香江花月 (荃灣廣場)

营业中

休息中

一直都好鍾意黎間火鍋店！食物賣相相當有心思，食到心花怒放😍 新年再同家人到訪，竟然見到特色火鍋點心😳咁就再介紹一下黎間餐廳 🍲湯底方面都係要番木瓜牛奶鍋😍牛奶玫瑰花每次見到都仲係覺得好靚，湯底嘅牛奶味道好香濃，感覺食完d 皮膚都會白滑d🤣 入面仲有木瓜可以食👍🏻 食物方面就要左一份大嘅美國安格斯肥牛🐮雪花好靚😍牛肉味好重👍🏻另外都好推介大家食珊瑚蚌同埋黑松露墨魚丸，珊瑚蚌爽口彈牙，墨魚丸都好彈牙，黑松露味道仲好突出添😋 今次重點係黎個火鍋點心😍兔年食兔子餃🐰🤣佢嘅賣相真係好有趣，食佢好似好殘忍咁🤣其實佢係蝦餃黎，入面有好多蝦肉非常彈牙，外皮軟熟煙韌👌🏻整體黎講，食物質素無可置疑，環境都好舒服，未試過嘅朋友不妨一試😆

不論寒冬滋補或盛夏味道集於一身吃出地道主理，水準色采獨當其凡講求視覺效果地方寬敝坐得舒適兼別具搶眼，論牛肉水準一流多款手工配料獨特甚有特色，捧上桌除咗打咭之外裝潢設計別緻、餐店主打美食賣相擺盤絕對有一種情懷！「香江拼」顏色對比強烈一拼肉片鮮花造型砌成，全牛食材口感豐富又滿足，軟嫩多汁兼肥瘦均勻有油花，吃起來片片有嚼勁厚度又愛又享受「七彩餃子」各種餃子皮七顏色、色澤用料口味綜合，厚薄均勻紮實外表固定多汁內餡夠彈性

一入到去無論裝修同氣氛都好典雅，行過見到枱枱都有個好靚既牛併盤，所以就算我地得2個人都決定照跟，點知加埋七色丸就真係飽到試唔到其他野啦。不過都好，有借口下次再黎。入坐先上左杯雪梨茉莉花茶，好清甜，連個杯都靚過人，有條金魚係底。出面有多款調味任你簡，好大方，連腐乳，花生，芝麻，沙茶醬等等都有。打邊爐無凍飲點得架，我地簡左香芳幻$88，有紅桑莓，菠蘿汁，乳酪，七喜mix 埋椰香味既蛋白泡沬，甜甜地好香，好靚好夢幻。另外，仲有桃花緣$88，打卡一流，即場打個泡泡係頂，好靚。底仲有自家製桃味啫喱，加埋日本桃，乳酸同梳打，超解渴得來又好味。香江拼$798我地係牛魔王，一定要試個個都打卡既香江拼，一盤有晒安格斯肥牛，牛柳粒，首設肥牛，牛柏葉，牛白肉，牛心頂，牛小腿同牛脷，一次過滿足晒你所有願望。款款都爽口既爽口，牛味重既牛味重，共通點係都好好味。七色丸$98七款味都好特別，有青咖喱墨魚丸，鹹蛋黃墨魚丸，黑松露墨魚丸，南乳墨魚丸，蟹籽墨魚丸，椰芋墨魚丸同紅咖喱魚丸。最後梗係要介紹火鍋嘅主菜黑蒜豬骨鍋$328入邊有四舊大大嚿嘅豬骨，非常足料。中途侍應會幫你上碟，俾埋兩支飲管你啜豬骨嘅精華，非常貼心。重

朋友介紹嘅呢間火鍋店，無論系打卡還是味道，都非常出色！入門口已經比佢懷舊經典嘅裝修吸引住，仲有teamlab打卡房，藝術氣氛滿滿，會舞動的花朵同衣車又係重要打卡位，吸引咗唔少客人去打卡影相。調料區設有兩個，各種調味料應有盡有。我哋揀咗日本玫瑰牛乳鍋，呈乳白色湯底，中間有朵牛乳玫瑰架在木瓜上，美得令人唔捨得開火，真係要影多幾張先捨得開火.牛乳玫瑰慢慢溶化在湯裏，侍應幫手切開鍋中木瓜，濃郁嘅牛乳味，滋補養生，湯底變得更香滑，就可以開動啦！香江拼係全牛拼盤，放在木盤上圍在火鍋湯底邊，賣相藝術感十足。安格斯肥牛砌成玫瑰花, 靚到唔捨得食！牛肉肉質上等，嫩滑無渣。牛小腿肉質緊實，食落倍感鮮甜。牛心頂為心臟大動脈血管,口感爽脆。牛白肉全為脂肪,口感特別。黑柏葉質素好高，非常爽脆。手切肥牛同牛柳粒肉質鮮嫩, 份量都好滿足。另外嗌咗個手唧紫薯麵，口感Q爽，有淡淡紫薯香，同想像中唔同，非常特別。野飲桃花緣同香芳幻，打卡一流，汽泡停留時間好短，如果要影相就要抓緊時間啦，顏色好夢幻，味道酸甜，有d果肉啫喱，好好味。

香江花月系一間實力派打卡火鍋店，餐廳環境極之懷舊夢幻，紡織車的擺設令人感覺好似走入六十年代，門口有間房間特別設計咗彩色霓虹燈迷你team lab，好多客人都專登走黎打卡。有兩個醬料調味區，梳發座位設計寬敞舒適。日本玫瑰牛乳鍋 乳白色牛乳鍋，牛乳玫瑰花的造型座在木瓜上，賣相極之吸引！側邊放滿食用花卉, 開火煮滾湯底，牛奶香氣四溢。香江拼，即系全牛火鍋料，將牛肉不同部位放在大圓環上圍住火鍋湯底，擺盤精緻，擺到好似朵花咁，我哋影相打卡攪咗好耐都未舍得食。牛心頂是牛的心臟頂部連接血脈和心臟的組織，口感同牛黃喉差不多，只是部位不同，都係食落爽脆。安格斯肥牛（花形狀），油花分布均勻，肉質冇渣。手切肥牛、牛柳粒肉質唔錯，牛味濃厚。野飲名字都好好聽，叫做桃花緣或香芳幻，感覺有種詩情畫意在裡面。賣相好特別，侍應會在上面整個汽泡比我哋打卡，夢幻感十足，飲落都係酸酸甜甜，系乳酸梳打味，都幾清新。

呢度嘅湯底🤤真係好正🤤 今次嗌咗黑蒜豬骨鍋$328，好入味，令到所有食物都唔係好洗用醬油都得🤔 不過佢外面有兩條柱嘅位俾你拎配料，配料種類多到我特登記低咗😂 因為完全唔知幫人拎乜好😂 有蒜蓉、麻醬、蔥花、芫荽碎、指天椒、炸蒜、腐乳、芝麻粒、花生碎、潮州辣椒油、沙茶醬、黑醋，有好多平時比較偏門的配搭，呢嗰都值得加分😝 叫咗香江併 $798 - 有好多款唔同牛嘅部位，全部絕對係高質嘢，有牛香又淋🤤 牛心頂同黑柏葉係我平時唔會叫嘅嘢食，煮幾秒就食得，淡味啲，但好爽好脆，呢嗰我建議點豉油食，個人中意牛心頂嗰口感多啲 😝七色丸 $98 - 全部都係自制，出面買唔到😂 味道方面有黑松露、鹹蛋黃、青咖喱、蟹子、紅咖喱、椰芋、南乳，中唔中意就見仁見智，但真係好特别，值得試下七色丸或者七色餃子🥟佢啲飲品似平時西餐廳嗰類，鳳琉香$78異世界$88兩款特別得嚟都好飲，前者主要用鳳梨汁同埋薑味汽水沖嘅；後者就係奇異果加蘆薈汁加梳打

又睇得又食得嘅打邊爐😝 其實我成日嚟荃灣廣場行街，但真係好少可會上到最高嘅呢一層‼️我係睇社交平台見到呢個咁打卡able嘅吸引我嚟🫶🏻🫶🏻香江併 $798 - 即係全牛宴，有牛白肉、牛心頂、黑柏葉、安格斯肥牛、牛柳粒、手切肥牛、牛小腿、牛脷，分唔到邊樣打邊樣唔緊要，店舖好貼心有嗰QR CODE，俾你知道自己食緊乜，同埋整幾耐最理想😝 可以自己再減時間控制生熟度😝 再香牛味一定係手切肥牛，但最令我驚喜一定係牛白肉，因為以為佢咁大舊肥膏以為會成口油，但係佢真係油而不膩，仲煙煙韌韌，口感好特別🤤 真係值得一試‼️我叫嘅湯底係黑蒜豬骨鍋$328 - 真係好濃好好飲😂 如果有興趣飲，我建議你一嚟到滾左就試，因為會越整越濃，啱啱嚟嗰陣係最正🤤 仲有湯底嘅骨，當你以為佢只係陪襯嘅時候，職員幫我哋夾起🤤 係筒骨嚟架，入面有好多骨髓，真係好正🥰整體嚟講，環境、食物質素，擺盤、服務全部都做得好好👍🏻👍🏻

一入去裝修有特色，坐位寬躺，再看食物相，滿心期待。首先開了人蔘烏龍茶，但是完全沒有人蔘味，感覺還是質素比較差的茶。最後叫了松葉蟹鉗灌湯餃，芝士蝦春卷，金絲黑松露炸鮮奶，雪山叉燒包。率先有職員來說叉燒包要等半小時以上，我們已經說沒有問題，明白是即做的。跟住佢又再說當然唔會準時半小時，我真係唔係好明佢想表達啲乜嘢，係咪想我哋唔好叫？咁我再話冇問題。但係食物逐一送上來之後，真的很失望。一啲特色嘅感覺都沒有。質素還很差。灌湯餃尚算正常，但係蟹鉗得一粒。芝士蝦春卷也很普通，金絲黑松露炸鮮奶是完全沒有黑松露。雪山叉燒包等了這麼久算係最好味。總括而言完全冇特色嘅質素，可以不試。

南豐紗廠同樣座落荃灣，所以餐廳特意以紡織做主題，近門口位置放置了一部舊式織布機，牆上面根據顏色深淺放滿線圈，好整齊。· 辣汁花蛤鍋湯底加入咗番茄、洋蔥、菇類等，小辣，花蛤鮮甜。· 香江拼擺盤精緻，一個大圓圍住火鍋，有牛肉不同部位，有建議享用時間，但都視乎個人喜好，牛心頂幾特別，肥肉部分好香，帶爽脆，安格斯肥牛（花形狀）、手切肥牛、牛柳粒牛味夠濃，肉質軟腍，牛白肉本身冇乜味道，口感爽口。牛柳粒、牛栢葉安格斯肥牛、牛舌安格斯肥牛、手切肥牛· 七色丸鍾意椰芋墨魚丸同鹹蛋黃墨魚丸，彈牙，椰芋墨魚丸包住芋頭，鹹蛋黃墨魚丸食到一粒粒鹹蛋黃，夠鹹🤣· 桃花緣（左）/ 香芳幻（右）飲品打卡able，桃花緣係加入新鮮桃肉及桃肉啫喱嘅乳酸梳打，好飲；香芳幻比較fantasy，係紅桑莓、酸奶、菠蘿汁嘅混合，紅桑莓汁略帶藥水味。

裝修以紡織業為主題嘅火鍋店，周圍都係打卡位，好有空間感好大，懷舊得來又華麗，仲有間好似TeamLab嘅打卡房，環境真係一流!!🔘黑蒜豬骨鍋 $328加入左黑蒜、白蒜同炸蒜熬製，打邊爐之前飲咗啖乳白色嘅湯，一試難忘要即刻飲多一碗，蒜味好香濃，打邊爐到一半嘅時候，店員主動拎隻碟嚟俾我哋放豬骨，都有成四五嚿骨，試咗幾粒黑蒜，非常香甜，呢個鍋雖然影相冇牛乳玫瑰鍋咁靚，但味道真係好好，推介!! 🔘香江拼 $788全部都係牛嘅set，有安格斯肥牛、手切肥牛、牛柳粒、牛𦟌、牛白肉、牛心頂、黑柏葉同牛脷，圍晒喺爐邊影相又真係幾wow，難怪之前成日見到人嚟打卡，安格斯同手切肥牛非常好味，油花好靚，率先食晒啲大路嘢再慢慢食其他，牛心頂口感幾特別，脆嫩又爽口，身為牛魔王嘅我表示好滿足!! 🥰🥰🔘七色丸 $98七隻色七款口味，老實講唔係每款都食得出係咩味，但就幾彈牙，全部都係墨魚丸，其中蟹籽、咖喱最有印象，食完一粒就估吓佢係咩味都幾得意!!🔘鳳琉香 $78菠蘿汁同薑味汽水嘅結合，酸酸地啱晒解膩，有煙燻效果，又係打卡之選!! 🔘異世界 $88奇異果汁加蘆薈汁加梳打，仲有青瓜片，幾清爽嘅飲品~作為呢一年嘅最後一次

之前見有啲朋友share呢間餐廳既相期待左去呢間餐廳好耐 終於約到朋友一齊去餐廳裝修好靚 但我冇乜影環境相一行4個人，揀左湯底之後叫咗個香江拼，七色餃同埋七色丸，另外叫咗3杯飲品，全部都好靚好啱影相📸️湯底本身我想揀最招牌/多人揀既牛奶鍋，但朋友就嫌佢冇乜料所以最後揀咗豚肉白菜鍋，係多啲料抵啲既～ 賣相都好靚同埋多啲菜食。 香江拼有唔同部位既牛肉，我除咗2款白肉全部試晒，肉質都好食😋 朋友試咗白肉話薄身個款似花枝片，另一款就唔記得咗咩comment 🙈七色餃同丸就啱影相同埋貪得意，我地分別試咗唔同味，多人食可以叫嚟試吓，人少既話就未必食到咁多。野飲我就叫左個桃味梳打，有啲桃味啫喱有啲咬口，口感好好，個汽泡入面有果味煙，哥哥仔有噴俾我聞就會易啲聞到

👦🏻👧🏻遲嚟嘅聖誕大餐🎄就揀咗有3間分店嘅香江花月，餐廳裝潢充滿典雅復古嘅味道，食物走精緻打卡風(重點係高質好味🤤)，岩曬👦🏻👧🏻！餐廳內仲有一間房仔走TeamLab風🌈，暫時未去日本都可以照打住卡先！🌟黑蒜豬骨鍋湯底當然有主角黑蒜同普通蒜頭🧄，其他配料包括豬骨、炸蒜粒、紅棗、杞子。湯底有大量原個黑白蒜，味道非常豐富，豬骨味濃厚，蒜頭隨著時間越煲越腍身，蒜香味更出。🌟香江拼店員上菜時有逐一介紹各款牛肉🐮及其烹調時間。香江拼有多款牛肉，包括安格斯肥牛(已砌成牛肉花)、本地手切肥牛、牛小腿、牛白肉、牛心椗、一口牛肉粒、牛脷、黑柏葉。當中👧🏻就最鐘意安格斯肥牛，牛肉味濃之外，仲要煮得耐都唔韌，脂肪分佈平均肉質嫩滑。至於👦🏻就最鍾意牛白肉(=牛胸爽，係胸腔肋骨中間的軟骨)，食落好爽口！🌟七彩餃子七彩餃子就有：金華火腿菜肉餃、冬菇薺菜餃 、蟹肉黑松露餃、午餐肉粟米餃、蟲草花餃、姬松茸野菌餃、和牛香茜餃。七款嘅餃子皮🥟厚薄適中，七彩繽紛🌈。👧🏻就最鍾意蟹肉黑松露餃，相對清淡得嚟食到一絲絲蟹肉，而和牛香茜餃就好似食緊點心果種牛肉球。🌟七色丸七色丸就有鹹蛋黃、青咖哩、紅咖哩、南乳、椰芋、蟹籽、黑松露呢

琴晚終於去咗 bookmarked 好耐嘅 ❥⧽香江花月 ❥⧽ 食火鍋喇! 餐廳以木色系為主, 環境闊落舒適, 好有空間感。𓊈日本玫瑰牛乳鍋 $𝟷𝟼𝟾𓊉玫瑰牛乳鍋真係好適合打卡影相, 牛奶冰以玫瑰作為造型, 下面有木瓜承托, 側邊放滿食用花卉, 湯底有陣陣牛奶香氣。𓊈香江拼 $𝟽𝟾𝟾𓊉香江拼係全牛拼盤。手切肥牛同牛柳粒肉質鮮嫩, 真係好好味。安格斯肥牛砌成玫瑰花, 又靚又Juicy。牛小腿肉質結實, 有別於一般牛肉。牛心頂為心臟大動脈血管, 食落好爽脆。牛白肉全為脂肪, 好重油香。黑柏葉口感爽脆。牛脷好軟腍。𓊈七色丸 $𝟿𝟾𓊉七色丸好大膽創新, 除咗常見嘅蟹籽墨魚丸, 鹹蛋黃墨魚丸同黑松露墨魚丸, 其他4款味道比較新穎, 包括紅咖喱, 青咖喱, 椰芋同南乳。𓊈桃花緣 $𝟾𝟾𓊉裡面有新鮮桃肉, 桃肉啫喱, 然後配上乳酸同梳打, 唔會太甜。𓊈鳳琉香 $𝟽𝟾𓊉鳳梨汁配薑味汽水, 配搭新穎。♡♡ 火鍋賣相精緻, 好啱打卡影相, 而餐廳環境好舒適, 幾適合同朋友傾計。

火鍋店環境華麗又有氣派，而且好有空間感，整體感覺舒適，好啱打卡及聚會😌另入座後會按人頭送上雪梨茉莉花茶，清甜又滋潤😌🔥日本牛乳玫瑰鍋（$168）湯底好吸晴，中間有一朵以牛乳製成嘅玫瑰花，另伴有玫瑰花瓣及木瓜等，食落牛乳味香濃，好睇又好食😋🔥香江拼（$788）呢個全牛拼盤包括手切肥牛、牛柳粒、安格斯肥牛、牛小腿、牛白肉、牛心頂、黑柏葉及牛脷，賣相已非常華麗，必定要相機先食🤭每個部位都唔錯，最鍾意係手切肥牛及牛柳粒，肉味最濃又軟腍😋🔥七色丸（$98）分別有黑松露墨魚丸、鹹蛋黃墨魚丸、蟹子墨魚丸、青咖哩墨魚丸、南乳墨魚丸、椰芋墨魚丸及紅咖哩魚丸，每款口味都好有特色，當中青/ 紅咖哩墨魚丸好有泰式風味，而南乳墨魚丸味道都幾特別，鍾意試新嘢嘅唔好錯過😌🔥異世界（$88）主要以奇異果汁、蘆薈汁及梳打調製，味道清爽酸甜，好啱打邊爐時飲😌🔥鳳琉香（$78）主要以檸檬汁、菠蘿汁及薑味汽水調配，味道有啲似橡皮糖，清爽又解渴😌

@victorianera.hk is hands-down the most instagrammable hot pot place I’ve ever been to 💐 🌷 The luxe decor is inspired by HK’s 1950s colourful textiles and accented by captivating floral arrangements, which are integrated into the meal as well. Make sure to check out the standalone room dedicated as a ‘photo spot’ with major Team Lab vibes!𝐒𝐨𝐮𝐩 𝐁𝐚𝐬𝐞Inspired by an imperial concubine’s desire for beauty, the milk soup with rosebuds uses high-end Japanese ingredients that are aromatic, aesthetic and