露面手工拌麵料理

营业中

休息中

今日咁岩喺灣仔見完客，行開見到一間手工麵店，就入去試試新野先。我哋入去嗌咗兩個涼拌，分別係麻辣雲耳同埋雞絲粉皮，麻辣雲耳個辣度非常之香，而且辣汁唔會話搶喉，而且係重蒜，所以我哋極為鍾意。雞絲粉皮呢就有滿滿麻醬，每一條雞絲同粉皮都被滿滿嘅麻醬包住，真係超級幸福，重點係四十零蚊，但非常之大碟，我哋兩個完全係食唔晒，性價比極高。因為我哋叫左個套餐，所以主食揀咗滷肉飯，滷肉飯完全係台灣嘅味道，另外一個主食就係醉雞，雞肉非常滑溜，酒味唔會太過重，所以仲可以保留雞嘅香味。見到隔離枱食緊個蟹粉撈手工麵，於是我哋又叫一碗嚟試吓，滿滿嘅蟹粉湯撈落去手工麵度，蟹粉湯入邊十分足料，超級多蟹肉，而且個蟹粉好香，真係驚喜之作。

露面 - 性價比醫肚之選 適合三五知己吃飯的好地方前兩日同朋友黎到灣仔想尋覓可醫肚嘅餐點。我地行入一間叫「露面」嘅餐廳坐低，店內環境比較闊落，而員工態度都好友善，我地嗌左店內比較招牌嘅食物。油潑辣子biangbiang麵（小辣） $55之前係其他地方都食過呢種biangbiang麵，但係呢次帶俾我截然不同的口感體驗。作為陝西傳統嘅麵食，呢種麵一般而言係偏香辣及微甜嘅，呢種口感對於油潑辣子嘅用料同麵條嘅麵質十分講究。我同朋友都唔太食得辣，所以嗌咗小辣諗住俾胃舒服啲。嗌餐約莫十分鐘後油潑麵上檯，油潑辣子用咗肥瘦相間嘅肉作為用料，入口肉香味四溢。值得一提嘅係辣味同甜味中和得幾好，唔會彼此蓋過味道。口感都較綿密厚實，令人有種啖啖肉嘅感覺。麵質亦都非常彈牙，比較有咬口，連埋啲汁一齊下肚，唇齒留香。鎮店蟹黃拌麵 $98蟹黃拌麵係間鋪頭嘅招牌，先講個麵質，非常有咬口偏向北方口味。重點係個蟹黃，分量足足有成碗，入面有蟹黃、蛋黃、蟹肉同醬料，而蟹黃睇上去個比例就偏多，加上成碗金黃色淨係個賣相已經令人食指大動了。蟹黃質地厚身，撈埋啲麵食落口感有少少似日式沾麵，食落好有滿足感。入到口，蟹香十足，每舊蟹黃蟹肉

放假諗住無咩特別，去到邊食到邊，就見到呢間價錢相宜，食拌麵既餐廳，就入去試吓啦🤩午餐有個午餐set既menu:🌟一人拌飯 $82🌟我就揀咗食拌飯，因為比佢哋既豬手吸引住🤪餐牌上有兩款豬手，分別係秘制香槽醉豬手同香辣豬手，諗咗一陣就揀咗前者，味道係平時食既醉雞味道，只係轉咗豬手，不過呢度既酒味無咁濃郁，上面有數粒杞子點綴一下，顏色顯得無咁單調🤤拌飯餐就跟一個滷肉飯，裡面仲有半色滷水蛋，滷肉味道香濃軟腍，唔會過咸同埋會食到啲一粒粒既香料😅野生松茸鮮雞湯 (原盅) +$18見就咁飲一盅湯都要$38，跟餐淨係加$18，就試吓先，好足料既湯配料，溫度好熱，應該係成盅燉住，然後再拎出嚟，連個蓋都好熱，味道好清甜滋潤☺️🌟一人拌麵 $82🌟朋友就揀咗鮮茄牛腩拌麵，麵方面係手工麵，分別有四款可以揀：蛋麵、擔擔麵、Biang Biang 麵、菠菜闊麵；朋友鐘情擔擔麵就照揀返擔擔麵，我下次嚟食要試吓佢哋出名既Biang Biang麵先得😆btw朋友覺得麵質比較淋身，硬身返少少會比較好，配料係用新鮮既蕃茄，牛腩肉質軟腍而不韌🤩小食就揀咗手拍小青瓜，爽口開胃，不錯既前菜👍🏻🌟滑溜溜香芋鮮奶 +$14🌟跟餐加$1

露面手工拌面料理今日約咗個好朋友去咗灣仔行吓街食吓嘢，行行吓攰當然就係搵嘢食啦，去推介話附近有間唔錯嘅拌麵好想試吓，見到入邊都好多人一定係唔錯先多人選擇淡淡魚肉酸菜魚果然同菜式名一樣係超多魚肉，湯底都幾濃郁酸菜超多，配細嘅幼面絕對一流野生蟲草鮮雞湯呢個燉湯係朋友叫嘅，湯底超級嘅好飲鮮雞湯嘅鮮味同蟲草嘅味，絕對係補身鎮店蟹黃拌麵朋友叫咗個鎮店蟹黃拌麵，上枱都已經覺得好有氣勢，佢哋嘅蟹黃係超級嘅豐富有口感，加上伴麵黎食絕對係冇得輸極品陳年龍鳳檸蜜食完咁多知音嘅嘢當然又係要叫番杯補身嘅靈物啊，用上陳年嘅陳皮再加上檸檬，絕對係補身之選整體佢哋真係做咗一啲好特色嘅料理絕對係灣仔獨特

今晚放工來到修頓附近食麵，舖面好光猛，睇落好乾淨。平日晚7點左右直接行入去搵位坐就ok。鮮茄牛腩拌麵（$55），牛腩炆得好林，有少少筋，好易入口。腩汁好有誠意，有骨膠原嘅口感。🤣 最緊要係汁夠多，夠撈碗麵。蕃茄都唔少，蔬菜來講已經好足夠了。蔥花好多，成碗撈暈來食就啖啖都有野咬了。🤣油潑辣子魯肉biang biang 麵（$55），Biang biang麵聽落好搞笑，原來係改良版嘅陝西麵，仲要係手工做嘅，聽落好有誠意。🤣 麵身似刀削麵個種粗度，咬落煙韌，亦都沾到好多辣醬汁一齊食，值得推薦！我揀左個小辣試一試，佢係麻辣，好香好好食，連唔識食辣野嘅我都入到口。 魯肉粒都係好林好入口，肥瘦得而，仲有啲菇仔撈左係入面，好豐富的。怕唔夠飽，叫多碟小食 芥香麻醬雞絲粉皮（$42），雞絲好多，啲肉滑滑的，青瓜絲都算多，粉皮偏粗身，夠薄，撈麻醬食一流。👍飲品我就要左杯菠蘿青檸蜜（$24）少甜，清清甜甜嘅，適合天口熱時飲，入面仲有啲菠蘿渣咬下。🤣朋友個杯係滑溜溜香芋鮮奶（$28），口感真係非常滑溜，好香芋頭味，而且一啲都無想像中咁濟，好快就啜晒落肚。🤣總結：我哋兩個人都食得好飽，好滿足，會再複桌。

灣仔呢間露面，其中一味招牌菜係蟹黃拌麵，今日一於同朋友嚟試一試佢。鎮店蟹黃拌麵 ($98)蟹黃醬熱度十足，入口非常香濃，蟹肉一絲絲十分鮮味，麵條幼滑無比，麵質有韌性，口感很好。套餐 秘製香糟醉豬手+滷肉飯+菠蘿青檸蜜（$82）豬手非常彈牙，酒糟味香純，鐘意呢度嘅滷肉飯係用肉粒而唔係肉碎，醬汁仲有好香花椒八角味 。皮蛋豆腐$35凍豆腐同皮蛋從來都係絕配，只係加上一點醬汁同蔥花就已經好夠。瑞士雞翼$36雞翼單睇顏色就已經知道係入曬味，食落果然無失望。

☀️☀️夏天特別愛拌麵～撈汁一定好味架啦 當然啦～相對就會油膩heavy啲🤫不過一於少理食左先算啦🤘🏻😙收藏不久的台式店堅持每日新鮮製作手工麵條佢地既「鎮店蟹皇拌麵」😍就係令我心心眼偏偏黎食果日又比其他野食吸引左女人真係一時一樣😂🕑午市套餐拌麵+小食+飲品 $82無加一服務費灣仔黎講算幾抵食👍🏻👍🏻質素又唔錯 性價比高喎😋◼️◻️鮮茄牛腩拌麵◻️◼️拌麵揀左擔擔麵，因為較易吸收湯汁，所以麵質濕濕稔稔，甚至可以形容為一餅野😝一定係易消化！未必滿足到愛煙韌彈牙既你！汁醬唔少，顏色鮮艷明顯落左唔少茄醬/茄膏，食落都係偏甜，有幾舊真蕃茄咬下，另外正正方方既牛腩份量唔多，每一舊肉我都珍而重之🤣🤣🤣不過好稔好好食！已經飽既我都想食晒成碗拌麵！唔知係咪太甜，食完有啲起痰🤭◻️◼️油潑辣子魯肉Blang Blang麵 ◼️◻️請教過職員，Blang音「柄」🤣呢個BlangBlang麵來自陝西，比較有嚼勁咬口，我覺得有少少似薄身既刀削麵，我地都幾鍾意！面頭果埋魯肉肥瘦適中，而且不得不讚有冬菇粒！！比魯肉更入味更香更好食🥰油潑辣子唔講得少，香辣度幾強！邊食邊流鼻水，但呢種辣又愈食愈香😋愈香愈忍唔住一啖接一啖！每條麵都能夠沾滿

每個人心中都有一碗麵主打的手工麵底的露面，擔擔麵，蛋麵，菠菜麵及Biang Biang麵，四款入面我選擇比較小有的Biang Biang麵，係露面會食到來自陕西的改良版，變得更薄身和幼身，不像傳統厚實的感覺，食落輕身，有嚼勁和掛汁的效果。星期六都有午餐同下午茶都可以揀，午餐同下午茶嘅選擇都好多。秘製香槽醉雞配滷肉飯香槽醉雞嫩滑，花雕酒味十足，均勻浸透到每件雞件中。魯肉飯脂肪與瘦肉層次分明，份量足夠一人食用。加錢轉了十分足料野生松茸鮮雞湯, 松茸的香氣和熬出來的雞味好夾。油潑辣子魯肉Biang Biang麵，油潑辣子魯肉惹味但不油膩，Biang Biang麵有嚼勁和掛汁。滑溜溜香芋鮮奶，香滑軟綿，令我有續杯的衝動。巴蜀粒粒大雲吞，皮薄加上餡料十足，口感十分豐富。傳統開揚蔥油拌麵，面上的是蔥，整個面味道軟甜，我會加埋桌上提供的辣油，味道會更上一層。整體食物質素高，性價比高，餐牌選擇多，下次要試鎮店蟹皇拌麵。

星期六既傍晚去左食 當初揀呢間因為覺得個名好特別 CP值感覺又吾錯去到 可能因為時間早既關係 人客吾多 佢主食系大概$52-70左右 去到六點都仲有午市套餐😂價錢就系$82 有一個餸 配魯肉飯加一杯飲品因為我地會有下一場 所以就無叫到$82套餐 友人分別叫左 單點 魯肉拌麵（$52）麻辣牛𦟌biangbiang 面（$68）同七彩雞絲冷面（$55）我就叫左酸菜魚biangbiang面套餐 $68包一杯飲品酸菜魚湯同biangbiang面分開上 所以食既時候biang biang 面食吾到酸菜魚湯味 口味分開左咁 酸菜魚湯有鯇魚 芽菜 白蘿蔔條 湯底有啲辣 慶幸佢有跟一杯飲品 吾系可能食吾哂佢既飲品感覺小貴 無welcome water 要水既既話就$9一枝礦泉水 建議大家吾食得辣既就吾好叫辣既面啦

經過發現一間台式餐廳，見都幾多人食，決定try try 呢間露面！🔸環境🔸座位空間、枱與枱之間距離足夠，感覺舒適。🔸午市限定(1拌麵+1小食+1飲品)🔸$82選擇左比較嘅地道台式滷肉拌麵、麻辣雲耳 配 菠蘿青檸蜜，台式滷肉拌麵不會太鹹，有小小辣味，吃起上來不會太油膩。麻辣雲耳辣到適中，雲耳都算幾爽脆。酸酸辣辣，食起上嚟有點開胃嘅感覺。配上菠蘿青檸蜜清甜嘅味道，唔會係死甜果種，在炎炎夏日解暑一流。🔸嫩雞白布湯闊麵🙃$68大大片嘅麵，有啲似某間好出名既白布烏冬，識落好似食緊一塊塊雲吞皮咁，感覺好新奇，湯底係傳統上海雲吞河，加上切開咗一粒粒嘅白菜，同一條條嘅雞絲，超級飽肚又感覺幾健康！🔸老壇酸菜湯小雲吞🔸$42這碗酸菜湯小雲吞，細細粒嘅小雲吞配搭酸菜湯，小雲吞計計埋埋大概有10幾粒左右，算係幾足料👍🏻🔸餐牌🔸

灣仔美食多，今日行經莊士敦道，見有間手工麵店「露面手工拌麵料理」，係openrice都幾多人推介，為食的我，就決定試下呢度嘅手工麵呢度嘅一人套餐好抵食，麵+小食+飲品/主食+滷肉飯+飲品，都只係$82鍾意濃口味嘅我，今晚點咗麻麻辣辣牛展Biang Biang麵，巴蜀口水雞麻麻辣辣牛展Biang Biang麵，跟一碗靚湯拌麵麵底係粗條、扁身手工麵，入口彈牙，牛展厚切，入口軟諗，有滷水香味，麻麻辣辣汁，就味道香濃，仲越食越辣另外，就係要介紹碗跟麵靚湯，呢碗湯真係好好飲，湯入口清甜，最重要係，個湯有減辣作用，超正巴蜀口水雞雞份量幾多，入口先食到有酒香，接著就係香濃花椒香麻味，雞肉肉質嫩滑，好好食

叫到成枱野食，上到枱先知樣樣都好大份，好足料！而且整體食物都有質素，性價比高。巴蜀粒粒大雲呑 $35 以為類似紅油抄手咁，原來只係無浸湯既雲呑加辣椒油。粒雲呑真係夠大粒，好足料，好食！加埋秘製辣椒油好香好惹味！（唔夠可以自己再加）現場見到有同店員包緊水餃，望落都好大隻。芥香麻醬雞絲粉皮 $42 粉皮彈牙，麻醬比較杰身，撈埋雞絲青瓜絲同芝麻，多重口感，正！溫馨提示，因為太多料，所以要小心啲撈，唔係就跌晒徙左拉。野生松茸鮮雞湯 $38 雖然賣相同餐牌上有點差異，但松茸片幾多，仲有件煲到入口溶化既雞，飲落好鮮甜。油撥辣子魯肉Biang Biang麵 $55 餐廳主打手工麵，呢個Biang Biang有點似刀削麵，麵條粗身有嚼勁，夠掛汁。個魯肉係半肥瘦，夠入味，仲有冬菇粒，兩者size差不多，食起來口感豐富，味道唔錯，我再加埋秘製辣油撈埋食仲正！啖啖魚肉酸菜魚 $68 呢個麵餐好抵食，仲跟埋杯菠蘿青檸蜜。不過我見另一個叫左Biang Biang麵，呢個就加$3轉波菜寬麵。酸菜魚上枱果陣都覺得好大碗，但原來碗麵係另上！真係好足料！魚片好多，雖然唔算好嫩，但都可以接受。另外仲有蘿蔔條，大豆芽等等。

我個人都好厚道唔到最後一步都唔會俾劣評呢間服務，嘢食都唔太ok但我都無俾劣評🤣話說喺office做嘢做耐左醒起食lunch已經2點3，4又未到下午茶時間唔理啦已經餓到傻照食lunch反正tea啲份量咁少我都唔會夠食貴啲就貴啲一個差唔多90蚊啲lunch set居然咁失水準一入到餐廳我未坐低已經好醒咁話：「唔該俾個餐牌我！」個呀姐勁大聲喝我:「下午茶未夠鐘！」我好無奈咁答:「我食午餐！」心諗，大佬呀咩我個樣咁cheap咩下午茶未夠鐘咪俾lunch餐牌囉結果成5分鐘都當我透明佢繼續做自己嘢係都唔俾餐牌我唯有叫過第2個職員呢度連最基本嘅檸茶檸水都無熱飲係都要逼人飲啲咩菠蘿蜜我唔想飲甜嘢呀唔該杯嘢又鬼死咁甜…佢標榜份量大我唔覺囉有幾大個醉雞份量都ok嘅但難食雞好滑個汁勁甜未食過醉雞好似糖水咁嘅味而且啲酒味好唔自然似消毒酒精又甜又刺鼻個滷肉飯其實味道唔差但啲肉好孩完全無汁真唔大碗唔係份量大簡單嚟講係唔會再返轉頭一次俾咗80嘅蚊就算

在香港吃過最好吃的餃子和手工面！那個餃子真的絕了，是冬菇菜肉餃！配上紅油，真的好好吃！友人亦是贊不絕口，一人五隻迅速搞定！先上來的是五色雞絲涼麵，賣相極佳～好大一碗。隨後上了鎮店蟹醬拌面，滿滿一碗蟹醬啊！一開始看菜單圖片還以為會很少料，沒想到～面很勁道，真的一吃就吃得出是手工面。對比之下，涼麵素質就麻麻了～總的來說，味道還是很不錯的！💰價錢：粒粒巴蜀大雲吞（5粒）HKD35鎮店蟹皇拌面 HKD97五色雞絲涼麵 HKD55唯一不滿的地方就是，我們兩人去到時，是有一張四人空桌的。但店員不給我們坐，說要留給四人，讓我們去搭台。無奈，我們又只好坐在門口處。隨後又進來二人，店員就將他們引至四人桌。此時有客離開，再次空出四人桌，又被後續來的二人食客補上；隨後甚至主動詢問坐二人桌的客要不要轉至四人桌。當時也並非繁忙時段，店內桌子並未被坐滿。我就有些不爽：我們點的分量也近四人份，為什麼不給我們坐空著的四人桌；就因為我們先來一會，就要搭台？友人倒是說：不管我們點多點少，應該都有權利坐在那張桌。店員既然跟我們說要留給四個人，隨後就將桌給兩人食客，確實會給我不好的感覺。於是買單的時候我向收銀的店主提出了上述

去食下養顏補身野啦。上次已經試過一d. 今次試另一d款式。 （5⭐️為好食）蕃茄牛腩拌麵（5⭐️）雖然聽落好似好普通， 但就係因為普通， 都做得好食。 牛腩有4-5件， 大大件， 又夠淋身， 用花椒煮， 一d都唔覺有牛的蘇味。 蕃茄有豐富的維他命A， 對視力有幫助。必食-香槽醉豬手（5⭐️）大大塊豬手， 充滿香濃的醋香， 但又唔因面覺得好酸， 杞子可以明目，豬手可以補充骨膠原係女士的恩物蟹黃拌麵（5⭐️)擔擔面是要配搭一啲味道比較濃的配料先至好食， 今次配蟹黃好creamy 的蟹黃, 又配上食蟹季節， 🥰更加好好食😋必食- 野生松茸鮮雞湯（5⭐️)一點味精都無， 保留雞的原味， 細細一盅， 全是精華所在。 但又不會因而令雞煲得變老。.