餃掂手工餃子雲吞專門店

营业中

休息中

餃子皮，口感煙韌，朋友愛吃的呢！芫荽豬肉餃面朋友愛芫荽，叫了這款豬肉餃，好好吃，棒。香菜，吃完唇齒留香的香菜水餃! 餃子好棒。鮮甜滋味～因為足料十豬肉元貝，味道配搭很好～元貝有完美比例～鮮甜滋味原因 此看到～豬肉煎烚也好吃～至尊松茸豬肉至尊松茸豬肉和狀元湯一起上其實感覺不錯，兩者味道非常合，可以吃香氣四溢之姬松茸，和任何肉品亦是搭調，清爽飽嘴的姬松茸和豬肉 。餃子包得紮實，皮薄饀多喔，點小小的松茸醬令味道提升。棒！至尊松茸豬肉餃附送狀元九鼎湯，跟餃子味道好吃，餡料十足，香噴噴松茸味～皮旦推薦吃松花皮旦也～麻辣松花皮旦，色香也有～好吃蜂蜜檸檬薏米水效果好！飲的時候有檸檬和蜜糖香，令排毒功效顯著，大份量！ 粉葛鯪魚赤小豆湯這個是必會點的讚狀元九鼎湯，材料豐富！很好，味精是零，粉葛味多、順德活鯪魚香、香山活鰂魚、赤小豆等等～整個味道非常清甜，天氣熱飲完解渴，魚湯，這些食材有健脾化濕、逐水利濕功效。平時要做這個魚湯雖然比平常的湯水多了一些步驟，但非常棒呢～店子也提供多款小食，皮蛋要吃，這兒的旦比較有味道呢。

餃子口味多 而且味道鮮明唔會好類同～～～收工心血來潮想食餃 就捉咗大舊來捨胃陪君子🥟點解話係捨胃？😁 因為我次次都會叫到成枱都係唔同口味嘅餃 然後最後食得太飽就會叫佢包底😆～～～睇過餐牌之後 今次嚟到就叫咗三種餃 包括係🌶️麻辣豬肉餃 🌽粟米豬肉餃 同埋🐉龍鳳松茸雙灼餃 由於喉嚨痛嘅關係 今次就全部都要湯🥣唔要煎 不過就算湯都好 佢哋嘅湯底都有唔同嘅花款 粟米豬肉餃同埋龍鳳松茸雙灼餃 都係配狀元九鼎湯 麻辣豬肉餃就係配麻辣湯嘅🌶️～～～🥟三款餃子全部都各有千秋 就算你攞住支槍指住我叫我揀一款最鍾意嘅 其實我都真係揀唔到😛首先先講下麻辣餃 麻辣辣得好入味 調味好特別 係一種無法取替嘅味道 而粟米豬肉餃我亦不能放棄 香香甜甜嘅口感 感覺非常清新 最後龍鳳松茸雙灼餃 之所以次次都要叫 係因為香港地實在唔多地方食到呢一隻口味嘅餃子 所以鍾意黑松露嘅我 每一次過嚟都總要叫返碟黎食下～～～除咗餃子🥟之外 佢哋嘅四川涼麵🍜都係我一再encore嘅食物 非常彈牙嘅口感凍冰冰消暑一流 係呢一個仲未變秋涼嘅季節 仲係非常之適合食呢一個涼麵 食完成個人涼浸浸好舒服一啖麵再打一口甜蜜蜜蜜餞雞翼 令人感覺非常滿足

幫襯餃掂都有一段時間，食物水準唔差，所以都有keep住幫襯。今日下晝去食lunch，叫咗一碗餃子麵，但係就嚟咗一碗淨餃子，我睇一睇張單，原來落錯單寫咗淨餃子，於是我通知落單嘅女侍應，話佢落錯單叫佢換返碗麵俾我，但佢竟然話係我自己唔check單，唔關佢事，仲話如果要加番碗麵就要加錢。自己落錯單，仲惡人先告狀，咁嘅服務態度，就算幾好食都唔會再有下次。

呢間餃子店已經食過好多次😝但一直都未試過佢既招牌松茸餃🥟🥟今日終於試左，有驚喜wor至尊松茸豬肉餃🥟跟狀元九鼎湯，8只$73同我之前食果d豬肉餃唔同，個湯係分開上既，本身餃子入面已經啲菇🍄，另外仲跟左松茸醬呢個醬好香，有啲似黑松露（笑）跟餃子🥟一齊食真係好好味松茸醬本身都有咸味，點唔點其他醬都得至於個古法狀元九鼎湯就清清地，聽店員講係下火既一邊食餃子🥟一邊細閱呢8句肺腑之言食飽之餘心情都舒暢啲

去過其他分鋪食過，今晚再食，完全唔得，叫咗兩碗餃子麵，本身有d期待，諗住夜晚食個餃子，食少d野，點知個餃子麵係酸，問個店員話點解會酸，佢話佢個麵會預先落醋，正常，無問題，仲叫我地話下次記得要走醋。其他鋪無呢問題，極度懷疑係咪變咗，過期。死撐，隔離明明有醋，點解佢要預先加，不推薦。除非你身體好好。

食緊中藥，要食清淡，最好走味精雞粉又易消化食品，放工行了過來，食飽飲藥。用九鼎湯做湯頭，連鹽巴亦不下，只有材料本身的味道，配埋「瑤柱豬肉餃」新鮮豬肉中加了瑤柱絲香芹，清淡中有鮮肉味，外皮不會厚實，選擇正確。「淨麵」麵身柔軟，口感唔錯，加上蔥香粒香菜，淡中帶清新，湯頭是微酸不辣的，齋食都ok。👍「松素煎餃」皮薄煎香，菇味香濃，不食肉，對健康負擔都少d。這晚以少肉為主，只點了「蜜餞雞翼」，夠味的雞翼中帶濃甜味，一d 都無over，而且炆得好腍。「四川涼皮」掛了酸酸辣辣的柔軟粉皮，加咗花生碎，蔥粒，青瓜點綴，多咗幾分口感，如果青瓜份量多一點，清新感更好。「野味酸辣雲耳」爽脆微辣，微酸開胃。飲埋不覺甜的熱「蜂蜜檸檬薏米水」去濕消水腫，這餐就完成啦！記得食免費的醃白蘿蔔，青紅椒與薑片，甜酸又醒胃。

放工同同事打算係灣仔附近食晚飯幾年前係金鐘返工嘅時候食過餃掂所以經過門口見又唔洗等位就入咗去回味下主打各式各樣嘅餃子 仲有雲吞、小食同麵霸氣嘅「天下第一餃」大白菜豬肉餃肉同菜嘅比例啱啱好！豬肉同菜都好新鮮餃子用湯煮完即上即食元貝豬肉餃元貝一絲絲mix埋豬肉食落幾鮮味再有啲芹菜 令到餃子更香加少少四川辣椒油簡直一級棒！壽喜燒牛肉餃揀左煎嘅以前好似冇食過呢個一咬落去外皮脆 饀料多汁牛味仲好濃點陳醋一流至尊松茸豬肉煎餃真材實料 皮薄饀靚 咬落啖啖肉仲好香松茸味仲配埋個狀元九鼎湯 個湯好清甜 好濃粉葛味下次嚟試下灼嘅先！

今晚去演藝睇舞台劇，放工即飛去灣仔搵食！每次去灣仔都會經過呢間餃子店，今晚決定一試！四川涼麵：因為唔係好食得辣，所以選擇唔辣！麵質清爽，不軟不硬，配芝麻醬、花生碎、葱花，非常清新，好好味！大白菜豬肉湯餃：一碗有10隻餃子，清爽大白菜配豬肉係我最愛嘅選擇！湯底好甜，就算唔蘸醬料都已經超好食！（但佢啲醬料又非常正喎）壽喜燒牛肉餃：除咗湯餃，煎餃又係另一個好選擇，餃子煎到外皮香脆，餃子充滿牛肉汁，加上洋蔥香味，非常好味！店舖小小，但餃子選擇好多，重要係手工餃子，皮薄餡靚！絕對無得輸！下次可以試下特色餃子！

平時食嚟食去都係粥粉麵飯，真系有啲悶。夏天會想食啲清新啲嘅菜式，好似美味既餃子最啱胃口啦。去咗餃掂灣仔分店食lunch，呢度嘅環境舒適，餃子嘅口味選擇十分多。💗龍鳳松茸雙灼 $86黑松露同白松露一向係西餐嘅矜貴食材，而家竟然喺餃子度搵到，真係好矜貴。 黑松露同白松露餃，口味各有特色，散發濃郁香氣。💗惹味酸辣雲耳$25 小食開胃，酸酸辣辣， 令人食指大動。 🥤自家製山楂雪梨水$28清甜潤喉既健康飲品。

自從第一次食過餃掂之後，囡囡就成為咗 佢嘅粉絲。😍我地好多分店都去過，我哋就最鍾意灣仔分店。因為呢度啲店員姐姐好nice，而且餐廳夠大，座位多，食得舒適。每次指定要食粟米豬肉餃10隻（$ 54）豬肉餃大大隻，好足料，餡料juicy 。佢好鍾意粟米嘅爽脆清甜，我都好中意，大家一起食。鍾意個湯底系狀元九鼎湯，用上粉葛煲，每次都飲得一滴不漏。蜜餞雞翼 $32 (5隻) 雞翼嘅醬汁甜甜地，大人細路都鍾意。檸檬薏米水$28夠大支，夏天飲好fresh，消暑去水腫。

堂食過幾次的了外賣也叫過 最鍾意係佢哋Ge煎餃子煎得適中且餃皮非常之香脆🧡韭菜煎餃係我每次必叫的 皮薄餡靚今次仲試咗🧡芝士粟米餃子原來芝士做餃子的餡料都非常之夾的😋😋咬落又脆又帶有芝士香味其他嘅麻辣小食我都好喜歡今次叫左-🧡尖椒皮蛋比譚仔皮蛋大粒🤣-🧡 四川涼麵辣椒醬和芝麻醬放咗係側邊可以慢慢混合在一起因應自己接受的濃度和辣度-🧡手拍麻辣青瓜如果唔食得辣記得同店員講要食小小辣整體感覺都唔錯，幾抵食👍🏼

很大的港式雲吞，有如乒乓球那麼大，十分鮮味彈牙，粉麵和湯就是比較一般。價格也不是很高，絕對可以接受。該店環境整潔，員工也十分親切有禮貌，食物水準較高，價錢也很公道，推薦大家可以一試，相信能滿足不同口味的朋友。

日日食漢堡包薯條pizza我唔得，但講到煎餃子我真係可以當飯食，百色不厭！！灣仔呢間餃掂，成日客滿，因為佢哋啲餃子真係好好食，又多口味選擇。每次嚟我起碼自己食到7隻！今日同啲fd嚟，終於可以叫到幾款口味大家share喇，好開心呀～野生松茸素餃，我每次都食呢款，我好鍾意呢隻味，松茸味其實係有少少苦苦地，但係非常之香。個人鍾意食煎多啲，表面香脆同入面啲餡料嘅對比真係妙絕。松茸係日本人非常之崇拜嘅保健食品，聽說好有益，我就係覺得好食啫，如果對身體好就係bonus啦～元貝豬肉餃我第一次食，我就覺得同白菜豬肉餃有啲似，咬開入面件都有元貝絲同金針菇同埋蔥。由於元貝唔係一啲好重味嘅嘢，啲味係比豬肉蓋住咗，唔係好食得出。但係用料係矜貴嘅，所以係值呢個價嘅。我下次會試下叫湯餃，可能會同元貝夾啲。一定要介紹下呢到個調味架，好多醬料選擇！我最鍾意係陳醋+四川辣椒醬，兩樣溝埋真係天下無敵！！另外叫咗個四川涼麵同涼皮，可以揀辣度，唔係好食得辣嘅朋友仔唔好見到四川呢個字就嚇親，怕辣都可以食架～涼麵另外附上麻醬，撈埋啲辣油，蔥花同花生碎，好味到飛起！啲麵條係彈牙嘅，我就好鐘意喇！涼皮唔係太多地方有得食，同涼麵差唔多

夜晚加班，唔想食太油膩，都會去食呢間餃子店，暖胃健康又好味。平日最鍾意食椰菜豬肉餃子，味道鮮甜。今日同事話請客，唔客氣咁叫左至尊松茸豬肉餃同元貝豬肉餃。松茸餃松茸分量唔少，味道比其他餃子濃郁好多，另外會送上一款醬，入邊有少許松茸，味道似XO醬，點上之後餃子味道更加豐富。至於元貝餃，內有芹菜，我就麻麻地呢類有味菜，同事就好鐘意。食完唔夠喉，再叫左碟龍鳳松茸煎餃。呢個餃子非常好味，煎餃香口，味道濃郁又帶黑松露香味。食完大滿足。

這家餃子分店不少，特別喜歡灣仔分店這家分店的出品特別好，店員也是友善熱情的除了餃子，這趟也點了龍鳳蛋作為開胃菜！！！！一碟有四件，分别在溏心蛋上加黑松露醬和白松露醬蛋香和松露的味道也很搭配～龍鳳灼餃一份八顆，四顆混合白松露醬，另外四顆則是混合黑松露醬兩款松露醬也與肉餡非常相襯，美味可口另外一碟是芝士煎餃，可選中份 七顆或大份 十顆每一顆都煎得金黃香脆半溶的芝士雖然邪惡，但的確令人無法抗拒！！！灼餃附上的湯品沒有加上味精，渴後也不覺口乾檯上的辣油跟菜甫更是神來之筆沾上後的餃子令人愈吃愈起勁