餃掂手工餃子雲吞專門店

营业中

休息中

當你食粉麵飯食到厭又要食啲飽肚野 第一時間一定係諗到餃子要食好食嘅餃子 當然要搵間專賣餃子嘅食店專心做好一樣野係最出色而我選擇黎餃掂手工餃子專門店啦打開menu 見到每一款餃子都係漲卜卜每一款都想食呢8點幾都咁多人就知幾受歡迎我同朋友叫左 至尊松茸豬肉煎餃 呢款煎餃仲會配埋狀元九鼎湯呢另外叫左芫茜豬肉湯餃四川涼皮 檸檬薏米水 黃金皮蛋薏米水好解渴 唔會太甜仲好足薏米四川涼皮 小辣 佢唔會鋪滿辣醬 辣味係由低下類似豉油嘅汁而黎反而咁更加輕盈 唔會漿住個口黃金皮蛋 好靚呢金黃色作係原味黎 蛋黃流心 食落好足皮蛋味蛋皮比啫喱多少少彈性 芫茜豬肉湯餃皮薄透到肉餡 餡料咬落去唔會實的的 有肉汁好香茜味 鍾意食茜嘅朋友一定鍾意順帶一提佢隻菜脯豆豉醬 辣辣地之餘 又有豆豉香 一定要試最後 至尊松茸豬肉餃 跟湯同醬先講個湯 味道淡淡地 飲完唔會口渴飲得出清清地赤小豆味Menu介紹 呢個湯係有用鱷魚肉煲溫腎益氣 滋潤腸道食餃子跟埋呢個湯真係好不惜本至於個松茸醬更加要點佢可以令到隻餃陣松茸味更加昇華咬開隻餃 會見到好多粟米粒咬落juicy 兩邊煎到餃皮脆口外脆內軟嘅感覺真係好正食完咁多餃係好飽嘅所以話 足

係灣仔返工已有幾個月時間，仲有吾少食店未試過，依排lunch 吾想食粉麵，我選擇左餃掂手工餃子雲吞專門店食餃子。這裡有多款不同口味的餃子可以選擇，煎餃或湯餃也可以。我想飲湯，我揀左龍鳳松茸雙灼餃配狀元九鼎湯。一次過可以試曬兩款餃子。餃子皮適中，吾會太厚身。餡料幾多，入口有松茸的味道。餃子和湯好㚒。再加一個小食，就蜜餞雞翼。雞肉幾嫩滑。外皮沾了甜甜的蜜餞，特別好味。日後食lunch，我又有多一個選擇。

今日出灣仔，感覺自己唔太想食咁多碳水化合物，所以就食餃子~最鍾意食湯餃，所以嗌咗10隻大白菜豬肉餃配狀元九鼎湯~咩係狀元九鼎湯呢？我都幾好奇~飲咗一啖，味覺笨拙嘅我淨係飲到好濃嘅粉葛味，仲有一種清新嘅薄荷感，感覺既溫和又醒神！上網查一查，原來配料有：粉葛、扁豆、赤小豆、陳皮、蜜棗、鯪魚、鰂魚、排骨同紅蘿蔔~（睇嚟陣薄荷感應該係陳皮嚟~）水餃實在可以用皮薄餡靚嚟形容~真係餃子皮一啲都唔厚唔粉，薄到我察覺唔到咁濟，令餡料好突出~出面食餃子，白菜通常都好軟好霉嘅感覺，但呢到嘅白菜，切成一小塊一小塊，好新鮮好爽脆，食落sapsap聲，完全唔係普通綠葉，而係成為咗成隻水餃一個好大嘅點綴！豬肉都好軟嫩，冇咩腥味，粉紅粉紅的，好可愛~

吃餃子最重要是足料。餃子入面滿滿的肉最好吃。今天就自己去找尋餃子風味，去到灣仔餃掂，試試他們大廚的功力。我點了至尊松茸豬肉餃跟狀元九鼎湯、龍鳳蛋、蔥味酸辣雲耳及自家製山楂雪梨水。至尊松茸豬肉餃跟狀元九鼎湯 (8隻 $73)餃子與狀元湯分開上其實感覺不錯，不會將兩者味道混合，可以試得清楚一點。餃子包得紮實，皮很薄饀又多，再點了小小的松茸醬令味道昇華。入口香滑，肉汁彈出，不錯。狀元九鼎湯以九種食材製成，包括有去濕的粉葛、扁豆、赤小豆、養生的陳皮及蜜棗、鮮美的活鯪魚、鰂魚、排骨及紅蘿蔔。味道比較淡，因為沒有味精。店員說湯水可以對提高免疫力，補氣活血，養顏健身，促進大腦等甚有幫助！龍鳳蛋 (一隻$18)及蔥味酸辣雲耳$25糖心皮蛋幼滑，雲耳酸酸的十分開胃。自家製山楂雪梨水$28沒有加糖的山楂雪梨水，有自然的酸甜味道。

平日lunch時間去不論堂食定外賣都好多人 不過等位都快既 12:35到唔洗5分鐘都入得去😺雙拼湯餃子 ($47/7隻; $58/10隻) 配狀元九鼎湯餃子餡料份量足夠 味道亦唔錯 夠juicy比例又啱🙌🏻 但餃子皮偏厚 唔夠滑身🤥 [😋7.3/10] 雲耳椰菜咬落好爽口 帶啲麻油香 唔錯🥰 [😋7.6/10] 白菜咬落都係爽口 菜同豬肉比例更好 豬肉亦好juicy🤤 [😋7.2/10] 再多啲韭菜更好😌 韭菜自己本身已經好多汁 配埋豬肉都好食🤣其中一個特色就係佢地既狀元九鼎湯🥇! 用上粉葛 順德活鰻魚 香山活鰂魚 紅蘿蔔 扁豆 赤小豆 新會陳皮 蜜棗 鮮排骨 熬製而成🍲 真係一啲味精都無 真材實料煲成🤹🏻‍♀️ 不過浸咗餃子變到個湯底有啲餃子皮粉粉地既味🥺 麻辣松花皮蛋 ($25) [😋6.3/10] 中規中矩 但唔夠辣🥴試咗三款餃子其實三款都好食 我自己就鐘意大白菜豬肉餃🥳 要讚既係的確無味精feel到全部都真材實料😻 如果餃子皮薄啲滑啲就更加好啦!😋味道評分: 7.5/10 🥳環境評分: 6.3/10🤑性價比: 6.8/10🤩回頭度: 7.3/10📍 餃掂手工餃子雲吞專門店

呢度真係無論晏晝定係夜晚都係滿滿既客源，我食過一次之後就有少少上癮，一直吸引我既係佢既煎餃同埋菜脯豆豉醬，爽脆菜脯配上香辣豆豉一流，仲係有得單獨買呢個醬🤫▪️ 雙拼煎餃子 - 粟米豬肉餃 + 芫茜豬肉餃（7.5/10）💲53/7只 + 5 (雙拼芫茜豬肉餃)呢度既餃子紮實飽滿足料，皮既厚度亦啱啱好😍煎餃更加係煎到個外皮好香脆可口，就算攤左一輪都唔會韌，又唔會太過油膩😚內餡都保留到肉汁無話乾身，粟米或者芫茜同埋豬肉既比例均衡，粟米帶甜，而芫茜亦香濃▪️ 龍鳳松茸雙灼餃（7.5/10）💲86/8只另外一大特色係呢度有龍鳳餃，即係黑白松露餃，每樣各四隻，一上檯就香氣撲鼻🤭黑松露比較重口味，白松露既菇菌味相比下無咁濃但都好夠，所以跟個帶有淡淡粉葛味既狀元九鼎湯都幾匹配😛▪️ 上湯松茸時蔬（7/10）💲32松茸同埋杞子，配上爽脆新鮮既菜心🥬上湯都係清淡為主▪️ 蜜餞雞翼（6.5/10）💲32/5只雞翼滷水味係幾入味，但無咩蜜糖味，而且肉質偏腍有點兒鬆散，都係食返餃子好了🤣▪️ 自家製山楂雪梨水（7/10）💲20/杯一開始飲落山楂味偏重，不過會有雪梨既餘韻，酸酸甜甜咁滋潤一下😙🔎 整體評分（7.5/10）

呢間餃子店已經開咗數間分店，每次經過都見到有人排隊或買外賣，人氣居高不下，今次就試吓灣仔呢間分店嘅餃掂👍龍鳯松茸雙煎餃 (HK$86/8隻) 🥟 全港首創松茸餃，是黑白松茸各四隻。選擇了煎的形式，外皮煎到黃金色，香脆可口。龍鳯餃比湯餃較重口味，但味道絕對出色，十分juicy 。咬下去整個口腔充斥著滿滿的黑松露味道，元貝豬肉餃 (HK$62/10隻) 🥟 不得不提店家的湯底，狀元九鼎湯，湯底用多款食材淆成，包括排骨，鯽魚，鯪魚，粉葛，扁豆，赤小豆等，用料有誠意。加上湯底絕無味精，保健養生。而且餃子皮薄餡靚，元貝豬肉好足料，令到餃子漲卜卜。四川涼皮 (HK$32) 🌶 涼皮配上青瓜絲，花生碎等，再加麻辣醬配花生醬，香辣惹味，令人開胃。黃金原味皮蛋 (HK$28) 🥚 色澤金黃，外皮晶凝通透，皮蛋蛋黃呈流心，入口軟滑甘香。蜂蜜檸檬薏米水 (HK$28) 🥤 自家製檸檬薏米水，味道不會太甜，清熱滋潤。

今日同朋友去咗灣仔做嘢 經過修頓附近 朋友話好肚餓 咁岩見到呢間餃掂 標榜手工餃子 朋友話想食得清清哋 就入去食啦至尊松茸豬肉餃 松茸味好重 完全突出咗豬肉嘅肉味 豬肉亦都富有肉汁 同埋餃子皮做得厚薄適中 口感煙韌 唔錯唔錯野生松茸素餃 相對豬肉餃 呢個餃子欠缺一個油份 朋友話非常之高纖因為呢個餃子係用素黎整嘅 松茸味更加突出 因為冇咗豬肉嘅襯托 所以松茸喺呢個餃入面可謂獨當一面 完全擔起構成隻餃子味道嘅重責蜜餞雞翼 食落甜甜地 而雞翼本身嘅肉味令到成個菜式口感層次都好豐富 一流

今日食評有✍🏻餃掂試食指數⭐️⭐️⭐️⭐店舖衛生⭐️⭐️侍應態度⭐️⭐️⭐⭐⭐((每項5⭐️為滿分)) ·晚市重開後再次光顧水準有少少失望🤏🏻·我們點了1️⃣「灼」菘露餃⭐️⭐️⭐⭐/5其實我哋叫「煎」不過姐姐落錯單✍🏻煎好味好多2️⃣豬肉粟米餃子麵3️⃣白菜豬肉餃子麵⭐️⭐⭐/5湯底麵底都一樣往時嘅麵身比較彈牙爽口今日淋到一個點要改善下4️⃣滷水雞翼⭐️⭐⭐/5今日滷水甜得滯平日應該有4-5粒星·晚餐速食嚟講算幾好㗎喇😉·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

女女好鍾意食餃掂嘅餃子，食過其他舖頭嘅餃子，都話唔夠餃掂好食，要我帶佢去。⭐惹味酸辣雲耳$25 少少辣，酸咪咪，開胃嘅前菜。⭐粟米豬肉餃 $54湯餃大大隻，粟米清甜，豬肉juicy，囡囡最愛。⭐蜜餞雞翼$32雞翼甜甜地，啱小朋友食，炆得又淋又入味。⭐龍鳳松茸雙餃$86跟一碗狀元湯，滋潤解渴。好鍾意龍鳳松茸餃，除咗有矜貴嘅松茸，仲有黑松露同白松露。黑松露餃食到入面超多黑松露，足曬料，好香。⭐芝士軟心煎餃$55 外面煎得脆卜卜, 裏面嘅芝士半溶狀態，推介😋

今日喺灣仔做完嘢已經成六點鐘冇得堂食 於是就買個外賣醫肚啦 經過呢間餃掂水餃專門店 之前食過幾次 外賣都係第一次叫完外賣之後 店員可以畀我哋喺餐廳入面邊坐邊等外賣 十分貼心芫茜豬肉餃煎餃 餃子煎到外皮脆卜卜 咬落去入面鮮肉同芫茜嘅份量超多 香氣極度濃郁 一眾芫茜控必點大白菜鮮肉餃 同上一款唔同呢個係湯餃 餃子 同湯底分開上 返到屋企唔會淋曬 十分貼心 入面嘅白菜餡比較淡味 不過食到一絲絲嘅蔬菜 較為健康蜜餞雞翼 雞翼有輕微嘅甜味 食落口一啲都唔油膩 而且夠曬入味

疫情關係，六點後冇得堂食，唯有買外賣自取😣雖然係外賣，但係其賣相都算唔差！個人本好鍾意食湯餃！所以叫左一道龍鳳松茸：入面有8隻餃子，黑白各佔一半🤭喜歡松露味道嘅朋友，真系要試下呢個！黑松露醬嘅份量足，仲好重黑松露味！白松露菇菌味道收斂少少，都幾香同有口感。餃子皮唔算厚！入面既餡料系足既！另外叫咗一個小食：黃金原味皮蛋！賣相吸引，鹹道適中，小小辣，吾會遮左皮蛋嘅原味！呢個系出面真系小食到！都吾錯！

灣仔餃子專門店！朋友介紹呢間湯餃好好味，梗係要嚟試試佢啦！我同朋友太肚餓嘅關係，叫下叫下都冇留意價錢，結果食到百二蚊一個人，不過餃子真係好好味！香煎軟心芝士餃7隻$55- 芝士味道濃郁，用咗平時食漢堡包嘅芝士片，有陣陣鹹香味，配上粟米粒啱啱好。煎餃皮脆，不過略嫌油膩左少少。壽喜燒牛肉湯餃7隻$52- 牛肉餃食落冇乜特別，唔重牛肉味，亦冇乜壽喜燒嘅感覺，可以不試。芫茜豬肉湯餃7隻$46- 要推介湯底！飲得出冇落味精，有淡淡嘅粉葛味，唔鹹。芫茜味重，正！推介！龍鳳松茸雙煎餃8隻$86- 高度推介！喜歡松露味道嘅朋友必試！黑松露醬嘅份量驚人，香氣撲鼻，一大享受。白松露菇菌味道收斂少少，都幾香同有口感。最後我忍唔住買埋龍鳳松茸生餃子、元貝豬肉生餃、芫茜豬肉生餃子，番屋企煮嚟食。

成日都會想食餃子但極少自己包🤭（懶）通常雪藏果啲個皮又好易爛，煮極都爛跌曬嘢餡出嚟😝😝😝😝難得新公司附近有間餃子專門店💥💥💥仲唔食返夠本先？點食好？灼？煎？放湯呢度全部有齊！💯👍揀唔到就唯有點曬佢啦（醫治天秤座選擇困難症最好辦法😅）肉餃放湯煮🥟究竟係咩湯呢？佢叫狀元九鼎湯（個名好勁）原來係用咗生魚、無花果、淮山去熬🥳🥳🥳唔怪得咁甜啦仲奶白色添野生松茸素煎餃個皮幾脆比較厚身但幾有質感👍最重要係唔會痴埋一餅餅咁😁但上枱果陣都排得幾肉酸要幫佢排靚靚先影相😅😅龍鳳蛋其實係溏心蛋配黑、白松露醬原本期望都幾高😔😔😔但個蛋質地偏爽，無咗溏心蛋果種軟滑🥲而且黑松露個味好淡完全唔突出配落個蛋度作用唔大，無好食到😑反而白松露出好多唔怪得賣貴啲啦😌

原來食餃子買單都可以好貴😂黎呢度食唔好預一個人三四十蚊走得，第一個原因係佢好多嘢都好吸引，不期然就會嗌好多嘢食🥲第二個原因就係本身餃子嘅定價較一般高，不過食材係對得住個價格😝.🥢至尊松茸豬肉灼餃全港首創松茸餃，就梗係要試多啲啦😌原本以為煎餃會惹味好食啲，但反而覺得灼餃更加突顯到食材嘅鮮甜味😋.🥢龍鳳松茸雙煎餃龍鳳松茸即係黑松露同白松露，黑松露嘅味道偏重，同豬肉幾夾🥳不過如果同時叫咗以上呢兩款餃子的話，建議食咗至尊先，由清淡食到重口味就唔會覺得至尊冇乜味啦‼️.🥢四川涼皮涼皮嘅味道唔太突出，比我再揀多次嘅話應該寧願用啲錢食多款餃子🤭反而皮蛋個啲小食好似幾特別，大家可以試下‼️.🍽味道: 3.5/5🏙環境: 3/5‍👨🏼‍🍳服務: 3.5/5💧衛生: 3/5💰價錢: 2.7/5