露面手工拌麵料理

营业中

休息中

久唔久就會掛住呢度既醉豬手所以呢日放半晝就同左好朋友黎食我當然即使鎖定目標，要份醉豬手餐朋友仔就分別要左個辣拌麵餐同小雲吞麻辣小雲吞一份十粒，湯頭有不少紅油朋友話雲吞一口一粒，辣度適中加配既豆漿正好解辣而辣油子魯肉拌麵，我雖然無試，但望落賣相都唔錯，有好多魯肉～～朋友要左小辣都話辣勁不輕配上既雲耳酸辣開胃而我最期待既醉豬手都無令我失望酒香皮爽，一份有4-5件，食得滿足套餐包埋既菠蘿青檸蜜，冰冰凍凍咁都幾好

今晚在灣仔電腦城買點東西，順便在附近搵食，發現這家露面手工拌麵料理，有提供特別的BiangBiang麵，就來試試水準。餐廳主打各種不同的特色拌麵，亦有多樣小吃，以及不同的飲品。野生松茸鮮雞湯先點一客野生松茸鮮雞湯，以野生松茸細燉帶出湯頭濃郁甘醇的美味，舉勺淺嚐，一口先暖了脾胃，再者齒頰留香，不但十分和味而且層次豐富細緻，純粹天然真味，沒有一點味精。秘制香槽醉豬手豬手以香槽漬浸，酒香馥郁滲透肉骨，皮爽肉滑，份量不少，可以滿足地咬肉啃骨，十分痛快。鎮店蟹皇拌麵點了一客招牌的鎮店蟹皇拌麵，一大碗的蟹皇，配以掛汁能力極高的細麵，濃郁蟹皇一入口那滑膩、鮮味與蟹香三位一體的非凡滋味，但必須加入枱面上的鎮江醋，以淡淡的酸爽帶出更香濃的鮮味。油潑辣子魯肉BiangBiang麵亦點了香港十分少見的BiangBiang麵，油潑辣子的風味，刺激著舌頭，辛辣同時回味悠長，而BiangBiang麵麵條口感筋道醇厚，煙韌有嚼勁，水準之作。極品陳年龍鳳檸蜜龍鳳即是咸檸檬和鮮檸檬，一呷暑氣全消，純粹天然果酸，酸甜適口，腴而不膩，生津解渴。

蟹黃一直是我喜歡的食物，凡是以蟹黃作特色的菜式都要點來一試。朋友在openrice上找到這一間以蟹黃拌麵作招牌菜的餐廳，我立即就來試一試。 當天是平日晚上七時，餐廳大約有一半空位。入座後看了一會餐牌便已決定要點蟹黃拌麵。當晚開放廚房內有一位女廚師不停大聲責罵女侍應，完全没有侍應理會我所坐的區域。點菜後等了約25分鐘，旁邊比我遲來到的食客都已經快用餐完。我忍不住催單，不久後主角蟹黃拌麵終於出來。蟹黃滿滿一碗，看似慷慨。我立即放一匙蟹黃入口，立即對它非常失望。蟹黃的味道非常淡，感覺是用了極少的蟹羔蟹肉去調的醬。某以蟹黃作招牌菜的連鎖餐廳的蟹黃都比它香濃得多。拌麵的麵條質感極差，濕濕的粘作一團，我要用筷子把它解開，才能勉强入口。我完全想像不到為甚麼一間招牌菜那麼差的餐廳能在短時間獲得多麼好評。而且當晚我在餐廳逗留的一小時期間，女廚師不間斷地大聲吵鬧及發脾氣，相信没有人會想在這樣的環境下用餐吧。

食過幾次露面，價錢係灣仔黎講算中等，但食過就知佢地份量都幾多，所以性價比頗高。適逢最近大家好興食蟹，所以我都黎左露面食佢既鎮店蟹皇拌麵。呢到好多時都坐滿，坐位唔算寬敞，不過就枱比較多，唔駛等好耐位。🔹鎮店蟹皇拌麵🔹滿懷期待黎食呢個，果然冇令我失望～蟹皇茨汁同麵分開上，拌麵汁金黃色好吸引，幾濃稠甘香，可以食到入面一絲絲蟹肉，而且鹹淡適中，食晒都冇感覺好heavy。🔹秘製香糟醉雞🔹有驚喜，淡淡花雕香味，入口冇酒既苦澀，有一點甜甜地，加上雞肉嫩滑，非常好味。🔹野生松茸鮮雞湯🔹食拌麵點都要配碗熱湯，十分推介呢到既湯。用燉盅上，上面滿滿既松茸粒，雞肉亦好多，難怪入口非常鮮甜。

平時好鍾意食拌麵嘅我，經過灣仔一間手工拌麵就入咗去試吓～叫咗一個辣嘅魯肉拌Biang Biang麵同幼麵～套餐嘅話仲可以揀多一個小食，揀咗蒜蓉青瓜～再加多一個口水雞小食！••Biang Biang麵幾特別，有啲似上海手工麵同闊條麵嘅感覺～佢啲辣汁好入味！佢嘅魯肉同平時食嘅有啲唔同，比較大粒有肉，同埋分享好多👏🏻👏🏻👏🏻👏🏻👏🏻••幼麵相對上比較清，不過好香～同埋呢兩個拌麵其實都係熱既，唔會凍冰冰，Nice~

今晚夜左收工 大陸同事話一齊食晚飯於是佢就帶咗我去公司附近嘅露面手工拌麵間餐廳主打食手工麵 有四種麵選擇有種麵直情係連讀都唔識讀 叫Biang biang 麵既然係咁就一於試一試Biang Biang麵，挾起來長約兩呎多、近3cm闊，咬下去口感相當煙韌順滑、柔韌的麵條，係風味十足的陝西菜。鎮店之寶的Biang Biang麵便以油潑辣子的做法，在麵條上香料如辣椒、蒜泥等，最後把煮熱的滾油一灑，原來這動作稱之為「油潑」另外仲叫咗高湯小雲吞 都幾大碗 有大約10粒小雲吞 味道鮮甜仲同同事一人叫咗一個燉湯 燉湯好足料 絕對係誠意之作最後仲叫咗個醉雞 佢俾咗最靚嘅位我哋 有雞髀食好開心🥰

之前都黎食過 突然間好想食酸菜魚同佢個醉雞諗住平平地食就過左黎 回味下這間店最出名就是它的招biang biang面，有少少手打面既感覺。最好係呢隻面吸湯力強，所以當食好好味既湯面既時候 配呢個面食就最襯啦。 由其是酸菜魚湯，食起上黎真係份外惹味弓魚係鯇魚片，魚的份量都好多，酸菜和芽菜的份量也不少。 仲有好新鮮又入味既蘿蔔如果要講我會覺得個蘿蔔 由配角變成左主角 朋友就食油潑辣子魯肉 biang biang可惜個麵有魯肉就有少少似五香肉丁甘乾身唔係我地想像中想要既味道 個醉雞就一如以往 發揮得好好酒香非常入味，雞皮爽爽唔會太肥，酒味香甜，雞肉嫩滑

小米完成活動後, 來到這邊. 看到店門的招牌寫著<啖啖魚肉酸菜魚>, 小米就指著叫 : <肉酸>菜魚呀!~肉酸呀!~肉酸呀! 小米的想像力, 真教人會心微笑! 既然來到, 我倆就順便在此來個下午茶吧! 就座後, 細看下午茶餐牌, 選了平實的雲吞麵, 而小米就點了他的至愛......   啖啖肉酸菜魚 BIANG BIANG麵        小米看到酸菜魚, 馬上兩眼發光. 不過這是首次遇上酸菜魚&麵的配搭. 食物上枱後, 小米表示BIANG BIANG麵有陣陣奇怪的氣味.  餐牌列明 : BIANG BIANG麵是自家手工制作!!! 無添加化學物質!!!  那陣陣陌生的氣味, 可能是麵粉發酵/醒麵後的味道! 小米隔著酸菜魚, 仍然能感到這BIANG BIANG麵氣味上的不同, 嗅覺果然靈敏!   來到熟悉的酸菜魚, 要先打撈一下, 看看有什麼配料. 薑, 辣椒, 豆芽, 酸菜和主角~魚.  魚肉凹凸有緻, 起碼不是長期雪藏鯰魚柳. 先取一件魚肉試試吧! 魚肉表面帶啞光, 没有蛋白漿作潤澤, 魚肉較實在, 未有川菜館那麼專業. 而湯底以鹹酸為主, 辣次之,

秋季到啦，又係食蟹好季節～ 即刻食個蟹皇拌麵， 🦀️蟹膏味香濃，撈埋爽滑嘅麵一齊食，呀～ 超正❣️既然拌麵係招牌菜，我哋又食蟹個鮮茄牛腩拌麵～ 蕃茄味同樣鮮味濃郁，鐘意蕃茄嘅朋友唔可以錯過～ 除咗主菜，拌麵菜都好重份量～ 手拍青瓜同重糟醉雞，食到舔舔脷😋同枱加單，滷肉飯～ 大大碗，滷肉非常入味，汁量剛好，撈埋飯食簡直ichiban👍🏻朋友飲野生松茸鮮雞湯，一睇都知落足重料，好滋補～ 我就飲滑溜溜香芋鮮奶，正👍🏻

收工想食醉雞又想食麵，上網搵下灣仔有冇啱嘅選擇，發現這間露面手工拌麵好似幾啱食，一於去試下先。朋友點了這款滑溜溜香芋鮮奶$28，佢話幾好飲。我就係跟餐蜂蜜百香果茶+$6，清凉潤喉。我點了油撥辣子魯肉 $82 (中辣)餐，沒有想像中辣，愛辣的我下次可以再上一級，肉香味濃，伴上煙韌彈牙的手工面好夾。跟餐有青瓜芥香麻將雞絲粉皮 $42麻醬香濃，粉皮爽韌，雞絲嫩滑，伴匀好美味。秘製香糟醉雞 $58醉雞肥美，酒味香濃，肉質嫩滑，十分入味。韭菜豬肉水餃 $30皮簿餡靚，韭菜夠多豬肉香，每隻都十分飽滿。

平時係灣仔番工成日都好煩惱lunch食咩野 今日同事話想食蟹黃面 我地就黎左呢間手工拌面食lunch啦 其實之前我地有外賣過呢到既手工拌面 味道都算唔錯 所以決定今次翻兜黎試下堂食😋😋口水雞雞件都幾嫩滑入味 唔算話好辣 而且份量比想像中多 芥香麻醬雞撕粉皮粉皮口感爽滑 麻醬味道十分濃郁 忍唔住食完一條又一條 好彩見到餐牌會話低卡之選 即刻無咁guilty 🙊🙊蟹皇拌面餐廳好貼心咁將蟹皇同面分開 可以試到蟹皇既原汁原味😍😍 就咁食左幾啖之後 就倒曬d蟹皇落拌面到 蟹皇份量相當慷慨 食到啖啖蟹肉 而且面條十分掛汁 超級美味！台式滷肉拌面滷肉同拌面比例岩岩好 唔洗驚食到最後齋咁食拌面 滷肉油脂味十足 醬汁味道亦非常惹味

「沒有無緣無故的恨？亅「做乜今次的標題咁負面？ 唔似你作風！亅「 吓！！我恨食麵咋！ 唔係恨見你一面😂。。。唔好表錯情！」「 有什麼緣故呢個麵得你咁恨食？ 特登要叫我山長水遠出嚟陪你？ Are you sure？ 亅「 咁有好嘢梗係要同朋友分享啦！ 呢個台灣手工口感麵線是上次同事介紹我來吃的， 真心好食， 咁今日再約你出嚟吃，就可以自己回味多次之餘又介紹下好嘢畀你食囉！ 而且大家咁耐冇見，重可以順便敘敘舊。亅。。。🦉聽福福郎的同事說， 這間店最出名就是它的招牌biang biang面， 因為呢個字實在太難寫， 所以在店家的menu也只是放了英文譯音。。。福福郎最愛之選：啖啖魚肉酸菜魚Biang Biang麵 $68Biang biang 麵是一種闊條麵， 麵身很粗， 放在盤中 ， 對比起幼麵來說，有一種獨有的霸道氣勢。 麵身雖然闊大，但是吃下去的時候， 一點也沒有粗枝大葉的感覺，反而軟硬適中。麵身很有咬口。。。及帶一點Q彈， 由於麵條夠闊的關係， 剛好可以把酸菜魚湯和一些配菜「掛亅在上面， 吃起來更是原汁原味，份外惹味。。。讚讚！酸菜魚是用鮮鯇魚片來做的， 吃起來味道鮮甜 ，魚的份量頗

今日收工同同事行經莊士敦道，原來開咗間"露面"，正想食下麵食，新開試下先。餐廳主打拌麵及湯麵，麵底有五款選擇，包括擔擔麵、蛋麵、biang biang麵、菠菜麵及大熱的白布湯闊麵！雞絲粉皮 $42粉皮口感清爽，與雞絲與青瓜絲一併混芥香麻醬好惹味又有口感。香糟豬手 $55豬手富輕輕酒香，保持爽口，皮厚骨大。鮮茄牛腩拌麵 $55牛腩味香濃，醬汁蘸麵上，麵質彈牙可口，牛腩腍軟入味。重糟醉雞 $58醉雞肉質嫩滑肥美，酒味香濃入味，味道十分有驚喜。油潑辣子魯肉biang biang $55biang biang麵較薄身及幼身，口感輕盈，但保持有彈牙及掛汁。此麵加入滷肉及自家製油潑辣辣椒醬，更可選大/中/小辣，香辣惹味、份量足，很有飽足感。野生松茸鮮雞湯 $38湯夠熱又夠清潤，無味精，啖啖松茸鮮雞香，天氣涼飲最啱。滑溜溜香芋鮮奶 $28（熱）

🥢露面手工拌麵料理 (灣仔)🔍灣仔莊士敦道55號地下A號舖-----有一段時間冇黎灣仔呢一頭，近日路過發現呢間好耐之前食過嘅餐廳多咗好多人排隊，😛吸引咗B仔又想黎食多次。✨午市套餐（$82）👉🏻秘製香糟醉雞 👉🏻滷肉飯👉🏻菠蘿青檸蜜.六點幾黎都仲有午市套餐可以叫，呢點好加分，香糟醉雞酒味濃郁，而且非常入味，幾乎落到骨位都食到醉香。💕滷肉飯更係驚艷水準，滷肉肥瘦適中，無過多肥肉，滷肉汁濃而不油膩，調味高質過好多台式餐廳，相信好多人都係為咗呢一碗滷肉飯而黎。菠蘿青檸蜜清香不甜膩，不過個人更加鍾意上次飲嘅蜂蜜綠茶（但餐牌暫時冇咗呢個選擇）。✨皮蛋豆腐 $35呢一疊前菜嘅靈魂所在就係皮蛋，豆腐通常質素都比較穩定，而皮蛋就可以好參差，呢一度嘅皮蛋豆腐連蔥花都母無粒，又冇柴魚，皮蛋切得唔功整，卻令我覺得係少有地非常高質嘅皮蛋豆腐，原因就係因為啲皮蛋真係好靚，味道濃郁極致，香軟幼滑，令人啖啖都有怦然心動嘅感覺。✨粒粒巴蜀大雲吞 $35非常飽滿嘅大雲吞，食落餡料豐富，加上香辣而不嗆喉嘅辣油，三五兩下，就比👶🏻我吃過清光。✨鎮店蟹皇拌麵 $98麵質彈牙非常，而且好完整，條條都非常之長，蟹皇汁裡面有絲絲

有時獨食都真係唔錯，又唔使就人，自己鍾意食咩都得，我就最喜歡自己一個食麵，尤其係台灣麵。好，坐低睇下有咩好食先。油潑辣子魯肉biang biang 麵，魯肉四四方方大大粒，個醬汁係底，拌好先食，個辣味勁度十足，麵條闊身可以大面積沾上醬汁，食落有咬勁，正！麻辣雲耳，跟餐有小食，呢係雲耳好爽口，最重要係麻辣得黎易入口又惹味。滑溜溜香芋鮮奶，個奶真係好滑，好重奶味，每飲一啖都都香芋蓉混埋一齊，越飲越追住飲。