 (寶華閣)

营业中

休息中

想食熱辣辣嘅麵， 唔介意烏冬嘅可以啲一間。 佢嘅鰹魚味非常之濃， 開頭開幕嘅時候好多人排隊，但係而家已經好少了平日去簡直係即日即刻有。 佢嘅湯非常之好味，用烏冬配搭係冇問題。 熱辣辣又想食日本嘢可以選擇這一間。

估唔到烏冬都有咁多選擇，海苔、蛋烏冬平時都好少見！但留意返個d都係冷烏冬黎架～餐牌仲好細心咁寫左唔同湯底入面既配料。骨付雞其實係bbq蜜糖雞脾燒到肉嫩多汁 ，外皮脆卜卜！仲帶d炭火香。調味就偏甜少少。鍋仔燒烏冬好有咬口，彈牙得黎唔會咬唔斷個種牛肉同蛋都好高質可惜湯底偏鹹鮮甜度不足天婦羅有冬菇、茄子、多春魚、蝦、魚。天婦羅粉漿脆而唔厚，天婦羅蝦仲特登包左麵包糠。但炸茄子有d索油🤔廣島牡蠣半湯烏冬蠔新鮮，炸得岩岩好咬開有汁呢個湯底比鍋仔燒鮮味好多亦唔會死鹹

我一經過長沙灣就會食！一向都好鐘意食烏冬，鰹烏冬就每日新鮮製造烏冬所以烏冬形狀粗身，彈牙煙韌又帶有麥香店內根據季節都有唔同限定餐點，夏日就有涼食，冬天就可以食鍋仔烏冬▫️夏一烏冬▫️三文魚籽醬油烏冬2款夏天食都好refresh 好清爽，當然記得叫埋骨付雞🍗

鰹烏冬岀名煙韌彈牙，次次經過都要排隊，截至宜家都幫襯過長沙灣、觀塘店烏冬可以揀冷、熱，同埋唔同口味，例如抹茶竹簾、醬油、咖哩、鰹魚等等，都算多選擇〔洋蔥牛肉半湯(冷) 烏冬 $85〕〔月見(熱)烏冬配骨付雞 $85〕👎🏻老實講，嚼勁同硬只係一線之差，熱烏冬都還好，彈彈地牙，但冷烏冬就真係食到我牙骹軟😬以烏冬專門店嚟講，係失望嘅👍🏻洋蔥牛肉都幾大碗、有良心嘅！而且骨付雞真係好好食🤤！烤得岩岩好，肉質肥美、雞油滿滿，上面仲有七味粉，可以話係平民美食！重訪都係因為隻雞(竟然唔係因為udon🤣)！2次經驗總結，長沙灣店細啲，排隊耐啲，但我覺得長沙灣店服務同味道都比觀塘稍為高少少🤏🏻圖為長沙灣分店 〔評分區〕🍜食物質素: 3.5/5🏡環境: 3.3/5🤑價錢：3.5/5 🙋🏻‍♀️回頭率: 3.4/5

位置算係有啲隱蔽, 門面裝修都行低調風 佢地主打手打四國烏冬, 今次就同男朋友過利試下, 餐廳格局比較細, 所以坐得都逼, 不過香港小店大多都係咁, 食物好食先係最緊要。店鋪店員得好少, 所以無論落單或等位, 可能都要有耐性啲, 期間, 都有聽到樓面同廚房既對罵, 同人手太少, 執台程況都比較混亂。(冷) 竹簾烏冬 ($46)份量十分多, 烏冬比熱食更加煙韌彈牙, 而且冇雪味, 但醬汁味道就有啲奇怪, 唔係好夾, wasabi味道又好淡, 所以幾減分。骨付雞 ($34)外脆內嫩, 調味都恰到好處, 不過要趁熱食。(熱) 鰹魚清湯烏冬 ($46)鰹魚湯底好清, 飲完都唔會頸渴, 加埋昆布, 味道更加鮮, 烏冬都彈牙, 但就冇凍食既口感咁煙韌。關東煮 ($26)料都幾多, 但我最期待既椰菜包豬肉反而唔好食, 菜韌到扯都扯唔開。

0️⃣ 味噌焗鯖魚+抹茶竹簾烏冬 $84 ~味噌焗鯖魚 🤍5/5🌩大大塊鯖魚排，色澤均勻🤩🌩焗得好出色🥰魚皮好脆但係鎖住肉汁，肉質嫩滑👍🏼🌩有骨但係唔多，而且偏長同幼，連平時嫌麻煩嘅我都食曬成條😋😋~抹茶竹簾烏冬(冷)🤍3/5🌩成個烏冬都係綠色嘅 賣相新鮮啱曬打卡 ✨🌩 烏冬超級煙韌彈牙😋而且量好多~🌩 一開始食抹茶唔出💦食落有陣淡淡茶葉特有嘅苦澀味，苦中帶點甘幾特別🤣🌩 如果覺得配上鰹魚汁都較淡，自助區嗰度有天婦羅可以添，口感絕配🌟或者添啲wasabi都幾match😁

今日晏晝去咗食，唔知係咪下午茶時段冇乜人，員工都食緊飯。坐低揀咗一陣嗌左一個牛肉烏冬，另外想嗌多份小食但心大心細唔知揀炸雞定係雞髀好。咁啱隔離有個員工姐姐我就多口問句然後佢極力推介雞髀好食，咁我就聽佢講～嚟到先上咗個烏冬，第一啖試個湯底已經覺得好正，烏冬亦都係軟硬適中，牛肉分量足夠，紫菜都比得好多，下午茶$50呢個份量來講我覺得好唔錯下！順帶一提呢度餐具係要自己出去拎，浸水斟茶同埋有天婦羅碎提供當小食。嘢食好食還好食，我就老實嘅，啲餐具真係幾污糟下。啲杯同埋隻匙羹我起碼揀咗四五隻先搵到隻叫冇咁污糟。同埋仲有一樣野就唔太好，一路食緊嘅時候都聽到廚房員工冇乜禮貌，明明出面外場兩個員工放緊飯，然後入面係會喝出嚟，好大聲喺廚房入面大嗌「喂」，但佢哋唔會講做咩㗎，要啲員工親自行過去突個頭入廚房然後入邊嘅人就會吩咐佢哋做嘢。應該就唔係嗰別情況，食咗成餐飯around半個鐘入面就嗌咗出嚟四五次～～然後後尾就上咗雞髀🍗好食，肉質嫩滑，不過外面嘅皮有啲辣，餐牌上面冇寫嘅，唔係好食到。唯有就係唔食皮然後食肉，大大隻冇欺場！值得一試！最後埋單，發現呢度淨係收現金。服務員都好好，費事我行出去撳錢咁辛苦就幫我用

不知所謂，完全變左一間求其煮出黎的餐廳。以前最好食的時候，一星期食一次，見到個班職員都借打個招呼，依家個個都唔見哂。依家成間烏冬舖，無任何質素。借助完明星的介紹之後，一落千仗！天婦羅，凍食既？雞肶又係凍食既？d筷子同埋匙羹乾淨到呢！不如唔好洗啦！唔好浪費地球資源！唔識Keep質素而唔去Keep定係無心去Keep？職員態度又差到飛起，完全無人理，無人管理嫁？見佢d食物箱就咁放係廚房地下，真係嚇死人！經濟圈食店多的是，唔會助長害群之馬

⁑📌鰹烏冬𝙆𝙖𝙩𝙨𝙪𝙤 𝙐𝙙𝙤𝙣長沙灣元州街450/464號寶華閣地下4號舖•門面嘅裝修非常低調，予人一種隱世日式餐廳嘅感覺🎑甫踏入餐廳，啜烏冬嘅聲音此起彼落😂淨係聽到聲音，個肚都打曬鼓，就係離門口一個不遠處，你可以見到擺放住一部製麵機🏮絕對可以睇得出佢係一間非常有誠意嘅餐廳🥳•鰹魚清湯烏冬💰46烏冬嘅選擇非要多，有熱鍋上嘅烏冬，有咖哩湯烏冬，又有綠茶味嘅烏冬🍜但係我始終鍾情最原始嘅清湯烏冬😗烏冬好滑，而且非常彈牙，粗幼適中。湯底唔會過鹹，清爽唔會有負擔🎋食完唔口渴。搭配薑蓉同香蔥令到湯底嘅味道更豐富有層次，令人滿意🍥🎏推薦指數: 9/10•天婦羅💰50天婦羅嘅顏色唔算好深，證明用嘅油唔會太差，而蔬菜類嘅天婦羅做得幾出色，茄子🍆同冬菇🍄天婦羅，仲keep到好juicy，唔會乾，值得一讚。至於魚嘅天婦羅都唔差🎣有多春魚同另一隻我唔識嘅魚，天婦羅種類的確豐富🉑不過蝦天婦羅🍤就比較遜色，炸漿太厚，天婦羅嘅粗度係隻蝦原本嘅2-3倍，而且蝦肉唔算新鮮，令人失望。🎏推薦指數: 7.5/10•骨付雞💰44原本並沒有嗌呢個菜式，但驟眼掃視身旁嘅顧客有照過一半抬面上都找得到佢嘅踪影，令我恨不得要試吓佢到

在附近放工，見到呢間烏冬有成3間分店，諗住應該穩陣值得一試～店長分兩邊，我坐嘅果邊只有一個店員，負責落單傳菜接外賣安排座位，他一人完全處理不切所有工作。我隔離枱的客人等了半小時發現落漏單，另外又聽到其他枱落錯單，我朋友叫鯖魚又上錯雞。本來我見到小鍋烏冬的相片吸引才試，但其實味道一般，沒有好大驚喜。朋友叫的鯖魚烏冬，朋友說魚很腥，最嚴重的是烏冬完全唔夠熱，連蛋白都唔熟。最好的竟然是玄米茶總括，是很失望

terrible long wait for the food and crazy service. try if you dare. what is most terrible is that you are treated not as a customer. the waiter is probably not trained at all and behave rudely. we have been to lots of udon place in HK and i believe it is one of the worst.

今日心血來潮想食烏冬，放工就去左幫襯附近一間出名食手打烏冬既餐廳。好彩今日準時收工，所以早去到餐廳可以避開人潮唔使等位。🍜🍥✨天婦羅鏗魚清湯烏冬本身都豫疑緊食唔食呢款好，因為價錢真喺比平時食開既烏冬要貴，接近一百蚊一碗，但既然一場來到當然要試下。烏冬面頭落左大量蔥花同埋海帶，仲有一少撮薑蓉，令清澈既鏗魚湯底多添蔥香。湯底味道清清地，帶有鏗魚既鮮甜味，唔會一味得個咸字。烏冬入口都幾彈牙，條條分明，煮完沒有糊開。天婦羅一共有五件，兩件蔬菜和三件海鮮。茄子同埋冬菇既粉漿都好薄身，食落唔算油但偏淡味，就算沾埋餐廳附上既天婦羅汁都依然覺得淡口。炸蝦天婦羅鬆脆既外層包住肉質爽彈既蝦肉，食落唔霉亦唔腥。炸魚既魚肉都保持到嫩滑，唔會話炸到好乾好硬。食物質素都OK，雖然價錢偏貴左啲，而且烏冬食唔出同平時用機打既有咩好大分別，但間中食下都無妨！

抹茶竹簾冷烏冬 配洋蔥牛肉 抹茶烏冬單食，抹茶味會比較出，當你點咗佢嘅冷麵汁之後，個味反而會冇咁出。嗰日店員推薦我哋試特別嘅烏冬，佢話每日淨係會出五份。我覺得鍾意食抹茶嘅可以一試。冷烏冬仲有附上芝麻蔥芥末同薑未，加埋烏冬汁上面非常之夾，夏天食一流。食得出佢嘅洋蔥牛肉既牛肉係用靚貨既。牛肉好厚身有牛味唔會過肥，亦都醃得啱啱好洋蔥唔會過淋。鏗魚湯白味噌鍋燒烏冬 佢好似一人打邊爐咁，乜嘢料都有。但係原來入面用嗰個牛肉同洋蔥牛肉係一樣嘅。叫咗呢個話就可以單點，唔使再加其他配菜啦。但係我覺得佢嘅湯底有少少失色，除咗有少少鹹味之外，我覺得佢個湯唔係好夠層次。 另外仲食得出佢冷烏冬同埋葉烏冬嘅粗度有啲唔一樣，熱嘅烏冬梅比較粗，可以保持到佢嘅彈性同埋煙韌。嗰日我仲有叫到佢哋嘅骨付雞。即叫即燒非常好食，不過覺得佢當日放得太多七味粉有啲太辣。佢係脆皮既，咬落去非常juicy，仲有少少蜜糖味 。

位於長沙灣既鰹烏冬裝修非常日式，採用木系建築，門口位置加上布簾，令人有一種置身於日本既錯覺(＞x＜)店鋪有兩間、有兩個門口Σ( ° △ °|||)要先去正門登記，才安排了相鄰店入座！食評：7.5/10 💛💛💛價錢：7/10 💛💛💛推薦度：7/10 💛💛💛鰹魚湯白味噌鍋仔燒烏冬 HK$80 💛💛💛💛一上枱，賣相已非常吸引，用鍋上烏冬帶點日式風味，有少少返返日本家鄉既感覺٩(✿∂‿∂✿)۶鰹魚湯非常清但又帶點濃濃既魚味，而整體既份量非常多，帶有不少配料，例如海苔、竹輪卷、蘿蔔絲、肥牛、金菇等等٩(●ᴗ●)۶竹輪卷既熟透度剛剛好，不會過份淋又帶有彈性 〳 ° ▾ ° 〵海苔份量多，而且很有彈性、咬口；肥牛正常水準，而將生蛋拌烏冬食，果然係絕佳配搭，令人食欲大增 (^・ω・^ )不過金菇份量略微不足，只有一小撮，如果增加份量會更滿足 (^～^;)ゞ

超彈牙烏冬🍲🇯🇵 第一次食海苔味烏冬!!!😍 可惜抹茶烏冬無曬🙈 • 海苔竹簾烏冬💚 （冷）就咁食唔點醬油的話真係有淡淡海苔味🤩 不過點醬油食其實好食好多🤣 不過一定蓋過海苔味🙈 口感: 超彈牙😍 不過我覺得比起原味烏冬稍為無咁粗🤣份量：其實好夠飽🤓, 配埋下面嘅餸食嘅話一定飽!!評分: 🌕🌕🌕🌕🌖• 骨付雞🍴 十分推薦呢個!!!!🤩 呢個即係燒雞脾🤣皮香肉嫩😍 一切開勁好多汁爆出黎🤣 入口嫩滑, 燒得啱啱好👍🏻 醬汁調味都好好, 超級入味👍🏻評分: 🌕🌕🌕🌕🌕• 原味烏冬 🍜 原味烏冬粗一點🤣 所以更加有咬口😻 同埋好滑溜溜!!!份量:更加飽肚🤣評分: 🌕🌕🌕🌕🌖• 天婦羅雞件🍤🐔滿滿都係雞肉, 塊炸衣唔會太厚😻 同埋都幾大舊👍🏻 平時食開嘅都係炸蝦🤣 第一次食天婦羅雞塊😂🙈評分: 🌕🌕🌕🌕💰價錢方面我地先揀四樣唔同野食 為左省錢🤣 所以我地看下邊兩個combination平D 最後平均每人食左$83.5到🤣📎 要預早排隊!!! 7點幾個陣條隊好長🤣🙈#長沙灣美食 #香港美食 #鰹烏冬 #HKfood #hkfood #food #cheungshawanfood